ఫిన్ టెక్ పరిశ్రమ ప్రాముఖ్యతను ప్రదర్శించే ప్రయత్నంలో, నీతి ఆయోగ్, ఫోన్ పే, ఎడబ్ల్యుఎస్ ,ఈవై సహకారంతో, ఫిబ్రవరి 7-28 వరకు మూడు వారాల పాటు  నిర్వహించే 'ఫిన్ టెక్ ఓపెన్' వర్చువల్ సమ్మిట్ ను ఏర్పాటు చేశారు. నీతి ఆయోగ్ వైస్ చైర్మన్ డాక్టర్ రాజీవ్ కుమార్ సమక్షంలో కేంద్ర రైల్వే, కమ్యూనికేషన్స్, ఎలక్ట్రానిక్స్, ఐటి శాఖ మంత్రి అశ్వినీ వైష్ణవ్ ఈ సదస్సును ఈ రోజు ప్రారంభించారు.

మొట్టమొదటి చొరవగా ,ఫిన్ టెక్ ఓపెన్- రెగ్యులేటర్లు, ఫిన్ టెక్ నిపుణులు ఔత్సాహికులు, పరిశ్రమ నాయకులు, స్టార్ట్-అప్ కమ్యూనిటీ, డెవలపర్లను సహకారం, ఆలోచనల  మార్పిడి , ఆవిష్కరణల దిశగా ఒక వేదిక పైకి తీసుకువస్తుంది.

శ్రీ అశ్వినీ వైష్ణవ్ ఈ కార్యక్రమాన్ని ప్రారంభించి మాట్లాడుతూ, 'గౌరవ ప్రధాన మంత్రి శ్రీ

 నరేంద్ర మోదీ నాయకత్వంలో ఆరోగ్య

సంరక్షణ , లాజిస్టిక్స్ , ఇతర రంగాల కు కోవిన్, యుపిఐ వంటి ఓపెన్ ప్లాట్ ఫామ్ లను ఏర్పాటు చేయడాన్ని మేం విశ్వసిస్తున్నాం‘ అని అన్నారు. పబ్లిక్ ఇన్వెస్ట్ మెంట్ ఉపయోగించి ఓపెన్ ఫ్లాట్ ఫారం సృష్టించబడుతుంది, దీనిలో అనేక మంది ప్రైవేట్ వ్యవస్థాపకులు, స్టార్ట్-అప్ లు ,డెవలపర్ లు కొత్త పరిష్కారాలను సృష్టించడం కోసం చేరవచ్చు.

ఉదాహరణకు, నేడు, 270 బ్యాంకులు యుపిఐతో అనుసంధానించబడ్డాయి . అనేక మంది వ్యవస్థాపకులు , స్టార్ట్-అప్ లు దేశ ఫిన్ టెక్ దత్తత రేటు - ప్రపంచవ్యాప్తంగా అత్యధికంగా 87%.-ను పెంచడానికి పరిష్కారాలను అందించాయి.

నీతి ఆయోగ్ వైస్ చైర్మన్ డాక్టర్ రాజీవ్ కుమార్ మాట్లాడుతూ, 'ప్రజలు ఆర్థిక సేవలను మరింత సులభంగా పొందడంతో భారతదేశం డిజిటలైజేషన్ ను పెంచుతోంది.

ఇది వినియోగదారుల ఆర్థిక ప్రవర్తనలో మార్పుకు దారితీసింది- నగదు నుండి ఇ-వాలెట్లు ,యుపిఐ. డిజిటల్ చెల్లింపుల విస్తరణ మరింత సమానమైన, సంపన్నమైన ,ఆర్థికంగా సమ్మిళిత భారతదేశాన్ని సృష్టించడానికి ఒక ముఖ్యమైన పివోట్.

ఫిన్ టెక్ పెరుగుదల ఆర్థిక చేరికను వేగవంతం చేసింది. రాబోయే కొన్ని వారాల్లో మన దేశ ప్రకాశవంతమైన మనస్సులు సమర్పించే లెక్కలేనన్ని అవకాశాలను చూడటానికి నేను ఆసక్తిగా ఎదురు చూస్తున్నాను‘‘ అని అన్నారు.

ఫిన్ టెక్ ఓపెన్ ఒక అద్భుతమైన అభ్యసన అనుభవాన్ని సృష్టించాలని లక్ష్యంగా పెట్టుకుంది. దీనికి మూడు లక్ష్యాలు ఉన్నాయి:

*ఫిన్ టెక్ పరిశ్రమ అంతటా బహిరంగ పర్యావరణ వ్యవస్థ కు ప్రోత్సాహం *సృజనాత్మకత ,ఎదుగుదలను పెంపొందించడం

*ఫిన్ టెక్ ఆవిష్కరణ తదుపరి వేవ్ విప్పడానికి ఆర్థిక చేరిక , అకౌంట్ అగ్రిగేటర్ వంటి కొత్త నమూనాల ఉపయోగం 

ఈ శిఖరాగ్ర సమావేశంలో లోతైన సంభాషణలు, లోతైన డైవ్ లు, వెబినార్లు, రౌండ్ టేబుల్ చర్చలు మొదలైనవి ఉంటాయి, వివిధ స్టార్ట్-అప్ లు చేపట్టిన ఆవిష్కరణలు , సవాళ్ల పై  ప్రముఖంగా దృష్టి పెడతారు . దీనికి తోడు ఫిన్ టెక్ సంబంధిత కార్యకలాపాలను ప్రదర్శిస్తారు. వర్చువల్ పురస్కార వేడుకలో అత్యంత సృజనాత్మక స్టార్ట్-అప్ ను గుర్తిస్తారు.

ఫోన్ పే వ్యవస్థాపకుడు, సీఈఓ సమీర్ నిగమ్ మాట్లాడుతూ, 'భారతదేశ ఫిన్ టెక్ విప్లవాన్ని వేగవంతం చేయడమే లక్ష్యంగా ఈ చొరవతో నీతి ఆయోగ్ తో భాగస్వామ్యం నెరపడం మాకు ఎంతో ఆనందంగా ఉంది. దేశవ్యాప్తంగా ఆర్థిక చేరికను సులభతరం చేయడంలో ఫిన్ టెక్ పరిశ్రమ కీలక పాత్ర పోషిస్తోంది. రాబోయే కొన్ని వారాల కోసం మేము ఎదురు చూస్తున్నాము, అక్కడ పరిశ్రమ అంతటా ఉన్న సహోద్యోగులతో సహకరించడానికి, పర్యావరణ వ్యవస్థ కోసం అర్థవంతమైన ఫ్రేమ్ వర్క్ లను ఆవిష్కరించడానికి నిర్మించడానికి మాకు అవకాశం లభిస్తుంది‘‘ అని అన్నారు.

ఈ శిఖరాగ్ర సమావేశం కీలక హైలైట్ భారతదేశ అతిపెద్ద ఫిన్ టెక్ హ్యాకథాన్. ఇది వ్యక్తిగత డెవలపర్లు , స్టార్ట్-అప్ కమ్యూనిటీకి వాస్తవ ప్రపంచ సమస్యలను పరిష్కరించే సామర్థ్యంతో పురోగతి ఆలోచనలను సమర్పించడానికి అవకాశాన్ని అందిస్తుంది.

అదనంగా, పిల్లల్లో సృజనాత్మకత, నవకల్పన , వ్యవస్థాపక మనస్తత్వాన్ని పెంపొందించడానికి, అటల్ ఇన్నోవేషన్ మిషన్ లోని అటల్ టింకరింగ్ ల్యాబ్స్ నెట్ వర్క్ ద్వారా పాఠశాల విద్యార్థుల కోసం మరో హ్యాకథాన్ కూడా నిర్వహిస్తారు.

ఈ సదస్సులో ఇన్ఫోసిస్ సహ వ్యవస్థాపకుడు నందన్ నీలేకని, నీతి ఆయోగ్ సీఈఓ అమితాబ్ కాంత్, కునాల్ షా, ఫౌండర్, క్రెడ్ వంటి పలువురు వ్యాపార నాయకులతో పాటు యశిష్ దహియా, సిఇఒ, పాలసీబజార్; అనుజ్ గులాటి, వ్యవస్థాపక ఎండి ,సిఇఒ, కేర్ హెల్త్ ఇన్స్యూరెన్స్; వరుణ్ దువా, సిఇఒ, అకో జనరల్ ఇన్స్యూరెన్స్; నితిన్ కామత్, సిఇఒ, సిఇఒ, సిరోధా; విజయ్ చందోక్, మేనేజింగ్ డైరెక్టర్, ఐసిఐసిఐ సెక్యూరిటీస్; లలిత్ కేష్రే, సిఇఒ, గ్రో; కవితా సుబ్రమణియన్ సహ వ్యవస్థాపకుడు, అప్ స్టోక్స్; హర్షిల్ మాథుర్, సిఇఒ, ఫౌండర్, రేజర్ పే

పాల్గొన్నారు.

***