ইন্দিয়ন সাইন্তিস্তশিংগী তীম অমনা ইন্দস্ত্রী পার্নর অমগা লোয়ননা কোবিদ-১৯ লায়চৎকী মায়োক্তা লান্থেংননবা ‘কোপ্পরদা য়ুম্ফম ওইবা নানোপার্তিকলনা য়োম্বা এন্তিভাইরেল সেলফ- দিসইনফেক্তিং ওইবা মায়গী মাস্ক শেমগৎখ্রে। মাস্ক অসি কোবিদ-১৯গী ভাইরস লোয়ন-লোয়ননা অতোপ্পা ভাইরেল অমসুং বেক্তরিয়েলগী ওইবা লায়নাশিংগী মায়োক্তা নিংথিনা মথৌ পাংথোকপা উৎলি, অমদি হায়রিবা অসি বাইওদিগ্রেদেবল ওইবা, শ্বর নিংথিনা হোনবা য়াবা অমসুং শু-চাম্বা য়াবা ওইরি।  

 মীয়াম মরক্তা মাস্ক উপ্পা অসিনা সিঙ্গল-স্ত্রান্দেদ আর.এন.এ. ভাইরসনা য়োম্বা, এস.এ.আর.এস.-কোব-২না থোকহনবা কোবিদ-১৯ ভাইরস শন্দোকপা হন্থবদা খ্বায়দগী কান্নবা ওইহল্লি, হায়রিবা অসিদা লায়না অসি লান্নবগী মওং অসি মরুওইনা নুংশিৎনা পোকহনবা লায়নাগী রেস্পিরেতরী পার্তিকলশিং য়াওবননি।

লায়না লান্নবা থিংনবা মাস্ক শিজিন্নবগী সাইন্সনা য়াম্না থুনা খুমাং চাউশিল্লকপগা লোয়ননা, ভারতকী মার্কেতনা এন্তিভাইরেল নত্ত্রগা এন্তিবেক্তরিয়েলগী মচাকশিং য়াওদবা মমল তাংবা মাস্কশিং য়োল্লি। মরম অসিনা, অচম্বা মাক্স উপ্পা মরুওইনা মী য়াম্না চিনবা মফমশিং হায়বদি হোস্পিতালশিং, এয়রপোর্তশিং, স্তেসনশিং, শোপ্পিং মোলশিং অমসুং অতৈ ভাইরস অসিনা ৱাংনা লৈবা মফমশিংদা লায়না অসিবু শন্দোকপা থিংবদা য়াম্না ৱানা থোক্লি। হৌজিক ওইরিবা ফিভম অসিদা, কোরোনাভাইরসতা ম্যুতেসন্না কোবিদ-১৯ লায়চৎ য়াম্না থুনা হেনগৎহল্লিবা অসিদা, মমল য়ামদবা এন্তিভাইরেল মাস্ক য়াম্না থুনা শেমগৎপা মথৌ তারি।     

হায়রিবা অসিদা, ভারত সরকারগী, দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী ওতোনোমস আর.অমসুং দি. সেন্তর অমা ওইরিবা ইন্তর্নেস্নেল এদভান্স রিসর্স সেন্তর ফোর পাউদর মেতাল্লুর্গী এন্দ ন্যু মেতরিএল (এ.আর.সি.আই.)দা সাইন্তিস্তশিংনা সেন্তর ফোর সেল্লুলার এন্দ মোলেকুলার বাইওলোজী (সি.এস.আই.আর.-সি.সি.এম.বি.) অমসুং বেঙ্গালুরুদা য়ুম্ফম ওইবা কম্পনী অমা ওইরিবা রেজিল কেমিকেলসকা লোয়ননা কোবিদ-১৯ লায়চৎকী মায়োক্তা লান্থেংননবা, দি.এস.তি.না স্পোন্সর তৌবা নানো-মিসন প্রোজেক্তকী মখাদা ‘কোপ্পরদা য়ুম্ফম ওইবা নানোপার্তিকলনা য়োম্বা এন্তিভাইরেল সেলফ- দিসইনফেক্তিং ওইবা মায়গী মাস্ক’ শেমগৎখ্রে।

এ.আর.সি.আই.না ফ্লেম স্প্রে পাইরোলাইসিস (এফ.এস.পি.) প্রোসেসিং ফেসিলিতীনা নানোমিতর ২০লোমগী কোপ্পরদা য়ুম্ফম ওইবা নানোপার্তিকলশিং শেমগৎলে। এফ.এস.পি.গী থৌওং অসি পাইরোলাইতিক দিকম্পোজিসন্দা তেম্পরেচর ৱাংনা পীদুনা সোলুসন প্রিকর্সরবু নানোপাউদরশিংদা ওন্থোকপা য়াওরি। স্তেবল নানোপার্তিকল সস্পেন্সন অসি সোলিদ লোদিং অমসুং পি.ঐচ. ওপ্তিমাইজিং তৌরগা ফংহল্লি। কত্তন ফেব্রিক্তা মসিগী নানো-কোতিংগী য়ুনিফোর্ম ওইবা কুয়োম অমগা লোয়ননা য়াম্না ফবা এধেসনগা য়াম্না চুনবা বাইন্দর অমা ফংবা ঙম্মী। ফেব্রিক্কী কুয়োম অসিনা বেক্তরিয়াগী মায়োক্তা ৯৯.৯% হেন্না ঙাকথোকপা উবা ফংলি। সি.এস.আই.আর.-সি.সি.এম.বি.না সি.এস.আই.আর.-কোব-২ মায়োক্তা ফেব্রিক অসিগী দিসইনফেক্সনগী মচাক চাংয়েং তৌখ্রে অমসুং স্তেন্দার্দ ওইবা রিজল্তগী মতুং ইন্না ৯৯.৯% দিসইনফেক্সনগী রিপোর্ত তৌরি। অসিগুম্বা অহানবা পুথোক্লিবা মাস্ক অসি দিজাইন কয়া লৈরি মদুদি মপাল থংবা লায়র নানোপার্তিকলনা কুয়োম ওইবা ফেব্রিক্না মপাল থংদুনা সিঙ্গল লায়র অমসুং ত্রিপল লায়র লৈরি। সিঙ্গল লায়র মাস্ক অসিনা মরুওইনা চুম্নগী মাস্ককী মথক্তা প্রোতেক্তিব এন্তিভাইরেল আউতর মাস্ক ওইনা কান্নবা পী।     

মখোয়গী ইন্দস্ত্রিএল পার্তনর ওইরিবা রেজিল কেমিকেলস বেঙ্গালুরু অসি হৌজিক অসিগুম্বা দবল লায়র মাস্ক য়াম্না চাউনা পুথোক্লি। হৌজিক ওইরিবা মায়গী মাস্কশিং অসি ফিল্তর তৌদুনা ভাইরসশিং নম্থদুনা থম্মী অমসুং মখোয়বু হাৎপদি ঙমদে অমসুং মরম অদুনা, মাস্কশিং অসি নিংথিনা উপ্পা অমসুং মাংহন্দ্রবদি লান্নবগী খুদোংথিনিঙাই ওই। ইচম চম্বা মল্তি-লায়র ওইবা ফিগী মাস্কশিং কম্ম্যুনিতীদা কোবিদ-১৯ লান্নবা হন্থনবা মীয়াম্না শিজিন্নবগীদমক প্রেগমেতিক সোলুসন য়াওরি অমসুং মসিগী সেলফ-দিসইনফেক্তিং ওইবা ফিগী মাক্সশিং উপ্পানা মখোয়গী মরক্তা অমনি।

মসিগী মথক্তা, শিজিন্নখ্রবা মাস্কশিং লংথোকপগী মরী লৈননা মালেম পুম্বদা চাউরবা হিরম অমা ওইনা ফোংদোক্নরি। কোবিদ-১৯গী মায়োক্তা কান্নহল্লিবা কনভেন্সনেল ওইবা মাস্ক অয়াম্বা অমুক্তং ওইনা শিজিন্নবগীদমক্তনি অমসুং বাইও-দিগ্রেদেবল ওইদে, অমদি অকোইবদা অমসুং ৱেস্ত-মেনেজমেন্তগী ইসুদা য়াম্না শাথিনা অকাইবা থোকহল্লি। বাইওদিগ্রেদেবল ওইবা কত্তন ফেব্রিক্না শাবা হৌজিক পুথোরক্লিবা এন্তিভাইরেল মাস্কনা অৱাবা থেংনবা কয়া অমা কোকহল্লগনি মসিগী মথক্তা শ্বর হোনবা নুঙাইহল্লগনি অমসুং শু-চাম্বা য়াহল্লি।

(d)

ফিগ.১: (এ) সি.য়ু.দা য়ুম্ফম ওইবা নানো পাউদরসকী তি.ই.এম. ইমেজ, (বি) নানোপার্তিকলনা য়োম্বা ফেব্রিক্কী এফ.ই.-এস.ই.এম. ইমেজ, (সি) এস.এ.আর.এস.-কোব-২গী মায়োক্তা >৯৯.৯% ইফিসিএন্সি অমা উৎপা মাক্স ফেব্রিক, অমসুং (দি) এ.আর.সি.আই.দা সিঙ্গল লায়র সেলফ-দিসইনফেক্তিং মাস্ককী দেমোন্ত্রেসন

ফিগ.২: দবল লায়র এন্তিভাইরেল (সেলফ-দিসইনফেক্তিং) ফিগী মাস্কশিং

কন্ত্রিব্যুতরশিং: দাঃ তাতা এন. রাও, দাঃ কলিয়ন হেমব্রাম অমসুং দাঃ বুলুসু ভি. সরাদা

হেন্না মরীক চুম্বগীদমক্তা কন্তেক্ত তৌবিয়ু: tata@arci.res.in, director@arci.res.in.

*****