3.5 டன்னுக்கு குறைவான எடை கொண்ட பிஎஸ்- VI வாகனங்களுக்கு டீசல் எஞ்சினுக்கு பதிலாக சிஎன்ஜி/எல்பிஜி எஞ்சின்களைப் பொருத்தவும், சிஎன்ஜி, எல்பிஜி உபகரணங்களைப் பொருத்தவும் அனுமதிக்கும் மத்திய சாலைப் போக்குவரத்து மற்றும் நெடுஞ்சாலை அமைச்சகத்தின் வரைவு அறிக்கை 27-ம்தேதி வெளியிடப்பட்டது. தற்போது பிஎஸ்- IV உமிழ்வு விதிமுறைகளின் கீழ் உள்ள வாகனங்களுக்கு மட்டுமே இந்த அனுமதி உள்ளது.

சிஎன்ஜி சுற்றுச்சூழலுக்கு உகந்த எரிபொருளாக இருப்பதாலும், கார்பன் மோனாக்சைடு, ஹைட்ரோகார்பன் ஆகிய உமிழ்வு அளவைக் குறைப்பதாலும், பெட்ரோல், டீசல் வாகனங்களுடன் ஒப்பிடுகையில் புகை வெளியீடு குறைவாகவும் இருப்பதால், இந்த உபகரணத்தை பொருத்த இந்த அறிவிக்கை வகைசெய்கிறது.

வாகனப் போக்குவரத்து  தொடர்பாக  சம்பந்தப்பட்டவர்களுடன் நடத்திய ஆலோசனைக்குப் பின் இது வரைவு செய்யப்பட்டுள்ளது. இந்த வரைவு அறிவிக்கைக்கு 30 நாட்களுக்குள் சம்பந்தப்பட்டவர்களிடம் இருந்து ஆலோசனைகள், கருத்துக்கள் வரவேற்கப்படுகின்றன.

****