“ঐখোয় মশেলগী মরক্তা ভাব তানবা, খ্বাইদগী হেন্না ফবা প্রক্তিসশিং শিয়র তৌবা অমসুং খুৎশম্ননা থবক তৌবগী ৱাখল্লোন অসিনা লাইচৎ অসিগা লান্থেংনবদা মতেং পাংখি”। মসি কেন্দ্রগী হকশেল অমসুং য়াইফ-য়ুম্বাল মন্ত্রালয়গী মন্ত্রী, দা. মন্সুখ মন্দৱিয়ানা কেন্দ্র অমসুং রাজ্যগী মরক্তা লৈরিবা শিংথানিংঙাই ওইবা সীনর্জী অদুগীদমক্তা ভীদিও কনফরেন্স তৌদুনা হকশেল অমসুং য়াইফ-য়ুম্বালগী রাজ্য মন্ত্রী, দা. ভারতি প্রবিন পাৱরগা লোইননা রাজ্যগী হকশেল মন্ত্রীশিং অমসুং প্রিন্সিপাল সেক্রেতরীশিং/ এদিস্নেল চীফ সেক্রেতরীশিং, অমসুং খা থংবা ভারতকী রাজ্য/য়ু.তি. ৮ (কর্নাতকা, কেরলা, তামিল নাদু, অন্ধ্র প্রদেশ, তেলঙ্গনা, পুদুচেরী, অন্দমান অমসুং নিকোবার আইলেন্দশিং, অমসুং লাক্সদ্বীপ)কী এদমিনিস্ত্রেত্রশিংগা ৱারী-ৱাতাই শানবা মতমদা থাগৎলদুনা ঙাংবা মতমদা থমখিবা ৱারোলনি। পুদুচেরীগী মুখ্য মন্ত্রী, শ্রী এন. রঙ্গাস্বামীসু মীফম অদুদা শরুক য়াখি।

ভর্চুৱলগী ওইবা মীফম অদু কোবিদ-১৯ লাকশিন্নবা অমসুং মেনেজমেন্তকীদমক্তা লৈরিবা পব্লিক হেল্থ প্রিপেয়র্দনেস অমসুং নেস্নেল কোবিদ-১৯ ভেক্সিনেশন কেমপেনগী প্রোগ্রেস অদুবু য়েংশিন্নবা পাংথোকখিবনি। অৱাংবা থাক্কী মীফম অদুদা শরুক য়াখিবা রাজ্যগী হকশেল মন্ত্রীশিং অদুদগী মনুংদা দা. কে. সুধাকর (কর্নাতকা), দা. ভীনা জোর্জ (কেরলা), শ্রী মা সুব্রামনিয়ম (তামিল নাদু) অমসুং শ্রী থন্নীরু হরিশ রাও (তেলঙ্গনা)সু য়াওখি। রাজ্যগী হকশেল মন্ত্রীশিং অদুনা পুন্না কেন্দ্রগী সরকারনা লেপ্তনা মতেং পাংবগীদমক্তা অমসুং কোবিদ ভেক্সিনেশনগীদমক্তা তঙাইফদনা চংবা দোজশিং ফংহনবগীদমক্তা কেন্দ্রগী হকশেল মন্ত্রীবু থাগৎপা ফোংদোকখি।

ভারতকী শিংথানিংঙাই ওইবা মওংদা অহলশিংগী অহানবা অমসুং অনিশুবা দোজকী ভেক্সিনেশন কোভরেজ মথংশিৎনা ৯৫% অমসুং ৭৪% লৈখি হায়না পল্লদুনা, কেন্দ্রগী হকশেল মন্ত্রীনা পনখি মদুদি “ভারতকী কোবিদ-১৯ ভেক্সিনেশন দ্রাইব অসি মরু ওইনা ঐখোয়গী লৈবাকগুম্বা মীশিং য়াম্বা লৈবাক্কী ওইনদি মালেমগী ওইনা মাইপাকপগী ৱারীনি”। লৈবাক শিবা থুংনা চত্থরিবা কোবিদ-১৯ ভেক্সিনেশন দ্রাইব অসিবু মখাতানা ইনোৎ হাপ্নবা, ঐখোয়না হৌজিক্তি হন্দক্কী থা অসিদগী প্রিকোশন দোজ অমসুং চহি ১৫-১৭কী কাংলুপকীদমক্তা ভেক্সিনেশন হৌখ্রে হায়না মহাক্না ঞকা তাখি। ভেক্সিনেশন দ্রাইব অসিগী খোংজেলদা অপনবা লৈতনবা রাজ্যশিং/য়ু.তি.শিংদা ভেক্সিন  অনিমক্কী দোজশিং অদুগী অচংবা চাং অদুদগী হেন্না পীখ্রে হায়না মহাক্না হায়খি। রাজ্যশিংদা চহি ১৫-১৭কী কাংলুপ অমসুং অনিশুবা দোজ ৱাৎহৌবশিংগী ভেক্সিনেশন কাপ্পগী খোংজেল অদু য়াংখৎহন্নবা মহাক্না হায়খ্রে।

লৈবাক অসিগী অথাপ্পা মফমশিং অমসুং হোম আইসোলেশনদা লৈরিবশিং অদুবু সেবা তৌবদা তেলি-কম্যুনিকেশন অমসুং তেলি-মেদিসিন্না লৌখিবা থৌদাংশিং অদুগী মতাংদা পল্লদুনা, দা. মন্দৱিয়ানা রাজ্যশিংদা হেন্না ফবা পব্লিক হেল্থ মেনেজমেন্ত কীদমক্তা হবকী শরুক অমা অমসুং স্পোক মোদেল ওইনা তেলি-কন্সল্তেশন সেন্তরশিংবু হেন্না হাংদোকপা হেনগৎহনবদা মীৎয়েং থম্নবা তাক্লখ্রে। “তেলি-কন্সলতেশন সেন্তরশিং অসিনা কোবিদকী লাইচৎ অসিগী মনুংদা মতেং পাংবদা নত্তনা নন-কোবিদ মেদিকেল কিয়রগীদমক্তসু মতেং পাংলগনি”, হায়না মহাক্না হায়খি। কেরলানা খঙহল্লকখি মদুদি কেন্সর, দাইবিতিস মেনেজমেন্ত, মেন্তেল হেল্থনাচিংবা কয়াগীদমক্তসু ইনস্তিত্যুস্নেল ফেসিলিতীশিং ফংবা ঙমদবা হোম আইসোলেশনদা লৈবশিংদা তেলি-মেদিসিন সেন্তরশিংগী খুত্থাংদা  পীখি। তেলি-কন্সল্তেশনশিংগী মশিং খ্বাইদগী হেন্না য়াম্না লৈদুনা ইসঞ্জীবনিদা প্রোগ্রেস ফজনা লৈখিবা অন্ধ্র প্রদেশ অমসুং কর্নাতকাবু মখোয়না হৌৎণখিবশিং অদুগীদমক্তা থগৎখি।

কেন্দ্রগী হকশেল মন্ত্রীনা স্তর্দী অমসুং রেজিলিয়েন্ত ওইবা হেল্থ ইনফ্রাস্ত্রকচরগী মরু ওইবা অদু পনখি অমসুং রাজ্যশিং অমসুং য়ু.তি.শিংদা ফন্দশিং পীথরিবা ই.সি.আর.পি.-II পেকেজ অমসুং মসিবু ২০২২গী মার্চ ৩১ ফাওবগী মনুংদা শিজিন্নবগী মথৌতাবা অদুসু পনখি। “অমরোমদা রাজ্য খরা অমনা হেল্থ ইনফ্রা ক্রিয়েশনগীদমক্তা এপ্রুব তৌখিবা ফন্দশিং অদু খোংজেল য়াংনা নিংথিজনা শিজিন্নবা হৌখি, অতোপ্পা রাজ্যশিংনসু ই.সি.আর.পি.-IIগী মখাদা ফিজিকেল অমসুং ফাইনান্সিয়েল প্রোগ্রেস অদুবু য়েংশিন্দুনা অমসুং প্রোগ্রেস অদুবু খোংজেল য়াংশিন্নবা”, মহাক্না রাজ্যশিংদা হায়খি।

কোবিদ মেনেজমেন্তকীদমক্তা তেস্ত, ত্রেক, ত্রীত, ভেক্সিনেত অমসুং কোবিদকা চুনবা চৎনলোনচৎশিং ঙাক্না চৎপগী ৫-ফোল্দ স্ত্রেতেজী অসিগা লোইননা কেসশিং অদুগী নিংথিজনা সর্ভিলেন্স তৌবা হায়বসি য়াম্না মরু ওই হায়না  দা. মন্দৱিয়ানা অমুক্কসু হন্না খঙহল্লকখ্রে। রাজ্যশিং অমসুং য়ু.তি.শিংদা থোরক্লিবা ক্লস্তরশিং অমসুং হোতস্পোতশিংদা চেকশিন্না য়েংশিন্নবা তাক্লকখ্রে। কোবিদ তেস্তিং তৌবদা আর.তি.পি.সি.আর. তৌবদা শরুক হন্থনা তৌখিবশিং অদুনা মসিগী মতাংদা য়েংশিন্নবা হায়খ্রে। মতিক চানা অমসুং মতম চানা তেস্ত তৌবনা ইনফেক্তেদ কেসশিং অদু য়াম্না য়াংনা খঙদোকপা অমসুং খঙহৌদনা হেনগৎলকপদগী থিংবদা মতেং পাংনবা তাক্লকখ্রে। 

কোবিদ রেসপোন্স অমসুং মেনেজমেন্তকীদমক্তা মখোয়না হৌৎনরিবশিং অদুদা কেন্দ্রদগী রাজ্যশিংদা মতেং পাংলগনি হায়না থাজবা পীরদুনা, কেন্দ্রগী হকশেল মন্ত্রীনা দেতা মতম চানা পীনবা তকশিনখি, মরমদি মসিনা অরিংবা অমসুং অফবা পোলিসী শেম্বদা মতেং পাংগনি।

কেন্দ্রগী হকশেলগী রাজ্য মন্ত্রী, দা. ভারতি প্রবিন পাৱরনা রাজ্যশিংদা ই.সি.আর.পি.-II ফন্দশিং মপুং ফানা শিজিন্ননবা থৌগৎলকখ্রে। মআক্না রাজ্যশিং/য়ু.তিশিংদা লেবোরেতরীশিংগী মপাঙ্গল কনখৎহন্নবা, হিদাক-লাংথকশিং ৱাৎপা মতমদা মতম চানা পর্চেজ ওর্দরশিং পীনবা, পি.এস.এ. প্লান্তশিং খোংজেল য়াংনা কমিসন তৌহন্নবা  অমসুং তেলিকন্সল্তেশন সেন্তরশিং খরা হেন্না হাংদোক্নবা তকশিল্লকখ্রে। তেলি-কন্সল্তেশন সেন্তরশিং অসিনা তুংদা পেসেন্তশিং লাইয়েংবদা মতেং ওইগনি হায়না হায়খি অমসুং কো-মোর্বিদ পেসেন্তশিংদা অখন্নবা মীৎয়েং থম্বগী তঙাইফদা অদুগী মতাংদসু মরু ওইনা পনখি।

কোবিদ তেস্তশিংবু চাং নাইনা য়েংশিন্নবা, হোস্পিতালদা ফমুং শিজিন্নবগী চাং, হেনগৎলক্লিবা কোবিদকী পোসিতিব ওইবগী চাং, হোস্পিতালগী ইনফ্রাস্ত্রকচর ফগৎহনবা; তেস্ত তৌবগী চাং হেনগৎহনবা; ত্রান্সমিসনগী চেনবু থুগাইনবা লৌখৎলিবা অখন্নবা খোংথাংশিং; মীয়াম্না কোবিদকা চুনবা চৎনলোনচৎশিং ঙাক্না চৎনবা হোৎনবদা থেংনবা অৱাবশিং য়াওনা কোবিদ মেনেজমেন্তকী অতোপ্পা হিরম কয়াদা কুপ্না খন্না নৈনখি। সেনিয়র ওফিসরশিংনা য়েংশিল্লিবা রিজন ৮দা হাংলিবা ৱার রুম ৮গী মরমদা কর্নাতকানা খংহল্লকখি। রাজ্য অসিগী হকশেল মন্ত্রীনা কোবিদ লাইচৎ অসিবু মায়োক্ননবগীদমক মেদিকেল এচ.আর হেনগৎহনবগী মতাংদসু খংহল্লকখি। তেলঙ্গানা অমসুং অন্ধ্র প্রদেশগুম্বা রাজ্যশিংনা হেল্থ ৱর্করশিংনা য়ুমথোং খুদিংদা চত্তুনা  লাইহৌ অমসুং এস.এ.আর.আই./আই.এল.আই.গীদমক মী খুদিংমকপু য়েংদুনা “ফিভর সর্ভে” পাংথোকপগী মতাংদা খংহল্লকখি। হোস্পিতালশিংদা ফমুং লৈবা-লৈতবগী অশেংবা পাও খংহন্নবগীদমক্তা হোস্পিতাল বেদ মেনেজমেন্ত সীস্তেম অমা পব্লিক অমসুং প্রাইভেত হোস্পিতাল পুম্নমক্তা ইনস্তোল তৌখ্রে হায়না তেলঙ্গনানা খঙহল্লকখি। মসিগা লোইননা য়ুমথোংশিং মোনিতর তৌনবা অমসুং মখোয়শিং অদুবু হিদাক-লাংথকশিং, তেস্তিং কিৎনচিংবশিং পীদুনা মতেং পাংনবগীদমক্তা মল্তি-দেপার্তমেন্ত গ্রুপ অমা শেমখ্রে। মসিগী তীমশিং অসিনা নুমিৎ খুদংইগী য়ুমথোং ৪০-৪৫ চৎকনি।   

কেন্দ্রগী হেল্থ সেক্রেতরী, শ্রী রাজেশ ভুশন, দি.জি. আই.সি.এম.আর., দা. বলরাম ভার্গৱা, এ.এস.(হকশেল মন্ত্রালয়), দা.মনোহর অগনানি, জে.এস. (হকশেল মন্ত্রালয়), শ্রী লব অগর্ৱাল, এন.সি.দি.সি.গী দাইরেক্তর দা.সুরজীত সিং অমসুং রাজ্যশিং অমসুং য়ু.তি.শিংদগী সেনিয়র ওফিসিয়েলশিংসু মীফম অসিদা শরুক য়াখি।

*****