ভারতকী ‘সিভর গার্ল’ সাইখোম মিরাবাই চনুনা ইন্দিয়ন আর্মদ ফোর্সশিং মথৌনা, মরিংজেল অমসুং কত্থোকপা অদুবু ইকাইখুম্নবা উৎনবা শাখিবা, ন্যু দিল্লীদা লৈবা নেস্নেল ৱার মেমোরিয়েলদা চৎখি।

একর ৪০গী ওপন লেন্দস্কেপদ মেমোরিয়েল অসিদা চৎখিবা অদুগী মতাংদা মেইরাবাইনা হায়খি, “দিল্লীদা ঐনা লৈখিবশিং অদু অনম্বনা তুর্নামেন্তশিংগীদমক্তা ওইনা তৌখি অদুবু হন্দক্কী খোংচৎ অসিমদি ঐহাক্না চৎকদবা খোংচৎকী মনুং চন্না থমখি, মরমদি মসিগী মফম অসিনা আর্মদ ফোর্সশিংগীদমক্তা নত্তনা ভারত মচা খুদিংমক্কী ওইনা চা্থোকচনিংঙাই ওইবা ৱাখল্লোন অমা পোকহল্লি,” হায়না ওলীমপিক মেদলিস্ত অসিনা হায়খি।    

১৯৪৭দগী ভারতকী চা্থোকচনিংঙাই ওইরবা ৱার হিস্তরী অদুবু উৎলদুনা, মেমোরিয়েল অসিনা মশক খঙবীদ্রবা অথৌবশিং অদুবু মপোক অমা পোকপীবগী ৱাখল্লোনদা মখোয়গী ৱারিশিং, খোংচৎশিং অমসুং মখোয়না মায়োক্নখিবশিং অদুগী খুত্থাংদা স্পেসিয়েল এক্সপ্রেসন অমা ওইনা হন্দোকপনি।

আর্মী, নেভী অমসুং এয়র ফোর্সকী ইন্দিয়ন হিস্তরীদা মরু ওইবা পুৱারিগী ওইবা লানশিংগী মথৌনা লৈরবা ৱারিশিংবু থম্লিবা সেমি ওপন কোরিদোর অমসুং গেলরী অসিদা চত্তুনা, মিরানা হায়খি, “মেমোরিয়েল অসি শাবগী ৱাখল্লোন অসি করম্না পুৱারিগী ‘চক্রভ্যু’ ফোর্মেশন  অদুনা ইন্সপায়র তৌখিবনি  হায়বা ৱাফম অমসুং ঐখোয়গী লৈবাক অসিগী মপারীশিংনা লান্থেংনখিবগী লানগী সীনশিং অদুবু উৎপা ব্রোঞ্জ মুরলশিং অদুনা লৈতেংলবা ফকলাংশিং অদু উবদা ঐহাক পুংশুম-শুমহৎখ্রে”

 “মফম অসিদা লাক্লবা মতুংদা, ঐহাক্না থমোই শেংনা ফাওই মদুদি ভারত মাচা খুদিংমক্না মখোয়গী পুনশিদা অমুক্তং ওইরবসু মফম অসিদা চৎকদবনি,” হায়না মিরানা মখা তাখি।

ভারতকী ৱেতলিফতর অসিনা খ্বাইদগী অৱাংবা থাক্কী পীস তাইম গেলেন্ত্রী এৱার্দ অশোক চক্রগী মনা পীখ্রবা অমসুং মহাক্কী পোক্নফম লমদম রাজ্য, মনিপুরদগী হৌরকপা লৈবাক অসিগীদমক্তা থৱায়না পোন্থা ওইখ্রবা মেজর লাইশ্রম জ্যোতিন সিংহবুসু ইকাইখুম্নবা উৎখি।

*****