অহানবা ৱেব অনীদা কোবিদ-১৯না মরম ওইরগা শিখিবশিংগী অশেংবা মশিং অদু ‘য়াম্না হন্থনা থি’, ফাইনেল তোলদি ‘য়াম্না হেন্না য়াম্মি’ অশেংবা মশিংদি চাউরাক্না মিলিয়ন অহুমদগী হেন্না হেল্লমগনি হায়না ক্লেম তৌরদুনা  মরাল শিবগী মীদিয়া রিপোর্ত খরা লৈখি। 

অসিগুম্বা রিপোর্তশিং অসি অরানবনি অমসুং লান্না শন্দোকপনি হায়না শেংদোকখ্রে। হায়রিবশিং অসি অচুম্বা মরোলদা য়ুমফম ওইদে অমসুং নমথাক্নি। ভারতকী গ্রাম পঞ্চায়ত, জিলা অমসুং রাজ্যগী থাক্তা থম্লিবা স্তেত্যুত অমগী মতুং ইন্না পোকপা অমসুং শিবগী রিপোর্ত পীখৎনবগী য়াম্না  চাউরবা অরিংবা সীস্তেম অমা লৈ। এক্সর্সাইজ পুম্নমক রেজিস্ত্রার জনরেল ওফ ইন্দিয়া (আর.জি.আই.)গী মীৎয়েং মখাদা পাংথোকখি। মসিগী মথক্তা, ভারত সরকারগী কোবিদনা মরম ওইরগা শিখিবশিং অদু খঙদোক্নবা য়াম্না কমপ্রহেন্সিব ওইবা দিফিনিশন অমা লৈ, হায়রিবা অসি মালেমগী ওইনা য়ানরবা কেতেগোরাইজেশন অমদা য়ুমফম ওইখি। শিখিবা পুম্নমক রাজ্যশিংনা ইন্দিপেন্দেন্ত ওইনা রিপোর্ত তৌরি, অমসুং কেন্দ্রগী ওইনা পুল্লপ পুনশিল্লি। কোবিদ-১৯গী মোর্তেলিতী দেতাদা লৈবা বেকলোক অদু রাজ্যশিংনা তোঙান-তোঙানবা মতমদা সবমিত তৌখিবশিং অদু চাং নাইনা ভারত সরকারগী দেতাদা অমুক পুল্লপ পুনশিল্লি। রাজ্য কয়া অমনা চাং নাইনা শিখিবশিংগী মশিং অদু নিংথিনা নিয়ম চুম্না থীদুনা তিনশিল্লি অমসুং য়াম্না ত্রান্সপরেন্ত ওইবা মওংদা শিখিবশিংগী অৱাৎপা মশিং অদু রিপোর্ত তৌরকখি। মরম অদুনা, শিখিবশিংগী মশিংবু মশিং হন্থনা রিপোর্ত তৌই হায়না খনবা হাববসি য়ুমফম য়াওদবা অমসুং মরম চাদবা ৱাফম্নি।

ভারতকী রাজ্যশিংগী মরক্তা লৈরিবা কোবিদ কেস লোদ অমসুং মসিগা মরী লৈনবা মোর্তেলিতীদা বাম্না চাউনা খেৎনবা লৈ হায়না শেংদোকখ্রে। রাজ্য পুম্নমকপু এনভেলপ অমদা পুল্লপ হাপচিনবগী এজম্পশননা তাক্কদৌরিবশিং আউতলায়রশিংগী মান্নদবা দেতা অদুবু মোর্তেলিতী খ্বাইদগী হেন্না নেম্না রিপোর্ত তৌরকখিবা রাজ্য অদুগা পুল্লপ পুনশিনবগুম্বনি, মসিনা মরম ওইরগা মেদিয়ান অদুবু হেন্না ৱাংবা অমসুং অরানবা ফলদা চিংখৎলগনি।

অদুগীশু মথক্তা কোবিদনা মরম ওইরগা শিখিবশিংগী রিপোর্ত পীবগী ভারত্তা ইন্সেন্তিব লৈ, মরমদি মখোয়দা মসিগীদমক্তা মোনিতরী কমপেন্সেশন পীরি। মরম অদুনা ৱাৎনা রিপোর্ত পীখৎপগী ওইথোকপগী চাং অসি য়াম্না নেম্মি। লাইচৎগুম্বা য়াম্না নতৈচাদবা ফিভমদা, খ্বাইদগী হেন্না চাউরবা হেল্থ সীস্তেমদা ফাওবা তশেংবা মোর্তেলিতী অদু ফেক্তর কয়া অমনা মরম ওইরগা রিপোর্ত তৌরকখিবা শিখিবশিংগী মশিং অদুদগি হেনবা য়াই। অদুবু ভারতকী রাজ্যশিংগী মরক্তা য়াম্না শাথিনা খেৎনবা কেসলোদ অমসুং আউতকম সিচুৱেশনশিংদগী খোমগৎলকপা ইনফোর্মেশনদগী দেদ্যুস তৌনবগী পানদমদা এনালিসিস তৌবা খুদিংমক মপুংফাদবা অমসুং লানবা হায়বসি শোইদ্রবনি।

ভারত্তা শিখিবা মীশিংগী তশেংবা মশিংগী ‘সিগ্নিফিকেন্ত অন্দরকাউন্ত’গী মতাংদা হৌজিক-হৌজিক থোরক্লিবা মীদিয়া রিপোর্তশিং অসি বায়স ওইবা মওংগী স্তদীদা য়ুমফম ওই মরমদি কোবিদ-১৯গী সীমতমশিং লৈবা এদল্তশিং খক্তমক খনগৎখি অমসুং মরম অদুনা জেনরেল পোপুলেশনগী মীহুৎ শিনবা য়াদে। সেলেক্সন তৌবদসু বায়স ওইবগী মমি তাই মরমদি মশাগী মতম কাইথোক্তুনা নিংথিজনা পাউখুম পীবা ঙম্বা মশাগী ফোন লৈবা মী খক্তদগী সর্ভে অদু পাংথোকখি। অসুম্না য়েংলুরগদি সেমপল অদু কেস হেন্না রিপোর্ত তৌরকখিবা অর্বান এরিয়াশিংগীদা খক্তমক ওইরগনি, অমসুং মসিনা মরম ওইরগা হেন্না ৱাংনা রিপোর্ত ফংলগনি। মখোয়শিং অসিনসু হেন্না খঙবা অমসুং রিপোর্তিং তৌবগী বায়স হেন্না ৱাংবগী ওইথোকপা য়ানা লৈ।

স্তদী অদুবু পল্লিবা মীদিয়া রিপোর্তশিং অদুনা রেন্দম ওইনা খনগৎপা এদল্ত ২১০০ রোমদা চয়োল খুদিংগী ইন্তর্ভ্যু খরম্না তৌখি হায়বা পল্লি। মসিগী রিপোর্তশিং অসিনা চপ মান্নবা এদল্তশিং অদু হঞ্জিন-হঞ্জিন্না হংখিব্রা হায়বগী মতাংদা নত্রগা মখোয়শিং অদুনা পুল্লপ পুনশিন্দুনা লাখ ১.৭ ফাওবা য়ৌখিবগী মতাংদা শেংনা তাক্তে। অরোইবদা মসিগী ফলশিং অদু কেস অনিমক্তা য়াম্না খেৎনগনি। রেসপোন্স রেৎ অদু ৫৫%নি হায়না মীদিয়া রিপোর্তশিং অদুনা মখাতানা পনখি। মসিদা মীশিং অদুনা হাইয়ু য়াদব্রা নত্রগা মখোয়দা সীমতম অমত্তা লৈতে হায়না হায়রিব্রা হায়বশিগী মতাংদা ময়েক শেংনা খঙবা অমত্তা ঙমদে। অনিশুবদা, করিগুম্বা কোবিদ সীমতমশিং লৈবা এদল্তশিংগী দেতা খক্তমক লৌবা তারবদি, মসিনা স্তদী বায়স ওই হায়বা তাক্লি অমসুং মরম অদুনা জেনরেল পোপুলেশনগী মীহুৎ ওইনা লেপ্পা য়াদে।

খঙজিনগদবা অমনা পল্লিবা স্তদী অদুগী দিনোমিনেতর অদু ২০২০গী য়ু.এন.দি.পি. এস্তিমিনেতনি। মসি সর্ভে,সেন্সস অমসুং মোদেলশিং অদুগী অপুনবনি, মরম অদুনা এস্তিমেতনি। মসিদা য়ুমফম ওইরগা য়ুমথোং ৩.৪%না শিখিবগী রিপোর্ত তৌরগনি হায়না এস্তিমেত তৌখি। মসি রেজিস্ত্রার জেনরেল ওফ ইন্দিয়া (আর.জি.আই.)গী দেতাগা কমপেয়র তৌবা মথৌ তাই, হায়রিবা অসি মসিগী স্তদী অসিনদি তৌখিদে। স্তদী অসিনা পল্লি মদুদি ২০২০ জুনদগী ২০২১ মার্চ ফাওবদা, য়ুমথোং ০দগী ০.৭%না কোবিদনা মরম ওইরগা শিখিবশিংগী রিপোর্ত পীরকখি অদুগা ২০২১গী এপ্রিল ময়াইদগি জুন ফাওবনা শিখিবগী রিপোর্ত তৌরকখিবা অদু ৬%গী পীক য়ৌখি। মসিগী অতেনবা মতম অসি লৌরগা ২০২০গী জুনদগী ২০২১গী জুলাই ফাওবদা শিখিবশিংগী অপুনবা মশিং অদু থিনবগীদমক্তা শিজিন্নখি। মসি কালকুলেশন তৌবগী ভেলিদ ওইবা মওং নত্তে, মরমদি মসিনা থাগী ওইবা  অমসুং জিয়োগ্রাফিকেল ভেরিয়েশনশিং অদু পাবদা য়াওখিদে।

মসিগী মথক্তা, মীদিয়া রিপোর্তশিংনা খঙহল্লকখি মদুদি “ঐখোয়না চাউরাক্না য়ুমথোং ১৩,৫০০দগী মীশিং ৫৭,০০০দা, ২০১৯গী জনুৱারী ১দগী হায়রিবা ইমুংশিং অসিদা লৈরকপা মীওইশিং অদুদগী কনা শিখ্রে অমসুং করম্বা মতমদা শিখ্রে, অমসুং করিগুম্বা রেসপোন্দেন্ত অদুনা শিখ্রিবা মীওই অদু কোবিদনা মরম ওইরগা শিখ্রিব্রা নত্রগা নন-কোবিদকী অতোপ্পা মরম্নরা হাববদু খঙদোকখি।” অহানবদা সেমপল সাইজ অদু য়াম্না নেম্মি অমসুং অনিশুবদা করম্না ইমুং অদুগী মীওইশিং অদুনা শিরিবা অদু কোবিদনা মরম ওইরগা শিখিবনি হায়বদু করম্না খঙগনি হায়বগী ৱাফম অসি লৈখি। ৱাহং লান্না শেম্বনা অরানবা পাউখুম ফংগনি। অমরোমদনা ওথরশিং অদুনা কোমপেরেবল এস্তিমেশন শেম্নবা তোঙান-তোঙানবা সোর্স  অহুম শিজিন্নখি, শিজিন্নখিবা সোর্স দেতা অদু রাজ্য তরাদগী খোমগৎলকপা সেলফ-রিপোর্তিং অমসুং এস্তিমেতেদ দেতা অদুবুনি, মসিনা অতোপ্পা এস্তিমেশন অমদা অমুক পুরক্কনি অমসুং অশেংবা ফিভম অদু উৎলোই। সেলফ-রিপোর্তেদ ওইবা কোবিদ ত্রেকর সর্ভেবু লৈবাক অসিগী ওইবা দেতানি হায়না লৌরবদি বাম্না লানবা ওইগনি।

মখাতানা, রিপোর্ত অদুদা কোন্ত্রাদিক্সন লৈবা থেংনখি, মসিদা ওথরশিং অদুনা নন-কোবিদ কেসশিংদা মিসক্লাসিফিকেশন হায়না রিফর তৌখি। রেপোর্ত অদুদা পল্লি মদুদি “২০১৯গা চাংদম্নবদা ২০২০গি সেপ্তেম্বর-ওক্তোবরদা রিপোর্ত তৌরকখিবা  নন-কোবিদ দেথশিংদা হেনগৎলকপগী চাং অদু রিপোর্ত তৌরকখিবা কোবিদ দেথশিংদগী হেনখি অদুবু মসিগী ওন্নতৈনবদা ২০২১গী এপ্রিল-জুনদা ওইখিবা অদু চুমখি”। শিখিবশিংগী অপুনবা মশিং অদুগী সবসেত ওইরিবা নন-কোবিদ দেথশিং অদুনা শিখিবশিংগী অপুনবা মশিং অদুদগী করম্না হেল্লিবনো হায়বসি ময়েক শেংবা ঙমদে। মসিগীশু মথক্তা মথক্কী অসি য়ু.এস. স্তেতিস্তিক্সতগী দিদ্যুস তৌবা মাল্লি অমসুং মসিবু ভারতকী সিনারিয়োদা খরম্না পুসিল্লক্লিবনো হায়বসি ময়েক শেংনা খঙবা ঙমদে। শিখিবশিংগী প্রোবাবিলিতী অদু মেদিকেল এতেন্সন য়াওদনা খুঙ্গংগী লমশিংদা ওইনা পানশিনবা হায়বসিদি বাম্না লানবা ওইগনি। রাজ্য কয়া অমদা খুঙ্গংগী লমশিংদা মতম শাংনা ইনফেক্সন রেত নেম্না লৈখি। হায়রিবা স্তদী অসিদা মসিগী ৱাফম অসি এস্তিমেতশিং প্রোজেক্ত তৌবদা য়েংশিনখিদে।

অদুগীসু মথক্তা রিপোর্তশিং অদুগী মতুং ইন্না, মোর্তেলিতী হেনগৎলকপগী মতাংদা কোবিদ পীকশিংগী অখন্নবা তাইম পেরদশিংগী খক্তমক কেপচর তৌখি, হায়রিবা অসি লাইচৎ অসি হৌজিক ফাওবা মখা চত্থরিবনিনা কম‌পেরেবল ফিগরশিং উৎলোই। হায়রিবা অসি খ্বাইদগী নৌবা দেতা হেক ফংবগা হায়রিবা অসিদা য়ুমফম ওইরগা হেন্না কুপথনা কমপেরিজন তৌবা অমসুং এস্তিমেশন তৌবগী মথৌ তাগনি, মরমদি ফেক্তর কয়া অমা খুদম ওইনা দিজীজ প্রিভেলেন্স, হান্নগী ইনফেক্সন নত্রগা য়াম্না তমথিরবা লাইনানা মরম ওইরগা হোসপিতেলাইজেশন তৌবা, ইনফেক্সন দিতেক্সন রেত, (কোবিদ দেথশিংগি দিফিনিশন) ক্রুদ দেথ রেতনচিংবা য়াওনা ইনফেক্সন ফেতালিতী রেত অসি মশিংশিং অদুগী মতাংদা দিদ্যুস তৌবদা নত্রগা হেন্না ফবা ক্লেরিতী ফংনবা হায়রিবা ফেক্তরশিং অসিবু য়েংবগী মথৌ তাগনি।

অখন্নবা মরম খরদগী হেন্না শিখিবগী তোপিক অসি ভেলিদ ওই, মসি পব্লিক হেল্থকী পোইন্ত ওফ ভ্যুদগী য়েংলুরগদি য়াম্না মরু ওই অমসুং হেন্না ফবা পোলিসী অমসুং য়াম্না লিংবা, সস্তেন্নেবল হেল্থ মীজরশিং পাইখৎনবগীদমক্তা য়াম্না মথৌ তাই। তৌইগুম্বসুং লৈরিবা ফিভম অমদা মতম অমহেক্তদা হেন্না শিখিবগী এসম্পশন তৌবদা য়াম্না থুজিনবনা পব্লিক হেল্থ/দেতা সাইন্তিস্তশিংগী নোলেজদা য়ুমফম ওইরগা তৌবা একাদেমিক এক্সরসাইজ অমা ওইগনি। লাক্কদবা থা খরা অসিদা এস.আর.এস. নত্রগা সেন্সস দেতাগুম্বা এক্সরসাইজশিং অসিদগী থোরকপা হেন্না চাউবা গোভর্নমেন্ত দেতাদগী এদমিনিস্ত্রেতিব অমসুং পোলিসী মেকিং ক্বার্তরশিংগীদমক্তা হেন্না লোজিকেল ওইবা অমসুং একসেপ্তেবল ওইবা পাম্বৈশিং থোরক্কনি।

******