প্রধানমন্ত্রীগী লোইশঙ
প্রধান মন্ত্রীনা তমিল নাদুদা অনৌবা মেদিকেল কোলেজ ১১ অমসুং সি.আই.সি.তি.গী অনৌবা কেম্পস শঙ্গাখ্রে
অনৌবা মেদিকেল কোলেজ শারিবা জিলাশিং অদুদি বিরিধুনগর, নামক্কল, দি নীলগিরি, তীরুপ্পুর, তীরুবল্লুর, নাগাপত্তীনম, দিন্দিগুল, কল্লাকুরিচী, অরিয়ালুর, রাম্নাথাপুরম অমসুং কৃষ্ণগীরিনি।
হৌখিবা চহি ৭ অসিদা মেদিকেল কোলেজ মশিংনা ৫৪%গী চাং হেনগত্তুনা ৫৯৬ য়ৌরে
মেদিকেল অন্দরগ্রেজুএত অমসুং পোস্ত গ্রেজুএত সীত মসিং অসি ইং ২০১৪দা লিশিং ৮২ লৈরম্বদগী ৮০%গী চাং হেনগত্তুনা লাখ ১গা লিশিং ৪৮ য়ৌখি
ইং ২০১৪দা শুপ্নগী এমস ৭তমক লৈরম্বদগী হেনগৎলক্তুনা হৌজিক্তি ২২ লৈরে
“হয়েংগী মতম অসিদি হেল্থকেয়রদা ইনভেস্ত তৌবা খুন্নাইগী ওইগনি। ভারত সরকারনা সেক্তর অসিদা অহোংবা কয়া পুরকখ্রে”।
“তমিল নাদুদা মথংগী চহি ৫দা লুপা করোর লিশিং অহুম হেনবগী শেলগী তেংবাং পীরগনি। মসিনা রাজ্য শিনবা থুংবদা অর্বান হেল্থ অমসুং ৱেলনেস সেন্তর, দিস্ত্রিক্ত পব্লিক হেল্থ লেব অমসুং ক্রিতিকেল কেয়র ব্লোকশিং শাবদা তেংবাংগনি”
“তমিল লোল অমসুং কলচরগী মশক থোকপা মগুনশিংনা মতম পুম্বদা ঐহাকপু অঙকপা ফাওহল্লি”
Posted On:
12 JAN 2022 5:45PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি তমিল নাদুদা ভিদিও কনফরেন্সিংগী খুত্থাংদা অনৌবা মেদিকেল কোলেজ ১১গা লোয়ননা সেন্ত্রেল ইন্সতিত্যুৎ ওফ ক্লাসিকেল তমিল (সি.আই.সি.তি.)গী অনৌবা কেম্পস শঙ্গাখ্রে। থৌরম অসিদা অতোপ্পা মীওইশিংগা লোয়ননা কেন্দ্র মন্ত্রী, দাঃ মনশুখ মন্দাবিয়া, দাঃ এল. মুরুগন অমসুং দাঃ ভারতী পাৱর, তমিল নাদুগী মুখ্য মন্ত্রী, তীরু এম.কে. স্তালিন্সু শরুক য়াখি।
প্রধান মন্ত্রীনা মীতিন অসিদা ৱা ঙাংবদা অনৌবা মেদিকেল কোলেজ ১১গা লোয়ননা সেন্ত্রেল ইন্সতিত্যুৎ ওফ ক্লাসিকেল তমিল (সি.আই.সি.তি.)গী অনৌবা বিলদিং শঙ্গাখিবা অসিদগী খুন্নাইগী হকশেলগী ফিভমদা মিৎয়েং চঙবা হেনগৎপগা লোয়ননা নাৎকা লৈনরিবা ঐখোয়গী মরী অসিসু হান্নদগী হেন্না নকশিন্নরগনি হায়না ফোংদোকখি।
প্রধান মন্ত্রীনা দাক্তর মশিং ৱাৎপনা মতম শাংনা শিংনবা অমা ওইদুনা লাকখিববু পল্লদুনা হৌজিক্কী সরকারনা শিংনবা অসিগী ৱারোইশিন পুরক্নবা অহেনবা মিৎয়েং চঙলি হায়না ফোংদোকখি। লৈবাক অসিদা ইং ২০১৪ ফাওবদা শুপ্নগী মেদিকেল কোলেজ ৩৮৭ খক্তমক লৈরম্মি হায়না প্রধান মন্ত্রীনা পাউদমখি। অদুবু, মমাংগী চহি ৭ খক্তদা মেদিকেল কোলেজকী অপুনবা মশিংনা ৫৯৬ য়ৌখি। মসিগী হেনগৎপগী চাং অসি ৫৪%নি। ইং ২০১৪দা ভারতকী মেদিকেল অন্দর্গ্রেজুএত অমসুং পোস্ত গ্রেজুএতকী শীত মশিং অসি চাউরাক্না লিশিং ৮২ ওইরম্মি। মমাংগী চহি ৭ খক্তদা, অপুনবা শীত মশিং হেনগৎলক্তুনা লাখ ১গা লিশিং ৪৮ য়ৌখি অমসুং চাউরাক্না ৮০%গী চাংদা হেনগৎখি। মান্নবা ওইনা, ইং ২০১৪দা লৈবাক অসিদা শুপ্নগী এমস তরেৎ লৈরম্মি। অদুবু ইং ২০১৪গী মতুংদা অপুনবা এমস মশিং ২২ য়ৌখি। অসিগুম্বা চাউখৎলক্লিবা কয়া অসিগা লোয়ননা, মেদিকেল এজুকেসন সেক্তরবু হেন্না নুং পান ফাওনা উবা ঙমহন্নবগীদমক্তা তোঙান-তোঙানবা শেমদোকপগী থৌওং কয়া পাংথোকখি হায়না মহাক্না মখা তাখি। তমিল নাদুদা অনৌবা মেদিকেল কোলেজ ১১ শঙ্গাবদগী মহাক মশামক্না উত্তর প্রদেশতা হন্দক্তা অনৌবা মেদিকেল কোলেজ ৯ শঙ্গাখিবগী রেকোর্দ থুগায়জখি। রাম্নাথাপুরম অমসুং বিরুধুনগরগী এস্পিরেস্নেল দিস্ত্রিক্ত অনি অমসুং নীলগিরীগী চিংগী লমদমদা মেদিকেল কোলেজ শঙ্গাবা অসিদা হরাওবা পোকই হায়না ফোংদোক্লদুনা থৌওং অসিনা রিজনেল ইম্বেলেন্সকী শিংনবা অসিগীসু ৱারোইশিন পুরকপা ঙম্লে হায়না মহাক্না ফোংদোকখি।
মীওইবগী পুন্সিদা অমুকখক থোকপা কোবিদ-১৯ লাইচৎ অসিনা হেল্থ সেক্তরগী মরু ওইববু মীয়ামদা অমুক্কা হন্না নীংশিংহল্লে হায়না প্রধান মন্ত্রীনা হায়খি। হয়েংগী মতমসিদি হেল্থ সেক্তরদা ইনভেস্ত তৌবা খুন্নাইগী ওইরগনি। ভারত সরকারনা সেক্তর অসিদা অহোংবা কয়া পুরকখ্রে। অয়ুশমান ভারতনা মরম ওইদুনা লাইরবশিংনা খ্বাইদগী ফবা মগুন চেনবা অমসুং শেল চঙদবা হেল্থকেয়র ফংবসু ঙম্লে। খু ইমপ্লান্ত তৌবা অমসুং স্তেন্তকী অচঙবা মমলসু হান্নগী মমলগী শরুক অহুম থোকপগী অমা ওইরে। লুপা ১দা সেনিতরী নেপকিন ফংহনবদগী নুপীশিংগী নোংমগী পুন্সিসু হান্নদগী হেন্না হকশেল ফগৎলে। প্রধান মন্ত্রী অয়ুশমান ভারত ইনফ্রাস্ত্রকচর মিসন্না হেল্থ ইনফ্রাস্ত্রকচর অমসুং হেল্থ রিসর্চকী মরক্তা লৈরিবা অহাঙবা, মরু ওইনা জিলাগী থাক্তা, অমসুং মিৎয়েং চঙনীংঙাই ওইরবা শিংনবা অসিগীসু ৱারোইশিন পুরক্নবা পান্দম থম্লি। তমিল নাদুদা মথংগী চহি ৫দা লুপা করোর লিশিং অহুম হেনবগী শেলগী তেংবাং পীরগনি। মসিনা রাজ্য শিনবা থুংবদা অর্বান হেল্থ অমসুং ৱেলনেস সেন্তর, দিস্ত্রিক্ত পব্লিক হেল্থ লেব অমসুং ক্রিতিকেল কেয়র ব্লোকশিং শাবদা তেংবাংগনি হায়না প্রধান মন্ত্রীনা পাউদমখি। লাক্কদৌরিবা চহিশিংদা “ভারতপু মীয়ামগী মগুন লৈবা অমসুং শেল চঙদবা হকশেলগী কেয়র ফংবগী পন্থুংফম অমা ওইনা খঙনরকপা” অসি ঐহাক্কী মঙলান্নি হায়না মহাক্না ফোংদোকখি। ভারত্তা মেদিকেল তুরিজম হব অমা ওইবগী তঙাই ফদবা পোৎলম খুদিংমক লৈ অমসুং ৱাফম অসি ঐহাক্না ঐখোয়গী দাক্তরশিংগী হৈথোই-শিংথোইবদা য়ুম্ফম ওইরগা হায়বনি হায়না মহাক্না ফোংদোকখি। মহাক্না মেদিকেল ফ্রেতর্নিতীশিংনা তেলিমেদিসিনগী হীরমদসু মিৎয়েং চঙনবা হায়খি।
তমিল লোল অমসুং কলচরগী মশক থোকপা মগুনশিংনা মতম পুম্বদা মহাকপু অঙকপা ফাওহল্লি হায়না প্রধান মন্ত্রীনা হায়খি। “ঐহাক্না খ্বাইদগী নুংঙাইখিবা মিৎকুপ্তি মালেমগী খ্বাইদগী অরীবা লোল ওইরিবা তমিল লোলগী ৱাহৈ খরা ঐহাক্না য়ুনাইতেদ নেসন্সতা ঙাংবগী খুদোংচাবা ফংখিবদুনি”, হায়না মহাক্না মীয়ামদা পাউদমখি। মহাক্কী সরকারনা বনারস হিন্দু য়ুনিভর্সিতীদা তমিল স্তদীজকী মরী লৈনবা ‘সুব্রমনিয়া ভারতী চেয়র’ লিংখৎপদা চাউথোকচবা পোকচৈ হায়না মহাক্না ফোংদোকখি। মহাক্কী পার্লিয়ামেন্তরী কন্সতিত্বেন্সীদা লৈরিবা চেয়র অসিনা তমিলগী মরমদা খঙনীংবা হেনগৎহনগনি হায়না মহাক্না মখা তাখি।
নেস্নেল এজুকেসন পোলিসী ২০২০দা ভারতকী লোল অমসুং ভারতকী লৌশিংগী পথাপ্পু খুমাং চাউশিলহনবদা অহেনবা মিৎয়েং চঙবগী মতাংদা পল্লদুনা প্রধান মন্ত্রীনা তমিল অসি হৌজিক্তি সেকন্দরী নত্ত্রগা মিদ্দল লেভেলগী স্কুল এজুকেসন্দা ক্লাসিকেল লেংগ্বেজ অমা ওইনা তম্বা য়ারগনি হায়না পাউদমখি। তমিল অসিসু স্কুলগী মহৈরোইশিংনা ওদিও ভিদিওগী খুত্থাংদা ভারতকী তোঙান-তোঙানবা লোলশিংদা ৱাহৈ পরেং ১০০ তম্বগী ভাশা-সঙ্গমদা য়াওবা লোল অমনি। তমিলগী খ্বাইদগী চাউবা ই-কন্তেন্ত অসিসু ভারতবানী প্রোজেক্তকী মখাদা দিজিতাইজ তৌখ্রবনি। “ঐখোয়না স্কুলশিংদা মমারোল অমসুং মফম-মফমগী ঙাংনবা লোলশিংদা মহৈ তম্বগী থৌওংবু পুক্নিং থৌগৎলি। ঐখোয়গী সরকারনা ইঞ্জিনিয়রিংগুম্বা তেক্নিকেল কোর্সশিংসু ভারতকী লোলশিংদা তম্বা য়াবা হৌহনখ্রবনি”, হায়না মহাক্না মখা তাখি।
প্রধান মন্ত্রীনা ‘এক ভারত, শ্রেস্থ ভারত’না তোঙানবা মগুন চেল্লবসু অমত্তা ওইবগী ইথিল হেনগৎহন্দুনা মীয়াম্বু হেন্না নকশিনহল্লি হায়না ফোংদোকখি। “হরিদ্বারদা লৈবা পীক্লিবা অঙাং অমনা তীরুবল্লুরগী মীতম অমা উদুনা মহাক্কী মীথোই-মীহেনবগী মতাংদা খঙলকপা মতমদা ‘এক ভারত, শ্রেস্থ ভারত’কী মরু অমা মহাক্কী নৌরিবা ৱাখল্লোন্দা হুনখ্রবনি”, হায়বা ৱাফমদা মহাক্না মিৎয়েং চঙখি। মহাক্না মীয়াম্না চেকশিন থৌরাং খুদিংমক লৌদুনা কোবিদকা চুনবা লিচৎ চৎনবা ৱাফম থমদুনা মহাক্কী ৱারোল লোইশিনখি।
অনৌবা মেদিকেল কোলেজশিং অসি চাউরাক্না লুপা করোর ৪০০০ চংনা শাখিবনি, মসিগী মনুংদা চাউরাক্না লুপা করোর ২১৪৫তি কেন্দ্র সরকার পুথোকখি অমসুং লেমহৌরিবা শরুক অদুনা তামিল নাদু সরকারনা পুথোকখি। মেদিকেল কোলেজশিং অসি লিংখৎখিবা দিস্ত্রিক্তশিং অদুদি ভিরুধুনাগর, নামক্কল, দ নিলগিরিজ, তিরুপ্পুর, থিরুভল্লুর, নাগাপাত্তিনম, দিন্দিগুল, কাল্লকুরিচি, অরিয়ালুর, রামানাথাপুরম অমসুং কৃষ্ণাগীরিনি। মেদিকেল কোলেজশিং লিংখৎলিবা অসি প্রধান মন্ত্রীগী লৈবাক শিনবা থুংনা এফোর্দেবল ওইবা মেদিকেল এজুকেশন প্রোমোত তৌনবা অমসুং হেল্থ ইনফ্রাস্ত্রকচর ফগৎহন্নবা লেপ্তনা হোৎনরিবা অসিগী মনুং চন্না পাংথোকখিবনি। অপুনবা কেপাসিতী ১৪৫০ সীত লৈবা মেদিকেল কোলেজশিং অসি কেন্দ্রনা স্পোন্সর তৌবা ‘হান্নদগী লৈরিবা দিস্ত্রিক্ত/রেফরেল হোসপিতালদা এতেচ তৌবা অনৌবা মেদিকেল কোলেজ লিংখৎপা’ স্কীম অদুগী মখাদা লিংখৎখিবনি। মসিগী স্কীম অসিগী মখাদা সরকার নত্রগা লনাইগী মেদিকেল কোলেজশিং অমত্তা লৈতবা দিস্ত্রিক্তশিংদা লিংখৎখি।
চেন্নাইদা লৈবা সেন্ত্রেল ইন্সতিত্যুত ওফ ক্লাসিকেল তামিল (সি.আই.সি.তি.)গী অনৌবা কেম্পস লিংখৎলিবা অসি ভারতকী হেরিতেজ ঙাক-শেন্দুনা থম্বা, য়োকখৎপা অমসুং ক্লাসিকেল লেংগ্বেজ প্রোমোত তৌনবা প্রধান মন্ত্রীগী মঙলান অদুগী মনুং চন্না পাংথোকখিবনি। অনৌবা কেম্পস অসি মপুং ফানা কেন্দ্র সরকারনা ফন্দ থাদবা অমসুং লুপা করোর ২৪ চংনা শাখিবনি, হায়রিবা অসি হৌজিক ফাওবদি শেল থীদুনা ৱাইবা বিল্দিং অমদা মথৌ তৌরম্মি অদুবু হৌজিক্তি মথোল ৩গী কেম্পস অমদা ওপরেত তৌরগনি। অনৌবা কেমপস অসিদা য়াম্না চাউবা লাইব্ররী অমা , ই-লাইব্রারী অমা, সেমিনার হোলশিং অমসুং মল্তিমীদিয়া হোল অমা য়াওই।
কেন্দ্রগী এজুকেশন মন্ত্রালয়গী মখাদা লৈবা ওতোনোমস ওর্গনাইজেশন, সি.আই.সি.তি. অসিনা তামিল লোনগী অরিবা অমসুং তোপ-তোপ্পা অদু খঙননবা রিসর্চ এক্তিবিতীশিং পাংথোক্তুনা ক্লাসিকেল তামিলগী প্রোমোশন তৌবদা য়াম্না চাউনা মতেং পাংলি। ইন্সতিত্যুত লাইব্ররী অসিদা অরিবা তামিল লোনগী লাইরিক ৪৫,০০০গী মথক্তা লৈ। ক্লাসিকেল তামিলবু প্রোমোত তৌনবা অমসুং লোন অসিগী মহৈরোইশিংবু সপোর্ত তৌনবা, ইন্সতিত্যুত অসিনা একাদেমিক ওইবা এক্তিবিতীশিং খুদম ওইনা সেমিনারশিং অমসুং ত্রেনিং প্রোগ্রামশিং, ফেলোশিপ পীবনচিংবা কয়া অমা পাংথোক্লি। মসিনা ‘থিরুক্কল’বু ভারতকী অমসুং ফোরেন লেঙ্গ্বেজ কবা অমদা হন্দোক্নবা অমসুং ফোংনবা পান্দম থম্লি। অনৌবা কেমপস অসিনা মালেম শিনবা থুংনা ক্লাসিকেল তামিল লোনবু প্রোমোত তৌনবা হোৎনবদা ইন্সতিত্যুত অসিগীদমক্তা য়াম্না এফিসিয়েন্ত ওইবা ৱার্কিং এনভাইরনমেন্ত অমা পীরগনি।
***
(Release ID: 1789555)
Visitor Counter : 145
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam