ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
azadi ka amrit mahotsav

ଦେଶର କୋଭିଡ-୧୯ ମହାମାରୀ ପରିସ୍ଥିତିର ସମୀକ୍ଷା କରିବା ସହିତ ଓମିକ୍ରନ୍ ଭାରିଆଣ୍ଟ ଯୋଗୁଁ କୋଭିଡ ସଂକ୍ରମଣରେ ବୃଦ୍ଧି ନେଇ ହେଉଥିବା ପ୍ରସ୍ତୁତି ଉପରେ ଆଲୋଚନା କଲେ ପ୍ରଧାନମନ୍ତ୍ରୀ

ଜିଲ୍ଲା ସ୍ତରରେ ପର୍ଯ୍ୟାପ୍ତ ସ୍ୱାସ୍ଥ୍ୟ ଭିତ୍ତିଭୂମି ନିଶ୍ଚିତ କରନ୍ତୁ: ପ୍ରଧାନମନ୍ତ୍ରୀ

ମିଶନ୍ ମୋଡ୍ ରେ କିଶୋରମାନଙ୍କ ପାଇଁ ଟିକାକରଣ ଅଭିଯାନ ତ୍ୱରାନ୍ୱିତ କରନ୍ତୁ: ପ୍ରଧାନମନ୍ତ୍ରୀ

ଏହି ଭାଇରସ ଲଗାତାର ବୃଦ୍ଧି ପାଉଥିବାରୁ ଜିନୋମ ସିକ୍ୱେନ୍ସି ସହିତ ପରୀକ୍ଷଣ, ଟୀକା ଏବଂ ଔଷଧିୟ ହସ୍ତକ୍ଷେପ ଉପରେ ବୈଜ୍ଞାନିକ ଅନୁସନ୍ଧାନ ଆବଶ୍ୟକ: ପ୍ରଧାନମନ୍ତ୍ରୀ

ଦୁର୍ଗମ ତଥା ଗ୍ରାମାଞ୍ଚଳର ଲୋକଙ୍କ ପାଇଁ ସ୍ୱାସ୍ଥ୍ୟ ସମ୍ବନ୍ଧୀୟ ମାର୍ଗଦର୍ଶନର ଉପଲବ୍ଧତାକୁ ସୁନିଶ୍ଚିତ କରିବା ପାଇଁ ଅଣ-କୋଭିଡ୍ ସ୍ୱାସ୍ଥ୍ୟ ସେବା ଏବଂ ଟେଲିମେଡିସିନ୍ ସହାୟତାର ନିରନ୍ତରତା ସୁନିଶ୍ଚିତ କରନ୍ତୁ: ପ୍ରଧାନମନ୍ତ୍ରୀ

ରାଜ୍ୟର ର୍ନିଦ୍ଦିଷ୍ଟ ପରିସ୍ଥିତି, ସର୍ବୋତ୍ତମ ଅଭ୍ୟାସ ଏବଂ ଜନସ୍ୱାସ୍ଥ୍ୟ ପଦକ୍ଷେପ ଉପରେ ଆଲୋଚନା କରିବା ପାଇଁ ମୁଖ୍ୟମନ୍ତ୍ରୀମାନଙ୍କ ସହିତ ବୈଠକ ଡକାଯିବ: ପ୍ରଧାନମନ୍ତ୍ରୀ

ନିରନ୍ତର ଜନ ଆନ୍ଦୋଳନ, କୋଭିଡ-୧୯ ବିରୁଦ୍ଧରେ ଚାଲିଥିବା ଯୁଦ୍ଧରେ କୋଭିଡ୍ ଉପଯୁକ୍ତ ବ୍ୟବହାର ଜରୁରି : ପ୍ରଧାନମନ୍ତ୍ରୀ

Posted On: 09 JAN 2022 7:49PM by PIB Bhubaneshwar

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆଜି ଦେଶରେ କୋଭିଡ-୧୯ ମହାମାରୀର ପରିସ୍ଥିତି, ସ୍ୱାସ୍ଥ୍ୟ ଭିତ୍ତିଭୂମି ଏବଂ ପରିବହନ ପ୍ରସ୍ତୁତି, ଦେଶରେ ଟୀକାକରଣ ଅଭିଯାନର ସ୍ଥିତି ଏବଂ ନୂତନ କୋଭିଡ -୧୯ ଭାରିଆଣ୍ଟ ଓମିକ୍ରନ ଏବଂ ଦେଶର ଜନସ୍ୱାସ୍ଥ୍ୟ ଉପରେ ଏହାର ପ୍ରଭାବ ଉପରେ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଥିଲା

କେନ୍ଦ୍ର ସ୍ୱାସ୍ଥ୍ୟ ସଚିବ ବର୍ତ୍ତମାନ ସର୍ବଭାରତୀୟ ସ୍ତରରେ ରିପୋର୍ଟ ହେଉଥିବା ମାମଲାଗୁଡ଼ିକର ବୃଦ୍ଧି ଉପରେ ଆଲୋକପାତ କରିବା ସହିତ ଏକ ବିସ୍ତୃତ ରିପୋର୍ଟ ଉପସ୍ଥାପନ କରିଥିଲେ   ଭାରତରେ କୋଭିଡ-୧୯ ସ୍ଥିତି ବିଭିନ୍ନ ରାଜ୍ୟ ତଥା ଜିଲ୍ଲା ଗୁଡିକରେ ମାମଲା ବୃଦ୍ଧି ଏବଂ ସକରାତ୍ମକ ପଦକ୍ଷେପ ଉପରେ ଆଲୋକପାତ କରାଯାଇଥିଲା ଆହୁରି ମଧ୍ୟ, ଅଗାମୀ ଆହ୍ୱାନକୁ ମୁକାବିଲା କରିବା ପାଇଁ ରାଜ୍ୟଗୁଡିକୁ ସମର୍ଥନ କରିବା ଦିଗରେ କେନ୍ଦ୍ର ସରକାରଙ୍କ ଦ୍ୱାରା ନିଆଯାଇଥିବା ବିଭିନ୍ନ ପ୍ରୟାସ ଉପରେ ଆଲୋକପାତ କରାଯାଇଥିଲା ସର୍ବୋଚ୍ଚ ମାମଲାଗୁଡ଼ିକର ଆଗାମୀ ପରିସ୍ଥିତି ମଧ୍ୟ ଉପସ୍ଥାପିତ ହୋଇଥିଲା

ସ୍ୱାସ୍ଥ୍ୟ ଭିତ୍ତିଭୂମି, ପରୀକ୍ଷଣ କ୍ଷମତା, ଅମ୍ଳଜାନ ଏବଂ ଆଇସିୟୁ ଶଯ୍ୟା ଉପଲବ୍ଧତା ଏବଂ ଜରୁରୀକାଳୀନ କୋଭିଡ ରେସପନ୍ସ ପ୍ୟାକେଜ (ଇସିଆରପି-) ଅଧୀନରେ କୋଭିଡ ଅତ୍ୟାବଶ୍ୟକ ଔଷଧର ବ୍ୟାପକ ମହଜୁଦର ନବୀକରଣ ପାଇଁ ରାଜ୍ୟମାନଙ୍କୁ ଦିଆଯାଉଥିବା ସହାୟତା ଉପସ୍ଥାପନ ହୋଇଥିଲା ଜିଲ୍ଲା ସ୍ତରରେ ପର୍ଯ୍ୟାପ୍ତ ସ୍ୱାସ୍ଥ୍ୟ ଭିତ୍ତିଭୂମି ସୁନିଶ୍ଚିତ କରିବା ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଛନ୍ତି ରାଜ୍ୟଗୁଡିକ ସହ ଏହି ସଂକ୍ରାନ୍ତରେ ସମନ୍ୱୟ ରକ୍ଷା କରିବାକୁ ସେ ଅଧିକାରୀମାନଙ୍କୁ କହିଛନ୍ତି

ଏହି ଉପସ୍ଥାପନା ଟୀକାକରଣ ଅଭିଯାନରେ ଭାରତର ନିରନ୍ତର ପ୍ରୟାସକୁ ଧ୍ୟାନ ଦେଇଛି, ୧୫-୧୮ ବର୍ଷ ବୟସର ୩୧% କିଶୋରଙ୍କୁ ଦିନ ମଧ୍ୟରେ ଏପର୍ଯ୍ୟନ୍ତ ପ୍ରଥମ ଡୋଜ୍ ଦିଆଯାଇଛି ପ୍ରଧାନମନ୍ତ୍ରୀ ଏହି ସଫଳତାକୁ ଉଲ୍ଲେଖ କରିଛନ୍ତି ଏବଂ ମିଶନ ମୋଡରେ କିଶୋରମାନଙ୍କ ପାଇଁ ଟିକା ଅଭିଯାନକୁ ଆହୁରି ତ୍ୱରାନ୍ୱିତ କରିବାକୁ ଅନୁରୋଧ କରିଛନ୍ତି

ବିସ୍ତୃତ ଆଲୋଚନା ପରେ, ମାନ୍ୟବର ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ଯେ ଅଧିକ ମାମଲା ରିପୋର୍ଟ କରୁଥିବା ଅଞ୍ଚଳରେ କଣ୍ଟେନମେଣ୍ଟ ଏବଂ ସକ୍ରିୟ ନୀରିକ୍ଷଣ ଜାରି ରଖିବା ଉଚିତ ଏବଂ ବର୍ତ୍ତମାନ ଅଧିକ ମାମଲା ରିପୋର୍ଟ କରୁଥିବା ରାଜ୍ୟଗୁଡିକୁ ଆବଶ୍ୟକ ବୈଷୟିକ ସହାୟତା ପ୍ରଦାନ କରାଯିବା ଉଚିଚ ସଂକ୍ରମଣକୁ ନିୟନ୍ତ୍ରଣ କରିବା ପାଇଁ ମାସ୍କର ପ୍ରଭାବଶାଳୀ ବ୍ୟବହାର ଏବଂ ଶାରୀରିକ ଦୂରତା ପଦକ୍ଷେପଗୁଡିକର ସୁନିଶ୍ଚିତତା ଉପରେ ସେ ଆଲୋକପାତ କରିଥିଲେ ସାମାନ୍ୟ / ଲକ୍ଷଣହୀନ ମାମଲାଗୁଡ଼ିକ ପାଇଁ ଗୃହ ସଙ୍ଗରୋଧର ପ୍ରଭାବଶାଳୀ କାର୍ଯ୍ୟକାରିତା ଏବଂ ଗୋଷ୍ଠି ସ୍ତରରେ ପ୍ରକୃତ ତଥ୍ୟ ପ୍ରଦାନ କରିବାକୁ ପ୍ରଧାନମନ୍ତ୍ରୀ ପରାମର୍ଶ ଦେଇଥିଲେ

ପ୍ରଧାନମନ୍ତ୍ରୀ କହିଛନ୍ତି ଯେ ରାଜ୍ୟର ର୍ନିଦ୍ଦିଷ୍ଟ ପରିସ୍ଥିତି, ସର୍ବୋତ୍ତମ ଅଭ୍ୟାସ ଏବଂ ଜନସ୍ୱାସ୍ଥ୍ୟ ପ୍ରତିକ୍ରିୟା ଉପରେ ଆଲୋଚନା ପାଇଁ ମୁଖ୍ୟମନ୍ତ୍ରୀମାନଙ୍କ ସହ ଏକ ବୈଠକ ଡକାଯିବ

ସେ ଆହୁରି ମଧ୍ୟ ବର୍ତ୍ତମାନ କୋଭିଡ୍ ମାମଲା ପରିଚାଳନା କରୁଥିବାବେଳେ ଅଣ-କୋଭିଡ୍ ସ୍ୱାସ୍ଥ୍ୟ ସେବାର ନିରନ୍ତରତା ନିଶ୍ଚିତ କରିବା ଉପରେ ଗୁରୁତ୍ୱାରୋପ କରିଛନ୍ତି ଦୁର୍ଗମ ତଥା ଗ୍ରାମାଞ୍ଚଳର ଲୋକଙ୍କ ପାଇଁ ସ୍ୱାସ୍ଥ୍ୟ ସମ୍ବନ୍ଧୀୟ ସୂଚନା ଉପଲବ୍ଧତା ନିଶ୍ଚିତ କରିବାକୁ ଟେଲି ମେଡିସିନ୍ ବ୍ୟବହାର କରିବାର ଆବଶ୍ୟକତା ବିଷୟରେ ସେ କହିଥିଲେ

କୋଭିଡ-୧୯ ପରିଚାଳନାରେ ସ୍ୱାସ୍ଥ୍ୟସେବା ଦ୍ୱାରା ପ୍ରଦାନ କରାଯାଇଥିବା ନିରନ୍ତର ସେବା ପାଇଁ ସେ କୃତଜ୍ଞତା ଜଣାଇବାବେଳେ, ମିଶନ ମୋଡରେ ସ୍ୱାସ୍ଥ୍ୟସେବା କର୍ମଚାରୀ, ଆଗଧାଡିର କର୍ମଚାରୀଙ୍କ ପାଇଁ ବୁଷ୍ଟର ଡୋଜ୍ନିଶ୍ଚିତ କରିବାକୁ ପରାମର୍ଶ ଦେଇଛନ୍ତି

ନିୟମିତ ଭାବେ ଭାଇରସ ବଢୁଥିବାରୁ ପରୀକ୍ଷଣ, ଟିକା ଏବଂ ଔଷଧିୟ ହସ୍ତକ୍ଷେପ ସହିତ ଜିନୋମ ସିକ୍ୱେନ୍ସି ଉପରେ ବୈଜ୍ଞାନିକ ଅନୁସନ୍ଧାନର ଗୁରୁତ୍ୱ ବିଷୟରେ ପ୍ରଧାନମନ୍ତ୍ରୀ ମଧ୍ୟ କହିଥିଲେ

ଏହି ବୈଠକରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ସ୍ୱାସ୍ଥ୍ୟ ପରିବାର କଲ୍ୟାଣ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟ, ସ୍ୱାସ୍ଥ୍ୟ ପରିବାର କଲ୍ୟାଣ ରାଷ୍ଟ୍ରମନ୍ତ୍ରୀ ଶ୍ରୀମତୀ ଭାରତୀ ପ୍ରବୀନ ପାୱାର, ନୀତି ଆୟୋଗର ସଦସ୍ୟ (ସ୍ୱାସ୍ଥ୍ୟ) ଡକ୍ଟର ଭି କେ ପଲ, କ୍ୟାବିନେଟ ସଚିବ ଶ୍ରୀ ରାଜୀବ ଗୌବା, ସ୍ୱରାଷ୍ଟ୍ର ସଚିବ ଶ୍ରୀ .କେ. ଭଲା, ସ୍ୱାସ୍ଥ୍ୟ ପରିବାର କଲ୍ୟାଣ ସଚିବ ଶ୍ରୀ ରାଜେଶ ଭୂଷଣ, ସଚିବ (ଫାର୍ମାସ୍ୟୁଟିକାଲ୍ସ); ଡକ୍ଟର ରାଜେଶ ଗୋଖଲେ, ସଚିବ (ବାୟୋଟେକ୍ନୋଲୋଜି); ଡକ୍ଟର ବଳରାମ ଭାର୍ଗବ, ଆଇସିଏମ୍ଆର ମହାନିର୍ଦ୍ଦେଶକ ଶ୍ରୀ ଆର.ଏସ୍‍. ଶର୍ମା, ଜାତୀୟ ସ୍ୱାସ୍ଥ୍ୟ ମିଶନର ସିଇଓ. ଫାର୍ମାସ୍ୟୁଟିକାଲ୍ସ ସଚିବ, ବେସାମରିକ ବିମାନ ଚଳାଚଳ ସଚିବ, ବୈଦେଶିକ ବ୍ୟାପାର ସଚିବ, ଏନ୍ଡିଏମ୍ ସଦସ୍ୟଙ୍କ ସହିତ ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ

HS



(Release ID: 1788812) Visitor Counter : 98