হেলথ অমসুং ফেমিলি ৱেলফিয়রগী য়ুনিয়ন মিনিস্ত্রীনা কোবিদ-১৯ ভাইরসগী মওংশিং হোংলক্লিবা অমসুং হায়রিবা অসিগী এস.এ.আর.এস.-কোব-২ ভেরিএন্ত ওফ কন্সর্ন (বি.ও.সি.এস.) মদুদি ওমিক্রোনগী ইবোলুসন অমসুং মালেম শিনবা থুংনা কেসশিং অসি হেনগৎপগী রিপোর্ত অসি য়েংলগা ২০২২গী জানুৱারী ৬তা ইন্তর্নেস্নেল এরাইবেলশিংগী গাইদলাইন্দ রিভাইস তৌখ্রে। মসিগী গাইদলাইন্দ অসি ২০২২গী জানুৱারী ১১ (০০.০১ আই.এস.তি.গী পুংদা)দগী চৎনবা হৌগনি।

মসি ২০২১গী নবেম্বর ৩০দা খ্বায়দগী কোন্না তৌখিবা অপদেৎনি।

রিভাইস তৌরবা গাইদলাইন্দ অসি হেলথ মিনিস্ত্রীগী ৱেবসাইত্তা পোস্ত তৌরি অমসুং মসিদা চংবা য়াই -

https://www.mohfw.gov.in/pdf/RevisedGuidelinesforInternationalArrivalsdated7thJanuary2022.pdf

মখাদা পীরিবা অসি মমাংগী গাইদলাইন্দগা (২০২১গী নবেম্বর ৩০গী) য়েংনবদা ২০২২গী জানুৱারী ৬কী রিভাইস গাইদলাইন্দশিংদা অহোংবা লৈরিবা অদুনি:

1. ত্রাবেল্লর পুম্বা (এরাইবেলদা রেন্দম তেস্তিংগীদমক খল্লবা ২%শিং অমসুং নেগেতিব ওইরবশিং য়াওনা) নুমিৎ ৭নি য়ুমদা ক্বারিন্তিন চৎথগনি অমসুং ভারত্তা থুংলবা ৮নি শুবা নুমিৎতা আর.তি.-পি.সি.আর. তেস্ত তৌগনি।  
2. ত্রাবেল্লরশিংনা ৮নি শুবা নুমিৎতা কোবিদ-১৯গী আর.তি.-পি.সি.আর. তেস্ত তৌখিবগী রিজল্ত এয়র সুবিধা পোর্তেল (মরী লৈনবা রাজ্য/য়ু.তি.শিংনা য়েংশিনগদবা)দা অপলোদ তৌবা মথৌ তারি।
3. এরাইবেলদা তেস্তিং তৌবা মথৌ তাবা ত্রাবেল্লর পুম্বনা, মতম চানা লায়না তেস্ত তৌবা য়ানবা অমসুং খুদোংচাদবশিং থোক্তনবা এয়র সুবিধা পোর্তেলদা তেস্ত ওনলাইনগীদমক বুক হান্না তৌগদবনি। 

****