উপ রাস্ত্রপতি, শ্রী এম. ভেঙ্কায়া নাইদুনা ঙসি অনৌবা কোবিদ কেসশিং হেনগৎলকপা অসিদা পায়খৎপা য়াবা থবকশিং অথুবা মতমদা পায়খৎনবগী ৱাখল্লোন লৈনবা অমসুং লায়চৎকী মমাংদা হৌখিবা ৱেবশিংদগী পারাশিং শিজিন্নবা কন্না হায়খ্রে। “ঐখোয়না মতম পুম্বদা কোবিদ প্রোতোকোল ইন্দুনা চৎপা – মাস্ক উপ্পা, থাপ্না লৈনবা অমসুং ভেক্সিন কাপথোকপা, অমসুং ঐখোয় ইশামক অমসুং ঐখোয়গী কাংলুপশিংবু চেকশিন্না লৈবা হায়বা অসি ঐখোয়গী ‘ধর্মা’ অমসুং ‘কর্তব্য’নি হায়না লৌগদবনি”,হায়না মহাক্না মরুওইবা পীদুনা হায়খি।  

চহি ১৫-১৮গী কাংলুপশিং ভেক্সিনেসন কাপথোকপগী মরুওইবা পল্লদুনা, শ্রী নাইদুনা মমা-মপা ওইবশিংদা মখোয়গী অঙাংশিংবু নৌনা কাপথোকপা য়ারবা চহি কাংলুপশিং য়ারিবমখৈ অঙনবদা ভেক্সিন কাপতোক্নবা কন্না হায়রি। মহাক্না মীয়ামগীদমক খনবা মীওইশিং, সোসিএল এদভোকেসী কাংলুপ, মেদিকেলদা থবক তৌরিবশিং অমসুং সরকারনা অঙম্বা মখৈ মীয়াম্বু য়ৌশিন্দুনা অমসুং ভেক্সিন অসিদা চিংনবা লৈহন্দুনা লায়চৎ অসিগী মায়োক্তা অথিংবা লৈরিবা অসি কোকহনগদবনি।   

অমেরিকান এসোসিএসন ওফ ফীজিসিয়ন ওফ ইন্দিয়ন ওরিজিন (এ.এ.পি.আই.)না শিনবা ১৫শুবা গ্লোবেল হেলথ সমিত্তা রেকোর্দ তৌবা হৌদোকপগী ৱারোল অমদা, উপ রাস্ত্রপতিনা ভারতকী ওরিজিন ওইরিবা মেদিকেলদা থবক তৌরিবশিংবু  “মালেমগী কাচিন কোয়া কয়াদা মখোয়গী শক্তম ঙাকপগীদমক” অমসুং “বাসুধাইবা কুতুমবকমগী ওইবা ঐখোয়গী ইরমদমগী খুনাই অমা চাউখৎপগী মীওইবগী মগুন ঙাকপগীদমক” থাগৎপা ফোংদোকখি।   

শ্রী নাইদুনা উখি মদুদি য়ু.এস.তা মরুওইনা ভারতকী ওরিজিন ফীজিসিয়নশিং লেমজনিঙাই ওইরবা মিংচৎ কয়া অমা ফংলি অমসুং মখোয়শিং অসিগী মরক্তগী লৈবাক অসিদা মকোক থোংবা এদমিনিস্ত্রেসনগী ওইবা ফম কয়া অমা কল্লি। “মখোয় অসি ভারতকী ভেল্যু সিস্তেমদা খ্বায়দগী মায় পাকপা এম্বাসেদুরশিংনি”,হায়না মহাক্না মখা তাখি।

য়ু.এস.তা য়ুম্ফম ওইবা ওর্গানাইজেসনগা লোয়ননা ভারতকী ফার্মনা হন্দক্তা অয়াবা পীখ্রবা ভেক্সিন -কোর্বেবাক্স অমসুং কোবোবাক্স পুথোক্নবা খুৎশম্নখিবা অসি পল্লদুনা, উপ রাস্ত্রপতিনা হায়খি “মসিনা তাক্লি মদুদি ভারত-য়ু.এস.না হেলকেয়রদা খুৎশম্নবা অসিনা ঐখোয়গী লৈবক খক্তা নত্তনা মালেম পুম্বগী ওইনা চাউনা কান্নবা পীরগনি”।

ৱারোল অসিদা, উপ রাস্ত্রপতিনা ফোংদোকখি মদুদি সহরগী মফমশিংদা তেক্নোলোজীদা থাক ৱাংনা চেকশিন থৌরাংদা লৈবা মরম্না মালেমগী ওইনা অনবাশিংগী পুক্নিং চিংশিল্লি, অমরোমদা খুঙ্গংগী মফমশিংদা থওইদবা মরম্না মনিং হন্থদুনা প্রাইমারী কেয়র ফাওবদা অকক্নবা অমা ওইনা লৈরি।    

হায়রিবা অসি লৈহন্দনবা, অতোপ্পা খোঙথাং কয়াগা লোয়ননা, শ্রী নাইদুনা খুঙ্গংগী চংশিনবা মফমশিং য়ৌশিন্নবা তেলেহেলথ অমসুং অতৈ তেক্নোলোজীগী ওইবা পাম্বৈ থিদোক্নবা য়াম্না হকচিন্না অপাম্বা ফোংদোকখি। “মসিনা ঐখোয়গী অকক্ননা লৈরিবা থবক-শুবশিং অমসুং হেলথ ইনফ্রাস্ত্রকচর কাচিন কোয়া ফাওবা য়ৌহল্লগনি,” হায়না মহাক্না হায়খি।

হিরম অসিদা, মহাক্না ভারত্তা হেলথ-তেক্ত স্তার্ত-অপ কয়া অমা লাক্লিবা অসি পনখি অমসুং খুঙ্গংগী মফম কয়াদা মখোয়গী হেলথকেয়রগী থবকশিং হেনগৎহন্দুনা মফমগী ওইনা চৎথোক-চৎশিন্দা অৱাবা থেংনরিবা অসি কোক্নবগী অপাম্বা ফোংদোকখি। মহাক্না আয়ুশমান ভারত দিজিতেল মিসন মিয়েং থমদুনা, অনাবগী মেদিকেল পুৱারীগী দিজিতেল রেকোর্দনা হোৎনরিবা অসিদা য়াম্না কান্নবা ফংগনি।

শ্রী নাইদুনা তেলঙ্গনা রাজ্যবু স্তেত হেলথ ইন্দেক্সকী এন.আই.তি.আই. আয়োগকী মরিশুবা ইদিসন্দা নিংথিনা পাংথোকপগীদমক থাগৎপা ফোংদোকখি। মহাক্না হরাওবা ফোংদোকখি মদুদি তেলঙ্গনা অসি হকশেলগী ওইবা চহি অমদগী চহি অমদা হেন্না ফগৎলকপকীদমক মকোক থোংবা রাজ্য অহুমগী মনুংদা লৈরি।

মপুং ফাবা ৱারোল মখাদা পীরি:

“ইচিল ইনাওশিং,

ঐহাক্না ঙসি অমেরিকান এসোসিএসন ওফ ফীজিসিয়ন ওফ ইন্দিয়ন ওরিজিন (এ.এ.পি.আই.)না শিনবা ১৫শুবা গ্লোবেল হেলথ সমিত্তা রেকোর্দ তৌবা হৌদোকপগী ৱারোল পীবা ফংজবা অসি হায়নিংঙাই লৈতনা হরাওবা ফাওজৈ। অহৌবদা, ঐহাক্না প্রিভেন্তিব ওইবা, পালিএতিব অমসুং লাইফস্তাইল মেদিসিন অমসুং তেক্নোলোজী, তেলেহেলথ অমসুং ত্রান্সফোর্মেসন্দা মিয়েং অমা থম্বগা লোয়ননা হায়দ্রাবাদতা এ.এ.পি.আই. অসিবু শিল্লিবা অসিগীদমক নুঙাইবা ফাওজৈ।

মিকুপ অসিদা, ঐহাক্না হন্দক্তা থাদোকখিবা স্তেত হেলথ ইন্দেক্সকী এন.আই.তি.আই. আয়োগকী মরিশুবা ইদিসন্দা য়াম্না চাউবা কেতগরীদা মকোক থোংবা স্তেত অহুমশুবা লৈবগীদমক তেলঙ্গনা রাজ্যবু থম্মোয়নুংদগী হরাওবা ফোংদোকচরি। তেলঙ্গনা রাজ্যবু স্তেত হেলথ ইন্দেক্সকী এন.আই.তি.আই. আয়োগকী মরিশুবা ইদিসন্দা নিংথিনা পাংথোকপগীদমক থাগৎপা ফোংদোকখি। ঐহাক্না রাজ্যগী সরকার অমসুং হেলথ সেক্তরবু য়াম্না চাউনা মায় পাকপগীদমক থম্মোয়নুংদগী থাগৎপা ফোংদোকচরি।   

“ইচিল ইনাওশিং,

হৌখিব চহি অনিগী মমাংদগী, কোবিদ লায়চৎ অসিনা ঐখোয়গী হেলকেয়র সিস্তেমদা য়াম্না শিংনবা অমা ওইহনখি অমসুং ঐখোয়গী ইনফ্রাস্ত্রকচর মপাঙ্গল কনখৎহন্নবা ঐখোয়না হোৎনরিবা অসি শরুক অনি থোকনা হেনগৎহনবা মথৌ তারি। কোবিদকী মায়োক্তা লান্থেংননবা, মরুওইনা ওমিক্রোনগী অনৌবা ভেরিএন্তনা থোক্লকপা অসিদা ভারত সরকারনা হন্দক্তা অনৌবা ভেক্সিন অনি অমসুং এন্তিভাইরেল দ্রগ অমা অয়াবা পীখিবা অসিদা ঐহাক্না য়াম্না হরাওজৈ।

অমুক হন্না রাজ্যশিংদা অনৌবা কেসকী মশিং হেনগৎলকপা অসিদা, ঐখোয়না য়াম্না থুনা থবক য়াংশিনবগী ৱাল্লোন্দা লায়চৎ অসিগী মমাংদা হৌখিবা পারাশিং শিজিন্নবা য়াম্না মরু ওই। ঐখোয়না মতম পুম্বদা কোবিদ প্রোতোকোল ইন্দুনা চৎ্পা অসি ঐখোয়গী ‘ধর্ম’ওইনা লৌগদবনি অমসুং ঐখোয় ইশামক অমসুং ঐখোয়গী কাংলুপশিংবা চেকশিন্না লৈগদবনি। ঐখোয়না ঐখোয়গী ইমুং মনুংদা লৈরিবা ভেক্সিন কাপত্রিবা মীওইশিংসু অথুবা মতমদা ভেক্সিন কাপথোক্নবা পুক্নিং থৌগৎকদবনি।    

ভারত সরকারনা, খুমাং চাউশিনবা খোঙথাংদা, চহি কাংলুপ ১৫-১৮গী ভেক্সিনেসন লাওথোকখ্রে, লোয়ননা অহেনবা চেকশিন থৌরাং অমগা লোয়ননা চহি ৬০ মথকসু দোজশিং কাপ্নবা লাওথোকখ্রে। হোৎনরিবা অসিনা ভারতনা কোবিদকী মায়োক্তা লান্থেংনরিবা অসিদা হেন্না থাজবা অমা পীরগনি।

“ইচিল ইনাওশিং,

ঐহাক্না তাবদা য়াম্না নুঙাইবা ফাওজৈ মদুদি ভারতকী ফার্মনা য়ু.এস.তা য়ুম্ফম ওইবা ওর্গানাইজেসনগা লোয়ননা ভেক্সিন অনি -কোর্বেবাক্স অমসুং কোবোবাক্স পুথোক্নবা অয়াবা পীখিবা অসিনি। মসিনা শেংনা তাক্লে মদুদি ভারত-য়ু.এস.না হেলকেয়রদা খুৎশম্নবা অসিনা ঐখোয়গী লৈবক খক্তা নত্তনা মালেম পুম্বগী ওইনা চাউনা কান্নবা পীরগনি

মসিদা, ঐহাক্না নিংশিংবা পাম্মী মদুদি গ্লোবেল হেলকেয়রদা ভারতনা থৌদাং লৌবা অসি অনৌবা অমা নত্ত্রি।

‘ফার্মাসী তু দ ৱার্লদ’ ওইবগী মথক্তা ফার্মাসিয়ুতিকেল ইন্দস্ত্রীদা অনৌবা কয়া অমা পুথোক্তুনা, ভারতনা, চহি কয়াগী মমাংদগী, ‘মালেমগী ওইবা মেদিকেল তুরিজমগী পন্থুং অমা ওইনা হোৎনরি। দেতানা তাক্লি মদুদি ২০১৯গী চহি খক্তদা মেদিকেলগী ওইবা লায়েংনবা চাওরাক্না মপাল লমগী তুরিস্ত লাখ ৭ ভারত্তা লাকখি।

ভারতকী মেদিকেল প্রোফেসনেলশিং – দোক্তর, নর্স অমসুং তেক্নিসিয়নশিংনা মালেম অসিগী কাচিন কোয়া কয়াদা মখোয়গী মশক তাক্লি অমসুং হৌজিক ফাওবদা দিকেদ কয়া অমা মমল নাইদ্রবা সেবা কয়া অমা তৌরি। মালেমগী মফম খুদিংদা ভারত্তগী হৌখিবা ফীজিসিয়ন মিল্লিয়ন ১.৪ লৈরি হায়না পারি।

মরুওইনা য়ু.এস.তা, ভারত্তগী হৌখিবা ফীজিসিয়নশিংনা মখোয়গী চুনবা লমদা মমিং কয়া তম্বা ঙম্লি। মখোয়শিং অসিগী মরক্তা হৌজিক য়ুনাইতেদ স্তেতকী সর্জন-জেনেরেল ওইরিবা দাঃ বিবেক মুর্থী, অতৈ য়াওনা  লৈবাক অসিদা মেদিকেলগী লমদা মকোক থোংবা এদমিনিস্ত্রেসনগী ফম কনবা ঙম্লি।   

ভারত্তগী হৌখিবা ফীজিসিয়নশিংনা ‘বাসুধাইবা কুতুমবকম’গী ওইবা ঐখোয়গী ইরমদমগী খুনাই অমা চাউখৎপগী মীওইবগী মগুন ঙাক্লি। মখোয় অসি মখোয় মশাগী মরৈবাক্কী খক্তা নত্তনা মালেম অসিদা লৈরিবা মীয়ামগীদমক ঐখোয়গী পান্দম ‘শিয়র অমসুং কেয়র’ অসিদা ভারতকী ওইবা ভেল্যু সিস্তেমগী মায় পাক্লবা এম্বাসেদুরগী মরক্তা অমনি। ঐখোয়না মখোয়গীদমক অমসুং মখোয়গী থবকশিং অসিগীদমক তশেংনা চাউথোকচৈ।

হিরম অসিদা, পনবা য়াই মদুদি ১৯৮২দা হৌদোকখিবা এ.এ.পি.আই. অসি য়ুনাইতেদ স্তেত্তা ভারত্তগী হৌখিবা ফীজিসিয়নশিং ৮০,০০০হেনবা অমসুং মেদিকেল মহৈরোই ৪০,০০০, রেসিদেন্ত অমসুং ভারত্তগী হৌখিবা ফেলোগী চাউরবা কাংলুপ অমনি। 

কোবিদ-১৯ লায়চৎকী অনিশুবা ৱেব মনুংদা, এ.এ.পি.আই.গী মেম্বরশিংনা পুন্সি কন্নবা মচাকশিং হায়বদি ওক্সীজেন কন্সেন্ত্রেতর অমসুং ভেন্তিলেতরশিং য়াওনা অৱা অনা কোক্নবগীমদক মতেং পাংনবা তেল্লবা মতমদা মিল্লিয়ন দোল্লর ৫ খাগৎনখি হায়বা অসি তাবদা য়াম্না নুঙাইজৈ। ঐহাকসি হায়খি মদুদি এ.এ.পি.আই. তীম্না ভারতকী খুঙ্গংগী হোস্পিতালশিংদা ওক্সীজেন প্লান্তশিং লিংখৎলি।    

ইচিল ইনাওশিং,

ঐহাক্না অখন্ননা মসিগী খোঙথাং অসি থাগৎপা ফোংদোকচরি মরমদি পুংফম অসিদা ঐখোয়গী লৈবাক্তা খুঙ্গংগী হেলকেয়রগী ইনফ্রাস্ত্রর ফগৎহনবা অসি য়াম্না মথৌ তারি। সহরগী মফমশিংদা তেক্নোলোজীদা থাক ৱাংনা চেকশিন থৌরাংদা লৈবা মরম্না মালেমগী ওইনা অনবাশিংগী পুক্নিং চিংশিল্লি, অমরোমদা খুঙ্গংগী মফমশিংদা থওইদবা মরম্না মনিং হন্থদুনা প্রাইমারী কেয়র ফাওবদা অকক্নবা অমা ওইনা লৈরি।  

সহর-খুঙ্গং তোঙান্না তাদুনা অৱাবা লৈরিবা অসি কোক্নবা, ঐহাক্না হান্ননা ফোংদোকখিবা লৈখ্রে মদুদি ঐখোয়না সরকারগী দোক্তরশিং অসি ফীল্দদা থোক্তুনা শোইদনা থবক পাংথোক্কদবনি। ঐহাক্না মসি অমসু ফোংদোকখিবা লৈ মদুদি ঐখোয়না দিস্ত্রীক্ত খুদিংগী য়ামদ্রবদা মেদিকেল কোলেজ অমা লিংখৎপা, খুঙ্গংগী লনাইগী হোস্পিতালশিংদা সেতেলাইত সেন্তর হাংদোকপা অমসুং হেলথ ইনফ্রাস্ত্রকচর মরু ওইনা প্রাইমারীগী থাক্তা ফগৎহনবা অসিনি।

খোঙথাংশিং অসিগী মখা তারকপদা, ঐহাক্না থাজবা থম্লি ঐখোয়না খুঙ্গংগী চংশিনবা মফমশিং য়ৌশিন্নবা তেলেহেলথ অমসুং অতৈ তেক্নোলোজীগী ওইবা পাম্বৈ থিদোক্ননি। মসিনা ঐখোয়গী অকক্ননা লৈরিবা থবক-শুবশিং অমসুং হেলথ ইনফ্রাস্ত্রকচর কাচিন কোয়া ফাওবা য়ৌহল্লগনি।

হিরম অসিদা, ভারত্তা হেলথ-তেক্ত স্তার্ত-অপ কয়া অমা উবা ফংলি। মখোয়না ওনলাইন কন্সল্তেসন, ওনলাইন্দা হিদাক ওর্দর তৌবা, য়াম্না লুবা ফিভমশিং য়েংশিনবা অমসুং অহোংবা মমলদা লায়েং পীবগী থবকশিং থবকশিং য়াম্না নিংথিনা তৌরি। ঐখোয়না থবকশিং অসি খুঙ্গংগী মফমশিংদসু পায়কৎকনি, হায়রিবা অসিনা য়ৌশিনবা ঙমদা মফমশিংদা হেন্না লায়থোকহল্লগনি। আয়ুশমান ভারত দিজিতেল মিসন মিয়েং থমদুনা, অনাবগী মেদিকেল পুৱারীগী দিজিতেল রেকোর্দনা হোৎনরিবা অসিদা য়াম্না কান্নবা ফংগনি।

ইচিল ইনাওশিং

তেক্নোলোজীগী অনৌবা পুথোরকপনা থবকশিং অসি হেন্না লায়থোকহল্লবা অসিদসু, মীয়ামগী ওইবা হকশেলদা অৱাৎপা লৈরিবা অসি পীনবা লৈত্রি। মীয়াম্না হকশেলদা হেন্না চাদিং তৌবগী তঙাইফদবা লৈরি; খুদক্কী ওইনা রাজ্যনা ২০২২গী ওইনা মখোয়গী শেনবাদগী ৮% হেন্না চাদিং তৌগদবনি (তরামঙাশুবা ফাইনান্স কম্মিসন্না ফোংদোরকপা মতুং ইন্না)।

রাজ্য মঙা – তামিল নাদু, অন্ধ্র প্রদেশ, গুজরাত, কর্নাতকা অমসুং তেলঙ্গনাগী খুঙ্গংশিংদা এ.এ.পি.আই.না পাইলোত প্রোগ্রাম ‘এদোপ্ত এ ভিল্লেজ’ অমা লেম্না স্ক্রীনিং কেম্প অমা হৌদোকখ্রে তাবদা ঐহাক্না য়াম্না নুঙাইজৈ। মখোয়না লোকেলগী দোক্তরশিংগী মতেংগা লোয়ননা ভেক্সিনগী চিংনবা কোক্নবা ভারত্তা ভেক্সিনেসন কেম্প অমা থৌরাং তৌরি হায়না ঐঙোন্দা হায়বিরকই। মসি হায়নিংঙাই লৈতনা থাগৎনিঙাইনি।

এ.এ.পি.আই.গী অতোপ্পা মরু ওইবা খোঙথাং অমনা সি.পি.আর. (কার্দিওপুমোনরী রিসুস্তিতেসন)গী এৱার্নেস প্রোগ্রাম্নি।  লান্নদবা লায়নানা হেনগৎলকপা অসিদা, মরুওইনা থবোম্বীগা মরী লৈনবশিং অসিদা ঐখোয়না লাইফ সেবিং ফার্স-এদ তেক্নিক অমা ওইনা সি.পি.আর. অসি মীয়ামদা খঙহনবা অমা মথৌ তাই অমসুং হার্ত এতেক্ত নত্ত্রগা ইরাক্নবা মতমদা পুন্সি কনবা য়াই। ঐহাক্না থাজবা থম্লি স্কুলগী মহৈরোইশিংনা, য়ামদ্রবদা হায়র সেকেন্দরী থা্তা, অমসুং শেংনা হায়রবদা নাগরীক পুম্বা ফার্স-এদকা লোয়ননা সি.পি.আর. অসি মীয়ামদা তম্বিগদবনি।  

ইচিল ইনাওশিং,

খোঙথাং কয়া অসিগা লোয়ননা, এ.এ.পি.আই.না হেক হৌদোরকপদগী থবক কয়া অমা তৌদুনা লৈরিবা ফীজিসিয়ন ওফ ইন্দিয়ন ওরিজিন খক্তা নত্তনা ভারতকী হেলথকেয়রদসু কান্নবা পীরি হায়না প্রমান তৌরি।

অরোইবদা, নুংশিজরবা মরুপশিং মেদিকেল কাংলুপ্তা, অদোম্না মীওইবগী হকশেল অমসুং নুঙাই য়াইফবদা হেন্না ফনবা হোৎনরিবা অসিদা, অদোমগী অখাং কন্না হোৎনদুনা লায়েংলিবা অসিদা মিনুংশিগা লোয়নবা কৈদৌনুংদা কাউবিগনু।

পুম্নমকপু থাগৎচরি। খুরুমজরি।

জয় হিন্দ”।

*****