اہم اور کلیدی معدنیات کے شعبے میں خود کفالت حاصل کرنے اور ملک کی معدنیات کے شعبے میں  سکیورٹی کو یقینی بنانے کے لئے معدنیات کی وزارت نے نیشنل المونیئم کمپنی لمیٹیڈ(نالکو) ، ہندوستان کاپرلمیٹیڈ (ایچ سی ایل) اور منرل ایکسپلوریشن کارپویشن لمیٹیڈ (ایم ای سی ایل) کی شرکت کے ساتھ ایک مشترکہ کمپنی کھان جی بدیش انڈیا لمیٹیڈ تشکیل دی ہے۔ کمپنی کھان  جی بدیش انڈیا لمیٹیڈ (کے اے بی آئی ایل) کا کام یہ ہے کہ لیتھیئم ، کوبالٹ وغیرہ جیسی اہم اور کلیدی نوعیت کے بیرون ملک معدنیاتی اثاثوں کی نشاندہی کرے اور انہیں حاصل کرے۔ اس پہل کا مقصد آتم نربھر بھارت کو مزید فروغ دینا ہے جس سے  ای موبیلٹی ، قابل تجدید توانائی، میڈیسن ، ایرواسپیس اور ہوابازی وغیرہ جیسے اہم شعبوں کی ضرورتوں کو پورا کیا جاسکے گا۔

تسلیم شدہ مطالعات اور انتخاب کی بنیاد پر، بیرون ملک معدنی اثاثوں کے حصول کے امکانات کو تلاش کرنے کے لیے منتخب وسیلہ  ممالک کا انتخاب کیا گیا ہے۔ اب تک آسٹریلیا، ارجنٹینا، بولیویا اور چلی جیسے وسیلہ  ممالک کے ساتھ  کھان جی بدیش  انڈیا لمیٹیڈ (کے اے بی آئی ایل )  کے ساتھ شراکت داریاں ہیں  ، جو کہ اہم اور کلیدی معدنیات سے مالا مال ہیں۔ ممکنہ معدنیاتی علاقوں کے سلسلے میں مستعدی اور سرمایہ کاری کے لیے فیصلہ سازی کرنے کے لئے سرکاری اداروں کے ساتھ  ابتدائی معلومات کا اشتراک کرنے کے لئے   ان ملکوں میں ہندوستان کے  متعلقہ سفارتخانہ اور مشن  ابتدائی انٹرفیس رہے ہیں۔

****

ش ح۔ ح ا ۔ م ص 

U NO : 119