நவம்பர் 21, 2021 அன்று நடைபெற்ற ஒருங்கிணைந்த மருத்துவ சேவைகள் தேர்வு, 2021-ன் முடிவுகளின் அடிப்படையில், கீழே குறிப்பிடப்பட்டுள்ள பதிவு எண்களைக் கொண்ட விண்ணப்பதாரர்கள் நேர்காணல்/ஆளுமைத் தேர்வுக்கு தகுதி பெற்றுள்ளனர்.

தேர்வு அறிவிப்பில் குறிப்பிடப்பட்டுள்ள அனைத்து தகுதிகளும் சரிபார்க்கப்படும் வரை இந்த விண்ணப்பதாரர்களின் தேர்வு தற்காலிகமானது ஆகும். நேர்காணல்/ஆளுமைத் தேர்வின் போது வயது/வயது தளர்வு/பிறந்த தேதி, கல்வித் தகுதிகள், சமூக இடஒதுக்கீடு, உடல் குறைபாடு (பொருந்தினால்) போன்றவை தொடர்பான அசல் சான்றிதழ்களை விண்ணப்பதாரர்கள் சமர்ப்பிக்க வேண்டும்.

எனவே, ஆளுமைத் தேர்வில் கலந்து கொள்வதற்கு முன், ஆணையத்தின் இணையதளத்தில் உள்ள முக்கிய அறிவுறுத்தல்களின்படி, சான்றிதழ்களின் தேவையை முன்கூட்டியே சரிபார்க்கவும், சான்றிதழ்களைத் தயாராக வைத்திருக்கவும் அறிவுறுத்தப்படுகிறார்கள்.

ஆளுமைத் தேர்வுக்கு தகுதி பெற்ற விண்ணப்பதாரர்களின் நேர்காணல்/ஆளுமைத் தேர்வின் அட்டவணை, உரிய நேரத்தில் ஆணையத்தின் இணையதளத்தில் பதிவேற்றப்படும்.

நேர்முகத் தேர்வின் தேதி விண்ணப்பதாரர்களுக்கு மின் அழைப்பு கடிதம் மூலம் தெரிவிக்கப்படும். இது தொடர்பான தகவல்களுக்கு ஆணையத்தின் இணையதளத்தை (https://www.upsc.gov.in) பார்வையிடுமாறு விண்ணப்பதாரர்கள் கேட்டுக் கொள்ளப்படுகிறார்கள்.

மேலும் விவரங்களுக்கு, இந்த ஆங்கில செய்திக் குறிப்பைக் காணவும்: https://pib.gov.in/PressReleasePage.aspx?PRID=1787144

***************