মমিং লৈরবা মালেমগী ন্যুস এজেন্সী অমনা হন্দক্তা ইকুই কুইদ্রিঙৈদা ফোংখিবা ন্যুস আর্তিকল অমদা, ভারতনা মহাক্কী ভেক্সিনেসন তার্গেৎ ফংবা ঙমখিদ্রে হায়না ক্লেম তৌরকখ্রে৷ মসি অরানবা পাউনি অমদি মসিনা মপুং ওইবা শক্তম অদু উৎতে৷

মালেম শিনবা থুংনা শন্দোরক্লিবা কোবিদ-১৯ লাইচৎ অসি লান্থেংনবদা, ভারতকী নেস্নেল কোবিদ-১৯ ভেক্সিনেসন প্রোগ্রাম অসি ভেক্সিন কাপকদবা মীয়াম মশিং য়াম্না লৈতবা নোংচুপরোমগী লৈবাক কয়া অমগা চাংদম্নখিবা মতমদা খ্বাইদগী মাই-পাকপা অমদি খ্বাইদগী চাওবা ভেক্সিনেসন প্রোগ্রামশিংগী মনুংদা অমা ওইখ্রে৷

২০২১গী জানুৱারি ১৬তা নেস্নেল কোবিদ ভেক্সিনেসন দ্রাইব হেক হৌখিবদগী, ভারতনা ভেক্সিন কাপ্পা য়ারবা মীয়ামদা অহানবা দোজ ৯০% হেন্না অমদি অনিশুবা দোজ ৬৫% হেন্না কাপখ্রে৷ দ্রাইব অদুদা, ভারতনা থা ৯ য়ৌদনা ভেক্সিন দোজ কোতি ১০০গী মথক্তা কাপখিবা, নোংম খক্তদা দোজ কোতি ২.৫১ কাপখিবা অমদি তোঙান তোঙানবা থৌরমশিংদা নোংমদা দোজ কোতি ১ কাপখিবা য়াওনা লৈবাক অসিনা মমাংগী মতমদা অমুক্তা ফংখিদ্রিবা তোঙান তোঙানবা মাইলস্তোনশিং ফংবা ঙমখ্রে৷

অতোপ্পা চাওখৎলবা লৈবাকশিংদা চাংদম্নখিবা মতমদা, ভারতনা মহাক্কী রাজ্য অমসুং য়ু.তি. পুম্নমক্তা লৈরিবা ভেক্সিন কাপ্পা য়ারবা মপুং-মরৈ ফারবা মীওই কোতি ৯৩.৭(আর.জি.আই.গী মতুং ইন্না) কোবিদ ভেক্সিন কাপতুনা হেন্না ফবা থবক অমা তৌখ্রে৷

ভেক্সিন কাপ্পগী মতাংদা চাওখৎলবা লৈবাকশিংগা চাংদম্নখিবা অদু মখাদা পীরি:

ভেক্সিন কাপ্পা য়ারবা মীওইশিংদা অহানবা দোজ কাপখিবগী মতাংদা, য়ু.এস.এ.না মহাক্কী পোপুলেসনগী ৭৩.২% খক্তমক কাপখি, য়ু.কে.না মহাক্কী পোপুলেসনগী ৭৫.৯% কাপখ্রে, ফ্রাঞ্চনা মহাক্কী পোপুলেসনগী ৭৮.৩% কাপখ্রে,অমদি স্পেননা মহাক্কী পোপুলেসনগী ৮৪.৭% কাপখ্রে৷ কোবিদ-১৯গী মাইয়োক্তা লান্থেংননবা ভারতনা ভেক্সিন কাপ্পা য়ারবা মীওইশিংগী ৯০%দা মাংজৌননা ভেক্সিনগী অহানবা দোজ কাপখ্রে৷

মতৌ অসিগুম্না, ভেক্সিনগী অহানিশুবা দোজকী ওইনদি, য়ু.এস.এ.না মহাক্কী পোপুলেসনগী ৬১.৫% খক্তমক কাপখি, য়ু.কে.না মহাক্কী পোপুলেসনগী ৬৯.৫% কাপখ্রে, ফ্রাঞ্চনা মহাক্কী পোপুলেসনগী ৭৩.২% কাপখ্রে, অমদি  স্পেননা মহাক্কী পোপুলেসনগী ৮১% কাপখ্রে৷ কোবিদ-১৯গী মাইয়োক্তা লান্থেংনবদা ভারতনা ভেক্সিন কাপ্পা য়ারবা মীয়ামগী ৬৫% হেনবদি ভেক্সিনগী অনিশুবা দোজ কাপখ্রে৷

মখাতানা, ভারতকী রাজ্য/য়ু.তি. ১১ হেনবনা ভেক্সিনগী অহানবা দোজ ১০০% কাপ্পা ঙমখ্রে, অদুগা রাজ্য/য়ু.তি. ৩না মাংজৌননা কোবিদ-১৯ অসিদগী ঙাকথোক্নবা ভেক্সিন(অহানবা অমসুং অনিশুবা দোজ অনিমক) মপুং ফানা ১০০% কাপ্পা ঙমখ্রে৷ রাজ্য/য়ু.তি. কয়া অমনা অথুবা মতমদা ১০০% ভেক্সিন কাপ্পা ফংলগনি হায়না থাজনরি৷

য়ুমথোং-য়ুমথোং চৎতুনা ভেক্সিন কাপ্পা য়ারবা মীওইশিংনা ভেক্সিন কাপ্পা ফংহৌদবা নত্রগা কাপফৌদবা মীওই পুম্নমকপু ভেক্সিন কাপথোকহন্নবগী ভেক্সিনেসন কেম্পেন্দ চৎথবা, মোবিলাইজেসন অমসুং এৱার্নেস য়াওনা ২০২১গী নবেম্বর ৩দগী নেসন-ৱাইদ কোবিদ-১৯ ভেক্সিনেসন কেম্পেন্দ হর ঘর দস্তক কেম্পেন্দ অমা হৌদোকখি৷ কেম্পেন্দ অসি হৌদোরকপদগী হৌদুনা, মসিনা অহানবা দোজ কাপ্পগী চাং অসি ১১.৬% হেনগৎহনখ্রে৷ অদুগা মতম অসিমক্তদা অনিশুবা দোজ কাপ্পগী চাংনা ২৮.৯% হেনগৎলকখ্রে৷

২০২১ দিসেম্বরদা মালেম অসিদা কোবিদ-১৯ কেসশিং হেনগৎলক্লিবা অসি য়েংলগা, ভেরিয়েন্ত ওফ কন্সর্ন(ভি.ও.সি.)নি হায়না খায়দোক্তুনা থমখ্রবা ওমিক্রোন ভেরিয়েন্তবু খঙদোক্নবা হোৎনবা,সাইন্তিফিক ইবিদেন্স, গ্লোবেল বেস্ত প্রেক্তিসশিং অমসুং এন.তি.এ.জি.আই.গী “স্তেন্দিং তেক্নিকেল সাইন্তিফিক কম্মিতী(এস.তি.এস.সি.)”গী অমদি “নেস্নেল তেক্নিকেল এদভাইজরী গ্রুপ ওন ইম্ম্যুনাইজেসন(এন.তি.এ.জি.আই.)”গী “কোবিদ-১৯ ৱার্কিং গ্রুপ”না পীরক্লিবা ইনপ্যুতশিং/সজেসনশিং অদু য়েংলগা, ২০২২ জানুৱারি ৩দগী হৌদুনা চহি ১৫-১৮গী মরক্তা লৈরিবা তীনএজরশিংনা মখাতানা কোবিদ-১৯গী ভেক্সিন কাপথোক্লগনি হায়না ৱারেপ্নখি৷

মখাতানা ভারতনা কোবিদ-১৯গী মাইয়োক্তা লান্থেংনরিবা অসিদা মপাঙ্গল হাপ্লদুনা, হকশেল অমদি য়াইফ-য়ুম্বাল মন্ত্রালয়গী সেন্ত্রেল দ্রগস স্তেন্দর্দ কন্ত্রোল ওর্গনাইজেন(সি.দি.এস.সি.ও.)না ২০২১গী দিসেম্বরদা অহেনবা ভেক্সিন অনিদা এপ্রুবেলশিং পীখ্রে৷ মসিগী মনুং চল্লিবশিং অদুদি ইমর্জেন্সীগী ফিভম লাকপা খক্তদা শিজিন্নবা য়াবা বাইওলোজিকেল ইগী কোর্বিভেক্স ভেক্সিন অমদি এস.আই.আই.গী কোভোভেক্স ভেক্সিননি৷ মসি থারগা ভারত্তা ইমর্জেন্সীগী ফিভম লাকপা খক্তদা শিজিন্নবা য়াবা ভেক্সিন মশিং অসি ৮ শুরে৷

******