ڈائریکٹوریٹ جنرل آف جی ایس ٹی انٹیلی جنس (ڈی جی جی آئی) کی طرف سے ایم/ایس اوڈوکیم انڈسٹریز، قنوج - پرفیومری مرکبات بنانے والی کمپنی - اور اس کے مالک پیوش جین کے معاملے میں جاری تحقیقات کے تناظر میں، جس میں دو احاطوں سے اب تک کل 197.49 کروڑ روپے کی نقد رقم، 23 کلو سونا اور زیادہ قیمت کا قابل اعتراض سامان برآمد کیا گیا ہے، میڈیا کے بعض حصوں میں یہ رپورٹس سامنے آئی ہیں کہ ڈی جی جی آئی نے برآمد شدہ نقدی کو مینوفیکچرنگ یونٹ کے کاروبار کے طور پر سمجھنے کا فیصلہ کیا ہے اور اس کے مطابق آگے بڑھنے کی تجویز پیش کی ہے۔ کچھ رپورٹس میں یہاں تک کہا گیا ہے کہ اپنی ذمہ داری کو تسلیم کرنے کے بعد، جناب پیوش جین نے، ڈی جی جی آئی کی منظوری سے، کل 52 کروڑ روپے ٹیکس واجبات کے طور پر جمع کرائے ہیں۔

یہ رپورٹس بغیر کسی بنیاد کے خالصتاً قیاس آرائی پر مبنی ہیں اور جاری تحقیقات کی سالمیت کو نقصان پہنچانا چاہتی ہیں جو کہ پارٹی کے خلاف مخصوص انٹیلی جنس کی بنیاد پر انتہائی پیشہ ورانہ انداز میں کی جا رہی ہیں۔

اس سلسلے میں، یہ واضح کیا جاتا ہے کہ ایم/ایس پیوش جین کے رہائشی اور فیکٹری کے احاطے سے جاری کیس میں نقد رقم کی کل رقم کو اسٹیٹ بینک آف انڈیا کی محفوظ تحویل میں کیس پراپرٹی کے طور پر رکھا گیا ہے۔ ایم/ایس اوڈوکیم کی طرف سے ضبط شدہ رقم سے ٹیکس واجبات کی کوئی رقم جمع نہیں کرائی گئی ہے اور ان کے ٹیکس واجبات کا تعین ہونا ابھی باقی ہے۔

پیوش جین کے رضاکارانہ اعتراف جرم اور ریکارڈ پر دستیاب شواہد کی بنیاد پر، انھیں 26.12.2021 کو سی جی ایس ٹی ایکٹ کی دفعہ 132 کے تحت تجویز کردہ جرائم کے الزام میں گرفتار کیا گیا تھا اور 27.12.2021 کو مجاز عدالت کے سامنے پیش کیا گیا تھا۔ عدالت نے انھیں 14 دن کی عدالتی تحویل میں بھیج دیا ہے۔

**************

ش ح۔ ف ش ع- س ا  

U: 14986