প্রধান মন্ত্রী শ্রী নরেন্দ্র মোদীনা ঙসি লোক কল্য়ান মার্গতা বেঞ্চর কেপিতেল অমদি প্রাইভেৎ ইক্বুইতী ফন্দসকী মীহুৎশিংগা লোইননা রাউন্দতেবল ইন্তরেক্সন অমা শিনখি৷

লৈবাক অসিগী ইনবেস্তমেন্ত ক্লাইমেত ফগৎহনবা হায়বসি প্রধান মন্ত্রীগী মতম পুম্নমক্তা পামদুনা লৈদুনা ৱাফম ওইখ্রে৷ হৌখিবা চরি তরেৎ হেল্লকপা অসিদা, হিরম অসিগী মতাংদা সরকার অসিনা মরু ওইবা ইনিসিয়েতিব কয়া অমা লৌখৎখ্রে৷ মথংগী বদজেৎকী মাংওইননা ইনপ্যুতশিং পৈশিন্দুনা থম্নবা ইন্দস্ত্রী লিদরশিংগা লোইননা মতৌ করম্না প্রধান মন্ত্রীনা হকথেংননা ৱারি-ৱাতায় শানরিবগে হায়বদু উৎলদুনা মীফম অদুদা খন্ন-নৈনবগী থৌরম পাংথোকখি৷

ভারত্তা করবার তৌবা হেন্না লাইথোকহন্নবা, অহেনবা কেপিতেলগী পুক্নিং চিংশিন্নবা অমদি মখাতানা লৈবাক অসিদা রিফোর্ম প্রোসেসকী ফিভম ফগৎহন্নবা সজেসনশিং প্রধান মন্ত্রীনা কৌখি৷ মীহুৎশিংদগী ফংখিবা প্রেক্তিকেল সজেসনশিং অদুদা মহাক্না অহেনবা ফাওখি অমদি পনখিবা ইসুশিং অমদি চেলেঞ্জশিং অসি থেংননবা সরকার অসিনা হোৎনরি হায়না ফোংদোকখি৷ লৈবাক অসিদা অহেনবা রিফোর্মশিং, পি.এম. গতিশক্তিগুম্বা ইনিসিয়েতিবশিং মতুং তারকপদা লাকহন্নবা সরকার অসিনা হোৎনখিবশিং, অমদি মরু ওইদবা কমপ্লাইয়েন্স বর্দন অদু হন্থহন্নবা লৌখৎখিবা খোঙথাংশিং অদু মহাক্না খন্ন-নৈনখি৷ গ্রাসরুত লেবেলদা ভারত্তা থোক্লিবা ইন্নোবেসন অমদি স্তার্তঅপ ইকোসিস্তেম অসিগী ফিভম অসিবুসু ফগৎহন্নবা মহাক্না পনখি৷

লৈবাক অসিদা ইনবেস্তমেন্ত ক্লাইমেত চাওনা ফগৎহনখিবদা মরু ওইবা দ্রাইবিং ফোর্স অমা ওইনা লমজিংখিবা অদুগীদমক প্রধান মন্ত্রীবু বেঞ্চর কেপিতেল অমদি প্রাইভেৎ ইক্বুইতী ফন্দনা থাগৎপা ফোংদোকখি৷ লৈবাক অসিদা স্তার্তঅপ ইকোসিস্তেম ফগৎহন্নবা লৌখৎখিবা ইনিসিয়েতিবশিং অদু থাগৎলদুনা শ্রী সিদার্থ পাইনা প্রধান মন্ত্রীবু ‘স্তার্তঅপ প্রধান মন্ত্রী’ হায়না ফোংদোকখি৷

লৈবাক অসিগী ওল্তরপ্রিন্যুরিএল পোতেন্সিয়েলগী মতাংদা অমদি ঐখোয়গী স্তার্তঅপশিং অসিনা গ্লোবেল স্কেল ফংবা ঙম্নবগীদমক মসিবু মতৌ করম্না শিজিন্নগদগে হায়বা অসিগী মতাংদা বেঞ্চর কেপিতেল অমদি প্রাইভেৎ ইক্বুইতী ফন্দগী মীহুৎশিংনসু ৱারি শানখি৷ এগ্রী স্তার্তঅপশিংদা লৈরিবা খুদোংচাবশিং অদু শ্রী প্রশান্ত প্রকাশনা পনখি৷ তেক্নোলোজী শিজিন্নদুনা ভারতপু এজুকেসনদা গ্লোবেল হব অমা ওইহন্নবা হোৎনরিবা অদুসু শ্রী রাজন অনন্দননা ফোংদোকখি৷ হৌখিবা চহি ৭তা সরকার অসিনা লৌখৎখিবা রিফোর্মশিং মরু ওইনা ইনসোলবেন্সী অমদি বেঙ্করপ্সী কোদ(আই.বি.সি.) শেমগৎনবা লৌখৎখিবা খোঙথাংশিং অদু শ্রী শান্তানু নলাবদিনা থাগৎপা ফোংদোকখি৷ মালেমগী ওইনা ব্লেক্তোনশ্(ফন্দশিং)গীদমক খ্বাইদগী ফবা পর্ফোমিং জিওগ্রাফীশিংগী মনুংদা ভারতসু অমনি হায়না শ্রী অমিত দালমিয়ানা ফোংদোকখি৷ হাউজিং সেক্তরদা মরু ওইনা এফোর্দেবল হাউজিং সেগমেন্তদা সরকার অসিনা লৌখৎখিবা পোলিসী ইনিসিয়েতিবশিং অদু শ্রী বিপুল রুঙ্গতানা থাগৎপা ফোংদোকখি৷ ইনর্জী ত্রাঞ্জিসনশিংগী স্ফেয়রদা লৈরিবশিং য়াওনা ভারতকী একজেমপ্লরী ক্লাইমেত কম্মিতমেন্তশিংনা মরম ওইদুনা থোক্লক্লিবা খুদোংচাবশিং অদু মীহুৎশিং অসিনসু খন্ন-নৈনখি৷ ফিনতেখ অমসুং ফাইনান্সিয়েল মেনেজমেম্ত, সোফৱেয়র এস এ সর্ভিস(সাস)নচিংবা এরিয়াশিং অসিগী মতাংদা মখোয়নসু ইনপ্যুতশিং পীশিল্লকখি৷ ভারতপু ত্রিলিয়ন ইকোনোমী অমা ওইহন্নবা প্রধান মন্ত্রীনা মংলিবা মংলান অদুগীদমক মখোয়না প্রধান মন্ত্রীবু থাগৎপা ফোংদোকখি৷োফোংদোক

খন্ন-নৈনগী থৌরম অসিদা এসেলগী শ্রী প্রশান্ত প্রকাশ, শিক্বোইয়াদগী শ্রী রাজন অনন্দন, তি.ভি.এস.তগী শ্রী গোপাল শ্রীনিবাসন, মল্তিপল্সতগী শ্রীমতি রেনুকা রামনাথ, সোফতবেঙ্কতগী শ্রী মুনিশ বর্ম, জেনেরেল অতলান্তিক্তগী শ্রী সন্দীপ নাইয়ক, কেদারা কেপিতেলদগী শ্রী মনিশ কেজ্রিৱাল, খ্রাইসতগী শ্রী এসলে মেনেজিস, কোতক অল্তরনেত এসেতসতগী শ্রী শ্রীনি শ্রীনিৱাসন, ইন্দিয়া রিসর্জেন্তদগী শ্রী শান্তানু নলাবদি, ৩ৱান৪দগী শ্রী সিদার্থ পাই, অবিস্করদগী শ্রী বিনীত রাই, এদবেন্তদগী শ্রীমতি স্বেতা জালন, ব্লেকস্তোনদগী শ্রী অমিক দালমিয়া, ঐচ.দি.এফ.সি.দগী শ্রী বিপুল রুঙ্গতা, ব্রুকফিল্দদগী শ্রী অনকুর গুপ্তা, ইলিবেসনদগী শ্রী মুকুল অরোরা, প্রোসস্তগী শ্রী সেহরাজ সিংহ, গজা কেপিতেলদগী শ্রী রঞ্জিৎ শাহ, য়োরনেস্ততগী শ্রী সুনিল গোয়ল অমদি ঐন.আই.আই.এফ.তগী শ্রী পদ্মনাভ সিনহানা শরুক য়াখি৷ কেন্দ্রগী ফাইনান্স মন্ত্রী,এম.ও.এস. ফাইনান্স, পি.এম.ও. অমসুং ফাইনান্স মন্ত্রালয়গী ওফিসিয়েলশিংসু খন্ন-নৈনবগী থৌরম অসিদা শরুক য়াখি৷

******