লুপা কোতি ৯৩,০৬৮গী শেনফম থাদদুনা ২০২১-২৬কীদমক প্রধান মন্ত্রী কৃশি সিঞ্চায়ী য়োজনা(পি.এম.কে.এস.ৱাই.) চৎননবা প্রধান মন্ত্রী শ্রী নরেন্দ্র মোদীনা সভাপতি ওইদুনা ইকোনোমিক এফিয়র্সকী মতাংদা ফমখিবা মন্ত্রী-মন্দল মীফমনা অয়াবা পীখ্রে৷

পি.এম.কে.এস.ৱাই. ২০১৬-২১গী মতমদা ইরিগেসন দিবেলপমেন্তগীদমক ভারত সরকারনা লোনগী দেবত সর্বিসিং ওইনা লুপা কোতি ২০,৪৩৪.৫৬ ফংহনখিবা অমদি রাজ্যশিংদা লুপা কোতি ৩৭,৪৫৪গী কেন্দ্রগী সপোর্ত পীরিবা অদু সি.সি.ই.এ.না এপ্রুব তৌখ্রে৷

২০২১-২৬কী মতমদা এসিলিরেতেদ ইরিগেসন বেনিফিৎ প্রোগ্রাম(এ.আই.বি.পি.), হর খেৎ কো পানি(ঐচ.কে.কে.পি.) অমসুং ৱাতরশেদ দিবেলপমেন্ত কম্পোনেন্তশিং মখাদা চৎথনবা অয়াবা পীখ্রে৷

ভারত সরকারগী ফ্লেগশিপ প্রোগ্রাম অমা-এসিলিরেতেদ ইরিগেসন বেনিফিৎ প্রোগ্রামনা ইরিগেসন প্রোজেক্তশিংদা শেল-থুমগী মতেং পীনবা মীৎয়েং থম্লি৷ এ.আই.বি.পি.গী মখাদা ২০২১-২৬কী মতমদা পান্দম থমকিবা অপুনবা এদিস্নেল ইরিগেসন পোতেন্সিয়েল ক্রেসন অদু হেক্তর লাখ ১৩.৮৮নি৷ হেক্তর লাখ ৩০.২৩গী কম্মান্দ এরিয়া দিবেলপমেন্ত য়াওনা হৌজিক হৌজিক পাইখৎলিবা প্রোজেক্ত ৬০ মপুং-ফানা লোইশিনবদা মীৎয়েং থম্লিবা অসিদগী হেন্দোক্তুনা, অহেনবা প্রোজেক্তশিং পাইখৎপসু য়াই৷ ত্রাইবেল অমসুং ইকং তোইনা থোকপা মফমশিংদা প্রোজেক্তশিংগী অসিগী মনুং চল্লিবা ক্রাইতরিয়া খরা কোমথোকখ্রে৷

নেস্নেল প্রোজেক্ত অনি মমিং ওইনা, রেনুকাজি দাম প্রোজেক্ত(হিমাচল প্রদেশ) অমসুং লখৱার মল্তিপর্পোস প্রোজেক্ত(উত্তরখন্দ)গীদমক ৱাতর কম্পোনেন্তগী ৯০%দি কেন্দ্রনা শেল থাদখ্রে৷ প্রোজেক্ত অনি অসিনা য়ামুনা বেসিনদা স্তোরেজ হৌহন্দুনা মথক থংবা য়ামুনা বেসিনগী রাজ্য তরুক্তা কান্নবা পীরগনি, দিল্লী অমদি হিমাচল প্রদেশ, উত্তরখন্দ, য়ু.পি., হরিয়ানা অমসুং রাজস্থানদা ইশিং সপ্লাই তৌবগী চাং হেনগৎহল্লগনি অমদি য়ামুনা তুরেল হিংগৎহন্নবগী অচৌবা খোংথাং অমসু ওইরগনি৷

হর খেৎ কো পানি(ঐচ.কে.কে.পি.)না ফার্মদা ফিজিকেল এসেস তৌবা হেনগৎহন্নবা অমদি ইরিগেসন নিংথিনা তৌদুনা লৌ-উবগী লম হেন্না পাকথোক-চাওথোকহন্নবা মীৎয়েং থম্লি৷ ঐচ.কে.কে.পি.গী মখাদা, অহেনবা হেক্তর লাখ ৪.৫দা ইরৈ-লৌখোং নিংথিনা পীনবা পি.এম.কে.এস.ৱাই.গী ইশিংগী ইপাক্কী কম্পোনেন্ত শেমজিন্নবা-রিনোবেসন লাক্নবা-হান্নগী ফিভমদা হঞ্জিনহন্নবা অমদি সর্ফেস মাইনর ইরিগেসন পাংথোক্নবা মীৎয়েং থম্লি৷ ইশিং-ইপাকশিং হান্নগী ফিভমদা অমুক হঞ্জিনহনবগী মরু ওইবা অদু য়েংলগা, ইনক্লুজন ক্রাইতরিয়া চাওথোকহনবদা অমদি জেনেরেল এরিয়াদা কেন্দ্রনা মতেং পাংলিবা অদু ২৫দগী ৬০%দা হেনগৎহন্দুনা আর্বান অমদি রুরেল এরিয়াশিংদা রেজুবিনেত তৌনবা ফন্দ থাদবদা মন্ত্রী-মন্দলনা পেরাদিজম শিফত অমা অয়াবা পীখ্রে৷ মখাতানা, ঐচ.কে.কে.পি.গী গ্রাউন্দ ৱাতর কম্পোনেন্ত ২০২১-২২গী ওইনা এপ্রুব তৌখি, হেক্তর লাখ ১.৫২গী ইরিগেসন পোতেন্সিয়েল শেমগৎনবা মীৎয়েং থম্লি৷

লৈহাউ অমদি ইশিং কন্নবগীদমক নোংদা তাংজবা মফমশিংদা শেমগৎনবা, লৈনুংগী ইশিং হান্নগী মতৌগুম লৈহন্নবা, রনওফ ফাজিন্নবা অমদি ইশিং য়োকশিনবা অমদি মেনেজমেন্তগা মরী লৈনবা থবক-থৌরমশিং হেন্না পাকথোক-চাওথোকহন্নবা ৱাতরশেদ দিবেলপমেন্ত কম্পোনেন্তনা মীৎয়েং থম্লি৷ ২০২১-২৬কী মতমদা প্রোতেক্তিব ইরিগেসনগী মখাদা অহেনবা হেক্তর লাখ ২.৫ হাপচিন্নবা নোংদা তাংজবা/মাংলুরবা লম হেক্তর লাখ ৪৯.৫ মনুং-চলহন্দুনা সেঙ্কসন তৌখ্রবা প্রোজেক্তশিং মপুং-ফানা লোইশিনহন্নবা লেন্দ রিসোর্সেস দিপার্তমেন্তগী এপ্রুব তৌখ্রবা ৱাতরশেদ দিবেলপমেন্ত কম্পোনেন্তনা মীৎয়েং থম্লি৷ স্প্রিং শেদশিং শেমগৎ-শাগৎপগী অখন্নবা প্রোভিজন অমা প্রোগ্রাম অসিদা হাপখ্রে৷

কান্নবা:

২০১৫দা লোঞ্জ তৌখিবা, পি.এম.কে.এস.ৱাই. অসি অমব্রেল্লা স্কিম অমনি, মসিনা মখাদা কুপথনা পীরিবা অখন্নবা থবক-থৌরমশিং অসিগীদমক রাজ্য সরকারশিংদা কেন্দ্রনা গ্রান্তশিং ফংহল্লি৷ মসিদা দিপার্তমেন্ত ওফ ৱাতর রিসোর্সেস, রিভর দিবেলপমেন্ত অমদি গঙ্গা রেজুবিনেসনগী মরু ওইবা কম্পোনেন্ত অনি মমিং ওইনা- এসিলিরেতেদ ইরিগেসন বেনিফিৎ প্রোগ্রেম(এ.আই.বি.পি.) অমসুং হর খেৎ কো পানি(ঐচ.কে.কে.পি.) য়াওরি৷ ঐচ.কে.কে.পি.দা সব-কম্পোনেন্ত মরি কম্মান্দ এরিয়া দিবেলপমেন্ত (সি.এ.দি.), সর্ফেস মাইনর ইরিগেসন(এস.এম.আই.), ইশিং ইপাকশিং রিপেয়র, রিনোবেসন অমসুং রেস্তোরেসন তৌবা(আর.আর.আর.) অমদি গ্রাউন্দ ৱাতর দিবেলপমেন্তনি৷ মসিগীসু মথক্তা, ৱাতরশেদ দিবেলপমেন্ত পার্ত অসি লেন্দ রিসোর্সেস দিপার্তমেন্তনা চৎনরি৷

পি.এম.কে.এস.ৱাই.গী অতোপ্পা কম্পোনেন্ত, পর দ্রোপ মোর ক্রোপ অসি লৌউ-শিংউ অমদি লৌমীশিংগী য়াইফ-থৌরাং দিপার্তমেন্তনা চৎনরি৷

******