ప్రధాన మంత్రి శ్రీ నరేంద్ర మోదీ 2021వ సంవత్సరం డిసెంబర్ 12వ తేదీ న మధ్యాహ్నం 12 గంటల వేళ కు విజ్ఞ‌ాన్ భవన్ లో ‘‘డిపాజిటర్స్ ఫస్ట్: గ్యారంటీడ్ టైమ్-బౌండ్ డిపాజిట్ ఇన్ శ్యోరెన్స్ పేమెంట్ అప్ టు రుపీస్ 5 లాఖ్’’ (డిపాజిట్ దారుల కు ప్రాధాన్యం: 5 లక్షల రూపాయల వరకు కాలబద్ధ డిపాజిట్ రాశి సంబంధి బీమా చెల్లింపు నకు పూచీకత్తు) అంశం పై ఏర్పాటైన ఒక కార్యక్రమాన్ని ఉద్దేశించి ప్రసంగించనున్నారు.

డిపాజిట్ బీమా అనేది అన్ని రకాలైన డిపాజిట్ లకు- అంటే భారతదేశం లో కార్యకలాపాల ను నిర్వహిస్తున్న అన్ని వాణిజ్య బ్యాంకుల లోని సేవింగ్స్, ఫిక్స్ డ్, కరెంట్, రికరింగ్ డిపాజిట్ లు మొదలైన వాటి కి- వర్తిస్తుంది. రాష్ట్రాలు/ కేంద్ర పాలిత ప్రాంతాల లో పనిచేస్తున్న రాష్ట్ర, కేంద్ర మరియు ప్రాథమిక సహకార బ్యాంకుల లోని డిపాజిట్ లను సైతం ఈ రక్షణ పరిధి లోకి తీసుకురావడమైంది. ఒక సరికొత్త సంస్కరణ లో భాగం గా, బ్యాంక్ డిపాజిట్ బీమా సంబంధి రక్షణ ను 1 లక్ష రూపాయల నుంచి పెంచి వేసి 5 లక్షల రూపాయలు గా చేయడం జరిగింది.

ప్రతి ఒక్క డిపాజిట్ దారు కు, ప్రతి ఒక్క బ్యాంకు లెక్క న 5 లక్షల రూపాయల వరకు డిపాజిట్ రాశి కి బీమా రక్షణ ప్రాతిపదిక న గడచిన ఆర్థిక సంవత్సరం ఆఖరు నాటికి పూర్తి స్థాయి రక్షణ ఉన్న ఖాతాలు మొత్తం ఖాతాల సంఖ్య లో మొత్తం ఖాతాల సంఖ్య లో 98.1 శాతం గా ఉండింది. ఈ విషయం లో అంతర్జాతీయ ప్రమాణాన్ని చూసినట్లయితే అది 80 శాతం గా ఉన్నది.

ఆర్ బిఐ ఆంక్షల కు లోబడివున్నటువంటి 16 పట్టణ సహకార బ్యాంకు ల డిపాజిట్ దారు ల నుంచి అందుకొన్న క్లెయిముల కు గాను ద డిపాజిట్ ఇన్ శ్యోరెన్స్ ఎండ్ క్రెడిట్ గ్యారంటీ కార్ పొరేశన్ మధ్యకాలిక చెల్లింపుల తాలూకు ఒకటో విడత ను ఇటీవల విడుదల చేసింది. ఒక లక్ష కు పైగా డిపాజిట్ దారుల కు వారి క్లెయిము ల ఆధారం గా 1300 కోట్ల రూపాయల కు మించిన ధనరాశి ని వారి యొక్క ప్రత్యామ్నాయ బ్యాంకు ఖాతాల లో చెల్లించడం జరిగింది.

ఈ కార్యక్రమం లో ఆర్థిక శాఖ కేంద్ర మంత్రి, ఆర్థిక శాఖ సహాయమంత్రి లతో పాటు భారతీయ రిజర్వ్ బ్యాంకు గవర్నరు కూడా పాల్గొంటారు.

***