కేంద్ర విద్యుత్ మరియు ఎంఎన్‌ఆర్‌ఈ మంత్రి శ్రీ ఆర్‌.కె. సింగ్ అధ్యక్షతన పిఎల్‌ఐ స్కీమ్‌పై అడ్వాన్స్‌డ్ కెమిస్ట్రీ సెల్ బ్యాటరీ స్టోరేజ్ మరియు విదేశాలలో లిథియం గనులను కొనుగోలు చేసే వ్యూహంపై నిన్న సాయంత్రం ఇక్కడ ఒక ఇంటర్‌ మినిస్టీరియల్ సమావేశం జరిగింది. గనుల మంత్రిత్వ శాఖ, బొగ్గు మంత్రిత్వ శాఖ, భారీ పరిశ్రమల మంత్రిత్వ శాఖ, ఎంఈఏ, నీతి అయోగ్, విద్యుత్ శాఖకు చెందిన ఉన్నతాధికారులు ఈ సమావేశంలో పాల్గొన్నారు.

భారీ పరిశ్రమల మంత్రిత్వ శాఖ ద్వారా పిఎల్‌ఐ పథకంపై బిడ్‌ల స్థితిగతులను మంత్రి తెలియజేశారు. మరియు పిఎల్‌ఐ బిడ్ ప్రక్రియలను వేగవంతం చేయాలని ఆదేశించారు. ప్రపంచంలో లిథియం నిల్వల లభ్యతపై ఆయన మరింత చర్చించారు. లిథియం గనులను భారతదేశం అన్వేషించగల సంభావ్య ప్రదేశాలను ఆయన సమీక్షించారు. గనులను సేకరించే ప్రక్రియ మరియు యంత్రాంగం వివిధ దేశాలలో మారుతూ ఉంటాయి మరియు తదనుగుణంగా మనం సిద్ధం కావాలని తెలిపారు.

ఇంధన అవసరాల పరంగా భారతదేశం చాలా పెద్ద దేశమని అందువల్ల బ్యాటరీ నిల్వ కోసం మన అవసరం కూడా భారీగా ఉందని మంత్రి తెలిపారు. 2030 నాటికి 120 జిడబ్లుహెచ్‌గా అంచనా వేయబడిందని, మన 500 జిడబ్లూ పునరుత్పాదక సామర్థ్యానికి తోడ్పడుతుందని మంత్రి దృష్టికి తీసుకువచ్చారు. మన ఆర్‌ఈ లక్ష్యాలను దృష్టిలో ఉంచుకుని భవిష్యత్తు అవకాశాలు మరియు దీర్ఘకాలిక ప్రణాళికల గురించి ఆయన మరింత చర్చించారు.

 

***