بجلی اور ایم این آر ای  کے   مرکزی وزیر جناب آر کے سنگھ  نے یہاں کل شام جدید ترین نوعیت کی کیمیاوی سیل پر  مبنی  بیٹری کا ذخیرہ کرنے اور بیرون ملک  لیتھیئم  کانوں کی حصولیابی  سے متعلق  حکمت عملی کے بارے میں پیداوار سے  منسلک اسکیم  پی ایل آئی  پر  ایک  بین  وزارتی میٹنگ کی صدارت کی ۔ بھاری صنعتوں کی وزارت ، خارجی امور  کی وزارت  ایم ای اے ، نیتی آیوگ  اور بجلی   کی وزارت  کے دیگر سنیئر عہدیداروں  نے اس میٹنگ  میں شرکت کی۔

وزیر موصوف نے بھاری صنعتوں کی وزارت  کے ذریعہ  پی ایل آئی  اسکیم پر بولیاں لگانے سے متعلق  تازہ ترین صورتحال کا جائزہ لیا  اور پی ایل آئی  اسکیم سے  متعلق بولیوں کے عمل کو تیز کرنے  کی  ہدایت کی ۔ انہوں نے  ان  ممکنہ  مقامات کا جائزہ لیا  جہاں سے   بھارت  لیتھیئم کا نیں حاصل کرنے  کی کوشش  کر سکتا ہے ۔ مختلف  ملکوں میں کانوں کی حصولیابیوں سے متعلق عمل  اور طریق کار الگ الگ  ہیں اور ہمیں انہیں طریق کار کے  مطابق تیاری  کرنے  کی ضرورت ہے۔

وزیر موصوف  نے اس  جانب توجہ  مرکوز کی کہ بھارت ، توانائی کی ضروریات کے  لحاظ سے ایک  بہت بڑا ملک ہے  اور اس لئے   بیٹری کا ذخیرہ  کرنے سے متعلق  ہماری  ضروریات بھی بہت زیادہ ہیں   اور 500 گیگاواٹ  قابل تجدید توانائی  کی اضافی  صلاحیت  کے حصول میں مدد کے لئے سال 2030 تک 120 گیگاواٹ  کی حصولیابی  کا تخمینہ لگایا گیا ہے ۔ انہوں نے  مستقبل کے  امکانات اور قابل تجدید توانائی  سے  متعلق  ہمارے اہداف  کے  پیش نظر  طویل مدتی  منصوبہ بندی  کے بارے میں بھی غور و خوض کیا ۔ 

*************

( ش ح ۔ ع م ۔ ر ب(

U. No.13986