नवी दिल्ली/मुंबई 7 डिसेंबर 2021

आरोग्य मंत्रालयाची कोविड-19  घडामोडींवरील माहिती

गेल्या 24 तासात 79,39,038 मात्रांचे कोविड-19 प्रतिबंधक लसीकरण झाल्याने भारताने 128.76 (1,28,76,10,590) कोटी मात्रांचा टप्पा पार केला आहे. आज सकाळी 7 वाजेपर्यंत प्राप्त झालेल्या तात्पुरत्या अहवालानुसार,1,34,23,668 लसीकरण सत्रांच्या माध्यमातून या मात्रा देण्यात आल्या आहेत.

गेल्या 24 तासांत 10,004 कोरोना रुग्ण बरे झाल्यामुळे आतापर्यंत कोरोनामुक्त झालेल्या रुग्णांची संख्या (महामारीच्या आरंभापासून) वाढून 3,40,79,612 झाली आहे. परिणामी, भारतात रुग्ण बरे होण्याचा दर 98.36% झाला आहे. मार्च 2020 पासूनचा हा सर्वाधिक दर आहे.

केंद्र आणि राज्य सरकार/केंद्रशासित प्रदेश यांच्या एकत्रित प्रयत्नांचा परिणाम म्हणून सलग 163 दिवसांपासून 50,000 पेक्षा कमी नव्या दैनंदिन रुग्णांची नोंद झाल्याचा कल कायम राहिला आहे.

गेल्या 24 तासात 6,822 नव्या कोरोना रुग्णांची नोंद झाली. 558 दिवसातली ही सर्वात कमी संख्या आहे.

देशातील उपचाराधीन रुग्णांची संख्या सध्या 95,014 आहे, गेल्या 554 दिवसातील ही सर्वात कमी संख्या आहे. देशातील आतापर्यंतच्या एकूण बाधित रुग्णसंख्येच्या ती 0.27% आहे. मार्च 2020 पासूनचे हे सर्वात कमी प्रमाण आहे.

देशभरात चाचण्यांची क्षमता वाढवली जात आहे. गेल्या 24 तासांमध्ये एकूण 10,79,384 चाचण्या करण्यात आल्या. भारताने आतापर्यंत एकूण 64.94 (64,94,47,014) कोटींहून अधिक चाचण्या केल्या आहेत.

देशभरात चाचणी क्षमता वाढवण्यात आली असताना, साप्ताहिक पॉझिटिव्हिटी दर सध्या 0.78% असून गेल्या 23 दिवसांपासून हा दर 1% पेक्षा कमी राहिला आहे. दैनंदिन पॉझिटिव्हिटी दर 0.63% असून गेले 64 दिवस हा दर 2% पेक्षा कमी आहे आणि गेले सलग 99 दिवस हा दर 3% पेक्षा कमी आहे.

 इतर अपडेट्‌स :-

• केंद्र सरकारने आतापर्यंत 139 (1,39,06,60,790) कोटींपेक्षा जास्त लसींच्या मात्रा राज्ये/केंद्रशासित प्रदेशांना (मोफत) आणि थेट राज्याद्वारे खरेदी प्रक्रियेच्या अर्थात  सर्व स्रोतांच्या माध्यमातून उपलब्ध केल्या आहेत. 21कोटी 13 लाखांहून अधिक  (21,13,38,526) कोटी न वापरलेल्या उपयोगी मात्रा राज्ये आणि केंद्रशासित प्रदेशांकडे शिल्लक आहेत.
• कोविड-19 मध्ये प्रशिक्षण आणि क्षमता बांधणी सक्षम करण्यासाठी सरकारने अनेक उपाययोजना केल्या आहेत. आभासी माध्यमातून प्रशिक्षणासह, डॉक्टर, परिचारिका आणि संबंधित आरोग्यसेवा व्यावसायिकांना आणि स्वयंसेवकांना कोविड-19 संबंधित पैलूंबद्दल प्रशिक्षण प्रदान केले गेले आहे.  भारत सरकारने विविध कर्मचाऱ्यांना प्रशिक्षण देण्यासाठी iGOT (एकीकृत सरकारी ऑनलाइन प्रशिक्षण) मंचाचा वापर केला आहे.
• कोविड-19 महामारीच्या सुरुवातीपासूनच भारताने 150 हून अधिक देशांना कोविड-19 संबंधित वैद्यकीय आणि अन्य मदत पुरवली आहे. जानेवारी 2021 मध्ये लस मैत्री कार्यक्रम सुरू झाल्यापासून, 29 नोव्हेंबर 2021 पर्यंत भारताने सहाय्य, व्यावसायिक निर्यात किंवा कोव्हॅक्स (COVAX) या जगातील लस वितरण कार्यक्रमाच्या माध्यमातून 94 देशांना आणि 2 संयुक्त राष्ट्र संस्थांना कोविड प्रतिबंधक लसींच्या 723.435 लाख मात्रांचा पुरवठा केला आहे.

R.Aghor/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com