ਸਰਕਾਰ  ਨੇ ਗ਼ਰੀਬਾਂ ਲਈ 26 ਮਾਰਚ, 2020 ਨੂੰ ‘ਪ੍ਰਧਾਨ ਮੰਤਰੀ ਗ਼ਰੀਬ ਕਲਿਆਣ ਯੋਜਨਾ’ (PMGKY) ਅਧੀਨ 1.70 ਲੱਖ ਕਰੋੜ ਰੁਪਏ ਦੇ ਰਾਹਤ ਪੈਕੇਜ ਦਾ ਐਲਾਨ ਕੀਤਾ ਸੀ, ਤਾਂ ਉਨ੍ਹਾਂ ਨੂੰ ਕੋਰੋਨਾ ਵਾਇਰਸ ਵਿਰੁੱਧ ਲੜਨ ’ਚ ਮਦਦ ਮਿਲ ਸਕੇ। ਇਸ ਪੈਕੇਜ ਦੇ ਵੱਖੋ–ਵੱਖਰੇ ਪੱਖਾਂ ’ਚੋਂ ਇੱਕ ਸੀ ‘ਨੈਸ਼ਨਲ ਸੋਸ਼ਲ ਅਸਿਸਟੈਂਸ ਪ੍ਰੋਗਰਾਮ’ (NSAP – ਰਾਸ਼ਟਰੀ ਸਮਾਜਕ ਸਹਾਇਤਾ ਪ੍ਰੋਗਰਾਮ) ਦੇ ਮੌਜੂਦਾ ਬਿਰਧ ਅਵਸਥਾ, ਵਿਧਵਾ ਤੇ ਅੰਗਹੀਣ/ਦਿੱਵਯਾਂਗਜਨ ਲਾਭਪਾਤਰੀਆਂ ਨੂੰ ਦੋ ਕਿਸ਼ਤਾਂ (500/– ਰੁਪਏ ਹਰੇਕ) ’ਚ 1,000  ਰੁਪਏ ਦੀ ਐਕਸ–ਗ੍ਰੇਸ਼ੀਆ ਰਾਸ਼ੀ ਮੁਹੱਈਆ ਕਰਵਾਈ ਗਈ ਸੀ। ਐੱਨਐੱਸਏਪੀ ਯੋਜਨਾਵਾਂ ਦੇ 282 ਲੱਖ ਲਾਭਪਾਤਰੀਆਂ ਲਈ ਪੀਐੰਮਜੀਕੇਵਾਈ ਅਧੀਨ ਅਪ੍ਰੈਲ 2020 ਅਤੇ ਮਈ 2020 ਦੌਰਾਨ ਦੋ ਭਾਗਾਂ ’ਚ ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਨੂੰ ਕੁੱਲ 22814.50 ਕਰੋੜ ਰੁਪਏ ਦੀ ਐਕਸ–ਗ੍ਰੇਸ਼ੀਆ ਰਾਸ਼ੀ ਜਾਰੀ ਕੀਤੀ ਗਈ ਸੀ। ਇਸ ਵਿੱਚ ‘ਇੰਦਰਾ ਗਾਂਧੀ ਨੈਸ਼ਨਲ  ਡਿਸਏਬਿਲਿਟੀ ਪੈਨਸ਼ਨ ਸਕੀਮ’ (1GNPDS) ਦੇ 7.73 ਲੱਖ ਦਿੱਵਯਾਂਗ ਲਾਭਪਾਤਰੀਆਂ ਨੂੰ 77.34 ਕਰੋੜ ਰੁਪਏ ਜਾਰੀ ਕਰਨਾ ਸ਼ਾਮਲ ਸੀ।

ਅੰਤਿਕਾ ’ਚ ‘ਇੰਦਰਾ ਗਾਂਧੀ ਨੈਸ਼ਨਲ ਡਿਸਏਬਿਲਿਟੀ ਪੈਨਸ਼ਨ ਸਕੀਮ’ (IGNDPS) ਅਧੀਨ ਕਵਰ ਕੀਤੇ ਲਾਭਪਾਤਰੀਆਂ ਦੇ ਰਾਜ//ਕੇਂਦਰ ਸ਼ਾਸਿਤ ਪ੍ਰਦੇਸ਼ ਕ੍ਰਮ ਅਨੁਸਸਾਰ ਵੇਰਵੇ ਕਵਰ ਕੀਤੇ ਗਏ ਹਨ।

ਐੱਨਐੱਸਏਪੀ ਦੇ ਦਿਸ਼ਾ–ਨਿਰਦੇਸ਼ਾਂ ਅਨੁਸਸਾਰ ਆਈਜੀਐੱਨਡੀਪੀਐੱਸ ਅਧੀਨ ਗ਼ਰੀਬੀ ਰੇਖਾ ਤੋਂ ਹੇਠਾਂ ਰਹਿੰਦੇ ਪਰਿਵਾਰਾਂ ਨਾਲ ਸਬੰਧਤ ਗੰਭੀਰ ਕਿਸਮ ਦੇ ਅਤੇ ਕਈ ਤਰ੍ਹਾਂ ਦੀਆਂ ਅੰਗਹੀਣਤਾਵਾਂ ਵਾਲੇ 18–79 ਸਾਲ ਉਮਰ ਵਿਚਕਾਰਲੇ ਵਿਅਕਤੀਆਂ ਨੂੰ ਕਵਰ ਕੀਤਾ ਜਾਣਾ ਹੈ। 

ਇਹ ਜਾਣਕਾਰੀ ਕੱਲ੍ਹ ਲੋਕ ਸਭਾ ’ਚ ਕੇਂਦਰੀ ਗ੍ਰਾਮੀਣ ਵਿਕਾਸ ਰਾਜ ਮੰਤਰੀ ਸੁਸ਼੍ਰੀ ਸਾਧਵੀ ਨਿਰੰਜਨ ਜਿਓਤੀ ਨੇ ਇੱਕ ਲਿਖਤੀ ਜੁਆਬ ਰਾਹੀਂ ਦਿੱਤੀ।

****

ਏਪੀਐੱਸ/ਆਈਏ/ਜੇਕੇ