• লৈবাক পুম্বগী ভেক্সিনেসন দ্রাইব অসিগী মখাদা হৌজিক ফাওবদা ভেক্সিন দোজ করোর ১২২.৪১ কাপথোকখ্রে
• হৌজিক ওইরিবা ফগৎলকপগী চাং ৯৮.৩৪%দা লৈরি; ২০২০ মার্চতগী খ্বায়দগী নেম্বা ওইরি
• পুং ২৪ মনুংদা ৯,৯০৫ ফগৎলক্তুনা, অপুনবা মীশিং ৩,৪০,০৮,১৮৩ ফগৎলকখ্রে
• হৌখিবা পুং ২৪ মনুংদা অনৌবা কেস ৮,৩০৯লাক্লি;
• ভারতকী হৌজিক লৈরিবা এক্তিব কেস মশিং ১,০৩,৮৫৯ লৈরি; নুমিৎ ৫৪৪নিদা খ্বায়দগী নেম্বনি
• অপুনবা কেস্তগী এক্তিব কেস একাউন্ত ১% মখাদা লৈরি, হৌজিক্কী ওইনা ০.৩০%দা লৈরি; ২০২০ মার্চতগী খ্বায়দগী নেম্বা ওইরি
• নোংমগী ওইবা পোজিতিবিতী রেত (১.০৯% ) ওইদুনা হৌখিবা নুমিৎ ৫৬নিদা ২% মখাদা ওইরি
• হৌখিবা নুমিৎ ১৫দা চয়োলগী পোজিতিবিতী রেত ১%গী মখাদা লৈদুনা হৌজিক (০.৮৫%)দা লৈরি
• হৌজিক ফাওবদা অপুনবা তেস্ত করোর ৬৪.০২ তৌখ্রে

#Unite2FightCorona #IndiaFightsCorona

প্রেস ইনফোর্মেসন ব্যুরো

ইনফোর্মেসন অমসুং ব্রোদকাস্তিং মন্ত্রালয়

ভারত সরকার

*****

কোবিদ-১৯ অপদেৎ

ভারতকী অপুনবা কোবিদ-১৯ ভেক্সিনেসন কভরেজ কোতি ১২২.৪১ হেনখ্রে
হৌখিবা পুং ২৪দা দোজ লাখ ৪২.০৪ হেন্না কাপখি
হৌজিক হৌজিক্কী ওইবা রিকোভরী রেত অসি ৯৮.৩৪%নি
হৌখিবা পুং ২৪দা অনৌবা কেস ৮,৩০৯ লাকখি
ভারতকী এক্তিব কেসলোদ অসি ১,০৩,৮৫৯নি
চয়োলগী ওইনা পোজিতিব ওইখিবগী চাং (০.৮৫%) ১%গী মখাদা লৈখিবা নুমিৎ ১৫নি শুরে
 

ঙসি অয়ুক্কী পুং ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না হৌখিবা পুং ২৪দা, ভেক্সিন দোজ ৪২,০৪,১৭১কাপতুনা, লৈবাক অসিগী কোবিদ-১৯ ভেক্সিনেসন কভরেজ অসি পুন্না কোতি ১২২.৪১ (১,২২,৪১,৬৮,৯২৯) হেনখ্রে৷ মসি সেসন ১,২৬,৮১,০৭২দা কাপখিবনি৷

ঙসি অয়ুক পুং ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না ভেক্সিন কাপখিবা অপুনবা ফিগরগী শরুকশিং অদুদি:

হৌখিবা পুং ২৪দা পেসেন্ত ৯,৯০৫ রিকোভর তৌরকখিবা অসিনা রিকোভর তৌখ্রবা অপুনবা পেসেন্ত মশিং(লাইনা-লাইচৎ অসি হেক হৌরকপদগী) অসি ৩,৪০,০৮,১৮৩দা হেনগৎহনখ্রে৷

লোইন-লোইননা ভারতকী রিকোভরী রেতসু ৯৮.৩৪% ওইখ্রে৷

কেন্দ্র অমসুং রাজ্যশিং/য়ু.তি.শিংনা য়াম্না কন্না খুৎশম্নদুনা হোৎনখিবা অসিনা নোংমদা অনৌবা কেস ৫০,০০০গী মখাদা তানা লাকখিবা হৌজিক্তি নুমিৎ ১৫৫নি শুরে৷

হৌখিবা পুং ২৪দা অনৌবা কেস ৮,৩০৯ লাকখি৷

হৌজিক হৌজিক লৈরিবা এক্তিব কেস মশিং অসি ১,০৩,৮৫৯নি৷ হৌজিক হৌজিক লৈরিবা এক্তিব কেস মশিং অসি লৈবাক অসিগী অপুনবা পোজিতিব কেস মশিং অদুগী ০.৩০% ওই, ২০২০গী মার্চ থাদগী য়েংলকপা মতমদা মসিনা খ্বাইদগী নেম্বনি৷

লৈবাক অসিদা তেস্তিং কেপাসিতী লেপ্প-লৈতনা হেনগৎলক্লি৷ হৌখিবা পুং ২৪দা তেস্ত পুন্না ৭,৬২,২৬৮ তৌখি৷ হৌজিক ফাওবদা ভারতনা তেস্ত পুন্না কোতি ৬৪.০২ হেন্না (৬৪,০২,৯১,৩২৫) তৌখ্রে৷

লৈবাক অসিদা তেস্ত তৌবগী চাং হেনগৎলকখিবা অসিদা, হৌজিক্তি চয়োলগী ওইনা পোজিতিব ওইখিবগী চাং ০.৮৫% ওইদুনা ১%গী মখাদা লৈখিবা নুমিৎ ১৫নি শুরে৷ নোংমদা পোজিতিব ওইবগী চাং ১.০৯% ওই৷ হৌজিক্তি নোংমদা পোজিতিব ওইখিবগী চাং ২%গী মখাদা লৈখিবা নুমিৎ ৫৬নি শুরে অমসুং ৩%গী মখাদা লৈখিবা নুমিৎ ৯১নি শুরে৷

https://pib.gov.in/PressReleasePage.aspx?PRID=1775972

স্তেত/য়ু.তি.শিংদা লৈরিবা কোবিদ-১৯ ভেক্সিন অপদেত
স্তেত/য়ু.তি.শিংদা ভোক্সিন দোজ করোর ১৩৭ রোম ফংহনখ্রে
স্তেত/য়ু.তি.শিংদা লেমহৌবা অমদি শীজিন্নদ্রিবা ভেক্সিন দোজ করোর ২৪.৬১ হেন্না লৈরি
 

কেন্দ্র লৈঙাক্না লৈবাক শিনবা থুংনা কোবিদ-১৯ ভেক্সিনেসনগী খোঙজেল য়াঙখৎহনবা অমদি মীৎয়েং পাকথোক চাউথোকহন্নবা ফিরেপ লৌরি‍। মীপুম খুদিংদা ভেক্সিন ফংহনবগী অনৌবা তাঙ্কক অসি জুন ২১, ২০২১দগী হৌখিবনি‍। কোবিদ-১৯ ভেক্সিনেসনগী য়ুনিভর্সলাইজেসনগী অনৌবা ফেজ অসি ২০২১গী জুন ২১দগী হৌখ্রে। স্তেত অমসুং য়ু.তি.শিংদা মখোয় মশানা হেন্না ফবা মওংদা থৌরাং তৌজনবা অমদি ভেক্সিন সপ্লাই চেন স্ত্রীমলাইন তৌনবা ভেক্সিন হেন্না ফংহন্দুনা অমদি ভেক্সিন লৈবা লৈতবগী ফীভম মাঙজৌননবা উহন্দুনা ভেক্সিনেসন দ্রাইব অসি হেনগৎহল্লে‍।

লৈবাক পুমবগী ওইবা ভেক্সিনেসন দ্রাইব অসিগী শরুক অমা ওইনা ভারত লৈঙাক্না স্তেত অমসুং য়ু.তি.শিংদা কোবিদ ভেক্সিন লেম্না পীদুনা ঙাক্লৌ পীরি‍। মীপুম খুদিং কোবিদ-১৯ ভেক্সিন ফংহনবগী অনৌবা তাঙ্ককসিদা কেন্দ্র লৈঙাক্না লৈবাকসিদা লৈরিবা ভেক্সিন পুথোক্লিবা কম্পেনীশিংনা পুথোকপা ভেক্সিনগী ৭৫% লৈদুনা স্তেত অমসুং য়ু.তি.শিংদা পীগনি (লেম্না)‍।

ভারত লৈঙাক্কী (লেম্না) অমদি দাইরেক্ত স্তেত প্রোকরমেন্ত কাঙলুপকী মখাদা হৌজিক ফাওবদা স্তেত/য়ু.তি.শিংদা ভেক্সিন দোজ করোর ১৩৭ (১,৩৭,০১,৬৫,০৭০) হেন্না ফংহনখ্রে‍।

স্তেত/য়ু.তি.শিংদা কাপ্ননবা লেমহৌরিবা অমদি শীজিন্নদ্রিবা কোবিদ ভেক্সিন দোজ করোর ২৪.৬১ (২৪,৬১,৮৭,১৩১) হেন্না লৈরি‍।

https://pib.gov.in/PressReleasePage.aspx?PRID=1775968

কোবিদ-১৯দা অপদেৎ

মালেম শিনবা থুংনা অনৌবা এস.এ.আর.এস.-সি.ও.ভি.-২ ভেরিএন্ত (ওমিক্রোন)গী রিপোর্ত লাক্লিবা কেসশিং য়েংলগা ইন্তর্নেস্নেল ত্রেবেলরশিংগীদমক শেমদোক্লবা লমজিং-লমতাকশিং ইসু তৌখ্রে

‘খুদোংথিনিংঙাই ওইনা লৈরিবা লৈবাকশিং’ ওইনা খঙলবা লৈবাকশিংদগী ভারত্তা লাক্লিবা ত্রেবল্লর (কোবিদ-১৯ ভেক্সিনেসনগী ফিভম য়াওদনা) পুম্বনা তঙাইফদনা চংবা লমজিং-লমতাকশিং এয়রপোর্ত্তা থুংলবা মতমদা পোস্ত-এরাইবেল কোবিদ-১৯ তেস্তিং শোইদনা চৎথগদবনি

কোবিদ-১৯ লায়চৎকী মাংজৌননা লৌখৎপা অমসুং খুদোংথিনিঙাইদা য়ুম্ফম ওইবা চংশিল্লিবা শিল-লাংবগী চৎথরকপা ওইনা, হকশেলগী কেন্দ্রগী মন্ত্রীনা ২০২১গী নবেম্বর ২৮দা শেমদোক্লবা ‘ইন্তর্নেস্নেল এরাইবেলগী লমজিং-লমতাক’ ইসু তৌখ্রে। অপদেৎ তৌরবা লমজিং-লমতাক অসিনা দিপার্তচরগী মমাং পুং ৭২দা লৌবা প্রি-দিপার্তচর কোবিদ-১৯ তেস্তিংগী মথক্তা ‘খুদোংথিনিংঙাই ওইনা লৈরিবা লৈবাকশিং’ ওইনা খঙলবা লৈবাকশিংদগী ভারত্তা লাক্লিবা ত্রেবল্লর (কোবিদ-১৯ ভেক্সিনেসনগী ফিভম য়াওদনা) পুম্বনা তঙাইফদনা চংবা লমজিং-লমতাকশিং এয়রপোর্ত্তা থুংলবা মতমদা পোস্ত-এরাইবেল কোবিদ-১৯ তেস্তিং শোইদনা চৎথগদবনি। তেস্ত অসিদা পেসেঞ্জরশিং পোজিতিব ওইনা ফংলবা , মখোয়বু তোঙান্না থমগনি অমসুং ক্লিনিকেল মেনেজমেন্ত প্রোতোকোল মতুং ইন্না লায়েংগনি মথক্তা জেনোম সিক্বেন্সিংগীদমক মখোয়গী সেম্পল লৌগনি। নেগেতিব ওইনা ফংবা পেসেঞ্জরশিং চৎখিবা য়াগনি অমদি মখোয়বু য়ুমদা তোঙান্না নুমিৎ ৭নি লৈগদবনি, ভারত য়ৌরকপা ৮শুবা নুমিৎতা হন্না তেস্ত তৌগনি, মতুংদা নুমিৎ ৭নি মশা মথন্তা য়েংশিনজগদবনি।

মখা তানা, ওমিক্রোন ভেরিএন্তগী রিপোর্ত তৌরপা লৈবাক্কী মশিং হেনগৎলকপগী রিপোর্ত য়েংদুনা, হৌজিক লৈরিবা লমজিং-লমতাক্না ‘রিস্ক কেতগরী’দা লৈতবা লৈবাকশিংদগী লাকপা ত্রেবেল্লর ৫%সু এয়রপোর্ত্তা কোবিদ-১৯গী তেস্ত শোইদনা তৌনবা হায়রি।

বি.১.১.৫২৯ ভেরিএন্ত (ওমিক্রোন) অসি অহানবা ওইনা ২০২১গী নবেম্বর ২৪দা খা অফ্রিকাদগী দবল্যু.ঐচ.ও.দা রিপোর্ত পীরকখি অমসুং ২০২১গী নবেম্বর ২৬তা এস.এ.আর.এস.-কো.ভি.-২ ভাইরস ইবোলুসন (তি.এ.জি.-ভি.ই.)দা লৈরিবা দবল্যু.ঐচ.ও.গী তেক্নিকেল এদভাইজরী গ্রুপ্না মসিবু ভেরিএন্তদা লৈবা খ্বায়দগী য়াম্বা ভেরিএন্ত ওফ কন্সর্ন (ভি.ও.সি.)নি হায়রি, মসিগী মরক্তা খরা অমনা য়াম্না লান্নবা অমসুং ইম্ম্যুন ইস্কেপকী চৎনবী লৈবা ওইরি। ইসু অসিদা উবা ফংলিবা খুদমশিং অসি হকশেলগী কেন্দ্রগী মন্ত্রালয়না য়েংশিল্লি।

রাজ্যশিং অসিদসু ইন্তর্নেস্নেল পেসেঞ্জরশিং কুপ্না য়েংশিনবা, তেস্তিং হেনগৎহনবা, কোবিদ-১৯ কনবা মফম য়েংশিনবা, হকশেলগী ইনফ্রাস্ত্রকচর হেনগৎহন্নবা পাউতাক পীখ্রে।

https://pib.gov.in/PressReleasePage.aspx?PRID=1776028

*********