नवी दिल्ली/मुंबई 26 नोव्हेंबर 2021

आरोग्य मंत्रालयाची कोविड-19  घडामोडींवरील माहिती

गेल्या 24 तासांच्या कालावधीत, कोविड प्रतिबंधक लसीच्या 83,88,824 मात्रा देण्यात आल्यामुळे, आज सकाळी 7 वाजता प्राप्त झालेल्या तात्पुरत्या अहवालातील आकडेवारीनुसार, भारताच्या कोविड प्रतिबंधक लसीकरण मोहिमेत देण्यात आलेल्या लसीच्या मात्रांच्या संख्येने 120 कोटी 27 लाखांचा (1,20,27,03,659) टप्पा ओलांडला आहे. देशभरात 1,24,56,121 सत्रांच्या आयोजनातून हे उद्दिष्ट साध्य करण्यात आले.

गेल्या 24 तासात 9,868 रुग्ण कोविड आजारातून बरे झाल्यामुळे, देशात महामारीची सुरुवात झाल्यापासून आतापर्यंत कोविड-19 आजारातून पूर्णपणे बऱ्या झालेल्या रुग्णांची संख्या आता 3,39,77,830 झाली आहे.

परिणामी, भारतातील रोगमुक्ती दर 98.33% झाला असून मार्च 2020 पासूनचा हा सर्वात उच्चांकी दर आहे.

केंद्र सरकार तसेच राज्ये आणि केंद्रशासित प्रदेश सरकारे यांच्या शाश्वत आणि सह्योगात्मक प्रयत्नांमुळे, रोज नोंदल्या जाणाऱ्या नव्या कोविड बाधितांची संख्या आता गेले सलग 152 दिवस, 50,000 हून कमी असण्याचा कल कायम आहे.

गेल्या 24 तासात, 10,549 नव्या कोविड ग्रस्त रुग्णांची नोंद झाली.

भारतातील कोविड सक्रीय रुग्णसंख्या सध्या 1,10,133 इतकी आहे. देशात सध्या कोविड सक्रीय असलेल्या रुग्णांचे प्रमाण आतापर्यंतच्या एकूण कोविड बाधितांच्या संख्येच्या 0.32% असून मार्च 2020 पासूनचे हे सर्वात कमी प्रमाण आहे.

कोविड संसर्ग तपासणी चाचण्या करण्याच्या क्षमतेचा विस्तार करण्याचे काम देशभरात सुरु आहे. गेल्या 24 तासात देशात एकूण 11,81,246 चाचण्या करण्यात आल्या. देशात आतापर्यंत एकंदर 63 कोटी 71 लाखांहून अधिक (63,71,06,009) चाचण्या करण्यात आल्या आहेत.

देशभरात कोविड चाचण्या करण्याची क्षमता वाढविली जात असतानाच, देशातील साप्ताहिक पॉझिटीव्हिटी दर सध्या 0.89% असून गेले 12 दिवस हा दर 1%हून कमी राहिला आहे. दैनंदिन पॉझिटीव्हिटी दर आज 0.89% इतका आहे. दैनंदिन पॉझिटीव्हिटी दर गेले सलग 53 दिवस 2% हून कमी आणि गेले सलग 88 दिवस 3% हून कमी राहिला आहे.

इतर अपडेट्‌स :-

• आतापर्यंत भारत सरकारने खरेदी केलेल्या मात्रांचा मोफत पुरवठा आणि राज्यांनी केलेली लसीची थेट खरेदी यांच्या माध्यमातून राज्ये आणि केंद्रशासित प्रदेशांना आतापर्यंत एकूण 133 कोटींहून अधिक (1,33,44,55,000) मात्रांचा पुरवठा झाला आहे. राज्ये आणि केंद्रशासित प्रदेश सरकारांकडे कोविड प्रतिबंधक लसीच्या न वापरलेल्या अशा 22 कोटी 70 लाखांहून अधिक (22,70,43,626) मात्रा, यापुढील काळात लसीकरण करण्यासाठी अजूनही शिल्लक आहेत.

G.Chippalkatti/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com