খুলাই পায়বশিংনা অকি-অখং থোকহল্লম্বা মতম অমা মনিপুরদা লৈরম্মী অমসুং থৌদোক কয়া অমদা মতম অদুদা লৈরম্বা সরকারশিংসু চেন্নখি, অদুবু শ্রী বিরেন সিংহগী মতমদা লো অমসুং ওর্দরগী ফিভম য়াম্না শাথিনা ফগৎলে

শ্রী নরেন্দ্র মোদী অমসুং শ্রী বিরেন সিংহনা হৌখিবা চহি মঙা অসিদা লৌখৎখিবা চাউখৎ থৌরাংগী থবকশিং অসিনা মনিপুরদা চহি ৭০গী মথক্তা চাউখৎ থৌরাংদা শোইদনা শাফু অমা পীরগনি 

মনিপুরদা ইনফ্রাস্ত্রকচরগী থবকশিং য়াম্না চাউনা লৌখৎলে অমসুং চীংদা লৈবা খুঙ্গংশিংনা অহানবা ওইনা কেন্দ্র অমসুং রাজ্য সরকারনা মখোয়গীদমক্তা খনবিরি হায়না লৌরি

কেন্দ্রগী হোম এফিয়র্স মন্ত্রী অমসুং কোওপরেসনগী মন্ত্রী, অমিত শাহনা ঙসি মনিপুরদা রানী গাইদিংলু ত্রাইবেল ফ্রীদম ফাইত্তরস ম্যুজিয়মগী ভুমী পুজন ভিদিও কনফরেন্সকী খুৎথাংদা পাংথোকখ্রে। মনিপুরগী মুখ্য মন্ত্রী শ্রী এন. বিরেন সিংহ, ত্রাইবেল এফিয়র্সকী কেন্দ্রগী মন্ত্রী শ্রী অর্জুন মুন্দা অমসুং অতোপ্পা দিগ্নতরী কয়া অমসু থৌরম অসিদা শরুক য়াখি।

কেন্দ্রগী হোম এফিয়র্স মন্ত্রী অমসুং কোওপরেসনগী মন্ত্রীনা থৌরম অসিদা মহাক্না ৱা ঙাংবদা হায়খি মদুদি ঐহাক্না রানী গাইদিংলু ত্রাইবেল ফ্রীদম ফাইত্তরস ম্যুজিয়মগী ভুমী পুজন তৌবগী খুদোংচাবা ফংজরি অমসুং মসিগী শেংলবা থবক অসিনা ঐখোয়গী নিংতম লান্মীশিংগী থৌনা, লৈবাক নিংবা অমসুং মখোয়না হোৎনখিবশিং লাক্কদৌরিবা মীরোলদা লৈহৌরগনি। থৌরম অসিদা মহাক্না মনিপুরগী নিংতম লান্মীশিংদা ইকাই খুম্নবা উৎখি। শ্রী অমিত শাহনা হায়খি মদুদি রাজ্য অসিদা মনিপুরগী নিংতম লান্মী কয়ানা ব্রিতিশকী মায়োক্তা লান্থেংনখি অমসুং লৈবাক অসিবু চাউথোকচনিংঙাই ওইহলি। শ্রী শাহনা হায়খি মদুদি মনিপুরগী মহারাজ কুলাচন্দ্র সিংহ অমসুং মহাক্কী লোয়নবশিং চহি কয়া অমা ফাদোক ওইনা অন্দমান অমসুং নিকোবর ইথৎকী মাউন্ত হেরিত্তা চৈরাক পীরবা মতুংদা থমখি। মহাক্না হায়খি মদুদি নিংতম লান খোঙজং মনুংদা, মনিপুরগী মহারাজা, শ্রী কুলাচন্দ্র সিংহনা মহাক্কী মথৌনাগা লোয়ননা অৱাং নোংপোক লমদমদা ব্রিতিশকী মায়োক্তা লান্থেংনখি। ঐখোয়না মহারাজা কুলাচন্দ্র সিংহনা অমসুং মনিপুরগী নিংতম লান্মীশিংগী নিংশিংবা ওইনা ইকাই খুম্নবা উৎপা ওইনা মাউন্ত হেরিতপু মাউন্ত মনিপুর হায়না মমিং থোল্লি। কেন্দ্রগী গৃহ মন্ত্রীনা হায়খি মদুদি ম্যুজিয়ম অসি মনিপুর খক্তগী নত্তনা অৱাং নোংপোক লম পুম্বগী পুক্নিং চিংশিনবা মফম অমা ওইরগনি মরমদি ঐখোয়গী ত্রাইবেল ইচিল ইনাওশিং অসি য়াওদনা নিংতম লান অসি মপুং ফারোইদরিবনি হায়না হায়খি। নিংতম লান্দা খ্বায়দগী থৱায় কৎথোকখিবা কনাগুম্বা অমা হায়রগদি, মসি ত্রাইবেলগী নিংতম লান্মীশিংনি।

কেন্দ্রগী হোম এফিয়র্স মন্ত্রী অমসুং কোওপরেসনগী মন্ত্রীনা হায়খি মদুদি হন্দক্কী চহি অসি অজাদী কা অমৃত মহোৎসবকী চহিনি অমসুং হন্দক্তা প্রধান মন্ত্রী শ্রী নরেন্দ্র মোদীনা ভগবান বির্সা মুন্দাগী মপোক কুমওন পাংথোকপা ওইনা চহি খুদিংগী নবেন্বর ১৫ অসি জনজাতিয়া গৌরব দিবস হায়না লৈবাক অসিগী সংস্কৃতী অমসুং নিং-খা তম্বদা ত্রাইবেল সমাজনা লৌখিবা থৌদাং নিংশিংনবা পাংথোক্কনি। নিং-খা তম্বগী ৭৫শুবা চহিগী থৌরম পাংথোকপা অসিদা, ঐখোয়না নবেন্বরগী ১৫দগী ২২ফাওবা অসি আদিবাসি গৌরব চয়োল হায়না চয়োল পুম্বা পাংথোক্কনি।

রানী গাইদিংলুবু নিংশিংদুনা, শ্রী অমিত শাহনা মহাক্কী মফমদা ইকাই খুম্নবা উৎখি অমসুং হায়খি মদুদি ঐখোয় পুম্বনা অদোমগী মফমদগী থৌনা ফংলি অমসুং লাক্কদৌরিবা মীরোলশিংনসু থৌনা লৈহৌরনি। অদোম পোক্লকপদা রানী ওইরকপা নত্তে অমসুং কনাগুম্বা অমত্তনা রানীগী মিংথোল পীখিবা নত্তে অদুবু অদোম্না নিংতম লান্দা লৌখিবা থৌদাংশিংনা ঙসিদি লৈবক পুম্বনা ইকাই খুম্নবা পীরি। সরকারনা মিংথোল অমা পীবা মতমদা, মখোয়বু চহি খরগী মতুংদা কাওথোকখি অদুবু মীয়াম্না মিংথোল পীবা মতমদা মখোয়বু চহি কয়া অমা নিংশিংখি। মহাক্না হায়খি নিংতম লান্মী কয়া অমা মখোয় অদুদি মধ্য প্রদেশকী বাবা তিলকা মন্ঝি, সিদ্ধো কানু, চান্দ ভৈরপ, তেলঙ্গা খাদিয়া, শঙ্কর শাহ অমসুং রাঘুনাথ শাহ, সেথ ভিকারি, গনপৎ রাই, উমরাও সিংহ তিকেত, বিস্বানাথ সহদেব, নিলম্বর পিতম্বর, নরায়ন সিংহ, জত্রা ওরাওন, জদোনাং অমসুং রাজ মোহন দেবীনা ব্রিতিশকী মায়োক্তা মফম কয়াদা কন্না লান্থেংনখি। অসিগুম্লবা মিকুপ অসিদা ভগবান বির্সা মুন্দাবু মতৌ করম্না কাওগদৌরিবনো।  

কেন্দ্রগী হোম এফিয়র্স মন্ত্রী অমসুং কোওপরেসনগী মন্ত্রীনা হায়খি মদুদি হন্দক্কী চহি অসি ঐখোয়না অমৃত মহোৎসবকী চহি হায়না পাংথোক্লি। অদুবু, প্রধান মন্ত্রীগী অমৃত মহোৎসবকী পান্দম অহুম মীয়ামগী মমাংদা পুথোক্লি।  অহানবদা, মসি অসিগুম্বা নিংতম লান্মীশিংনা থৱায় কৎথোকখিবা অমসুং মখোয়না নিংতম লান্দা লান্থেংনখিবা অসি নিংশিংনবগী খুদোংচাবা অমনি, মরমদি ঙসি শ্রী মোদীগী লুচিং মখাদা, লৈবাক অসিনা মালেমগী মমাংদা চাউথোক্না লেপ্পা ঙম্লি। মতম অদুদা মখোয়না কৎথোকপা অমা লৈরমদ্রবা, লৈবাক অসি ঙসি ওইরিবা অসুম্না উবা ফংলম্লোই। নহা ওইরিবা মীরোলদা লৈবাক নিংবা নিংতম লান্মীশিং, মশক খঙবা অমসুং খঙহৌদবশিং পুম্বা অসিবু নিংশিংনবা, মফম কয়া অমদা অজাদী কা অমৃত মহোৎসব পাংথোক্নবা ৱারেপ লৌরি। অনিশুবা পান্দম্না লাক্কদৌরিবা মীরোলদা মরৈবাক নিংবশিং অসি লৈহৌনবনি। ঐখোয় নিং-খা তম্লবা মতুংদা পোকপনি অমসুং লাক্কদৌরিবা মীরোল কয়াদা নিং-তম্বা অসি মাংহল্লোইদবনি, অদুবু ঐখোয়না লৈবাক অসিদা লৈনবগী খুদোংচাবা অমা ফংলি। ঐখোয়গী পুন্সি অসি লৈবাক অসিগী চাউখৎ থৌরাংদা ইথৌ তৌবা, লৈবাক অসিগী মিংচৎ পুরক্নবা হোৎনবা অমসুং লৈবাক অসিবু মাংজিল থানবা হোৎনবা মথৌ তাই, মরম অসিনা ঐখোয়না অজাদী কা অমৃত মহোৎসব পাংথোকপা মথৌ তাই। অহুমশুবদা,  প্রধান মন্ত্রীনা হায়খি মদুদি চহি ৭৫দগীনা চহি ১০০ ফাওবগী মনুং অসি ঐখোয়গী নিং খা তম্বগী খ্বায়দগী ফবা চহি ওইগদৌরিবনি, লৈবাক অসিগী মীয়াম্না মফম অসি মালেমগী খ্বায়দগী ফবা মফম অমা ওইনবা ৱারেপ লৌগদবনি।

কেন্দ্রগী গৃহ মন্ত্রীনা হায়খি মদুদি রানী গাইদিংলু মনিপুরগী খুঙ্গং অমদা পোকখি অমসুং মহাক্না চহি ১৩শুবা মতমদা জাদোনাংগী নিংতম খোঙজংদা শরুক য়াখি অমসুং মহাক্না চহি অনি পুনখিবা অসিনা ব্রিতিশকী মায়োক্তা লান্থেংনবগী শেম শাবা লোইশিনখি। মহাক্না জাদোনাং লৈখিদ্রবা মতুংদা খোঙজং অসিগী লুচিংবা অমা ওইখি। অৱাং-নোংপোক্কী চীংগী লম অমদা লৈদুনা নুপীমচা অমা ওইনা মালেমগী খ্বায়দগী চাউবা নিংথৌরেলগা লান্থেংনখি। ঙসিদি লৈবাক অসিনা মহাকপু নিংশিংলি। প্রধান মন্ত্রীনা মহাক্কী চহি চা শুবা থৌরম পাংথোকপদা লুপা ৫ অমসুং লুপা ১০০গী কোইন পুথোকখি। মহাকপু পদ্মা ভুশনসু পীখি। ইন্দিয়ন কোস্ত গার্দ অমনা ২০১৬গী ওক্তোবর ১৯দা মহাক্কী মমিংদা পেত্রোল বোত অমা মিথোল পীদুনা ইকাই খুম্নবা পীখি। শ্রী অমিত শাহনা হায়খি মদুদি লৈবাক শিনবা থুংনা নিংতম লান্মীগী ম্যুজিয়ম লিংখৎপা অসিনা সমাজ অসিদা অপুনবা অমা ওইহল্লগনি, করিগুম্বা ত্রাইবেলগী মীশিং লৈরমদ্রবা, মীয়ামন্না ত্রাইবেল সমাজগী লান্থেংগী মরমদা কয়া খঙলম্লোই মদুদি মতৌ করম্না মখোয়না লৈবক অসিগী নিংতম্বদা মতৌ করম্না থৌদাং লৌখিবগে হায়বা খঙলম্লোই। মরম অসিনা ২০১৬গী ওগস্তকী ১৫দা, প্রধান মন্ত্রীনা লাওথোকখি মদুদি ঐখোয়গী সরকার অসিনা লাক্কদৌরিবা মীরোল অসিদা ত্রাইবেল ইচিল ইনাওশিংনা কৎথোকখিবা অসি নিংশিংনবা ত্রাইবেল ফ্রীদম ফাই্ত্তর ম্যজিয়ম রাজ্যশিংগী মফম কয়া অমদা লিংখৎলগনি। অসিগুম্বা ম্যুজিয়ম অসি গুজরাত, ঝর্খন্দ, অন্ধ্র প্রদেশ, ছত্তিসগর, কেরলা, মধ্য প্রদেশ, তেলঙ্গনা অমসুং মনিপুরদা লৈরগনি। মনিপুরগী ম্যুজিয়ম অসি লুপা কোতি ১৫ চংনা শাগদৌরি অমসুং অৱাং-নোংপোক লমগী ত্রাইবেল মফমশিংদা অমুক হন্না লৈবাক নিংবগী ৱাখল্লোন লাক্লগনি।

 প্রধান মন্ত্রী শ্রী নরেন্দ্র মোদীগী সরকারনা ত্রাইবেলগী চাউখৎ থৌরাংদা লেঙদবা ফীরেপ অমা লৈরি। এক্লাবিয়া স্কুল ওইগেরা নত্ত্রগা উমংগী পোত্থোক এম.এস.পি.দা লৈগেরা,ত্রাইবেল কম্ম্যুনিতীগী চাউখৎ থৌরাংগী থবক কয়া মোদী সরকারনা লৌখৎলি।কেন্দ্রগী হোম এফিয়র্স মন্ত্রী অমসুং কোওপরেসনগী মন্ত্রী, অমিত শাহনা হায়খি মদুদি শ্রী নরেন্দ্র মোদী অমসুং শ্রী বিরেন সিংহগী লুচিং মখাদা হৌখিবা চহি মঙা অসিদা মতম কুইরবগী মতুংদা শান্তি লাক্লি অমসুং মনিপুর হিরম খুদিংদা চাউখৎলক্লি। মহাক্না হায়খি মদুদি রাজ্য সরকারনা ৱাশকখিবা মনিপুরদা স্ত্রাইক, বন্ধ অমসুং ব্লোকেদশিং লৈহল্লোই হায়বা থুংহল্লি। খুলাই পায়বশিংনা অকি-অখং থোকহল্লম্বা মতম অমা মনিপুরদা লৈরম্মী অমসুং থৌদোক কয়া অমদা মতম অদুদা লৈরম্বা সরকারশিংসু চেন্নখি, অদুবু শ্রী বিরেন সিংহগী মতমদা লো অমসুং ওর্দরগী ফিভম য়াম্না শাথিনা ফগৎলে। শ্রী নরেন্দ্র মোদী অমসুং শ্রী বিরেন সিংহনা হৌখিবা চহি মঙা অসিদা লৌখৎখিবা চাউখৎ থৌরাংগী থবকশিং অসিনা মনিপুরদা চহি ৭০গী মথক্তা চাউখৎ থৌরাংদা শোইদনা শাফু অমা পীরগনি। মনিপুরদা থবক কয়া অমা পায়খৎখ্রে, স্পোর্তস য়ুনিভর্সিতী অমা শাখ্রে, অনৌবা এসেমব্লী বিল্দিং অমা শেম-শাদুনা লৈরে। মনিপুরদা ইনফ্রাস্ত্রকরগী থবক কয়া অমা পায়খৎখ্রে অমসুং চীংগী খুঙ্গংশিংনা অহানবা ওইনা কেন্দ্র অমসুং রাজ্য সরকারনা মখোয়গীদমক খনবিরি হায়না ফাওরি।

শ্রী শাহনা হায়খি মদুদি মীপুম খুদিংনা মনিপুরগী ইলেক্তোরেৎতা ভোত পীবা পাম্মী, অদুবু রাজ্য অসিগী চাউখৎ থৌরাংদি করি অমত্তা খনবিদে। নরেন্দ্র মোদী সরকারনা মনিপুরী লৈরিবা পুম্বা লুপা লাখ ৫গী হেলথ এক্সপেন্দিচর পুরি। য়ুম্থোং খুদিংদা গ্যাস পীরি, তোইলেত শারি, চীংদা স্কুলশিং শাগৎলি অমসুং লম্বী ফাওননবগী থাজবসু থম্লি।

*****