হকশেল অমসুং য়াইফ-য়ুম্বাল মন্ত্রালয়
অহানবা ওইনা মপুং ফানা ভেক্সিন কাপ্লবা মীওই মশিংনা পার্সিয়েল্লী ভেক্সিনেতেদ ইলিজিবল পোপুলেসনদগী হেনখ্রে: দা. মন্সুখ মন্দাবিয়া
“সরকারদা মীয়াম্না থাজবা থম্বা অমসুং কনফিদেন্স লৈহনবা, ‘জন-ভাগিদারি’ অমসুং ‘হর ঘর দস্তক’ কেম্পেন্দনা মরম ওইদুনা মহৈ অসি ফংবা ঙমহল্লিবনি”
লৈবাক অসিদা ভেক্সিনগী অৱাৎপা লৈহল্লোই হায়না কেন্দ্রগী হকশেল মন্ত্রীনা থাজবা পীখ্রে, অনিশুবা দোজ কাপথোক্নবা থোকপিরক্নবা মীয়ামদা তকশিনখ্রে
Posted On:
17 NOV 2021 1:42PM by PIB Imphal
“লৈবাক অসিদা অহানবা ওইনা মপুং ফানা ভেক্সিন কাপ্লবা মীওই মশিংনা পার্সিয়েল্লী ভেক্সিনেতেদ ইলিজিবল পোপুলেসনদগী হেনখ্রে৷ মসিগী মহৈ অসি প্রধান মন্ত্রীগী বিজন ‘জন-ভাগিদারি’ অমসুং “হ্বোল ওফ গভর্মেন্ত এপ্রোচ”, সরকারদা মীয়াম্না থাজবা থম্বা অমসুং কনফিদেন্স লৈহনবা, অমসুং লৈবাক অসিগী তোঙান তোঙানবা শরুকশিংদগী চাওনা রেস্পোন্স পীরকপা উখ্রবা চত্থরিবা ‘হর ঘর দস্তক’ কেম্পেন্দনা মরম ওইদুনা ফংবা ঙমখিবনি”৷ ৱাফম অসি হকশেল অমসুং য়াইফ-য়ুম্বালগী কেন্দ্রগী মন্ত্রী দা. মন্সুখ মন্দাবিয়ানা ঙসি মফম অসিদা ফোংদোকখিবনি৷
লৈবাক অসিগীদমক লৈবাক শিনবা থুংনা চত্থরিবা ভেক্সিন কাপ্পগী কভরেজ অসিদা মরু ওইবা এচিবমেন্ত অমদা, অহানবা ওইনা মপুং ফানা ভেক্সিন কাপখ্রবা মীওই মশিংনা ভেক্সিনগী দোজ অমা খক্তমক কাপ্লিবা মীওই মশিংদগী হেনখ্রে৷ হৌখিবা পুং ২৪দা ভেক্সিন দোজ ৬৭,৮২,০৪২ কাপতুনা ঙসি অয়ুক পুং ৭তা ফংখিবা প্রোভিজনেল রিপোর্তকী মতুং ইন্না লৈবাক অসিদা ভেক্সিন দোজ কোতি ১১৩.৬৮ হেন্না(১,১৩,৬৮,৭৯,৬৮৫)কাপখ্রে৷ হায়রিবা মশিং অসি সেসন ১,১৬,৭৩,৪৫৯দা কাপখিবনি৷ মসিগী মনুংদা, দোজ ৭৫,৫৭,২৪,০৮১না অহানবা দোজনি অদুগা দোজ ৩৮,১১,৫৫,৬০৪না অনিশুবা দোজ কাপখি৷ মতৌ অসিগুম্না মপুং ফানা ভেক্সিন কাপ্লিবা মশিং(৩৮,১১,৫৫,৬০৪)না দোজ অমা খক্তমক কাপ্লিবা মীওই মশিং(৩৭,৪৫,৬৮,৪৭৭)দগী হেনখ্রে৷
এচিবমেন্ত অসিগীদমক লৈবাক অসিনা খুৎশম্নদুনা হোৎনমিন্নখিবা অদুগীদমক কেন্দ্রগী হকশেল মন্ত্রীনা থাগৎপা ফোংদোকখি৷ ত্বীত অমদা, মীপুম খুদিংমক ভেক্সিন কাপথোক্নবা মহাক্না এপীল তৌরকখি৷ “অমতা ওইনা খুৎশম্নদুনা কোবিদ-১৯গী মাইয়োক্তা চংশিল্লিবা লান অসিদা ঐখোয়না মাই পাক্কনি,” হায়না মহাক্না ফোংদোকখি৷
থা-হেন্না শাংনা চত্থরিবা ‘হর ঘর দস্তক’ কেম্পেন্দ লোইশিল্লকপদা লৈবাক অসিনা ভারত মচা খুদিংমক ভেক্সিন কাপ্লগনি হায়বগী থাজবা কেন্দ্রগী হকশেল মন্ত্রীনা ফোংদোকখি৷ “ভেক্সিনেসনগী খুৎথাংদা কোবিদ-১৯দগী প্রজা খুদিংমকপু ঙাক-শেন্দুনা থম্নবা ভারত সরকারনা হোৎনখিবা অদুনা ২০২১গী জনুৱারী ১৬তগী হৌরক্লিবা লৈবাক শিনবা থুংনা ভেক্সিন কাপ্পগী দ্রাইব অসিনা অফবা মহৈ কয়া অমা ফংবা ঙমখিবনি৷ ২০২১গী ওক্তোবর ২১দা লৈবাক অসিনা ভেক্সিন দোজ কোতি ১০০ কাপ্পা ঙমখ্রে৷ লোইন-লোইননা, প্রধান মন্ত্রী শ্রী নরেন্দ্র মোদীনা অচেৎপা ৱাফম অমা থম্বিখি অমসুং অন্ত্যোদয়াগী স্পিরিতকা লোইননা কোবিদ-১৯গী মাইয়োক্তা লৈবাক অসিদা লৈরিবা প্রজা খুদিংমক ইম্ম্যুনাইজ তৌনবা অমসুং য়ুমথোং খুদিংদা চংদুনা ভেক্সিন কাপথোক্নবা ২০২১গী নবেম্বর ৩দা ‘হর ঘর দস্তক’ কেম্পেন্দ হৌদোকখি”, হায়না দা. মন্দাবিয়ানা ফোংদোকখি৷
মপুং-মরৈ ফারবা মীওই পুম্নমক কোবিদ ভেক্সিনগী অহানবা দোজ কাপথোক্নবা অদুগা অনিশুবা দোজ কাপ্তনা লৈরিবা মীওইশিংবুনা অনিশুবা দোজ কাপথোকহন্নবা মপুক্নিং ওলহন্নবা থা হেন্না শাংলিবা ‘হর ঘর দস্তক’ ভেক্সিনেসন কেম্পেন্দনা পান্দম থম্লি৷ ভেক্সিন কাপ্পা য়ারবা মীওই মশিংগী চাদা ৫০দগী তানা ভেক্সিন কাপ্লিবা জিলাশিংদা অখন্ননা মীৎয়েং চংদুনা ভারত্তা লৈরিবা ভেক্সিন কাপ্পা য়ারবা মীওই খুদিংমক্কী য়ুমথোংদা হেল্থকেয়র ৱার্করশিংনা চংদুনা ভেক্সিন কাপ্লি৷
লৈবাক অসিদা ভেক্সিনগী অৱাৎপা লৈহল্লোই হায়নসু কেন্দ্রগী হকশেল মন্ত্রীনা থাজবা পীখি৷ অনিশুবা ভেক্সিন কাপথোক্নবগীদমক মীয়াম্না থোকপিরক্নবা অমসুং মখোয়গী ইমুংশিং অমদি কম্ম্যুনিতী অদুদা লৈরিবা মীওইশিংবু মপুক্নিং ওলহন্দুনা দোজ অনিমক কাপথোকহন্নবা মহাক্না মীয়ামদা তকশিনখি৷
******
(Release ID: 1773464)
Visitor Counter : 120