প্রধানমন্ত্রীগী লোইশঙ

পি.এম.না উত্তর প্রদেশকী ঝান্সিদা ‘রাস্ত্র রক্ষা সমর্পন পর্ব’দা শরুক য়াখ্রে


রানী লক্সমীবাই অমসুং ১৮৫৭গী নিংতম লানগী হোরো হেরোইনশিংদা ইকাই খুম্নবা উৎখ্রে; মজোর ধ্যান চান্দবু নিংশিংখ্রে

প্রধান মন্ত্রীনা এন.সি.সি. এলুম্নাই এসোসিএসনগী অহানবা মেম্বর অমা ওইনা রেজিস্তর তৌখ্রে

“নাকন অমদনা, ঐখোয়গী ফোর্সেসকী মপাঙ্গল হেনগৎলক্লি, অমদনা গ্রাউন্দসু নহা ওইরিবশিংনা তুংদা লৈবা অসি ঙাক-শেন্নবা শেম শাদুনা লৈরি”

“সরকার অসিনা সৈনিক স্কুলশিংদা নুপীমচাশিং মিং চনবা হৌখ্রে। সৈনিক স্কুল ৩৩দা নুপী মহৈরোইশিং সেসন অসিগী ওইনা হান্ননা মিং চনবা হৌখ্রে”

“মতম কুইনা, ভারত অসি মালেম অসিদা খুলায় খ্বায়দগী লৈবা লৈবাকশিংগী মনুংদা অমা ওইরম্মী। অদুবু ঙসিদি লৈবাক অসিগী মন্ত্র অসি -মেক ইন ইন্দিয়া, মেক ফোর দ ৱার্লদ ওইরি”

Posted On: 19 NOV 2021 7:16PM by PIB Imphal

প্রধান মন্ত্রী, শ্রী নরেন্দ্র মোদীনা উত্তর প্রদেশকী ঝান্সিদা ‘রাস্ত্র রক্ষা সমর্পন পর্ব’দা শরুক য়াখ্রে। প্রধান মন্ত্রী শ্রী নরেন্দ্র মোদীনা ঝান্সি ফোর্তকী চেকপলদা শিনবা ‘রাস্ত্র রক্ষা সমর্পন পর্ব’গী চাউরবা থৌরমদা দিফেন্স মিনিস্ত্রীনা লৌখৎপা অনৌবা খোঙথাং কয়া অমা লৈবাক মীয়ামদা খুৎশিন্নখ্রে। প্রোজেক্ত অসিদা এন.সি.সি. এসোসিএসন হৌদোকপা, প্রধান মন্ত্রীনা এসোসিএসন অসিগী অহানবা মেম্বরঅমা ওইনা রেজিস্তর তৌখি; এন.সি.সি. কেদেতশিংগী সিমুলেসন ত্রেনিংগী নেস্নেল প্রোগ্রাম হৌদোকপা; নেস্নেল ৱার মেমোরিএলদা হেরোশিংগী ইকাই খুম্নবা উৎনবা কিওক্স; নেস্নেল ৱার মেমোরিএলগী মোবাইল এপ; ইন্দিয়ন নাভেল শিপকী দি.আর.দি.ও.না দিজাইন তৌবা অমসুং শেমগৎপা খুমাং চাউশিনবা ইলেক্ত্রোনিক ৱারফিয়র সুত ‘শক্তি’; লাইত কোম্বেৎ হেলিকোপ্তর অমসুং দ্রোনশিং য়াওরি। মহাক্না য়ু.পি. দিফেন্স ইন্দস্ত্রীএল কোরিদুরগী ঝান্সি নোদতা ভারত দাইনামিক লিমিতেদকী লুপা কোতি ৪০০গী প্রোজেক্তসু উরেপ উয়ুং তমগনি।     

প্রধান মন্ত্রীনা ঝান্সিগী গারৌথাগী মেগাৱাত অলত্রামেগা ৬০০কী সোলর পাৱর পার্ক্কী উরেপ উয়ুংসু তমগনি। মসি লুপা কোতি ৩০০০গী মথক্তা ওইবা শেনফম চংদুনা শাগৎপনি অমসুং অহোংবা ইলেক্ত্রিসিতী অমসুং গ্রীদ স্তেবিলিতী অনিথোক্না কান্নবা ওইনা মতেং পীগনি। প্রধান মন্ত্রীনা ঝান্সিদা অতল এক্তা পার্কসু শঙ্গাখি। হান্না প্রধান মন্ত্রী ওইবিরম্বা শ্রী অতল বিহারী বাজপায়ীদা মমিং থোনবা পার্ক অসি লুপা কোতি ১১ চংনা শাবনি, অমসুং মফম অসি স্ক্ব্যর মীতর ৪০,০০০ পাক চাউই। মসিদা লাইব্রেরী অমা, লোয়ননা শ্রী অতল বিহারী বাজপায়ীগী মুর্তী অমা লৈগনি। মুর্তী অসি স্তেচু ওফ য়ুনিতী শাখিবা শক্নাইরবা স্কপচর শ্রী রাম সুতরনা শাবনি।  

মীতিন অসিদা ৱা ঙাংলদুনা প্রধান মন্ত্রীনা থৌনা লৈবী অথৌবা রানী লক্সমী বাই পনখি অমসুং হায়খি ঙসি অসি ঝান্সিদা নিং তম্বগী অমৃত মহোৎসব উবা ফংলি! অমসুং ঙসি লম অসিদা ভারতকী অনৌবা অরিংবা অমসুং শক্তি লৈবা অমা ওইরি। প্রধান মন্ত্রীনা হায়খি রানী লক্সমীবাইগী পোক্নফম লমদম কাশিদা পোকচবা অসি য়াম্না চাউথোকচৈ হায়না হায়খি। প্রধান মন্ত্রীনা গুরু নানক দেবগী প্রকাশ পুরব, কার্তিক পুর্নিমা অমসুং দেব-দীপাৱালীগী য়াইফ পাউজেলসু পীখি। প্রধান মন্ত্রীনা মথৌনা লৈনা থৱায় থাখিবা হেরো অমসুং হেরোইনশিংদা ইকাই খুম্নবা উৎখি। “লম অসি রানী লক্সমীবাইগুম্বা থৌনা লৈবী ভীরঙ্গানা ঝলকারীসু লৈরি।  ঐহাক্না ১৮৫৭গী নিংতম লানগী মুৎনাইদ্রবা হেরোইনগী খুয়াখাদা খুরুমজরি। ঐহাক্না লমদম অসিগী মুৎনাইদ্রবা ৱারীশিং ইরিবা, হায়রিবা মহাক্না ভারত অসিবু চাউথোকচনিংঙাই ওইরিবা চন্দেলাস-বুন্দেলাসপু খুরুমজরি। ঐহাক্না বুন্দেলখান, হায়রিবা মহাক্না থৌনা লৈবা অলা-উদাল কৎথোকখিবগী খুদম অমা ওইরিবা ইমা লৈবাকপু ঙাক-শেনবদা মথৱায় থাখিববু খুরুমজরি, হায়না প্রধান মন্ত্রীনা হায়খি।   

প্রধান মন্ত্রীনা ঝান্সিগী মপারী মেজোর ধ্যান চান্দবুসু নিংশিংখি অমসুং হোকী লিজেন্দ অসিদা শান্ন-খোৎনবদা খ্বায়দগী ৱাংবা এৱার্দকী মমিং থোনখিবগী মতাংদা ৱা ঙাংখি।

প্রধান মন্ত্রীনা হায়খি মদুদি, নাকন অমদনা, ঐখোয়গী ফোর্সেসকী মপাঙ্গল হেনগৎলক্লি, অমদনা গ্রাউন্দসু নহা ওইরিবশিংনা তুংদা লৈবা অসি ঙাক-শেন্নবা শেম শাদুনা লৈরি। সৈনিক স্কুল ১০০ হৌরিবা, অসিনা লৈবাক অসিগী তুংদা য়াম্না শক্তি লৈবা অমা ওইরগনি। মহাক্না হায়খি মদুদি সরকার অসিনা সৈনিক স্কুলশিংদা নুপীমচাশিং মিং চনবা হৌখ্রে। সৈনিক স্কুল ৩৩দা নুপী মহৈরোইশিং সেসন অসিগী ওইনা হান্ননা মিং চনবা হৌখ্রে।

এন.সি.সি. এলুম্নাই এসোসিএসনগী অহানবা মেম্বর ওইনা মিং চনখিবা প্রধান মন্ত্রীনা, লৈরিবা এলুম্নাইশিংদা মখোয়না চোংথোরক্তুনা লৈবাক অসিদা সেবা তৌবা অমসুং মখোয়না অঙম্বা থৌদাং লৌনবা হায়খি।

পুৱারী ওইরবা ঝান্সি অসিদা প্রধান মন্ত্রীনা হায়খি মদুদি ভারতনা থৌনা লৈনা লান্থেংনবনা কৈদৌনুংদা লানফমদা মাইথিখিদে। করিগুম্বা রানী লক্সমীবাাইনা রিসোর্স অমসুং মতমগা চুনরবা খুলাই ব্রিতিশকা থেংনবদা পায়রম্লবা, লৈবাক অসিগী নিং-খা তম্বগী পুৱারী অসি তোঙানবা অমা ওইরম্বা য়াই, হায়না মহাক্না হায়খি। প্রধান মন্ত্রীনা হায়খি ভারত অসি মতম অমদা মালেমদা খ্বায়দগী খুলাই লৈবা লৈবাক অমা ওইরম্মী। অদুবু ঙসি লৈবাক অসিগী মন্ত্র অসি – মেক ইন্দিয়া, মেক ফোর দ ৱার্লদ ওইরি। ঙসিদি ভারত অসি ফোর্সেস্তা মরোমদোম লেপচরি। ঝান্সি অসি এন্তর্প্রাইসেসকী মপুং ওইবা প্লেয়র ওইরগনি, হায়না মহাক্না মখা তাখি।

প্রধান মন্ত্রীনা হায়খি ‘রাস্ত্র রক্ষা সমপর্ন পর্ব’ না দিফেন্স সেক্তরদা আত্মাভারতা ওইনা শাংনা চৎলগনি। মহাক্না হায়খি ঐখোয়না লৈবাক অসিগী হেরো অমসুং হেরোইনশিং মসিগা মান্ননা থৌরমশিং পাংথোকপা অমা মথৌ তাই।

***



(Release ID: 1773377) Visitor Counter : 131


Read this release in: English , Urdu , Marathi , Hindi , Bengali , Punjabi , Gujarati , Odia , Tamil , Telugu , Kannada , Malayalam