থাগৎখিবা:
19 NOV 2021 4:18PM by PIB Imphal
উত্তর প্রদেশকী মহোবাদা দিবেলপমেন্ত প্রোজেক্ত কয়া অমা প্রধান মন্ত্রী শ্রী নরেন্দ্র মোদীনা লৈবাক অসিদা কৎখি৷ প্রোজেক্তশিং অসিনা লমদম অদুদা লৈরিবা ইশিং ৱাৎপগী ইসু অসি থেংনবদা মতেং পাংলগনি অমদি লৌমীশিংদা কা-হেন্না দরকার ওইরিবশিং ফংহল্লগনি৷প্রোজেক্তশিং অসিদা য়াওরিবশিং অদুদি আর্জুন সহায়ক প্রোজেক্ত, রতুলি ৱেয়র প্রোজেক্ত, ভাউনি দাম প্রোজেক্ত অমসুং মাজগাউন-চিল্লি স্প্রিঙ্কলর প্রোজেক্তনি৷ প্রোজেক্তশিং অসিগী অপুনবা মমল অসি লুপা কোতি ৩২৫০ হেল্লি অমদি প্রোজেক্তশিং অসি চৎনরকপনা মহোবা, হমিরপুর, মন্দা অমসুং ললিতপুরগী জিলাশিংদা লৈরিবা লম হেক্তর ৬৫০০০রোমগী ইথৈ-লৌখোংদা মতেং পাংলগনি অমসুং লমদম অদুদা লৈরিবা লৌমী লাখ কয়াদা কান্নবা পীরগনি৷ প্রোজেক্তশিং অসিনা লমদম অদুদা অফবা থকপা য়াবা ইশিং মরাং-কাইনা ফংহল্লগনি৷ রাজ্যপাল শ্রীমতি অনন্দিবেন পতেল অমসুং উত্তর প্রদেশকী মুখ্য মন্ত্রী শ্রী য়োগি অদিত্যনাথ, কেন্দ্রগী মন্ত্রী শ্রী গজেন্দ্র সিংহ সেখৱত, রাজ্যগী মন্ত্রীশিংনা থৌরম অসিদা শরুক য়াখি৷
থৌরম অসিদা ৱা ঙাংলদুনা, প্রধান মন্ত্রীনা স্লেভরীগী মতমদা ভারত্তা অনৌবা ৱাখল্লোন পোকহনখিবা গুরু নানক দেব জীগী প্রকাশ পুরবতা য়াইফ-পাউজেল পীখি৷ ঙসি বন্দেলখন্দগী লেমজনিংঙাই ওইরবা ভারতকী মথৌনা লৈরবী মচানুপী, রানি লক্ষমীবাইগী জয়েন্তীসু মহাক্না পনখি৷
হৌখিবা চরি ৭ অসিদা, সরকার অসিনা দিল্লীগী খুরবা কাশিংদগী থোক্লক্তুনা লৈবাক অসিগী মফম পুম্নমক্তা মতৌ কমদৌনা য়ৌখিবগে হায়বদু মহোবানা শাখি ওইখি হায়না প্রধান মন্ত্রীনা পনখি৷“লৈবাক অসিগী লাইরবী মমাশিং-ইচল-ইচেশিং-ইচানুপীশিংগী পুন্সিশিংদা অচৌবা অমসুং আর্থ লৈবা অহোংবশিং পুরকখিবা অসিগুম্বা ৱারেপশিং, অসিগুম্বা স্কিমশিং অসিদা লমদম অসিনা শাখি অমা ওইখ্রে” , হায়না প্রধান মন্ত্রীনা ফোংদোকখি৷ মুস্লিম নুপীশিংবু ত্রিপল তলাখগী স্কর্জতগী ফ্রী ওইহনগনি হায়না প্রধান মন্ত্রীনা মহোবাগী লমদমদা থমখিবা অদু মহাক্না নৌহৌননা নিংশিংখি অমদি ৱাশক অদু ঙসিদি মাই পাকপা ঙমজরে৷ মফম অসিদগী উজ্জৱালা ২.০সু হৌদোকখিবনি৷
মতমগী মতুং ইন্না লমদম অসিনা মতৌ করম্না ইশিংগী চেলেঞ্জশিং অমসুং মাইগ্রেসনগী হোতবেদ অমা ওইরকখিবনো হায়বদু খনবিয়ু হায়না প্রধান মন্ত্রীনা হায়খি৷ লমদম অসিবু মহাক্কী ৱাতর মেনেজমেন্তগীদমক খঙনরমখিবা ইতিহাসিক ওইরবা মতমশিং অদু মহাক্না নৌহৌননা নিংশিংখি৷ তপ্ন-তপ্ন, মমাংগী সরকারশিংগী মখাদা, লমদম অসিবু চাওনা মীরাইবিখি অমদি করপ্সন ফজনা তৌরবা সাসন অমা ওইখি৷“মমা-মপা ওইবশিংনা মফম অসিদা মচানুপীশিং লুহোংখিবদা ইকাইনবা পোকলকখিবা অমদি মফম অসিদা লৈরিবা নুপীমচাশিংনা ইশিং মরাং-কাইনা ফংবা মফম অমদা লুহোংবা পাম্লকখিবগী ফিভম অমা ফাওবা লাকখি৷ ৱাহংশিং অসিগী পাউখুমশিং অদু মহোবাগী প্রজা, বন্দেলখন্দগী প্রজানা খঙগনি”, হায়না প্রধান মন্ত্রীনা ফোংদোকখি৷
মমাংগী মতমদা লৈরম্লিবা সরকার অসিনা বন্দেলখন্দবু লুত তৌদুনা মখোয়গী ইমুং-মানুংশিংগী য়াইফনবা থবক তৌখি হায়না প্রধান মন্ত্রীনা ফোংদোকখি৷“অদোমগী ইমুং-মানুংশিংদা থেংনরিবা ইশিংগী ৱাবগী প্রোব্লেম অদুদা মখোয়না কৈদৌনুংদা য়েংশিনখিবা লৈতে হায়না প্রধান মন্ত্রীনা ফোংদোকখি৷ চহি খুজিং কয়া অমা, বন্দেল্খন্দগী প্রজাদগী সরকারশিংনা মতম শাংনা লুত তৌবিখিবা অদুনা প্রজাশিংনা উরে হায়না প্রধান মন্ত্রীনা ফোংদোকখি৷ ইহান-হানবা ওইনা, সরকার অসিনা বন্দেলখন্দ চাওখৎনবগীদমক হোৎনরিবা অদু বন্দেলখন্দগী প্রজানা উরি হায়না মহাক্না ফোংদোকখি৷“হৌখিবা সরকারশিংনা উত্তর প্রদেশপু লুত তৌবদা চোকথবা নাইরমখিদে, ঐখোয়না হোৎনবদা চোকথবা নাইদ্রি”৷
লৌমীশিংবু মফম মরাং খঙহন্দুনা প্রোব্লেমশিং থেংনহন্দুনা থম্বা হায়বসি মতম পুম্নমক্তা পোলিতিকেল পার্তী খরগী মরু ওইবা ওইখ্রে৷ মখোয়না প্রোব্লেমশিংগী পোলিতিকশিং তৌরি অমদি ঐখোয়না সোলুসনশিংগী নেস্নেল পোলিসীদা মতুং ইল্লি৷ কেন-বেতৱা লিঙ্কগী সোলুসন অসিসু ঐখোয়গী সরকার অসিনা স্তেকহোল্দর পুম্নমক্কা তাথোক-তাশিন তৌনরবা মতুংদা ফংবা ঙমখ্রে৷
ইমুং-মানুংতগী ৱাখলচেনবা সরকারনা লৌমীশিংবু শুপ্নগী নাথৈদুনতা থম্বা পামখি৷ “মখোয়না লৌমীশিংগী মমিং শিজিন্নদুনা লাওথোকলমখি, অদুবু কান্নবা অমা ফাওনা লৌমীদা য়ৌরকখিবা লৈতে৷ অদুগা অমনা পি.এম.কিসান সম্মন নিধিদগী হৌজিক ফাওবদা, ঐখোয়না লৌমীশিংগী বেঙ্ক একাউন্তশিংদা দাইরেক্লী লুপা কোতি ১,৬২,০০০গী শেনফম ত্রান্সফর তৌখ্রে”, হায়না প্রধান মন্ত্রীনা ফোংদোকখি৷
লমদম অসি এমপ্লোইমেন্তদা সেল্ফ-রিলাইয়েন্ত ওইবা ঙমজনবা, বন্দেলখন্দদগী মাইগ্রেসন থোকপগী চাং হন্থনবা সরকার অসিনা হোৎনরি হায়না প্রধান মন্ত্রীনা ফোংদোকখি৷ বন্দেলখন্দ এক্সপ্রেসৱে অমসুং য়ু.পি. দিফেন্স কোরিদোর অসিসু মসিগী অচৌবা খুদম অমনি৷
লমদম অসিগী ফজরবা কল্চর অদুসু প্রধান মন্ত্রীনা পনখি অমদি ‘কর্ম য়োগিস’কী ‘দবল ইঞ্জিন গভরমেন্ত’গী মখাদা লমদম অসি চাওখৎহন্নবা মহাক্কী অপাম্বা ফোংদোকখি৷
******