মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমনা অন্ধ্র প্রদেশ, ছত্তিসগর, ঝার্খন্দ, মহারাস্ত্র অমসুং ওরিশা রাজ্য মঙা অসিগী এস্পিরেস্নেল দিস্ত্রিক্তশিংদা লৈরিবা কবর তৌদ্রিবা খুঙ্গংশিংদা মোবাইল সর্ভিসশিংগী প্রোভিজন ফংহনবদা অয়াবা পীখ্রে।

প্রোজেক্ত অসিনা অন্ধ্র প্রদেশ, ছত্তিসগর, ঝার্খন্দ, মহারাস্ত্র অমসুং ওরিশা রাজ্য মঙা অসিগী এস্পিরেস্নেল দিস্ত্রিক্ত ৪৪গী কবর তৌদ্রিবা খুঙ্গং ৭,২৮৭না চহি মঙাগী ওপরেসন তৌবগী চাদিংশিং য়াওনা ইম্প্লিমেন্ত তৌনবা লুপা করোর ৬,৪৬৬কী শেনফম চংদুনা ৪জি বেজ মোবাইল সর্ভিসশিং ফংহল্লগনি। প্রোজেক্ত অসি য়ুনিভর্সেল সর্ভিস ওব্লিগেসন ফন্দ (য়ু.এস.ও.এফ.)না ফন্দিং তৌবনি। প্রোজেক্ত অসি য়ান্না ৱারোল খুৎয়েক পীনখ্রবা মতুং থা ১৮গী মনুংদা লোইশিনগদবনি অমসুং মসি নভেম্বর ২০২৩দা লোইশিল্লবা য়ান্না লৈ।

মশক খঙদোকখ্রবা কবর তৌদ্রিবা খুঙ্গংশিং অসিদা ৪জি মোবাইল সর্ভিসশিংগী প্রোভিজনগা মরী লৈনবা থবক অসি য়ু.এস.ও.এফ.গী লৈরিবা থৌওংশিংগী মতুং ইন্না ওপন কম্পিতিতিব বিদ্দিং প্রোসেসকী খুত্থাংদা পীথগনি।

অন্ধ্র প্রদেশ, ছত্তিসগর, ঝার্খন্দ, মহারাস্ত্র অমসুং ওরিশা রাজ্য মঙা অসিগী এস্পিরেস্নেল দিস্ত্রিক্তশিংদা লৈরিবা মনুং হঞ্জিনবা অমদি কবর তৌবদা ৱাবা মফমশিং মোবাইল সর্ভিসশিংগী প্রোভিজন ফংহন্নবা প্রপোজ তৌরিবা অসিনা আত্মনির্ভর ওইবদা কান্নগদবা দিজিতেক কন্নেক্তিবিতী হেনগৎহনগনি, মহৈ-মশিংদা, ই-পাও শন্দোকপদা অমদি লৌশিং হেনগৎহনবদা, স্কিল হেনগৎহনবদা অমসুং দিবেলপ তৌহনবদা, দিজাস্তর মেনেজমেন্তদা, ই-গভর্নান্সকী থৌশিলশিংদা, এন্তর্প্রাইজ অমসুং ই-কম্মর্স ফেসিলিতীশিং লৈহনবদা, লৌশিং হেনগৎহন্নবা এসজুকেস্নেল ইন্সতিত্যুতশিংদা মরাং কাইনা মতেং পীনবা প্রোভিজন ফংহনবদা  অমসুং থবক্কী খুদোংচাবা ফংহনবদা অমদি দোমেস্তিক মেন্যুফেকচরিং থৌগৎতুনা দিজিতেল ইন্দিয়াগী মঙলান থুংহনবদা অমসুং আত্মনির্ভর ভারতকী পান্দমশিং থুংহনবনচিংবদা মতেং ওইরগনি।

******