প্রধানমন্ত্রীগী লোইশঙ
পি.এম.না নভেম্বর ১৮দা ফার্মাস্যুতিকেল সেক্তরগী অহানবা গ্লোবেল ইন্নোভেসন সম্মিত হৌদোক্কনি
Posted On:
16 NOV 2021 4:58PM by PIB Imphal
প্রধান মন্ত্রী শ্রী নরেন্দ্র মোদীনা নভেম্বর ১৮, ২০২১গী নুমিদাং ৱাইরম পুং ৪ তাবা মতমদা ভিদিও কনফরেন্সকী থৌংদা ফার্মাস্যুতিকেল সেক্তরগী অহানবা গ্লোবেল ইন্নোভেসন সম্মিত হৌদোক্কনি।
অখন্নবা থৌরাং অসিনা ভারতকী ফার্মাস্যুতিকেল ইন্দস্ত্রীদা লৈরিবা হৌগৎলক্লিবা ইন্নোভেসনগী ইকোসিস্তেম অমা য়োকখৎনবগী মরু ওইবশিং অদু খন্ন-নৈন্নবা অমসুং লালোং য়াথোক্নবা সরকার, ইন্দস্ত্রী, একাদেমিয়া, ইনভেস্তরশিং অমসুং রিসর্চরশিংদগী মরু ওইবা ভারতকী অমসুং মালেমগী স্তেকহোল্দরশিংবু পুনশিন্নবা পান্দম থম্লি। মসিনা য়াম্না চাউবা পোতেন্সিএল লৈরিবা ভারতকী ফার্মা ইন্দস্ত্রীদা লৈরিবা খুদোংচাবশিং অসিসু উৎকনি।
নুমিৎ নিনি পাঙথোক্কদবা সম্মিত অসিদা সেসন ১২ লৈগনি অমসুং লৈবাক অসিগী অমদি মালেমগী ৱাঙাংলোয় ৪০ হেনবনা রিগ্যুলেতরী এনভাইর্নমেন্ত, ইন্নোভেসনগী ফন্দিং, ইন্দস্ত্রী অমদি একাদেমিয়া চুংশিন্নবা অমসুং ইন্নোভেসন ইনফ্রাস্ত্রচর য়াওনা হীরম কয়াদা ৱা ঙাংগনি।
মসিদা দোমেস্তিক অমসুং গ্লোবেল ফার্মা ইন্দস্ত্রীশিংগী মাংজিল থারিবা মেম্বরশিং, ওফিসিএলশিং, ইনভেস্তরশিং অমসুং মেসাচুসেত্তস ইন্সতিত্যুত ওদ তেক্নোলোজী, জোন হোপকিন্স ইন্সতিত্যুত, আই.আই.এম. অহমদাবাদ অমসুং অতোপ্পা মমিং লৈবা ইন্সতিত্যুতশিংগী রিসর্চরশিংনসু শরুক য়াবা উবা ফংগনি।
কেন্দ্রগী মন্ত্রী দা. মনসুখ মন্দাবিয়াসু থৌরম অসিদা শরুক য়াগনি।
***
(Release ID: 1772784)
Visitor Counter : 104
Read this release in:
Malayalam
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada