জোহার মধ্যপ্রদেশ ! রাম রাম জোহার! মোর সগা জনজাতী বহিন ভাই লা স্বাগত জোহার করতা হূঁ। হুং তমারো সুৱাগত করুং। তমুম্ সম কিকম ছো? মাল্তন আপ সবান সী মিমিন, বড়ী খুশী হুই রয়লী হ। আপ সবান থন, ফির সী রাম রাম।  

পুন্সি চুপ্পা আদিৱাসীগী য়াইফনবগীদমক্তা কত্থোক্তুনা লেল্লিবা মধ্য আদিৱাসীশিংগীদমক্তা প্রদেশকী রাজ্যপাল শ্রী মঙ্গুভাই পতেলজী। অদোম্না পুন্সি চুপ্পা আদিৱাসীশিংগী সোসিএল ওর্গনাইজেসনগী শক্তমদা, সরকারদা মন্ত্রীগী শক্তমদা কত্থোক্লবা আদিৱাসীগী থৌগল্লোয় ওইনা লৈবিখ্রে। অদুগা ঐহাক্না চাউথোকচৈ মদুদি মধ্যপ্রদেশকী অহানবা আদিৱাসী গবর্নর ওইনা, মসিগী ইকাইখুম্নবা অসি শ্রী মঙ্গুভাই পতেলগী একাউন্তা চনখ্রে।  

ফম্বাক্তা লেংশিনবিরিবা মধ্যপ্রদেশ মুখ্যমন্ত্রী শ্রী শিবরাজ সিংহ চৌহানজী, কেন্দ্রগী মন্ত্রীমন্দলদা লৈবিরিবা ঐহাক্কী খোংবুরোই নরেন্দ্র সিংহ তোমারজী, জ্যোতিরাদিত্য সিন্ধিয়াজী, বীরেন্দ্র কুমারজী, প্রহলাদ পতেলজী, ফগ্গন সিংহ কুলস্তেজী, এল মুরুগনজী, এম.পি. সরকারগী মন্ত্রীশিং, সংসদকী ঐহাক্কী খোংবুরোই এম.পি., এম.এল.এ.শিং অমসুং মধ্যপ্রদেশকী কাচিন-কোয়াদগী ঐখোয়পুম্ববু য়াইফ-থৌজাল পীবা লেংবিরক্লিবা জনজাতী খুন্নাইগী ইচিল-ইনাওশিং, অদোম পুম্নমকপু ভগৱান বিরসা মুন্দাগী মপোক কুমওন অসিদা য়াইফ-পাউজেল পীজরি!

ঙসিগী নুমীৎ অসি লৈবাক পুম্বগী ওইনা, জনজাতী খুন্নাই জনজাতী খুন্নাইপুম্বগী য়াম্না অচৌবা নুমীৎনি। ঙসি ভারতনা অহানবা , জনজাতীয় গৌরব দিবস পাংথোক্লি। নিং-খা তম্লবা মতুংদা ইহান-হানবা ওইনা য়াম্না চাউনা লৈবাক পুম্বনা জনজাতী খুন্নাইগী নাৎ-চৎনবী, নিংতম ইহৌ অমসুং লৈবাক শেম্বদা মহাক্কী থৌদাং অদু চাউথোকপগা লোয়ননা নিংশিংনরি। আজাদী কী অমৃত মহোত্সব অসিদা অনৌবা ৱাশক্কীদমক্তা ঐহাক্না লৈবাক পুম্বদা য়াইফ-পাউজেল পীজরি। ঐহাক্না  ঙসি মফম অসিদা মধ্যপ্রদেশকী জনজাতী খুন্নাইদা তৌবিমল খংবা উৎচরি। হৌখিবা চহি কয়াদা লেপ্তনা অদোম্না নুংশিবিখিবা, অদোম্না থাজবিরি। মসিগী মীনুংশি অসি মীৎকুপ খুদিং হেনগৎলক্লি। অদোমগী মীনুংশি অসিনা ঐখোয়দা অহিং-নুংথীল খাক্তনা থৌগল তৌনবা পাঙ্গল হাপ্পীরি।

মরূপশা,

মসিগী থৌগলগী ৱাখল্লোন অসিনা ঙসি ত্রাইবেল খুন্নাইগীদমক্তা শিবরাজজীগী  সরকারনা অচবা য়োজনা কয়া হৌদোকখি। অদুগা ঙসিগী থৌরম অসি হৌদোকপদা ঐহাক্কী ত্রাইবেল জনজাতী কাংলুপকী মীওই খুদিংমক্না তোঙান-তোঙানবা ফম্বাক্তা ইশৈগা লোয়ননা, ম্যুজিক্কা লোয়ননা মসাগী ৱাখল্লোনশিং অদু ফোংদোকখি। ঐহাক্না ইশৈশিং অদু খংনবা হোৎনখি মরমদি ঐহাক্কী পুন্সিগী মরুওইবা মতমদা ঐহাক ত্রাইবেলগী মফমদা লৈরকখি অমসুং মখোয়গী ৱাহৈ খুদিংদা করিগুম্বা ৱাঙুলোন অমা য়াওবদৌনা তৌই। পুন্সিগী মরম অসিগী ৱাহন্থোক অসি ত্রাইবেলগী ইশৈ, মহাক্কী চৎনবীশিংদা নিংথিনা উহল্লি। অদুনা মরম অসিনা  ঙসিগী ইশৈসিদা ঐহাক্না মুন্না তাবা অসি মশানা তাবনি। অদুগা ঐহাক্না ইশৈগী ৱাহৈশিং অদু কুপ্না য়েংবা মতমদা ঐহাক ইশৈ অদু অমুক হন্না শক্লোই অদুবু অদোম্না হায়বিখিবশিং অদু লৈবাক পুম্বগী মীশিংদা অদোমগী পুন্সিনা হিংবগী মরমদা, হিংবগী পান্দম, পু্ন্সি হিংবগী মতাংদা নিংথিনা ফোংদোকপীখ্রে।   অদোম্না অদোমগী জগোয়গী থোংদা, ইশৈগী থোংদা ফোংদোকখি-হকচাং অসি নুমীৎ মরিনিখক্তগীনি, অরোইবদা লৈবাক্তা তিনখিগদবনি হায়না। নিংনা চারে-থক্লে, লাইগী মিংখৈ কাওহল্লে। য়েংবীয়ু ত্রাইবেলনা ঐখোয়দা করি হায়রি। তশেংনমক মখোয় লাইরিক-লাইশু তম্লিবসি ঐখোয় তমগদবা ৱাৎলি হায়বসিনি! মথংদা হায়রি- হরাও-মথোই কাবদা পুন্সিগী মতম হৌহনখ্রে, পুন্সিদি মায় পাকহৌদ্রে। পুন্সিদা খরন-চৈনবা কয়া তৌখ্রে, য়ুমদা ওইদ-পাদবা কয়া তৌখ্রে। অদুবু অরোইবা মতমদা থম্মোয়দা নিংঙমদবা তারবদি অরেম্বনি। লম, লৌ-ইংখোল অসি কনাগীসু নত্তে, ইশাগী ৱাখলদা পোংথোক-চাউথোকপা অরেম্বনি। মসিগী লন-থুম অসি করিসু কান্নদবনি, মসি থাদোক্লম্লগা চৎখিগদবা ঙাক্তনি। য়েংবীয়ু-মসিগী ইশৈ অসিদা, জগোয় অসিদা হায়রিবা ৱাহৈশিং অসিদা অথোইবা ৱাঙুলোন কয়া উমংদা হিংলিবা ঐহাক্কী ত্রাইবেল ইচিল-ইনাওশিংনা খংহল্লে। মসিদগী হেনবা লৈবাক অসিগী পাঙ্গল-থৌনা করি ওইগনি।মিদগী হেনবা ইপা-ইপুনা থম্বিরম্বা করি অমুক ওইগনি! মসিদগী হেনবা ইপা-ইপুগী লন করি অমুক লৈগনি!

মরূপশা,

মসিগী থৌগলগী ৱাখল্লোন অসিদগী ঙসি ত্রাইবেল খুন্নাইগীদমক্তা শিবরাজজীগী  সরকারনা অচৌবা থৌরাং কয়া পায়খৎলি।  অদোমগী বিলেজ স্কীম রাসন ওইরো নত্রগা মধ্যপ্রদেশকী সিকল সেল মিশন ওইরো, হায়রিবা প্রোগ্রাম অনি অসি ত্রাইবেল খুন্নাইগী হকশেল ফনবা অমসুং মচি লৈনবদা অচৌবা থৌদাং লৌগনি।  প্রধান মন্ত্রী গরীব কলয়ান অন্ন য়োজনাদগী লেম্না চেং ফংহনবদগী কোরোনাগী মতমদা লাইরবা ত্রাইবেল ইমুংশিংদা মতেং অদুক্কী ফংহনখিবা অসিদা ঐহাক নুংঙাই।  হৌজিক খুঙ্গংদা ইনক-নক্না চেং ফংলগদি অদোমগী মতমসু মাংলরোই অদুগা অতৈ শেলসু তিংহল্লরোই।

আয়ুষমান ভারত য়োজনাদগী হান্ননা ত্রাইবেল খুন্নাইনা অনাবা কয়াদা লেম্না লায়েংবা ফংলি। মধ্যপ্রদেশতা জনজাতী ইমুংশিনা থুনা-য়াংনা লেম্বা তীকাসু কাপ্লি হায়বসিদা ঐহাক নুংঙাইবা ফাওই। মালেম অসিগী লাইরিক-লাইশু হৈরবা লৈবাকশিংদফাওবা তীকা কাপ্পগী মতাংদা ক্বেসন মার্ক থম্বগী পাও কয়া থোরক্লি।  অদুবু ঐহাক্কী ত্রাইবেল ইচিন-ইনাওনা তীকা কাপথোকপগী মরুওইবা অদু খংসু খংলি, য়াসু য়ারি অমসুং লৈবাক অসিবু কনবদা মশাগী মথৌদাং পাংথোক্লিবা অসিদগী হেন্না গ্যান তাবা করি অমুক লৈখিগনি। চহী ১০০ গী মসিগী অচৌবা লায়চৎ অসি থেংননবা ঐখোয়গী জনজাতী খুন্নাইগী মরূপশিংনা বেক্সিনেসনগীদমক্তা মাং থানা থোরকপা, মশানা অদুম্মক চাউথোকচনিংঙাই ওইবা থৌদোক্নি। লাইরিক লৈরবা সহরশিংদা লৈরিবা ঐহাক্কী ত্রাইবেল ইচিল-ইনাওশিংদগী য়াম্না তমজনিংঙাই লৈরি। 

মরূপশা,

ঙসি মফমসিদা ভোপালদা লাক্ত্রিঙৈগী মমাংদা রাঞ্চীদা ভগৱান বিরসা মুন্দা নিংতম লান্মীগী ম্যুজিয়মগী মায়খুম হাংদোকপগী লাইবক অদু ফংজৈ। নিং-খা তম্বগী লালহৌদা জনজাতী হীরো-হীরোইনশিংগী ৱারীশিং অদু মালেম অসিগী মাংদা খংহনবা, অনৌবা মীরোলদা খংহনবা অসি ঐখোয়গী ইথৌনি। মীনাই-নাইথাংগী মতমদা মীরৈবাক্কী লৈঙাক্কী মায়োক্তা খাসী-গারোগী ইহৌ, কোল অন্দোলনগা লোয়ননা লালহৌ কয়া হৌখি গোন্দ মহারানী ওইখিবী অথৌবী দুর্গাবতীগী থৌনা ওইরো নত্রগা রানী কমলাপতীগী কত্থোকপা ওইরো, লৈবাক অসিনা কাওরোই। 

অথৌবা মহারানা প্রতাপকী লালগী শাগৎপা ৱাখল্লোন অদু অমগা-অমগা লেঙ্গোন্নদুনা রানা প্রতাপকা লোয়ননা লান্থেংনদুনা লানফমদা মশানা-মশাবু বলি তৌহনখিবা লান্থেংমিন্নখিবা অমদি কত্থোকখিবা অথৌবশিং য়াওদনা শাগৎপা য়ারোই।  ঐখোয় খুদিংমক মখোয়গী লমন তোল্লবনি। ঐখোয়না মসিগী লমন অসি কৈদৌনুংদা শিংবা ঙম্লরোই অদুবু ইশাগী পারী-পুরীগী চৎনরকপা অদু মশক থোকহন্দুনা, ফংপম থোকপা মপম ফংহন্দুনা ইথৌদাং পাংথোকপা য়াই।

ইচিল-ইনাওশা,

ঙসি ঐহাক্না অদোমদা ইপানাৎ-ইপুনাৎ অদু মশক থোকহন্দুনা থম্নবগী ৱা হায়বা অসিদা লৈবাক অসিগী ফাওরবা হিস্তরিয়ন শিব শাহীর বাবাসাহেব পুরন্দরেজীবুসু নিংশিংগনি। ঙসি অয়ুকসিমক্তদা মহাক অসি ঐখোয়বু তাদোক্তুনা চৎখ্রে হায়বা খংই। ‘পদ্ম বিভুষণ’ বাবাসাহেব পুরন্দরেজীনা ছত্রপতি শিবাজীগী পুন্সিবু মহাক্কী পুৱারীবু মীয়াম-মীচম য়ৌনা খংহন্নবগীদমক্তা লৌখিবা থৌদাং অদু মমল নাইদবনি। মফমসিগী সরকারনা মহাকপু কালিদাসকী মনাসু পীখি।  মহারাজ ছত্রপতি শিবাজীগী পাওতাকশিং অদু বাবাসাহেব পুরন্দরেজীনা  লৈবাকসিগী মমাংদা থমখিবা ফীদম অদুনা ঐখোয়দা লেপ্পা লৈতবা ইনোৎ হাপ্তুনা লৈরগনি।  ঐহাক্না বাবাসাহেব পুরন্দরেজীদা থম্মোয়নুংদগী শ্রদ্ধাঞ্জলী কৎচরি।

মরূপশা,

ঙসি ঐখোয়না লৈবাক অসিগী ফম্বাক্তা, লৈবাক শেম্বদা জনজাতীগী খু্ন্নাইগী থৌদাং অসিগী মতাংদা পনবা মতমদা মীওই খরদি অঙকপা ফাওরি।  অসিগুম্বা মীশিংসিনা জনজাতীগী খু্ন্নাইগী ভারতকী নাৎ অসি চাউখৎহনবা মতমদা কয়াগী মতিক থৌদাং লৈবগে হায়বসি থাজদে। মসিগী মরমদি জনজাতীগী খুন্নাইগী থৌদাংগী মতাংদা লৈবাক অসিদা হায়বিরমদবা নত্রগা  য়াম্না অকক্নবা হায়বিরম্বগীনি। মসি থোক্লিবগী মরমদি নিং-খা তম্লবা মতুংদা চহী কয়াফাওবা সরকার পায়রম্লিবশিংনা মশাগী ওইজবনা থল্লবা রাজনীতিনা হেন্না লুম্না লৌখিবগীনি।  লৈবাক অসিগী মী মশিংগী শরুক ১০ ওইদুনসু চহী কয়াফাওবা জনজাতী খুন্নাই অসি, মসাগী নাৎ-চৎনবী, মশাগী মতিক-ময়াইশিং মৱা লৌবিরমদে।  ত্রাইবেলশিংগী অৱাবা, মখোয়গী খুদোংচাদবা, অঙাংশিংগী মহৈ-মশিং, ত্রাইবেলশিংগী হকশেলনচিংবশিং অসি মখোয়গী ওইনদি করিসু মৱা লৌবিরমদে।

মরূপশা,

ভারতকী নাৎ-চৎনবীগী ওইবা খোংচৎ অসিদা জনজাতী খুন্নাইগী থৌদাং অসি তৎন-থানবা লৈতে। হায়বীয়ু অদোম্না জনজাতী খুন্নাই য়াওদনা প্রভু রামগী পুন্সিনা মায় পাকপশিংশিংগী ৱাখল শাগৎপা ওইথোক্লমগদ্রা? শুংওই ওইথোক্লম্লোই। বন্দা লৈবা মীওইশিংগা লোয়ননা লেনখিবা মতম্না রাজকুমারবু মর্য়াদা পুরুষোত্তম ওইহনবদা অথোইবা থৌদাং লৌখি। বন্দা পুন্সি লেনবা মতমদা প্রভু রাম্না বন্দা লৈরিবা মীশিংগী খুন্নাইগী মমাংঙৈদগী চৎনবী, চৎন-পথাপ, য়ুম্লৈ-কৈরৈগী মওং-মতৌ, পুন্সিগী তাঙ্কক খুদিংদা ইনোৎ ফংলি।  

মরূপশা,

ত্রাইবেল খুন্নাইবু অথোইবা মফম পীদবা, মরুওইনা লৌবিদবা, হান্নগী অদুগুম্না সরকারশিংনা মরাল লংশিনখিবা, মদুদা লেপ্তনা হায়বগী মথৌ তাই। ফম্বাক খুদিংদা ৱা খন্নবগী মথৌ তাই।  চহী কয়াগী মমাংদা গুজরাত্তা ইপুন্সি অসি হৌখিবা মতমদা ঐহাক্না লৈবাক অসিগী রাজনীতি দলশিংনা হরাও-নুংঙাইবা অমসুং চাউখৎপগী পাম্বৈ পুম্নমক্তগী ত্রাইবেল খুন্নাইবু লাপ্না থমখি।  অৱাৎপা অদুম্মক লৈহন্দুনা মীখল মতমদা মদুগী অৱাৎপশিং অদু ফংহনগনি হায়না হন্না-হন্না ভোৎ নীখি, পাৱর ফংখি অদুবু জনজাতী কাংলুপকীদমক্তা তৌফম থোকপদু কোন্নদ্রে, তৌবা ঙমদ্রে। তেংবাং ফংদবা ওইনা খুন্নাইদা থাদোক্তুনা থম্লে। গুজরাতকী মুখ্য মন্ত্রী ওইরবা মতুংদা ঐহাক্না মফমদুদা জনজাতী খুন্নাইগী ফীভমশিং অদু হোংদোক্নবগীদমক্তা কেম্পেন কয়া চত্থখি। লৈবাক অসিনা ঐহাকপু ২০১৪ দা থৌগল তৌনবগী তাঞ্জা পীনবিবা অসিদা ঐহাক্না জনজাতী খু্ন্নাইগী য়াইজনবা খ্বাইদগী হেনবা মরুওইনা লৌখি।

ইচিল-ইনাওশা,

ঙসি তশেংবা ওইনা ত্রাইবেল খুন্নাইগী মরূপ খুদিংমকপু, লৈবাক অসি চাউখৎপদা শরুক য়ারি অমসুং থৌদাং লৌরি। ঙসি লায়রবগী য়ুমগী ওইরো, অমাংশঙ ওইরো,

লেম্না মৈ অমসুং গ্যাস কনেক্সন ফংহনবা ওইরো, স্কুল ওইরো, লেম্না লায়েংবা ওইরো, মসি পুম্নমক লৈবাক অসিগী অতৈ অৱাৎপা মফমশিংদা য়াংনা চত্থরিবা অসিগুম ত্রাইবেল তাবা মফমশিংদসু চত্থরি।  অতৈ লৈবাকশিংগী লৌমীশিংনা বেঙ্ক একাউন্ততা লুপা করোর লিশিং চুমদ্রিংনা চংলিবা অসিদা ত্রাইবেলগী মফমগী লৌমীশিংদসু মদুদা মতমদুদা ফংলি। ঙসি লৈবাক অসিগী ইমুং করোর-করোরদা থক্নবা অরুবা ঈশিংগী পাইপনা য়ুম-য়ুমদা য়ৌহনবা মতমদা মদুগী অনিংবগী পাঙ্গল অদুনা য়াম্না য়াংনা ত্রাইবেল ইমুংশিংদসু য়ৌহনবগী থবক অসি য়াংনা চংশিল্লি। অদু নত্রবদি চহী অসুক য়াম্বফাওবা জনজাতীগী মফমশিংগী ইচা-ইচলশিংনা থক্নবা ঈশিংগী কয়াগী মতিক ৱারম্বগে হায়বা অদোম্না হেন্না খংবীরি। জল জীবন মিশন্দগী মধ্যপ্রদেশকী খুঙ্গংগী মফমশিংদা ইমুং লাখ ৩০ দা হৌজিক তোতী ঈশিং ফংবা হৌরে। অমসুং মসিদা ঐখোয়গী ত্রাইবেলগী মফমশিংগীনা হেন্ননি।

মরূপশা,

জনজাতী চাউখরনবগী মতাংদা ৱা অমা হায়নরম্মী। হায়নরম্মী মদুদি  জনজাতীগী মফমদা জিওগ্রাফিকেল ওইবা মওংদা য়াম্না অরুবা ওই। মফমদুদা খুদোংচাবা ফংহনবদা য়াম্না অরুবা ওই হায়না হায়নরম্মী। মসি থবক পাংথোক্তনবগী তাৎ ওইরম্মী। মসিগী তাৎ অসি তৌদুনা জনজাতী খুন্নাইদা খুদোংচাবশিং অসি কৈদৌনুংদা লুনা লৌরমখিদে। মখোয়গী মরাইবক্কীনি হায়না থাদোক্লমখি।

মরূপশা,

অসিগুম্বা রাজনীতি, অসিগুম্বা ৱাখল্লোন অসিনা ত্রাইবেলনা নম্না তাবা জিলাশিং চাউখৎনবগী মরুওইবা খুদোংচাবশিং ফংদনা লৈরে। হৌজিক হায়রগদি মখোয়শিং অসি চাউখৎনবগীদমক্তা হোৎনগদবনি, অদুবু জিলাশিং অসি শোত্থবনা মরম ওইদুনা তেগ হাপ্তুনা থমখি।

ইচিল-ইনাওশা,

কনাগুম্বা রাজ্য, কনাগুম্বা জিলা, কনাগুম্বা মীওই, কনাগুম্বা খুন্নাই অসি চাউখৎপগী লমজেল অসিদা শোত্থবা পামদে। মীওই খুদিংমক, খু্ন্নাই খুদিংমক অনিংবা পাংথোক্নিংবা লৈ, মহাক্কী মং মংজৈ। চহী কয়া ফংহন্দনা লৈরক্লিবা অসিগুম্বা মংলানশিং, অসিগুম্বা পাংথোক্নিংবশিং অসি পাংথোকহন্নবগী থবক অসি ঙসি ঐখোয়গী সরকারগী হেন্না মরুওইবনি। অদোমগী য়াইফ-থৌজালনা ঙসি জিলা ১০০ দগী হেনবদা চাউখৎনিংবগী ৱাখল্লোন অদু মপুং ফারে। ঙসি পায়খরলিবা য়াইফনবগী থৌরাংশিং অসি কেন্দ্র সরকারনা শেম্লি, মদুদা ত্রাইবেল খুন্নাইনা নম্না তাবা, থবক পাংথোক্নিংবা জিলাশিংনা হান্না মরুওইনা লৌরি। থবক পাংথোক্নিংবা জিলা নত্রগা হোসপিতালগী অৱাৎপা লৈবা জিলাশিংদা মেদিকেল কোলেজ তামগা য়াঙ্খৈদগী হেনবগী অয়াবা পীখ্রে।

মরূপশা,

লৈবাকসিগী জনজাতীগী মফম অসি রিসোর্সশিংগী মওংদা, লৌরী-ইংখোলগী মতাংদা য়াম্না চাউখৎপা ওইরি।  অদুবু হান্নগী সরকারগীদা ওইরম্বা অদুদদি হায়রিবা মফমশিং অসিদা মাংহন-তাকহনবগী থৌশীলদা তৌরমখি। ঐখোয়না হায়রিবা মফমশিং অসি মপুং ফানা চাউখৎনবগী মওংদা শিজিন্ননবগী থৌশিল্লোমদা তৌরি।  ঐখোয়না মসিগী মফমশিং অসিগী রিসোর্সশিং অসি নিংথিনা শিজিন্ননবা পোলিসীদা তৌরি। ঙসি চাউখৎনবগীদমক্তা মহৌশাগী রিসোর্সশিং অসি লৈবাক অসি চাউখৎনবগীদমক্তা নিংথিনা শিজিন্নরিবা জিলাশিং অসিগী শরুক অমা জিলা চাউখরনবদা থাদরি।   দিস্ত্রিক্ত মিনরেল ফন্দদগী রাজ্যশিংদা চাউরাক্না লুপা করোর লিশিং ৫০ ফংই। ঙসি অদোমগী রিসোর্সশিং অসি অদোমগী থবক্তা কান্নরক্লি, অদোমগী অঙাংশিংগী কান্নরক্লি। হৌজিক্তি খনিগা মরি লৈনবা থৌশিলশিংদসু ঐখোয়না অসিগুম্বা অহোংবা পুরকখ্রে, মসিদা জনজাতীগী মফমশিংদুমক্তদা থবক য়াম্না লৈহল্লকপগী ওইথোকপা লৈহনসি।

ইচিল-ইনাওশা,

নিং তম্বগী অমৃতগী মশক ওইরবা মতম অসিদা মরোমদোম লেপচবা ঙম্বা ভারত শেম্বগী মতম্নি। ভারতকী মরোমদোমদোম লেপচবসিদা  জনজাতীগী শরুক য়াওদনা ওইথোকপা য়ারোই। হৌজিক অদোম্না উবিরম্লগনি, হন্দক্তা পদ্ম মনা পীখ্রে। জনজাতী খুন্নাইদগী থোরকপা মরূপ্না প্রসিদেন্তকী হোল য়ৌরকএ, খোংদা খোংউপসু তোংলমদে, মালেম পুম্বনা উবদা খংপ্রেক খংখি, ঙক্নখি। ত্রাইবেল অমসুং খুঙ্গংগী খুন্নাইদা থবক তৌরিবা অসি লৈবাক অসিগী অশেংবা হীরোনি।  মসিনি ঐখোয়গী অশেংবা দাইমন্দনি, মসিনি ঐখোয়গী হীরানি।

ইচিল-ইনাওশা,

জনজাতী খুন্নাইদা হৈথোই-শিংথোইবগী অৱাৎপা লৈতে। অদুবু লাইবক থিবদগী হান্নগী সরকারশিংদা ত্রাইবেল খুন্নাইদা খুদোংচাবা পীনবগীদমক্তা রাজনীতিগী ওইবা ৱাখল্লোন লৈগদবা অদু করিসু লৈরমদে, য়াম্না ৱাৎলম্মি। ক্রিএতিব অসি ত্রাইবেল পারী-পুরীগী শরুক্নি, ঐহাক্না হৌজিক মসিদা লাক্ত্রিঙৈগী মমাংদা ত্রাইবেল খুন্নাইগী ইচলশিংনা শেম-শাবা থবকশিং অদু উরুবদা তশেংনা ঐহাক্কী থম্মোয়দা নুংঙাইবা ফাওই। মসিগী খুৎশাশিংসিদা, করি শক্তি কয়াদা লৈখ্রবা। ক্রিএতিব অসি ত্রাইবেলগী ইপানাৎ-ইপুনাৎকী শরুক্নি, অদুবু  ত্রাইবেল ক্রিএসন অসি কৈথেলগা শম্নহন্দে।  অদোম্না খন্দুনা য়েংবীয়ু ৱা থাবা অমসুং য়াম্না ইচম চম্বা অমদি ইচম-চম্বা পোৎ অসি ৱায়েল-পথাপকী লাংদা থুহন্দুনা থমখি। ঐখোয়গী জনজাতী ইচিল-ইনাওশিং অসিগীদা ৱা থাদুনা য়োল্লগা শেল খরা তানবগী হক লৈত্রবরা? ঐখোয়না উমংগী ৱায়েল-পথাপশিংদা অহোংবা পুরক্তুনা মসিগী ৱাখল্লোন অসি হোংহনখ্রে।

মরূপশা,

চহী কয়াদগী খুন্নাইসিনা তঙাই ফদনা চংবা মচা-মচাশিং অদু ফংনবগীদমক্তা মতম শাংনা ঙাইহনখি, মদুগী তায়োন্নবদা হৌজিক আত্মনির্ভর ওইহন্নবগীদমক্তা লেপ্তনা হোৎনরি। উ অমসুং নুঙগী আর্তশিং অসিদি ত্রাইবেল খুন্নাইগী চহী কয়াদগী তৌনদুনা লাক্লি অদুবু হৌজিক মখোয়না শাবা পোৎলমশিং অদু মার্কেত্তা ফংহল্লে।  ত্রাইফেদ পোর্তেলগী থোংদা জনজাতী আর্তকী পোত্থোক অসি লৈবাক অমদি মালেমগী মার্কেত্তা ওনলাইন্দসু লৈনরি। অনিশুবদা মীৎয়েং থম্নরম্বা অচৌবা মরু অসি ঙসিদি ভারতকী ব্রেন্দ ওইরক্লি।

মরূপশা,

বনধন য়োজনা ওইরো, বনগী পোত্থোক অসি এম.এস.পি.গীদা পুনশিল্লকপা ওইরো, নত্রগা ইচলশিংদা অপুনবগী শক্তিদা অনৌবা পাঙ্গল-থৌনা পীবা ওইরো, মসি জনজাতীগী লমশিংদা হান্না অমুক্তা ওইখিদ্রিবা খুদোংচাবা থোকহল্লি। হান্নগী সরকারশিংনা শুপ্নতগী বনগী পোত্থোক 8-10 দা এম.এস.পি. পীরম্মী। ঙসি ঐখোয়গী সরকারনা চাউরাক্না বনগী পোত্থোক ৮০ দা এম.এস.পি. পীরি। কদায়দগী ৯-১০ দগী অদুগা কদায়দগী ৯০? ঐখোয়না বনধন 2500 দগী হেনবদা বনধন বিকাস কেন্দ্রশিংদা বনধন সেল্ফ হেল্প গ্রুপ লিশিং ৩৭ হাপচিনখ্রে। মসিদগী ঙসি চাউরাক্না মরূপ লাখ ৭ হাপচিনখ্রে, মখোয়বু থবক নত্রগা মশানা পীজবা থবক ফংহল্লি। ঐখোয়গী সরকারনা উমংগী লমশিংসিগী মতাংদা য়াম্না মীনুংশি লৈনা থৌরাং লৌখৎলি।  রাজ্যশিংদা চাউরাক্না লম লাখ ২০ দা পতা পীদুনা ঐখোয়না জনজাতী মরূপ লাখ কয়াগী অৱাবা পোৎলুম কোকহল্লে। 

ইচিল-ইনাওশা,

ঐখোয়গী সরকারনা ত্রাইবেল নহারোলশিংগী মহৈ-মশিং অমসুং হৈথোই-শিংথোইবদসু অথোইবা থৌনা হাপ্পিরি। এক্লব্য মোদেল রেসিদেন্সিএল স্কুল অসি ঙসি জনজাতীগী মফমশিংদা মহৈ-মশিংগী অনৌবা মঙাল থোরক্লি।  ঙসি ঐহাক্না মফমসিদা এক্লব্য মোদেল রেসিদেন্সিএল স্কুল ৫০ গী উরেপ-উয়ুং তম্বগী খুদোংচাবা ফংজখি। ঐখোয়গী পান্দমদি লৈবাকপুম্বদা অসিগুম্বা স্কুল চাতরেৎ য়াঙ্খৈ হাংদোক্কনি। মসিদা এক্লব্য স্কুল কয়ামরুম হান্ননা হৌদোকখ্রে। চহী ৭ কী মমাংদা মহৈরোয় খুদিংমক্তা সরকারনা লুপা লিশিং ৪০ রোম চাদিং তৌরম্বা অদু হেনগত্তুনা ঙসি লুপা লাখ ১ দগী হেনখ্রে।  মসিদগী জনজাতীগী মহৈরোয়শিংদা খুদোংচাবা হেন্না ফংহল্লি।  কেন্দ্র সরকারনা চহী খুদিংগী চাউরাক্না জানজাতী নহা লাখ ৩০ দা স্কোলরশিপসু পীরি। জনজাতী নহাশিংদা হায়র এজুকেসন অমসুং রিসর্চকা শম্নহন্নবগীদমক্তা হান্না অমুক্তা তৌখিদ্রিবা মওংদা থবক পাংথোকখ্রে। নিং-খা তম্লবা মতুংদা শুপ্নতগী ত্রাইবেল রিসর্চ ইন্সতিত্যুৎ ১৮ দং শাখিবা অদু চহি ৭ অসিদা ইন্সতিত্যুৎ ৯ লিংখৎখ্রে।

মরূপশা,

জনজাতী খুন্নাইগী অঙাংশিংদা য়াম্না লুরিবা অসি মহৈ তম্বা মতমদা লোলগী ওইরম্মি।  হৌজিক অনৌবা নেস্নেল এজুকেসন পোলিসীদা লম-লমগী লোলদা মহৈ তম্বদা হেন্না লুম্না লৌখ্রে। মসিগী কান্নবা অসি জনজাতী খুন্নাইগী অঙাংশিংনা ফংবা শোয়দ্রবনি।

ইচিল-ইনাওশা,

জনজাতী খুন্নাইগী হোৎনজমন, ময়ামগী হোৎনবা অসিনা নিং-খা তম্বগী মতমদা অমৃতগী মতমদা মপাঙ্গল লৈবা ভারত শেম্নবগী থৌনা-পাঙ্গলনি। জনজাতী খুন্নাইবু ইকাইখুম্নজনবীদমক্তা, মশানা থাজনবগীদমক্তা, হক্কীদমক্তা অহিং-নুংথীল খংদনা হোৎনগনি, ঙসি জনজাতীয় গৌরব দিবস অসিদা ঐখোয়না মসিগী ৱাশক অসি অমুক হন্না নিংশিংলি। অদুগা জনজাতীয় গৌরব দিবস অসি গান্ধী জয়েন্তী পাংথোকপগুম, সরদার পতেলগী মপোক নুমীৎ পাংথোকপগুম, বাবা সাহেব অম্বেদকরগী জয়ন্তি পাংথোকপগুম, ভগৱান বিরসা মুন্দাগী মপোক নুমীৎ অসি চহী খুদিংগী নবেম্বর ১৫ দা জনজাতীয় গৌরব দিবস ওইনা লৈবাক পুম্বনা পাংথোক্কনি।  

অমুক হন্না অদোম পুম্নমক্তা য়াইফ-পাউজেল পীজরি! খুৎ অনী থাঙ্গৎপীদুনা ঐহাক্কা লোয়ননা লাউবীয়ু-

ভারত ইমানা জয় ওইরে!

ভারত ইমানা জয় ওইরে!

ভারত ইমানা জয় ওইরে!

হন্না-হন্না থাগৎচরি!

*****