ভগবান বির্সা মুন্দাগী মপোক নুমিৎপু জনজাতিয়া গৌরব দিৱস ওইনা পালন তৌরগনি হায়না ভারত সরকারনা লাওথোকখ্রে৷ থৌরম অসিবু মার্ক তৌনবা, প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা রাঞ্চিদা ২০২১গী নবেম্বর ১৫গী অয়ুক পুং ৯:৪৫ চৎপা মতমদা ভগবান বিরসা মুন্দা স্মৃতি উদ্ধান সহ স্বতনত্রতা সেনানী সংগ্রাহালয় শঙ্গারগনি৷

ত্রাইবেল কম্ম্যুনিতীশিংগী মমল নাইদ্রবা থৌদাং মরু ওইনা ভারতকী নিংতম-ইহৌদা মখোয়না কৎথোকখিবা অদু প্রধান মন্ত্রীনা মতম চুপ্পদা হায়দুনা লৈখ্রে৷ ২০১৬কী ইন্দিপেন্দেন্স দেদা মহাক্না পীখিবা ৱারোলদা, ত্রাইবেলগী নিংতম-লান্মীশিংনা ভারতকী নিংতম-ইহৌদা লৌখিবা থৌদাং অদু পনখি অমদি লাক্কদৌরিবা মীরোনশিংনা লৈবাক অসিগীদমক ত্রাইবেলগী নিংতম-লান্মীশিংনা কৎথোক্লম্বা অদু নিংশিংদুনা লৈহৌনবা মখোয়গীদমক ম্যুজিয়মশিং শানবা লেপখি৷ হৌজিক ফাওবদা ত্রাইবেলগী নিংতম-লান্মীশিংগী ম্যুজিয়ম তরা শানবা ত্রাইবেল এফিয়র্স মন্ত্রান সেঙ্কসন তৌখ্রে৷ ম্যুজিয়মশিং অসিনা রাজ্য কয়ামরোম অমদি লমদমশিংদগী শরুক য়াখিবা ত্রাইবেলগী নিংতম-লান্মীশিংগী মিমোরীশিং অদু নিংশিংহল্লগনি৷

রাঞ্চিগী ওল্দ সেন্ত্রেল জেলদা ঝর্খন্দগী রাজ্য সরকারগা খুৎশম্নদুনা ভগবান বিরসা মুন্দা স্মৃতি উদ্ধান সহ স্বতনত্রতা সেনানী সংগ্রাহালয়  শাখ্রে, মফম অসিদা ভগবান বির্সা মুন্দানা মহাক্কী পুন্সি কৎথোকখি৷ লৈবাক অসিগীদমক অমদি ত্রাইবেল কম্ম্যুনিতীশিংগীদমক মহাক্না কৎথোকলম্বা অদুগীদমক ম্যুজিয়ম অসিনা মফমদা ইকাই খুম্নবা উৎলগনি৷ ম্যুজিয়ম অসিনা ত্রাইবেলগী কল্চর অমদি পুৱারি ঙাক-শেনবদা অমদি য়োকখৎপদা য়াম্না মরু ওইবা থৌদাং অমা লৌরগনি৷ ত্রাইবেলশিংনা মখোয়গী উমংশিং, লমগী হকশিং, মখোয়গী কল্চর ঙাক-শেন্নবগী লম্বী অমদি লৈবাক অসি শেংগৎপদা মরু ওইরিবা মখোয়গী থৌনা অমদি কৎথোকপা অদু ম্যুজিয়ম অসিনা উৎলগনি৷

ভগবান বির্সা মুন্দাগা লোইননা, ম্যুজিয়ম অসিনা তোঙান তোঙানবা ইহৌশিংদা শরুক য়াখিবা অতোপ্পা ত্রাইবেলগী নিংতম-লান্মীশিং, মমিং ওইনা হায়রবদা শহিদ বুধু ভগৎ, সিধু-কানহু, নিলম্বর-পিতম্বর, দিৱা-কিসুন, তেলঙ্গ খাদিয়া, গয়া মুন্দা, জত্র ভগৎ, পোতো ঐচ, ভগিরথ মঞ্জি, গঙ্গা নরায়ন সিংহসু উৎলগনি৷ ম্যুজিয়মদা ফীৎ ২৫ ৱাংবা ভগবান বির্সা মুন্দাগী মুর্ত্তি অমা অমসুং লমদম অসিগী অতোপ্পা নিংতম-লান্মীশিংগী ফীৎ ৯ ৱাংবা মুর্ত্তিশিং হাপ্লগনি৷

থংনননা লৈরিবা লম একর ২৫দা সমৃতি উদ্যান শেমগৎখ্রে অমদি মসিদা ম্যুজিকেল ফাউন্তেন, ফুদ কোর্ত, অঙাংশিংগী শান্নফম, ইনফিনিতী পুল, গার্দেন অমসুং অতোপ্পা এন্তরতেনমেন্ত ফেসিলিতীশিং হাপ্লগনি৷

থৌরম অসিদা ত্রাইবেল এফিয়র্সকী কেন্দ্রগী মন্ত্রীসু শরুক য়াগনি৷

******