ভেক্সিন দোজ ৫৯,৭৫,৪৬৯ কাপখিবগা লোইননা হৌখিবা পুং ২৪দা ভারতকী কোবিদ-১৯গী ভেক্সিনেসন কভরেজ অসি ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না করোর ১১২.৯৭ (১,১২,৯৭,৮৪,০৪৫) গী পন্দুপ হেনবা ঙমখ্রে। মসি সেসন ১,১৬,০০,২০৯ গী খুত্থাংদা কাপখি।

ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা মশিং অসি খাইদোকপদা অশুম্না লৈরি:

হৌখিবা পুং ২৪ অসিদা মীওই ১১,৯৭১ নাবা ফগৎখিবা অসিনা নাবা ফগৎখিবা মীওইশিংগী অপুনবা মশিং অসি ৩,৩৮,৬১,৭৫৬ দা হেনগৎহনখি (লাইচৎ হৌবদগী হৌদুনা)।

মসিনা মরম ওইরগা ভারতকী ফগৎলকপগী চাং অসি ৯৮.২৭% দা লৈরি‍।

কেন্দ্র অমদি রাজ্য/য়ু.তি. সরকারশিংগী লেপ্পা নাইদনা অমদি পুন্না হোৎনমিন্নবনা থংন-থংননা হৌখিবা নুমিৎ ১৪২নি অসিদা নোংমগী ওইবা অনৌবা রিপোর্ত তৌরকপা কেস মশিং অসি ৫০,০০০দগী তাদুনা লাক্লি।

হৌখিবা পুং ২৪দা অনৌবা কেস ৮,৮৬৫ রিপোর্ত তৌরকখি।

হৌজিক্কী ওইনা এক্তিব কেসলোদ ১,৩০,৭৯৩ দা লৈদুনা নুমিৎ ৫২৫তা খ্বায়দগী নেম্বনি। এক্তিব কেস মশিং অসি লৈবাকসিগী অপুনবা পোজিতিব কেসকী মশিংগী ০.৩৮% ওইদুনা ২০২০গী মার্চতগী খ্বায়দগী নেম্বা ওইরি।

লৈবাক শিনবা থুংনা তেস্তিং কেপাসিতী চাওনা হেনগৎহনখি। হৌখিবা পুং ২৪ অসিদা লৈবাক অসিদা পুন্না তেস্ত মশিং ১১,০৭,৬১৭ তৌখি‍। হৌজিক ফাওবদা ভারতনা পুন্না তেস্ত মশিং করোর ৬২.৫৭ (৬২,৫৭,৭৪,১৫৯) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোইননা চয়োলগী ওইবা পোজিতিবিতী রেত ০.৯৭%দা লৈদুনা হৌখিবা নুমিৎ ৫৩ নি অসিদা ২%দগী তানা লৈরি। নোংমগী ওইবা পোজিতিবিতী রেত অসি ০.৮০%দা লৈরি। হৌজিক্কী ওইনা নোংমগী ওইনা পোজিতিবিতী রেত অসি হৌখিবা নুমিৎ ৪৩নিদা ২%দগী তানা অমসুং থংন-থংননা নুমিৎ ৭৮নি অসিদা অসি ৩%গী মখাদা লৈরি‍।

****