প্রধান মন্ত্রী, শ্রী নরেন্দ্র মোদীনা চেয়র লৌবা কেন্দ্রগী মন্ত্রীমন্দলনা ঙসি লৈবাক অসিদা মথৌনা লৈরবা চীংমী নিংতম লান্মীশিংবু লাক্কদৌরিবা মীরোল অসিদা মখোয়না লৈবাক অসিদা কৎথোকখিবা অসিবু নিংশিংনবা কৎথোকপা ওইনা নবেম্বরগী ১৫বু জনজাতিয়া গৌরভ দিবস হায়না লাওথোকপদা অয়াবা পীখ্রে। ভারতকী নিংতম লান্থেং অসিদা চীংমী কম্ম্যুনিতী কয়া অমা হায়বদি সন্থলস, তামারস, কোলস, ভিলস, খাসিস অমসুং মিজোশিং মিং ওইনা পল্লবদা অসিনা খোঙজং কয়াদা মপাঙ্গল কৎনখৎহনখি। ব্রিতিশকী কোলোনিয়েল লৈঙাক্কী মায়োক্তা লৈবাক অসিগী মফম কয়াগী ওইবা চীংমীগী খোঙজং অসিনা লৈবাক অসিগী নিংতম লান্থেংগা মরী লৈনৈ অমসুং লৈবাক শিনবা থুংনা ভারত মচাশিংবু পুক্নিং থৌগৎখি। অদুম ওইনমক, মীয়াম্না হায়রিবা চীংমী অথৌবশিংগী মরক্তা নিংথিনা খঙবিদে। ২০১৬গী ইন্দিপেন্দেন্স দেদা ইকাই খুম্নরবা প্রধান মন্ত্রীনা ৱা ঙাংবদা, ভারত সরকারনা লৈবাক শিনবা থুংনা ত্রাইবেল ফ্রীদম ফাইতর ম্যুজিয়ম ১০ কাইথখি।

নুমিৎ অসি লৈবাক শিনবা থুংনা ত্রাইবেল কম্ম্যুনিতীশিংনা ভগবান ওইনা লৌনরিবা শ্রী বির্সা মুন্দাগী মপোক কুমওন্নি। বির্সা মুন্দানা ব্রিতিশ কোলোনিয়েল সিস্তেমগী মিনুংশি লৈতনা চৎথখিবা লৈঙাক্কী মায়োক্তা থৌনা লৈনা লান্থেংনখি। মহাক্না ব্রিতিশকী মায়োক্তা লানজিংখিবা অসিগীদমক ‘উলগুলন’ (রিবোলুসন) হায়না খঙনখি। লাওথোকপা অসিনা চীংমী কম্ম্যুনিতীগী পুৱারীবু নিংশিংলগনি।  নুমিৎ অসি চহি খুদিংগী পাংথোক্কনি অমসুং চীংমীশিংংনা কলচরেল হেরিতেজ অমসুং ভারতকী থৌনাবু ঙাক শেন্দুনা থম্নবা হোৎনখিবা অসি শকখঙলগনি। বির্সা মুন্দানা অরোইবা য়াহিপ তানখিবা রাঞ্চীদা লৈবা ত্রাইবেল ফ্রীদম ফাইতর ম্যুজিয়ম অসি ইকাই খুম্নরবা প্রধান মন্ত্রীনা শঙ্গাগনি।     

ভারত সরকারনা ত্রাইবেল মীয়ামগী, সংস্কৃতী অমসুং মায় পাকপগী মমিং লৈরবা পুৱারীশিংগী থৌরম পাংথোক্নবা অমসুং ৭৫শুবা চহি নিংশিংনবা ২০২১গী নবেম্বরগী ১৫দগীনা নবেম্বরগী ২২ ফাওবা  চয়োল চুপ্পা থৌরমশিং পাংথোক্নবা থৌরাং তৌরি।  

থৌরম অসিগী শরুক অমা ওইনা, রাজ্য সরকারগা লোয়ননা খুৎশম্নদুনা থৌরম কয়া অমা পাংথোক্নবা শেম-শারি অমসুং থৌরমশিং অসিগী থীম অসিদা ভারতকী নিংতম লান্দা চীংমীশিংগী মায় পাকখিবা, ভারত সরকারনা এজুকেসন, হকশেল, পুন্সি মহিং, ইনফ্রাস্ত্রকচর অমসুং স্কীল দিবলপমেন্তদা পায়খৎলিবা থবকশিং উৎকনি। থৌরম অসিদা ত্রাইবেল কলচরেল হেরিতেজ, মখোয়গী নিংতম লান, প্রাক্তিসেস, হকশিং, চৎনবীশিং, মথেল-লুকোই, হকশেল, এজুকেসন অমসুং পুন্সি মহিং অখন্নবা কয়া অমা উৎকনি।

*****