وزارت خزانہ
azadi ka amrit mahotsav

دیوالی کے موقع پرحکومت نے پٹرول اور ڈیزل پر ایکسائز ڈیوٹی میں تخفیف  کا اعلان کیا

پٹرول اور ڈیزل پر کل سے ایکسائز ڈیوٹی میں بالترتیب 05 روپئے اور 10 روپئے  کی تخفیف ہو جائے گی

پٹرول اور  ڈیزل کی قیمتوں میں یکساں طور پر کمی آئے گی

پٹرول کے مقابلے ڈیزل پر ایکسائز ڈیوٹی میں دوگنا تخفیف ہوگی  اور یہ آنے والے ربیع سیزن کے دوران کسانوں کے لئے بہت سودمند ثابت ہوگا

ریاستوں سے کہا گیا ہے کہ وہ صارفین کو راحت دینے کے لئے پٹرول اور ڈیزل پر یکساں طور پر ویٹ میں کمی لائیں

Posted On: 03 NOV 2021 8:18PM by PIB Delhi

حکومت ہند نے  کل سے پٹرول اور ڈیزل پر سنٹرل ایکسائز ڈیوٹی میں بالترتیب 05 اور 10 روپئے کی تخفیف کا غیرمعمولی فیصلہ کیا ہے۔ چنانچہ پٹرول اور ڈیزل کی قیمتوں میں یکساں طور پر کمی آئے گی۔

ڈیزل پر ایکسائز ڈیوٹی میں تخفیف پٹرول کے مقابلے دوگنا ہوگی۔ ہندوستانی کسانوں نے اپنی سخت محنت سے لاک ڈاؤن مرحلے کے دوران معاشی نمو کی رفتار کو برقرار رکھا اور ڈیزل  پر ایکسائز میں بڑی تخفیف سے آنے والے ربیع سیزن کے دوران کسانوں کو زبردست راحت پہنچے گی۔

حالیہ مہینوں میں عالمی سطح پر کچے تیل کی قیمتوں میں اضافہ دیکھا گیا ہے۔ جس کے نتیجے میں حالیہ ہفتوں کے دوران پٹرول اور ڈیزل کی قیمتوں میں  اضافہ ہوا۔ دنیا نے توانائی کی تمام شکلوں میں کمی اور قیمتوں میں اضافہ دیکھا ہے۔ حکومت نے اس بات کو یقینی بنانے کی ہرممکن کوشش کی ہے کہ ملک میں توانائی کی کسی طرح کی کوئی کمی نہ ہو اور پٹرول اور ڈیزل جیسی اشیا کی فراہمی ہماری ضرورتوں کے عین مطابق جاری رہے۔

ہندوستان کی بلند عزائم رکھنے والی آبادیکی کاروباری صلاحیتوں کے سبب کووڈ-19 کے بعد ہندوستانی معیشت میں زبردست بہتری آئی ہےاور سست رفتاری کا رجحان کم ہوا ہے۔ معیشت کے تمام شعبوں میں خواہ وہ مصنوعات کی تیاری کے شعبے ہو یا زراعت کا شعبہ ہو، ان میں زبردست معاشی سرگرمیاں دیکھی جارہی ہیں۔

معیشت کو مزید  مہمیز کرنے  کے لئے  حکومت ہند نے ڈیزل اور پٹرول کی ایکسائز ڈیوٹی میں غیرمعمولی تخفیف کرنے کا اعلان کیا ہے۔

پٹرول اور ڈیزل پر ایکسائز ڈیوٹی میں تخفیف سے صارفیت میں اضافہ ہوگا، اور اس سے افراط زر میں کمی آئے گی۔ اس کے ساتھ ساتھ غریب اور متوسط درجے کے لوگوں کو بڑی مدد ملے گی۔ آج کے اس فیصلے سے امکان ہے کہ معاشی رفتار کو مکمل طور پر مزید مضبوطی ملے گی۔

ریاستوں سے کہا گیا ہے کہ صارفین کو راحت دینے کے لئے وہ پٹرول اور ڈیزل پر یکساں طور پر ویٹ میں تخفیف کریں۔

 

************

 

 

ش ح -  س ک

 U. NO. : 12544

 

 

 



(Release ID: 1769468) Visitor Counter : 95