প্রধানমন্ত্রীগী লোইশঙ
জি২০ সম্মিত, সেসন II: ক্লাইমেত চেঞ্জ অমসুং এনবাইরোনমেন্ততা প্রধান মন্ত্রীগী ৱারোল
Posted On:
31 OCT 2021 11:50PM by PIB Imphal
এক্সিলেন্সীস,
ঙসি, ক্লাইমেত এক্সনগী ইসুদা জি-২০ লৈবাকশিংগী মনুংদা ঐসু য়াওরি৷, ঐগী অচৌবা থৌদাং অনি অসিদা ঐনা ফুল সেন্সিতিবিতীগা লোইননা ঐগী পোইন্ত ফোংদোকপা পাম্মী৷ অহানবা রেস্পোন্সিবিলিতী অদুদি চহি লিশিং কয়া শুরবা অরিবা ভারতকী চৎনবিনা থৌনা হাপ্লিবা ক্লাইমেত মিতিগেসননি৷ ইসু অসিদা ঐখোয়না পান্দমশিং চেৎনা থমদুনা চংশিল্লক্লি৷ পেরিস্তা ঐখোয়না ঐখোয়গী পান্দমশিং লাওথোকখিবা মতমদা, ভারতনা রেনিৱেবল ইনর্জীগী জি.দবল্যু.১৭৫গুম্বা করিগুম্বা খরা ফংবা ঙমগদ্রা হায়না কয়া অমনা হংলকখি৷ অদুবু ভারতনা মসিগী পান্দমশিং অসি অথুবা মতমদা ফংবদা নত্তনা হেন্না ৱাংবা তার্গেৎশিং ফংবা ঙম্নবসু হোৎনরি৷ পেরিস কম্মিতমেন্তশিং অসিদগী হেন্দোক্তুনা, ভারতনা ৱেতলেন্দ হেক্তর মিলিয়ন ২৬কী রিহেবিলিতেসনগী তার্গেৎ অমা থমখ্রে৷ চাংচৎতা চহি খুদিংগী পেসেঞ্জর বিলিয়ন ৮ পুদুনা মালেমগী খ্বাইদগী চাওনা পেসেঞ্জর পুরিবা ইন্দিয়ন রেলৱেজনা '২০৩০ ফাওবগী মনুংদা নেত জিরো' ওইহন্নবা লেপখ্রে৷ ৱারেপ অসিগা লোইননা, ইন্দিয়ন রেলৱেজনা কার্বোন থাদোকপগী চাং চহি অমদা মিলিয়ন তন ৬০ হন্থহল্লগনি৷ ২০২৫ ফাওবগী মনুংদা ঐখোয়না ২০% ইথানোল ব্লেন্দিংগী পান্দম থমদুনা হোৎনরি৷ এসিয়াগী নোংশাশিং, কৈশিং, রাইনোশিং অমদি দোলফিনশিংগী মশিং হেনগৎহন্দুনা, অকোইবগী ফিভম ঙাক শেন্নবা ঐখোয়না হোৎনরিবা অসি ইনর্জী দিবেৎ খক্তদা নত্তে হায়বদু ভারতনা উৎখ্রে৷ হৌখিবা চহিশিংদা হোৎনখিবশিং অদুনা মরম ওইদুনা, ঙসিদি ভারতনা রেনিৱেবল ইনর্জী কেপাসিতীগী তর্মশিংদা মালেমগী মকোক থোংবা লৈবাক ৫গী মনুং তনবা ঙম্লিবনি৷ মসিগী ভারতকী মাই পাকপা অসি মালেম অসিনসু মশক খঙলি৷ আই.এস.এ. অমসুং সি.দি.আর.আই.গুম্বা ঐখোয়গী ইনিসিয়েতিব কয়া অমদা য়ু.এস.এ., ফ্রাঞ্চ, য়ু.কে. অমসুং স্বিদেনগুম্বা লৈবাকশিংনা ঐখোয়গী পার্তনরশিং ওইরি৷
এক্সিলেন্সীস,
ঐগী অনিশুবা থৌদাং-ক্লাইমেত জস্তিস অদু ঐনা খল্লুবা মতমদা, ঐগী থমোইদা অৱাবা অমসু ফাওরি৷ ক্লাইমেত জস্তিস অসি কাওথোক্তুনা, ঐখোয়না চাওখৎলক্লিবা লৈবাকশিংদা ইনজস্তিস ওইবা থবক তৌবতা নত্তনা, ঐখোয়না মীওইবা চাজি পুম্ববু মীরাইনি৷ চাওখৎলক্লিবা লৈবকশিংগী খোল্লাউ অমা ওইনা, চাওখৎলবা লৈবাকশিংনা ক্লাইমেত ফাইনান্স মীরাইবিবা অদু ভারত্তি ঙম্লোই৷ ক্লাইমেত ফাইনান্সতা চাওখৎপা পুরক্তনা, ক্লাইমেত এক্সনগীদমক চাওখৎলক্লিবা লৈবাকশিংদা প্রেসর পীশিনবা অসি তৌরোইদবনি৷ চাওখৎলবা লৈবাকশিংনা মখোয়গী জি.দি.পি.গী য়ামদ্রবদা চাদা ১দি চাওখৎলক্লিবা লৈবাকশিংগী গ্রীন প্রোজেক্তশিংদা শেল থাদনবা পান্দম থম্নবা হোৎনগদবনি হায়না ঐনা হায়জরি৷
এক্সিলেন্সীস,
জি-১০ পার্তনরশিংগী মমাংদা এক্সনেবল পোইন্ত অহুম ঐনা পুথোকপা পাম্মী৷ অহানবদা, হৌজিক ফাওবদা পিকিং থোক্ত্রিবা লৈবাকশিংদা শিজিন্নবা য়াবা ‘ক্লিন ইনর্জী প্রোজেক্তস ফন্দ’ অমা জি-২০ লৈবাকশিংনা শেমগদবনি৷ মসিগী ফন্দ অসিনা আই.এস.এ.গুম্বা অতোপ্পা ইন্সতিত্যুসনশিং অসিদসু সপোর্ত পীবা ঙমগনি৷ অনিশুবা ওইনা, অনৌবা তেক্নোলোজীশিং অমদি মখোয়গী দিপ্লোইমেন্তগা মরী লৈনবা খ্বাইদগী ফবা প্রেক্তিসশিংদা মথৌ তৌননবা জি২০ লৈবাকশিংদা ক্লিন ইনর্জীদা মথৌ তৌবা রিসর্স ইন্সতিত্যুসনশিংগী নেতৱের্ক অমা ঐখোয়না শেমগদবনি৷ অহুমশুবদা, জি২০ লৈবাকশিংনা গ্রীন হাইদ্রোজেনগী ফিল্দদা গ্লোবেল স্তেন্দর্দশিং লৈহন্নবা ইন্সতিত্যুসন অমা শেমগদবনি, মসিনা মহাক্কী প্রদক্সন অমদি শিজিন্নবগী চাং হেনগৎহল্লগনি৷ হায়রিবা থৌরম পুম্নমক অসিদা ভারতনসু মপুং ফানা থৌদাং লৌগনি৷
অদোম্বু থাগৎচরি৷
******
(Release ID: 1768957)
Visitor Counter : 118
Read this release in:
Hindi
,
Odia
,
English
,
Urdu
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam