খুরুমজরি!

প্রোগ্রাম অসিদা শরুক য়ারিবা মীওইশিং অসি গুজরাতকী মুখ্য মন্ত্রী শ্রী ভুপেন্দ্র ভাই পতেল জী, কেন্দ্র সরকারদা লৈরিবা ঐগী কলিগশিং, শ্রী মন্সুখ মন্দাবিয়া, শ্রী পার্শোত্তম ভাই রুপালা, দর্শনা বেন, ঐগী লোগ সভাগী কলিগ অমসুং গুজরাত ভারতিয়া জনাতা পার্তীগী প্রসিদেন্ত, শ্রী সি.আর. পতিলজী,সৌরাস্ত্র পতেল, সেবা সমাজ প্রসিদেন্ত শ্রী কাঞ্জি ভাই, সেবা সমাজকী ইকাই খুম্নরবা মেম্বরশিং, অমসুং মশিং য়াম্লবা ইয়াম্বা-ইনাউশিং অমসুং ইচল-ইচেশিংনি! ঙসি বিজয়া দশমী থৌরমদা সৌরাস্ত্র পতেল সেবা সমাজনা য়াম্না চিং-লেম্লবা প্রোজেক্ত অমা হৌরি৷ নুংঙাই-য়াইফরবা বিজয়া দশমী অমা ওইরসনু হায়না ঐনা ময়ামদা অমদি লৈবাক পুম্বদা য়াইফ-মঙ্গোল পীজরি৷

মরুপশিং,

মপু-ইবুংঙো শ্রী রামদা লুপচবশিংবু রামচরিতমানসনা মতিক-চানা ফোংদোক্লি৷ মসি রামচরিতমানসতা ফোংদোক্লি৷:

''प्रबल अबिद्या तम मिटि जाई।

हारहिं सकल सलभ समुदाई''॥

মসিনা হায়নিংলিবা অদুদি মপু-ইবুংঙো রামগী থৌজালশিংগা লোইননা অমসুং মহাকপু মতুং ইন্দুনা অনএৱার্নেস ওইবা, খঙবা-হৈবা ৱাৎপা অমদি অমম্বনা কুপশিন্দুনা লৈরিবা অসি লৌথোকই৷ নেগেতিব ফোর্স পুম্নমমক মাইথিবা পীরি৷ অমসুং মপু-ইবুংঙো রাম্বু মতুং ইনবা হায়বসি মীওইবা জাতিগী মতুং ইনবা, নোলেজ মতুং ইনবা হায়বনি! মরম অদুনা, বাপুনা গুজরাতকী লৈহাওদগী রাম রাজ্যগী আইদিলশিংদা মতুং ইন্দুনা সমাজ অমা শাগৎখ্রে৷ হায়রিবা ভেল্যুশিং অদু ফংনবা অমদি হেন্না মপাঙ্গল লৈহন্নবা গুজরাতকী প্রজানা কন্না হোৎনরি হায়বসিদা ঐ নুংঙাইবা ফাওজৈ৷ এজুকেসনগী ফিল্দদা সৌরাস্ত্রা পতেল সেবা সমাজনা লৌখৎখিবা ইনিসিতিয়েতিব অসিসু মসিগী শরুক অমনি৷ ঙসি হোস্তেল ফেজ-১গী ভুমি পূজন থৌরম পাংথোকখ্রে৷

ফেজ অনিমক্কী থবক অসি ২০২৪ ফাওবগী মনুংদা লোইশিল্লগনি হায়না ঐঙোন্দা হায়রকখ্রে৷ নখোয়না হোৎনরিবা অসিদগী মশিং য়াম্লবা নহাশিং, ইচানুপাশিং অমদি ইচানুপীশিংনা অনৌবা দাইরেক্সন অমা ফংলগনি অমদি মখোয়না মখোয়গী মংলানশিং অসি মংফাওননবগী খুদোংচাবা অমা ফংলগনি৷ হায়রিবা ইফর্তশিংগীদমক ঐনা সৌরাস্ত্র পতেল সেবা সমাজ মরু ওইনা মসিগী প্রসিদেন্ত শ্রী কাঞ্জি ভাই অমদি মহাক্কী তীম পুম্নমকপু থাগৎলি৷

মরুপশিং,

ঐনা অসিগুম্লবা সর্ভিসশিং অসি তোঙান তোঙানবা ফিল্দশিংদা উরুবা মতমদা, গুজরাতনা সরদার পতেলগী লিগেসীসি অসি লমজিংদুনা পুরক্লিবা অসিদা ঐ চাওথোকচবা ফাওজৈ৷ সরদার সাহেবনা হায়বিরম্বা, ঐখোয়না কাংলুপ অমদি লাই থাজনবা অসিনা অথিংবা অমা ওইহল্লোইদবনি হায়বিরম্বা অদু ঐখোয়না মতম পুম্নমক্তা নিংশিংগদবনি৷ ঐখোয় পুম্নমক ভারতকী মচানুপাশিং অমদি মচানুপীশিং ঙাক্তনি৷ ঐখোয় পুম্নমক্না ঐখোয়গী লৈবাক অসিবু নুংশিগদবনি,থমোই-শেংননা অমসুং কোওপরেসন পীনদুনা ঐখোয়গী পন্থুংফম শেমগদবনি৷ হায়রিবা সরদার সাহেবগী সেন্তিমেন্তশিং অসি গুজরাতনা মতৌ করম্না মতম পুম্নমক্কী ওইনা মপাঙ্গল লৈহনখিবগে হায়বদু ঐখোয় পুম্নমক্না উরি৷ লৈবাক্কী হান্না হায়বা অসিনা সরদার সাহেবকী ফোল্লোৱরশিংগী পুন্সিগী ওইবা মন্ত্রনি৷ নখোয়না লৈবাক অসিদা নত্রগা মপান লৈবাকশিংদা চৎপা মতমদা মসিগী পুন্সিগী ওইবা মন্ত্র অসি গুজরাতকী প্রজাদা চেনবা নখোয়না মফম খুদিংমক্তা থেংনগনি৷

ইয়াম্বা-ইনাউশিং অমসুং ইচল-ইচেশিং,

হৌজিক হৌজিক ভারতনা মনিং-মখা তম্বা চহি ৭৫ শুরি৷ অনৌবৈ রিজোলুসনশিংগা লোইননা, মসিগী য়াইফরবা মতম অসিনা প্রজাবু মীকপ থোকহনবদা অচৌবা থৌদাং অমা লৌখিবা মীওইশিংবু নিংশিংনবা ঐখোয়বু পুক্নিং থৌগৎলি৷ মখোয়গী মরমদা খঙবা হায়বসি ঙসিগী মীরোনশিংগী ওইনদি য়াম্না মরু ওই৷ গুজরাতকী এজুকেসন সিস্তেম ফগৎহনবদা অচৌবা থৌদাং অমা লৌখিবা অসিগুম্লবা মীওই কয়া অমা এজুকেসনগী ফিল্দদসু লৈখি৷

অৱাং থংবা গুজরাত্তা পোকখিবা মমিং লৈরবা শ্রী ছগনভাগী মরমদা ঐখোয় পুম্নমক্না খঙলম্বা য়াই, অমদি মহাক অসি রাজ্য অসি শিনবা থুংনা নিংশিংনরি৷ মহৈ-মশিং তম্বিবা অসিনা সমাজপু হেন্না শক্তি লৈহনবগী খ্বাইদগী চাওরবা উপাইনি হায়না মহাক্না থাজখি৷ ১৯১৯দা ঙসিদগী চহি ১০২গী মমাংদা কাদিদা মহাক্না সর্ব বিদ্যলয় কেলাবানি মন্দল শাখিবা অদু নখোয় নিংশিংবা থোক্লিব্রা? মসি ছগনভাগী মংলান ওইরমখি৷ মহাক্কী পুন্সিগী ওইবা মন্ত্র অদুদি – ‘কর ভালা, হোগা ভালা’ (অফবা থবক অমা তৌবনা মতম পুম্নমক্তা অফবা ওইহল্লি) হায়বনি অমদি মসিগী ৱাখল্লোন অসিগা লোইননা লাক্কদৌরিবা মীরোনশিংগী তুংগী ফিভম অসি মহাক্না লেপখি৷ গান্ধীজীনা ছগনভাজীবু থাগৎখি অমদি মহাক্না ১৯২৯দা মহাকপু উনবা লাকখিবা মতমদা মহাকতি য়াম্না অফবা থবক অমা তৌরমখি হায়না ফোংদোকখি৷ মীয়াম্না মখোয়গী মচা-মশুশিংবু ছগনভাগী ত্রস্ততা মহৈ-মশিং তম্নবা থাবিরক্নবা মহাক্না হায়জখি৷

মরুপশিং,

লৈবাক অসিগী তুংদা লাক্কদৌরিবা মীরোনশিংগী তুংগী ফিভমগীদমক হৌজিক হৌজিক ওইরিবা মীওই অমগী পুন্সিবু কৎথোকখিবা অতোপ্পা মীশক অমসু ঐনা পনবা পাম্মী অমদি মহাক অদু ভাই কাকানি৷ অনন্দ অমসুং খেদাগী অকোইবদা লৈরিবা মফমশিংদা এজুকেসন সিস্তেম হেন্না ফগৎহন্নবা ভাই কাকানা অফবা থবক কয়া অমা তৌরমখি৷ ভাই কাকা মশামক ইঞ্জিনিয়র অমা ওইরমখি, মহাক্কী কেরিয়র অদুক্কী মতিক ফনা লাক্লম্মী, অদুবু সরদার সাহেবগী পাউতাক ইন্দুনা, মহাক্না মহাক্কী থবক তোকলম্মী অমদি অহমেদবাদ মুনিসিপালিতীদা থবক তৌনবা লাক্লম্মী৷ মতুং তারকপদা, মহাক্না তারোতারদা চৎতুনা অনন্দদা লৈরিবা চরোতার এজুকেসন সোসাইতীবু য়েংশিল্লমখি৷ মতুং তারকপদা, মহাক্না চরোতর বিদ্য মন্দলগা খুৎথম্নদুনা চৎমিন্নখি৷ মতম অদুদা ভাই কাকাসু রুরেল য়ুনিভর্সিতী অমগী মং মংলমখি-খুঙ্গংদা লৈগদবা য়ুনিভর্সিতী অমা অমসুং মদুদা তমগদৌরিবা সবজেক্তশিং অদুনা মরু ওইনা রুরেল সিস্তেমগী মরমদা ওইগদবনি৷ মসিগী থৌনা অসিগা লোইননা, সরদার বল্লভভাই বিদ্য পীথ শেমগৎপদা মহাক্না য়াম্না মরু ওইবা থৌদাং অমা লৌরমখি৷ ভিখাভাই পতেলসু মহাক্কুম্না ভাই কাকা অমদি সরদার পতেলগা থবক তৌমিন্নরমখি৷

মরুপশিং,

গুজরাতকী মরমদা খরা খজিক্তমক খংলিবা মীওইশিংদা, ঐনা ভল্লভ বিদ্যনগর খঙহনবা পাম্মী৷ করমসদ-মাক্রোল অমদি অনন্দগী মরক্তা লৈরিবা মফম অসি নখোয় অয়াম্বনা খঙলম্লগনি৷ মহৈ-মশিং তম্বা অসি শন্দোকপা য়ানবা অমদি খুঙ্গং অসিগী চাওখৎ-থৌরাংশিং খোঙজেল য়াংনা পাংথোকপা য়ানবা মসিগী মফম অসি শেমগৎখিবনি৷ বেতরান সিবিল সর্ভিস ওফিসর ঐচ.এম. পতেলসু বল্লভভাই বিদ্যনগরগসু চৎমিন্নরি৷ সরদার সাহেবনা লৈবাক অসিগী গৃহ মন্ত্রী ওইরমখিবা মতমদা, ঐচ.এম. পতেলসু মহাক্কা য়াম্না নক্নবা মীওইশিংগী মনুংদা অমা ওইরমখি৷ মতুং তারকপদা, মহাক্না জনাতা পার্তী গভর্মেন্তদা শেল-থুমগী মন্ত্রী ওইরকখি৷

মরুপশিং,

ঐগী ৱাখলদা মীওই কয়া অমগী মমিংশিং থোক্লক্লি৷ ঐখোয়না সৌরাস্ত্রগী মতাংদা ৱারি শানরবদি, ঐখোয়না মোলা পতেল হায়না খঙনরিবা  ঐখোয়গী মোহনলাল লালজী ভাই পতেলনা অচৌবা এজুকেস্নেল কমপ্লেক্স অমা শাখ্রে৷ অতোপ্পা মোহনভাই বির্জী ভাই পতেল জীনা চহি-চা অমগী মমাংদা ‘পতেল আশ্রম’ হায়না খঙনবা হোস্তেল অমা শেমগৎতুনা অমরেলিদা এজুকেসন সিস্তেমগী ফিভম হেন্না ফগৎহন্নবা হোৎনখ্রে৷ চহি খুজিং কয়াগী মমাংদা মচানুপীশিং মহৈ-মশিং তমহন্নবা জমনগরদা কেশৱাজী ভাই, আর্জিভাই বিরানি অমদি কর্শনভাই বেচারভাই বিরানিনা স্কুলশিং অমদি হোস্তেলশিং শাখি৷  গুজরাতকী তোঙান তোঙানবা য়ুনিভর্সিতীশিংগী মওংদা নগিনভাই পতেল, সকলচান্দ পতেল অমসুং গনপৎভাই পতেলগুম্বা মীওইশিংনা অসিগুম্না হোৎনখিবা অদুসু উবা ফংগনি৷ ঙসিগী থৌরম অসিসু মখোয়বু নিংশিংনবগী য়াইফরবা নুমিৎ অমনি৷ অসিগুম্লবা মীওই পুম্নমক্কী পুন্সি ৱারি অসি ঐখোয়না নৈনরুবা তারবদি, মখোয়না মতৌ করম্না খজিক্তমক হোৎনদুনা হেন্না চাওবা গোলশিং ফংবা ঙমখিবনো হায়বজু ঐখোয়না খঙলক্কনি৷ মসিগী খুৎশম্নদুনা হোৎনরিবা অসিনা হেন্না চাওবা ফলশিং ফংবা ঙমগনি৷

মরুপশিং,

পোলিতিকেলগী ওইবা ফেমিলী নত্রগা বেক্তগ্রাউন্দ অমতা লৈতবা নত্রগা পোলিতিক্সকী রুত অমা লৈতবা ঐগুম্বা য়াম্না ইচম-চম্বা মীওই অমদা নখোয়গী থৌজালশিংগা লোইননা, ২০০১দা গুজরাতকী সেবা তৌননবা নখোয়না ঐঙোন্দা খুদোংচাবা অমা পীখিরম্মী৷ নখোয়না পীবিরিবা মঙ্গোলশিংগী শক্তি অসি অদুক্কী মতিক চাওই মদুদি ঐনা চহি ২০ হেন্না অহানবদা গুজরাত অমদি হৌজিক্না লৈবাক অসিগী লেপ্প-লৈতনা শেবা তৌনবগী খুদোংচাবা অমা লেপ্তনা ফংহল্লি৷

মরুপশিং,

গুজরাত মশামক্তদগদী ‘সবকা সাথ, সবকা বিকাস’কী শক্তি অদু ঐনা তম্লে৷ মতম অমদা গুজরাত্তা অফবা স্কুলশিং লৈরমদে অমদি অফবা মহৈ-মশিং তম্বিনবা ওজাশিংগী অৱাৎপা লৈরম্মী৷ খোদাল ধম চৎলুরবা মতুংদা উমিয়া মাতাগী মঙ্গোলশিং ফংলদুনা, মসিগী প্রোব্লেম অসি সোল্ব তৌবা ঙম্নবা ঐনা মীয়ামগী মতেং নিখি অমদি ঐগা লোইননা মখোয়সু চৎমিন্নখি৷ মসিগী ফিভম অসি হোংহন্নবা গুজরাতনা ‘প্রবেসহোতসব’ প্রোজেক্ত হৌখিবনি হায়বসি নখোয়না নিংশিংলমগনি৷ স্কুলশিংদা মহৈ-মশিং তম্বগী ক্বালিতকী অসি ফগৎহন্নবা ‘সকশর্দ্বীপ’ অমদি ‘গুনোতসব’কুম্বা প্রোজেক্তশিং অসি হৌদোকখিবনি৷

মদুদগীদি গুজরাত্তা ইচানুপীশিংনা স্কুলশিং তম্বা তোকপগী অচৌবা চেলেঞ্জ অমা লাকখি৷ ঐখোয়গী মুখ্য মন্ত্রী ভুপেন্দ্র ভাইনসু মদু হৌজিক্তা পনখিবা অদুনি৷ সোসিএল রিজনশিং অমদি প্রেক্তিকেল রিজন কয়া অমা লৈখি৷ ইচানুপীশিংনা স্কুল তম্বা চৎপা পাম্লবসু মখোয়গীদমক তোইলেতশিং লৈরমদবনা ইচানুপী কয়া অমনা স্কুলশিংদা চৎপা ঙম্লমদে৷ মসিগী প্রোব্লেমশিং অসি থেংননবা, গুজরাতনা পাঞ্চশক্তিশিং(শক্তি মঙা) হায়বদি নোলেজ পৱার, মেনপৱার, ৱাতর পৱার, ইনর্জী পৱার অমসুং দিফেন্স পৱারদগী থৌনা ফংখি! স্কুলশিংদা নুপীমচাশিংগীদমক তোইলেতশিং শাখিরম্মী৷ বিদ্য লক্সমী বোন্দ, সরস্বতী সধানা য়োজনা, কস্তুর্বা গান্ধী বলিকা বিদ্যলয়গুম্বা ইফর্তশিংগী রিজল্ত অসিনা গুজরাত্তা মহৈ-মশিং তম্বগী ফিভম ফগৎহনবদা নত্তনা স্কুল তম্বা তোকখিবগী চাংসু অদুক্কী মতিক হন্থহনখ্রে৷

ইচানুপীশিংগী মহৈ-মশিং অমদি তুংগী ফিভমগীদমক হৌজিক্তি হেন্না চাওনা হোৎনরি হায়বসিদা ঐ নুংঙাইবা ফাওজৈ৷ নখোয়না সুরাত্তগী ‘বেতি বচাউ অভিয়ন’ হৌদোকখ্রগা মতুং তারকপদা গুজরাত শিনবা থুংনা শন্দোকখিবা অদু ঐনা নিংশিংলি৷ নখোয়না সুরাত্তগী খোঙচৎ অমা চৎপা হৌরক্তুনা গুজরাত শিনবা থুংনা চৎখিবা অমদি ইচানুপীশিং অসি কনগনি হায়না মীয়ামদা ৱাশকহনখিবা মতমদা ঐ ইশামকশু নখোয়না চাওনা হোৎনরিবা অদুদা শরুক য়াজবা ফংখিবা অসি ঐগী ওইনা লাইবক ফবা ওইখি৷ অসিগুম্না তেল্লবা মতমগী মনুংদা, গুজরাতনা মালেমগী অহানবা ফোরেন্সিক য়ুনিভর্সিতী, রক্সা শক্তি য়ুনিভর্সিতী, লো য়ুনিভর্সিতী অমসুং দীন দয়াল ইনর্জী য়ুনিভর্সিতী অমদি মালেমগী অহানবা অঙাংশিংগী য়ুনিভর্সিতী, ওজাশিংগী ত্রেনিং য়ুনিভর্সিতী, স্পোর্তস য়ুনিভর্সিতী, কামধেনু য়ুনিভর্সিতীগুম্বা ইন্নোবেতিব ইনিসিয়েতিবশিংগী খুৎথাংদা গুজরাতনা অনৌবা লম্বী অমা উৎখ্রে৷ মসিগী ইফর্ত পুম্নমক অসিদগী ঙসিদি গুজরাতকী নৌরিবা মীরোন অসিনা কান্নবা ফংলি৷ হায়রিবা ইনিসিয়েতিবশিং অসিগী মতাংদা নখোয় অযাম্বনা খঙলম্লগনি হায়বসি ঐনা খঙই অমদি ভুপেন্দ্র ভাইনসু মখোয় অয়াম্বা পনখ্রে, অদুবু নখোয়না ঐবু পুকচেল-শেংনা সপোর্ত পীবিখিবা অসিনা মরম ওইদুনা নখোয় ময়ামগী মাংদা ঐনা ৱাফম অসি অমুক্কা হন্না পল্লিবনি অমদি হায়রিবা ইফর্তশিং অসিদগী ফংলিবা এক্সপরিয়েন্স অদুনা ঙসিদি লৈবাক অসিদা অচৌবা অহোংবশিং পুরক্লি৷

মরুপশিং,

ঙসিদি লৈবাক অসিগী এজুকেসন সিস্তেম অসিসু অনৌবা নেস্নেল এজুকেসন পোলিসীগী মতেংদগী মোদর্নাইজ তৌরক্লি৷অনৌবা নেস্নেল এজুকেসন পোলিসী অসিদা, মমা-মরোনদসু প্রোফেস্নেল কোর্সশিং তাকপি-তম্বিবগী ওপ্সন লৈ৷ হৌজিক্তি, মহৈ-মশিং তম্বা অসি দীগ্রীশিং ফংবা খক্তদা লোইবা নত্তে, মখোয় অসি স্কিলশিংদা লিঙ্ক তৌরি৷ লৈবাক অসিনা মহাক্কী ত্রেদিস্নেল স্কিলশিং অসি মোদর্ন পোজিবিলিতীশিংগসু কন্নেক্ত তৌরি৷

মরুপশিং,

স্কিলগী মরু ওইবা অসি নখোয় নত্তনা অতপ্পা মীওই কনানা খঙবা ঙমগদগে? দাইমন্দশিং কক্ননবা নখোয় অয়াম্বনা সৌরাস্ত্রদা লৈরিবা নখোয়গী য়ুমশিং, ফার্মশিং, মরী-মতাশিং অমদি মরুপ-মপাংশিং থাদোক্তুনা সুরাত্তা লাক্লম্বগী মতম অমা লৈরমখি৷ অপিকপা কা অমদা মীওই নিপানদগী তরা ফাওবা লৈনরম্মী৷ অদুবু নখোয়গী স্কিল অদুনা মরম ওইরগা ঙসি চাওখৎনা লৈবা ঙম্লিবনি৷ মরম অদুনা, পান্দুরঙ্গ শাস্ত্রিজীনা নখোয়বু মঙাল নাইরবা আর্তিস্তশিংনি হায়না ফোংদোকখিবনি৷ ঐখোয়গী কাঞ্জি ব্রদর মশামকসু মসিগী ময়েক লারবা খুদম অমনি৷ মহাক্কী চহি য়েংদনা, মহাক্না লেপ্প-লৈতনা মহৈ-মশিং তম্লম্মী অমদি অনৌবা স্কিলশিং হৈবা হেনগৎহনখি৷ ঙসি ফাওবদা, নখোয়না কাঞ্জি ভাই শক্ন-শোন্নরি

মরুপশিং,

ঙসিদি, স্কিল অমসুং ইকোসিস্তেম অনিমক অসি অনৌবা ভারতকী ফাউন্দেসন ওইরি৷ স্তার্ত-অপ ইন্দিয়া মাই পাকপগী ৱারি ঐখোয়গী ইমাংদা তাদুনা লৈরি৷ ঙসিদি, ভারতকী স্তার্ত-অপশিং অসিনা মালেম পুম্বদা মার্ক অমা থম্লি অমদি ঐখোয়গী য়ুনিকোর্নশিংনা রিকোর্দ অমা থম্লি৷ কোরোনাগী লুরুবা মতমশিংগী মতুংদা ঐখোয়গী শেল-থুমগী ফিভম অমুক হন্না ফগৎলকপগী খোঙজেল অসিগা লোইননা ভারতকীদমক মালেম পুম্বনা অশা চাওনা থম্লি৷ হন্দক্তা ইকুই কুইদ্রিঙৈদা, ভারতনা অমুক হন্না মালেম অসিদা খ্বাইদগী য়াংনা শেল-থুমগী ফিভম ফগৎলকপা ঙম্বা লৈবাক ওইরক্লি হায়না গ্লোবেল ওর্গনাইজেসন অমনসু ফোংদোকখিবা লৈরে৷ লৈবাক অসি শেমগৎপদা গুজরাতনা মতম পুম্নমক্কী ওইনা খ্বাইদগী ফবা ওইগনি অমদি খ্বাইদগী ফবা থবক তৌবা ঙমগনি হায়বসি ঐগী থাজবনি৷ হৌজিক্তি, অনৌবা ইনর্জী অমগা লোইননা গুজরাত চাওখৎহন্নবগী মিসন অসিদা ভুপেন্দ্র ভাই পতেল জী অমদি মহাক্কী তীম পুম্নমক্না হোৎনরি৷

মরুপশিং,

অমবু-অমবু ওইরে, ভুপেন্দ্র ভাইগী লুচিং মখাদা অনৌবা সরকার শেম্লবা মতুংদা ইহান হানবা ওইনা ঙসি গুজরাতকী মীয়ামদা অসিগুম্না কুপথনা ফোংদোকপগী খুদোংচাবা অমা ফংখ্রে৷ ফেল্লো ৱার্কর অমা ওইনা ভুপেন্দ্র ভাইগা ঐগা চৎমিন্নরকপা অসি চহি ২৫ হেল্লে৷ তেক্নোলোজীগী মরমদা নিংথিনা খঙ-হৈরবা অমদি ইক্বেল্লী গ্রাউন্দেদ ওইরবা ভুপেন্দ্র ভাইনা মুখ্য মন্ত্রী ওইরকপা অসি ঐখোয় পুম্নমক্কী ওইনা য়াম্না চাওথোকচনিংঙাই অমনি৷ তোঙান তোঙানবা লেবেলশিংদা থবক তৌরম্বগী মহাক্কী এক্সপরিয়েন্স অসি গুজরাত চাওখৎহনবা মতমদা য়াম্না মরু ওইরগনি৷ চহি ২৫রোমগী চাংদা, মহাক্না অহানবদা অপিকপা মুনিসিপালিতীগী মেম্বর অমা ওইনা, মতুং তারকপদা মুনিসিপালিতীগী চিয়রমেন ওইনা, মতুং তারকপদা অহমেদবাদ মেত্রোপোলিতান মুনিসিপালিতীগী কোর্পোরেতর ওইনা, অমদি মদুদগী এ.য়ু.দি.আই.গুম্বা মমিং লৈরবা ইন্সতিত্যুসন অমগী চিয়রমেন অমা ওইনা থৌ পুরক্তুনা গ্রস রুত লেবেলদগী হোৎনরকখিবা, শথবক তৌরকখিবা ঐখোয়না উরে৷ ঙসিদি, অসিগুম্লবা য়াম্না এক্সপরিয়েন্স লৈরবা মীওই অমনা গুজরাতকী চাওখৎ-থৌরাংগী খোঙচৎতা য়াম্না খোঙজেল য়াংনা লমজিংলিবা অসিদা ঐ ঙকপা ফাওই৷

মরুপশিং,

ঙসিদি, ভুপেন্দ্র ভাইনা মতম কুইনা মীয়ামগী থবক তৌরক্লিবা, অসিগুম্লবা অৱাংবা মফমশিং কল্লিবা অমদি চহি ২৫ থবক তৌরক্লবা মতুং ঙসি ফাওবদা রেকোর্দ মার্ক তৌখিবা অসিদা গুজরাত্তি মচা খুদিংমক্না চাওথোকচবা ফাওই৷ ভুপেন্দ্র ভাইনা ৱা খজিক্তমক ঙাংই অদুবু কৈদৌনুংদা মহাক্না মহাক্কী থবক্তা লান্না লমজিংখিবা লৈতে৷সাইলেন্ত ৱার্কর অমগুম্না, সাইলেন্ত সর্বেন্ত অমগুম্না থবক তৌবা অসি মহাক্না থবক তৌবগী মওংনি৷ অসিগুম্বা অফবা ভেল্যুশিং লৈরিবা ভুপেন্দ্র ভাইগী লুচিং মখাদা গুজরাতনা হিরম খুদিংমক্তা চাওখৎলক্লগনি হায়বসি ঐগী থাজবনি৷

মপুরশিং,

মনিং-মখা তম্বগী অমিৃত মহোতসবগী মতাংদা ঐনসু ময়ামদা হায়জনিংবা অমসু লৈ৷ মসিগী অমিৃত মহোতসবকী মতম অসিদা নখোয় পুম্নমক্না লৈবাক অসিদা করিগুম্বা খরা পীননবা অনৌবা রিজোলুসন অমা লৌদুনা অমদি মিসন অমা হৌদোক্নবা হোৎনগদবনি৷ মিসন অসিগী ইম্পেক্ত অসি গুজরাতকী মফম খুদিং শিনবা থুংনা য়ৌহনগদবনি৷ নখোয়গী তৌবা ঙম্বা অমদি নখোয় ময়াম্না পুনশিন্দুনা তৌবা ঙমগনি হায়বসি ঐনা খঙই৷ লৈবাক অসিগীদমক অমদি সমাজ অসিগীদমক হিংহন্নবা ঐখোয়গী নৌরিবা মীরোনবু পুক্নিং থৌগৎপিবা অসি নখোয়না হোৎনরিবশিং অদুগী য়াম্না মরু ওইবা শরুক অমা ওই৷ 'সেবা সে সিধি'  মতুং ইন্দুনা, ঐখোয়না গুজরাত অমদি লৈবাক অসিবু অনৌবা থাক অমদা পুখৎলগনি৷ মতম কুইনগী মতুংদা নখোয় ময়ামগী মরক্তা শরুক য়াবা ফংজবা অসি ঐ য়াম্না লাইবক ফৈ অমদি ঐনা মীপুম খুদিংমক তশেং-তশেংনা উরি অমসুং অরিবা শকফম পুম্নমক ঐগী মাংদা লৈরি৷

অসিগুম্লবা খ্বাইদগী ফরবা য়াইফ-মঙ্গোলশিং অসিগা লোইননা, ময়াম পুম্নমকপু হন্না-হন্না থাগৎচরি!

******