প্রধান মন্ত্রী শ্রী নরেন্দ্র মোদীনা ঙসি হৌজিক এসিয়নগী চেয়র ওইরিবা ব্রুনৈগী হিজ মেজেস্তী সুল্তান হাজি হাসানাল বোলকানা বার্তোন তৌরক্তুনা ১৮শুবা ইন্দিয়া-এসিয়ন সম্মিত্তা শরুক য়াখ্রে। সম্মিত অসি ভর্চুএল ওইনা পাংথোকপনি অমসুং এসিয়ন মেম্বর স্তেতশিংদগী লুচিংবশিং শরুক য়াবা উবা ফংলি.

ইন্দিয়া-এসিয়নগী পার্তনরশীপ্তা ৩০শুবা কুমওনগী মাইলস্তোন উৎলদুনা, লুচিংবশিংনা ২০২০গী চহি অসিবু ইন্দিয়া-এসিয়ন ফ্রেন্দশীপ ওইবা চহি হায় লাওথোকখ্রে। প্রধান মন্ত্রীনা ইন্দিয়াগী এক্ত ইস্ত পোলিসী অমসুং ইন্দো-পেসিফিক মিৎয়েংদা হেন্না চাওবা পান্দম অমদা এসিয়নগী মরুওইবশিং পন্দুনা হায়খি। এসিয়ন আউতলুক ফোর দ ইন্দো-পেসিফিক (এ.ও.আই.পি.) অমসুং ইন্দিয়াজ ইন্দো-পেসিফিক ওসিন ইনিসিএতিব (আই.পি.ও.আই.) অনিগী মরক্তা সাইনর্জী শাগৎলদুনা, পি.এম. অমসুং এসিয়নগী লুচিংবশিংনা ইন্দিয়া-এসিয়নবু রিজন অসিদা পিস, স্তাবিলিতী অমসুং প্রোসপরিতীগী মতেং পীনবা অসিগী জোইন্ত স্তেতমেন্ত লৌবা অসিবু তরাম্না ওকখি।

কোবিদ-১৯গী মথক্তা, প্রধান মন্ত্রীনা রিজন অসিদা ইন্দিয়ানা লায়চৎ অসিবু লান্থেংননবা হোৎনখিবা অদুবু উৎখি অমসুং হিরম অসিদা এসিয়ন্না মতেং পাংনবা লৌখিবা খোঙথাংশিংবু হন্না পনখি। ইন্দিয়ানা ম্যানমারগীদক্তা এসিয়ন হ্যুমেনিতরিয়ন ইনিসিএতিবতা য়ু.এস.দি. ২০০,০০০গী শেনফম ওইগদবা মেদিকেলগী পোৎলমশিং মতেং পাংখি অমসুং এসিয়ন কোবিদ-১৯ রেস্পোনজ ফন্দগীদমক মিল্লিয়ন ১ মতেং তৌখি।
লুচিংবশিংনা ফিজিকেল, দিজিতেল অমসুং মী অমদগী অমদা য়াওনা পাক চাউনা ইন্দিয়া-এসিয়ন শমন্নবা মিয়েংশিং থমখি। ইন্দিয়া-এসিয়নগী কলচরেল কন্নেক্তিবিতী হেন্না মপাঙ্গল কনখৎনবা, প্রদান মন্ত্রীনা এসিয়ন কলচরেল হেরিতেজ লিস্ত লিংখৎপদা মতেং পীনবা লাওথোকখ্রে। ত্রেদ অমসুং ইনভেস্তমেন্তদা, মহাক্না দাইবরসিফিকেসন অমসুং কোবিদ মতুংগী রিকভরীগীদমক সপ্লাই চেন হেন্না পীনবা অমসুং হিরম অসিদা ইন্দিয়া-এসিয়ন এফ.তি.এ. হেন্না ফবা অনৌবা অমা শেমগৎনবগী মরুওইবা পীখি।

এসিয়নগী লুচিংবশিনা ভারতপু কোবিদ-১৯ মনুংদা ভেক্সিন ফংহনদুনা মফম অসিদা থাজবা পার্নর অমা ওইনা থৌদাং কয়া অমা লৌখিববু থাগৎপা ফোংদোকখি। মখোয়না ইন্দো-পেসিফিক্তা মরুওইবা পীদুনা এসিয়ন্দা ইন্দিয়ানা মতেং তৌরিবা অসিবু তরাম্না ওকখি অমসুং জোইন্ত স্তেতমেন্তগী খুৎথাংদা রিজন অসিদা হেন্না চাউবা মতেং অমা পীরক্নবা ঙাইদুনা লৈরি।

খন্নবা অসিদা খা-চাইনা সমুদ্র অমসুং তেরোরিজম য়াওনা রিজন অমসুং মালেমগী ওইবা মান্নবা হিরমশিং য়াওরি। নাকন অনিনা অখন্ননা য়ু.এন.সি.এল.ও.এস.দা ইন্তর্নেস্নেল লোদা লৌনবা রুলসতা য়ুমফম ওইবগী মরুওইবশিংসু পীখি। লুচিংবশিনা খা চাইনাগী শমুদ্রদা পিস, স্তাবিলিতী, সেফতী অমসুং সেক্যুরিতী পীনবা নেবিগেসন অমসুং ওভরফ্লাইত্তা অপনবা পীদবদা মরুওইবা পীখি।

ইন্দিয়া অমসুং এসিয়ন্না হেন্না চেৎশিনবা, হেন্না কনশিনবা অমসুং মখল কয়াগী মরী থম্নবা হায়নখি অমসুং ১৮শুবা ইন্দিয়া-এসিয়ন সম্মিতনা মসিগী মরী অসিদা য়েংশিন্নবগী খুদোংচাবা অমা পীবা অমসুং তুংদা ইন্দিয়া-এসিয়াগী স্ত্রাতেজিক পার্তনরশিপপু অৱাংবা থাক্তা পুখৎনবগী লম্বী অমা পীনবা খন্নখি।

***