ایم ایس ایم ای کے مرکزی وزیر جناب نارائن رانے نے آج نئی دہلی میں قومی سطح کے بیداری پروگرام – ’’سمبھو‘‘، 2021 کی شروعات کی۔ اس پروگرام کا انعقاد حکومت ہند کی ایم ایس ایم ای وزارت کر رہا ہے۔ اس موقع پر وزیر موصوف نے ملک کی اقتصادی ترقی کے لیے صنعت کاری کو فروغ دینے میں نوجوانوں کو شامل کرنے کی اپیل کی۔ انہوں نے اس بات پر زور دیا کہ نئے صنعت کاروں کی بنائی گئی مصنوعات اور خدمات متعلقہ کارباروں یا شعبوں کو ترغیب دینے کی سمت میں بڑے پیمانے پر اثر ڈال سکتی ہیں۔ اس موقع پر وزیر موصوف کے ہمراہ وزیر مملکت جناب بھانو پرتاپ سنگھ ورما اور ایم ایس ایم ای کے سکریٹری جناب بی بی سوین بھی موجود تھے۔

اس موقع پر جناب بھانو پرتاپ سنگھ ورما نے جی ڈی پی میں ایم ایس ایم ای کا تعاون موجودہ 30 فیصد سے بڑھا کر 50 فیصد کرنے اور ایم ایس ایم ای شعبہ میں 11 کروڑ روزگار کو بڑھا کر 15 کروڑ کرنے پر زور دیا۔ انہوں نے  آگے امید ظاہر کی کہ مستقبل میں بھارت دنیا کی سرکردہ اقتصادیات والا ملک بنے گا۔

ایم ایس ایم ای وزارت کے تحت بڑی تعداد میں لوگوں تک پہنچنے کا یہ پروگرام ایک مہینے کی لمبی پہل ہے۔ اس میں وزارت کے 130 علاقائی دفتر ملک کے سبھی حصوں کے مختلف کالجوں / آئی ٹی آئی کے طلبہ کو صنعت کاری اپنانے کے لیے ترغیب دیں گے۔ اس مہم کے دوران کالج کے طلبہ کو آڈیو / ویڈیو فلم دکھا کر ایم ایس ایم ای وزارت کی مختلف اسکیموں کے بارے میں بتایا جائے گا۔

اس کے علاوہ ملک بھر کے 1300 سے زیادہ کالجوں میں بیداری پروگرام بھی منعقد کیے جائیں گے۔ ان پروگراموں میں ایک لاکھ 50 ہزار طلبہ کے حصہ لینے کی امید ہے۔

*****

ش  ح –  ق ت –  ت  ع

U:12249