প্রধানমন্ত্রীগী লোইশঙ
azadi ka amrit mahotsav g20-india-2023

পি.এম.না ওক্তোবর ২৫দা য়ু.পি.দা খোঙশানগনি অমসুং প্রধান মন্ত্রী আত্মানির্ভর স্বাস্থ ভারত য়োজনা (পি.এম.এ.এস.বি.ৱাই.) হৌদোক্কনি


পি.এম.এ.এস.বি.ৱাই. অসিনা লৈবাক শিনবা থুংবগী হেলথকেয়র ইনফ্রাস্ত্রকচরদা মপাঙ্গল কনখৎনবা খ্বায়দগী চাউবা পান-ইন্দিয়া স্কীম অমা ওইগদৌরি

পি.এম.এ.এস.বি.ৱাই.গী পান্দমদি খুঙ্গং অমসুং সহরগী মফম অনিমক্তা মীয়ামগী ওইবা হেলথ ইনফ্রাস্ত্রকচরগী মরুওইবা মফমশিংদা লৈরিবা অৱাৎপশিং মেনশিনবনি

জিলা খুদিংমক্কী মীওই লাখ ৫গী মথক্তা মরুওইবা চেকশিন থৌরাংগী থবকশিং ফংহল্লগনি

জিলা খুদিংমক্তা ইন্তিগ্রেতেৎ পব্লিক হেলথ লেবশিং লিংখৎলগনি

হেলথকী অমা, ভাইরোলোজীগী অনৌবা নেস্নেল ইন্সতিত্যুসন ৪গী নেস্নেল ইন্সতিত্যুসন লিংখৎলগনি

লায়না কুপ্না য়েংশিন্নবা সিস্তেম লৈবা আই.তি. শেমগৎলগনি

পি.এম.না য়ু.পি.দা মেদিকেল কোলেজ মাপলসু শঙ্গারগনি

পি.এম.না বরানাসিদা লুপা কোতি ৫২০০ হেন্না চংবা চাউখৎ থৌরাংগী প্রোজেক্তশিং শঙ্গারগনি

Posted On: 24 OCT 2021 2:06PM by PIB Imphal

প্রধান মন্ত্রী শ্রী নরেন্দ্র মোদীনা ২০২১গী ওক্তোবরগী ২৫দা উত্তর প্রদেশতা খোঙশানগনি। চাওরাক্না অয়ুক্কী পুং ১০.৩০ তাবা মতমদা উত্তর প্রদেশকী সিদ্ধার্থনগরদা প্রধান মন্ত্রীনা মেদিকেল কোলেজ মাপল শঙ্গাগনি। মসিগী মতুংদা, চাওরাক্না নুংথিলগী পুং ১.২৫ তাবা মতমদা বরানাসিদা, প্রধান মন্ত্রীনা প্রধান মন্ত্রী আত্মানির্ভর স্বাস্থ ভারত য়োজনা হৌদোক্কনি। মহাক্না বরানাসিদা লুপা কোতি ৫২০০ হেন্না চংবা চাউখৎ থৌরাংগী প্রোজেক্তশিংসু শঙ্গাগনি।  

প্রধান মন্ত্রী আত্মানির্ভর স্বাস্থ ভারত য়োজনা (পি.এম.এ.এস.বি.ৱাই.)না লৈবাক শিনবা থুংবগী হেলথকেয়র ইনফ্রাস্ত্রকচরদা মপাঙ্গল কনখৎনবা খ্বায়দগী চাউবা পান-ইন্দিয়া স্কীম অমা ওইগদৌরি। হায়রিবা অসি নেস্নেল হেলথ মিসনগী মথক্তা হাপচিনবনি।  

পি.এম.এ.এস.বি.ৱাই.গী পান্দমদি মরুওইনা খুঙ্গং অমসুং সহরগী মফম অনিমক্তা মরুওইনা চেকশিন থৌরাংগী খুদোংচাবা পীনবা মীয়ামগী ওইবা হেলথ ইনফ্রাস্ত্রকচরগী মরুওইবা মফমশিংদা লৈরিবা অৱাৎপশিং মেনশিনবনি। হায়রিবা অসিনা য়াম্না কন্না মিৎয়েং থম্লিবা রাজ্য ১০দা খুঙ্গংগী হেলথ অমসুং ৱেলনেস সেন্তর ১৭,৭৮৮গী মতেং পীরগনি। মখা তানা, রাজ্য খুদিংমক্তা আর্বান হেলথ অমসুং ৱেলনেস সেন্তর ১১,০২৪ লিংখৎলগনি।  

এক্সক্লুসিব ক্রিতিকেল কেয়র হোস্পিতাল ব্লোক্কী মখাদা, লৈবাক অসিগী দিস্ত্রীক্ত খুদিংগী মীওই লাখ ৫ ক্রিতিকেল কেয়র সর্বিস ফংহল্লগনি, মসিদা লেমহৌরিবা দিস্ত্রীক্তশিং রিফরেল সর্বিসকী মতেংনা কোনশিনগনি।

মীয়াম্না লৈবাক শিনবা থুংবগী নেতৱার্ক্কী খুৎথাংদা পব্লিক হেলথকেয়র সিস্তেমদা দাইগ্নোস্তিক সেন্তর মপুং ফানা ফংহল্লগনি। দিস্ত্রীক্ত খুদিংদা ইন্তিগ্রেতেৎ পব্লিক হেলথ লেব লিংখৎলগনি।

পি.এম.এ.এস.বি.ৱাই.গী মখাদা, হেলথকী অমা, ভাইরোলোজীগী অনৌবা নেস্লেল ইন্সতিত্যুৎ ৪, দবল্যু.ঐচ.ও. খা-নোংপোক এসিয়া রিজনগী রিজনেল রিসর্স প্লেতফোর্ম অমা, বাইওসেফতী লেবেল II লেবোরেতরী ৯, লায়না লাকশিন্নবা অনৌবা রিজনেল নেস্নেল সেন্তর ৫ লিংখৎলগনি।

পি.এম.এ.এস.বি.ৱাই.না পান্দম থম্লিবা অসি মেত্রোপোলিতানগী মফমশিংদা ব্লোক, দিস্ত্রীক্ত, রিজনেল অমসুং নেস্নেলগী থাক্তা সর্বিলেন্স লেবোরেতরীগী নেতৱার্ক অমা শেমগৎতুনা লায়না কুপ্না য়েংনবা আই.তি. শাগৎপনি। পব্লিক হেলথ লেব পুম্নমক শম্ননবা রাজ্য/য়ু.তি.শিংদা ইন্তিগ্রেতেৎ হেলথ ইনফোর্মেসন পোর্তেল অমসু চাউথোকহল্লগনি।

পি.এম.এ.এস.বি.ৱাই.না অমুকসু পান্দম থম্লি মদুদি পব্লিক হেলথ ইম্মর্জেন্সী অমসুং লায়না থোক্লকপদা মতিক চানা খঙদোকপা, থিদোকপা, ঙাকথোকপা অমসুং লান্থেংননবা এন্ত্রী পোইন্তদা অনৌবা পব্লিক হেলথ য়ুনিৎ ১৭ মথৌ তৌহনবা অমসুং হান্না লৈরবা পব্লিক হেলথ য়ুনি ৩৩ মপাঙ্গল কনখৎহনবা অসিনি। হায়রিবা অসিদা পব্লিক হেলথ ইম্মর্জেন্সী লাকপদা ওক্নবা ফ্রন্তলাইন হেলথ ৱার্কর ত্রেন তৌহনবা অসিনি।     

সিদ্ধার্থনগর, ইতাহ, হর্দোই, প্রতাপগর, ফতেপুর, দিওরিয়া, ঘাজিপুর, মির্জাপুর অমসুং জৌনপুর দিস্ত্রীক্ততা লৈরিবা মেদিকেল কোলেজ মীপল শঙ্গাগনি। “দিস্ত্রীক্ত/রিফরেল হোস্পিতালশিংগা লোয়ননা এতেস তৌদুনা অনৌবা মেদিকেল কোলেজ লিংখৎনবা” সেন্তরনা পুথোকপা স্কীমগী মখাদা মেদিকেল কোলেজ ৮ সেঙসন তৌখ্রে অমসুং রাজ্য সরকারনা মশাগী রিসোর্স মখাদা মথৌ তৌবা মেদিকেল কোলেজ ১ জৌনপুরদা শাখ্রে।

কেন্দ্রনা পুথোকপা স্কীমগী মখাদা, খুদোংচাবা অসি আন্দররিজর্ব, শোৎথরবা অমসুং আসা লৈবা দিস্ত্রীক্তশিংদা পীরি।  স্কীম অসিনা পান্দম থম্লিবা অসি হেলথগী থবকশিং ফংহন্নবা, মেদিকেল কোলেজ লিংখৎপদা হান্ননা লৈরিবা মফম চাদবা চুমথোকপা অমসুং দিস্ত্রীক্ত হোস্পিতালগী হান্না লৈরিবা ইনফ্রাস্ত্রকচর মতিক চানা শিজিন্নবা। স্কীম অসিগী ফেজ অহুমগী মখাদা লৈবাক শিনবা থুংনা অনৌবা মেদিকেল কোলেজ ১৫৭কী অয়াবা পীখ্রে, হায়রিবা অসিদা ৬৩ অমা হান্ননা মথৌ হৌখ্রে।

য়ু.পি.গী রাজ্যপাল অমসুং মুখ্য মন্ত্রী অমসুং কেন্দ্রগী হকশেল মন্ত্রীসু থৌরম অসিদা শরুক য়াগনি।

***



(Release ID: 1766174) Visitor Counter : 192