প্রধানমন্ত্রীগী লোইশঙ
azadi ka amrit mahotsav

পি.এম.না কুশিনগর ইন্তর্নেস্নেল এয়রপোর্ত শঙ্গাখ্রে

“কুশিনগর ইন্তর্নেস্নেল এয়রপোর্ত অসি মালেম শিনবা থুংনা লৈরিবা বুদ্ধীস্ত সোসাইতীগী অপাম্ববু ইকাই খুম্নবা অমনি”

“হেন্না ফবা লম্বী-থোং ফাওনহনবা অমসুং ভক্তশিংগী খুদোংচাবা শেমগৎতুনা লোর্দ বুদ্ধাগা মরী লৈনবা মফমশিংদা চাউখৎ থৌরাংগী অখন্নবা মিৎয়েং অমসু থম্লি”

“য়ু.দি.এ.এন. স্কীমগী মখাদা অনৌবা লম্বী ৯০০ হেন্না অয়াবা পীখ্রে, লম্বী ৩৫০ হান্ননা চৎনবা হৌখ্রে। অনৌবা এয়রপোর্ত ৫০ হেন্না অমদি হান্ননা মথৌ তৌদ্রবশিং থবক হৌহনখ্রে”

“উত্তর প্রদেশতা, কুশিনগর এয়রপোর্ত্তগী হান্না মাংওইননা এয়রপোর্ত ৮ থবক হৌখ্রে। লখনৌ, বরানাসি অমসুং কুশিনগরগী মতুংদা জিৱর ইন্তর্নেস্নেল এয়রপোর্ত্তা থবক তৌরি। মদুগী মথক্তা, অয়োধ্যা, অলিগর, অজমগর, তিত্রকুত, মোরাদাবাদ অমসুং শ্রাবস্তিদা এয়রপোর্ত প্রোজেক্তশিং চৎথরি”

“এয়র ইন্দিয়াগী মফমশিংদা ৱারেপ লৌবনা ভারতকী এবিএসন সেক্তরদা অনৌবা শক্তি পীরগনি”

“হন্দক্তা দ্রোন পোলিসী হৌদোকখিবা অসিনা লৌউ-শিংউবদগী হকশেল ফাওবদগীনা দিজাস্তর মেনেজমেন্তদগী দিফেন্স ফাওবগী লমদা পুন্সি-হোংবা য়াবা অওনবা অমা পুরক্লগনি”

Posted On: 20 OCT 2021 11:24AM by PIB Imphal

প্রধান মন্ত্রী শ্রী নরেন্দ্র মোদীনা ঙসি কুশিনগর ইন্তর্নেস্নেল এয়রপোর্ত শঙ্গাখ্রে।

মীতিন অসিদা ৱা ঙাংলদুনা, প্রধান মন্ত্রীনা হায়খি মদুদি ভারত অসি মালেম শিনবা থুংনা লৈরিবা বুদ্ধীস্ত সোসাইতী থাজবশিংগী পুনফম্নি। মহাক্না ঙসি হৌদোকখিবা কুশিনগর ইন্তর্নেস্নেল এয়রপোর্তকী খুদোংচাবা অসি মখোয়গী লাইনিংদা ইকাই খুম্নবা উৎপা অমনি হায়না থমখি। প্রধান মন্ত্রীনা হায়খি, মফম অসি, লোর্দ বুদ্ধদগী মহাপরিনির্ভানাগী লৌশিংনা লাকপা অপুনবা খোঙচৎ অমগী খুদম অমনি। ঙসিদি মসিগী মরুওইবা মফম অসি হকথেংননা মালেমগা শম্নরি, হায়না মহাক্না হায়খি।    

প্রধান মন্ত্রীনা হেন্না ফবা লম্বী-থোং ফাওনহনবা অমসুং ভক্তশিংগী খুদোংচাবা শেমগৎতুনা লোর্দ বুদ্ধাগা মরী লৈনবা মফমশিংদা চাউখৎ থৌরাংগী অখন্নবা মিৎয়েং অমসু থম্লি হায়বা উৎখি। প্রধান মন্ত্রীনা কুশিনগরদা তারিবা শ্রী লঙ্কন ফ্লাইত অমসুং দিলিগেসনশিংবু তরাম্না ওকখ্রে। ঙসি মহারিশি বালমিকিবু মহাক্কী মপোক নুমিৎতা ইকাই খুম্নবা উৎতুনা প্রধান মন্ত্রীনা হায়খি মদুদি লৈবাক অসি সবকা সাথ অমশিং সবকা প্রয়াসকী মতেংগা লোয়ননা সবকা বিকাসকী লম্বীদা চংশিল্লি। “কুশিনগরগী চাউখৎ থৌরাং লৌখৎপা অসি য়ু.পি.অমসুং কেন্দ্র সরকারগী মরুওইনা অহানবা পায়খৎকদবা থবকশিংনি,” হায়না মহাক্না হায়খি।

প্রধান মন্ত্রীনা হায়খি মদুদি তুরিজম অসি ধর্ম্মগী ওইগেরা পোত্থাবগী ওইগেরা, রেল, লম্বী, এয়রৱেজ, ঈশিং-লম্বী, হোতেলশিং, হোস্পিতালশিং, ইন্তর্নেত শম্বা, লু-নানবা, সিৱেজ ত্রীতমেন্ত অমসুং অকোইবদা লু-নান্নবা রিনেৱেবল ইনর্জীগী মপুং ফাবা মতমগা চুনরবা ইনফ্রাস্ত্রকচর মপুংফানা তঙাইফদনা চংই। “পুম্নমক অমগা-অমগা শম্নৈ অমসুং পুম্নমক মতম অমত্তদা চপ মান্ননা থবকশিং তৌমিন্নবা অমা মরু ওইরি। ঙসিদি ভারতনা ২১শুবা চহিচা অসিদা খোঙজং অসিগা লোয়ননা মাংজিল থারি”, হায়না প্রধান মন্ত্রীনা হায়খি।

প্রধান মন্ত্রীনা লাওথোকখি মদুদি য়ু.দি.এ.এন. স্কীমগী মখাদা, অনৌবা লম্বী ৯০০ হেন্না হৌখিবা চহি খরা অসিদা অয়াবা পীখ্রে, মসিগী মনুংদা এয়র সর্বিসনা মাংজৌননা লম্বী ৩৫০গী মথক্তা থবক হৌখ্রে। অনৌবা এয়রপোর্ত ৫০ হেন্না অমদি হান্ননা মথৌ তৌরুদ্রবশিং, থবক হৌখ্রে।

উত্তর প্রদেশতা এয়র কনেক্তিবিতী অমা ওইনা এবিএসন সেক্তরদা চাউখৎ থৌরাংশিং পায়খৎপা অসিনা রাজ্য অসিদা লেপ্পা লৈতনা চাউখৎপা অমা লাক্লি হায়না প্রধান মন্ত্রীনা উৎখি। উত্তর  প্রদেশতা, উত্তর প্রদেশতা, কুশিনগর এয়রপোর্ত্তগী হান্না মাংওইননা এয়রপোর্ত ৮ থবক হৌখ্রে। লখনৌ, বরানাসি অমসুং কুশিনগরগী মতুংদা জিৱর ইন্তর্নেস্নেল এয়রপোর্ত্তা থবক তৌরি। মদুগী মথক্তা, অয়োধ্যা, অলিগর, অজমগর, তিত্রকুত, মোরাদাবাদ অমসুং শ্রাবস্তিদা এয়রপোর্ত প্রোজেক্তশিং চৎথরি।

হন্দক্তা এয়র ইন্দিয়া মফমদা লৌখিবা ৱারেপশিংগী মতাংদা পল্লদুনা, প্রধান  মন্ত্রীনা হায়খি মদুদি খোঙথাং অসিনা  লৈবাক অসিগী এবিএসন সেক্তরদা প্রোফেসন ওইনা তৌবা অমসুং খুদোংচাবা অমসুং তেক্ত-কায়দবদা হান্না মরুওইবা পীবদা মতেং ওইরগনি। “খোঙথাং অসিনা ভারতকী এবিএসন সেক্তরদা অনৌবা ইনর্জী অমা পীরগনি। অসিগুম্বা মপুং ওইবা রিফোর্ম অমনা দিফেন্স এয়রস্পেস্না সিবিলগী শিজিন্নবগীদমক হাংদোক্লগনি” হায়না মহাক্না মখা তাখি। মসিগী খোঙথাং অসিনা এয়রগী লম্বীশিংদা অরাপ্পা হন্থরগনি। প্রধান মন্ত্রীনা মসি অমসু পাউদমখি মদুদি হন্দক্তা হৌদোকখিবা দ্রোন পোলিসীনা লৌউ-শিংউবদগী হকশেল ফাওবদগীনা দিজাস্তর মেনেজমেন্তদগী দিফেন্স ফাওবগী লমদা পুন্সি-হোংবা য়াবা অওনবা অমা পুরক্লগনি।

প্রধান মন্ত্রীনা হায়খি হন্দক্তা হৌদোকখিবা পি.এম. গতিশক্তি- নেস্নেল মাস্তর প্লান্না লৈঙাক অসিদা ফগৎহনবতা নত্তনা চৎথোক-চৎশিনগী পাম্বৈ হায়বদি লম্বী, রেল, এয়র অসিনচিংবা অসি শোইদনা মতেং পীনগনি অমসুং অমনা অমগগী কেপাসিতী হেনগৎহল্লগনি।

***



(Release ID: 1765211) Visitor Counter : 102