অত্মনির্ভর ভারত ফংনবগী খোঙথাং অমা ওইনা অমসুং ইশিংগী সর্কুলর ইকোনোমীগী খুৎথাংদা শহরশিং অসিবু ‘ইশিং মরাং কাইনা ফংহন্নবা’ অমদি ‘সেল্ফ-সস্তেনেবল’ ওইহন্নবগী পান্দমদা ঙসি প্রধান মন্ত্রী শ্রী নরেন্দ্র মোদীনা থৌবুরেল ওইদুনা ফমখিবা কেন্দ্রগী মন্ত্রী-মন্দলনা ২০২৫-২৬ ফাওবা অতল মিসন ফোর রেজুবেনেসন এন্দ আর্বান ত্রান্সফোর্মেসন ২.০(অমরুত ২.০) অয়াবা পীখ্রে৷ শহরগী য়ুমথোংশিংদা ইশিং সপ্লাই অমদি সেনিতেসন সর্ভিসশিং চৎনবা য়াবা মওংদা অমদি মরাং কাইনা ফংহনবা হায়বসিনা লৈবাক্কী প্রাইয়োরিতী অমা ওইরি হায়বসি মন্ত্রী-মন্দলনা খঙই৷ হায়রিবা অসি য়ুংথোং পুম্নমক্তা তোতিগী ইশিং মপুং ফানা ফংহল্লবা, ইশিংগী সোর্সশিং য়োক্তুনা থম্লবা অমদি শিজিন্নরবা ইশিংবু অমুক হন্না রিসাইকল তৌবা অমদি শিজিন্নরবা অমসুং নোংগী ইশিং য়োকশিল্লবা মতম খক্তদা ফংবা ঙমগনি৷ প্রোজেক্ত অসিনা শহরগী য়ুমথোংশিংদা পাইপকী ইশিং ফংহন্দুনা অমদি সিৱরেজ/সেপ্তেজ ফেসিলিতী ফংহন্দুনা পুন্সিগী মহিং লাইথোকহল্লগনি৷

শহর ৫০০দা লৈরিবা প্রজাশিংদা তেপ কন্নেক্সনশিং অমদি সিৱর কন্নেক্সনশিং তৌবিদুনা হিংবগী পুন্সি লাইথোকহন্নবা নেস্নেল ৱাতর মিসনদা ইহান হান্না মীৎয়েং থমদুনা অতল মিসন ফোর রেজুবেনেসন এন্দ আর্বান ত্রান্সফোর্মেসন(এমরুত) ২০১৫গী থা থাদা হৌদোকখি৷ হৌজিক ফাওবদা, য়ুমথোং কোতি ১.১দা তোতিগী ইশিং ফংহনখ্রে অমদি লাখ ৮৫দা সিৱর/সেপ্তেজ কন্নেক্সনশিং ফংহনখ্রে৷ সিৱেজ ত্রিতেদ এম.এল.দি. ৯০৭ অমুক হন্না শিজিন্নবগী প্রোভিজনগা লোইননা এম.এল.দি. ৬,০০০গী সিৱেজ ত্রিমেন্ত কেপাসিতী শেমগৎলি, মসিগী মনুংদা এম.এল.দি. কোপাসিতী ১,২১০ মাংজৌননা শেমগৎখ্রে৷ লম একর ৩,৬০০গী মফম ওইবা পার্ক ১,৮২০ শেমগৎখ্রে, অদুগা অতোপ্পা লম একর ১,৮০০ অমনা য়াম্না কন্না শেমগৎলি৷ হৌজিক ফাওবদা, ফ্লদিং পোইন্ত ১,৭০০ লৌথোকখ্রে৷

অমরুতকী মখাদা ফংখিবা পুক্নিং হুনিংঙাই ওইরবা ত্রাইদশিং অদুদা চংশিল্লতুনা, স্তেত্যুতরী তাউন ৪,৩৭৮ পুম্নমক্তা লৈরিবা য়ুমথোংশিংদা তোতি শমহন্দুনা ইশিং পীবা অসিনা অমরুত ২.০গী পান্দম ওইরি৷ অমরুত শহর ৫০০দা হাউসহোল্দ সিৱরেজ/সেপ্তেজ মেনজমেন্ত ১০০% মনুং চলহন্নবা পান্দম থমখি৷ পাম্লিবা ফলশিং অসি ফংনবা মিসন অসিনা তেপ কন্নেক্সন কোতি ২.৬৮ তৌনবা অমদি সিৱর/সেপ্তেজ কন্নেক্সন কোতি ২.৬৪ তৌনবা পান্দম থম্লি৷

চহি মঙা এফ.ৱাই. ২০২১-২২দগী এফ.ৱাই. ২০২৫-২৬ ফাওবগী ওইনা লুপা কোতি ৭৬,৭৬০গী সেন্ত্রেল সেয়র য়াওনা অমরুত ২.০গী অপুনবা ইন্দিকেতিব আউতলে অসি লুপা কোতি ২,৭৭,০০০নি৷

পোর্তেলদা বেজ তৌবা রোবস্ত তেক্নোলোজী অমদা মিসন অসি য়েংশিল্লগনি৷ প্রোজেক্তশিং অসিসু জিও-তেগ তৌরগনি৷ পেপর-লেস মিসন ওইহন্নবসু হোৎনরগনি৷ শহরশিংনা সিতী বেলেন্স প্লান অমগী খুৎথাংদা মখোয়গী ইশিংগী সোর্সশিং, শিজিন্নবা, তুংগী অৱাৎপা অমদি ইশিং মাংবগী চাং অসি য়েংশিল্লগনি৷ মসিগী মতুং ইন্না, সিতী ৱাতর এক্সন প্লানশিং শেম্লগনি অমদি স্তেত ৱাতর এক্সন প্লান ওইনা পুনশিল্লগনি অমদি হাউজিং অমসুং আর্বান এফিয়র্স মন্ত্রালয়না অয়াবা পীরগনি৷ প্রোজেক্তশিংগী ফন্দশিং অসি কেন্দ্র, রাজ্য অমদি য়ু.এল.বি.শিংনা সেয়র তৌরগনি৷ স্তেত ৱাতর এক্সন প্লানগী মতুং ইন্না রাজ্যদা এলোকেসন তৌরিবা অসিদা বেজ তৌদুনা রাজ্যশিংদা কেন্দ্রগী ফন্দশিং অসি ত্রাঞ্চি অহুমদা থাদোক্লগনি৷

অমরুত ২.০(য়ু.)গী অতোপ্পা মরু ওইবা ফিচরশিংগী মনুং চল্লিবা অদুদি আর্বান ৱাতর সর্ভিসশিং বেঞ্চমার্ক তৌননবগীদমক শহরশিংগী মরক্তা কম্পিতিসন লৈহনবদা হেন্না পুক্নিং থৌগৎকদৌরিবা পে জল সুর্ভেক্সন য়াওরি৷ পব্লিক প্রাইভেৎ পার্তিসিপেসনগী খুৎথাংদা মীওই লাখ তরা হেন্না লৈরিবা শহরশিংদা ১০%গী মমল ওইগদবা প্রোজেক্তশিং শোইদনা চৎনহন্দুনা মার্কেৎ ফাইনান্স মোবিলাইজ তৌনবা মিসন অসিনসু হেন্না পুক্নিং থৌগৎলগনি৷ মিসন অসিনা তেক্নোলোজী সব মিসনগী খুৎথাংদা মালেমদা ইশিংগী সেক্তরদা হৌজিক হৌজিক্কী ওইনা লমজিংলিবা তেক্নোলোজীসু পুরক্লগনি৷ ইশিংগী ইকোসিস্তেমদা ওল্তরপ্রিনরশিং/স্তার্ত অপশিংবু হেন্না পুক্নিং থৌগৎলগনি৷ ইশিং য়োকশিনবগী মতাংদা মীয়ামগী মরক্তা এৱার্নেস শন্দোক্নবা ইনফোর্মেসন এজুকেসন অমসুং কম্ম্যুনিকেসন (আই.সি.ই.) কেম্পেন্দ পাংথোক্লগনি৷

মিসন অনা য়ু.এল.বি.শিংগী ফাইনান্সিয়েল হেল্থ অমদি ৱাতর সেক্যুরিতীদা মীৎয়েং থম্বা রিফোর্ম এজেন্দা অমা লৈ৷ রিসাইকল ৱাতরগী খুৎথাংদা ইশিংগী দিমান্দ ২০% ফংহনবা, নন-রেভেন্যু ইশিং ২০%গী মখাদা হন্থহনবা অমদি ইশিং ইপাকশিং রেজুবেনেত তৌবা অসিনা ইশিংগা মরী লৈনবা অচৌবা রিফোর্মশিং ওইরি৷ প্রোপর্তী তেক্স, য়ুজর চার্জেস অমসুং য়ু.এল.বি.শিংগী ক্রেদিৎকী মগুন হেনগৎহন্নবা রিফোর্মশিং অসিসু অতোপ্পা মরু ওইবা রিফোর্মশিংনি৷ রিফোর্মশিং অসি মাই পাকহন্নবা য়ু.এল.বি.শিংদা ইন্সেন্তিব পীরগনি৷

******