প্রধানমন্ত্রীগী লোইশঙ
পি.এম.না ওক্তোবর ১১দা ইন্দিয়ন স্পেস এসোসিএসন লোঞ্চ তৌগনি
Posted On:
09 OCT 2021 3:41PM by PIB Imphal
প্রধান মন্ত্রী শ্রী নরেন্দ্র মোদীনা ওক্তোবর ১১, ২০২১গী অয়ুক পুং ১১ তাবা মতমদা ভিদিও কনফরেন্সিংগী থোংদা ইন্দিয়ন স্পেস এসোসিএসন (আই.এস.পি.এ.) লোঞ্চ তৌগনি। মহাক্না মরু ওইবা থৌরম অসিদা স্পেস ইন্দস্ত্রীগী মীহুৎশিংগা লোয়ননা ৱারী-ৱাতায়সু শাগনি।
ইন্দিয়ন স্পেস এসোসিএসন (আই.এস.পি.এ.)গী মরমদা
আই.এস.পি.এ. অসি ইন্দিয়ন স্পেস ইন্দস্ত্রীগী অপুনবা মশক তাক্নবা পান্দম থম্লিবা স্পেস অমসুং সেতলাইত কম্পনীশিংগী মকোক থোংবা ইন্দস্ত্রী এসোসিএসন অমনি। মসিনা পোলিসীগী এদভোকেসী তৌগনি অমসুং সরকার অমদি মখোয়গী এজেন্সীশিং য়াওনা ইন্দিয়ন স্পেস দোমেন্দা লৈরিবা স্তেকহোল্দর পুম্নমক্কা থবক তৌমিন্নগনি। প্রধান মন্ত্রীগী আত্মনির্ভর ভারতকী ভিজিনগী মখাদা আই.এস.পি.এ.না ভারতপু আত্মনির্ভর ওইহন্নবা, তেক্নোলোজিদা খুমাং চাউশিনহন্নবা অমসুং স্পেস এরেনাদা মাংজিল থারিবা প্লেয়র অমা ওইহনবদা মতেং পাংগনি।
আই.এস.পি.এ. অসি স্পেস অমসুং স্তেলাইত তেক্নোলোজীশিংদা এদভান্স ওইবা কেপাবিলিতীশিংগা লোয়ননা মাংজিল থারিবা হোম গ্রাউন অমসুং গ্লোবেল কোর্পোরেসনশিংনা রিপ্রজেন্ত তৌই। মখোয়গী ফাউন্দিং মেম্বরশিংদা লার্সন এন্দ তৌব্রো, নেলকো (তাতা গ্রুপ), ৱানৱেব, ভারত্তি এয়র্তেল, মেপমাইইন্দিয়া, ৱালচান্দনগর ইন্দস্ত্রীজ অমসুং অনন্ত তেক্নোলোজী লোমিতেদ য়াওরি। অতৈ মরু ওইবা মেম্বরশিংদা গোদ্রেজ, হুজ ইন্দিয়া, অজিস্তা-বি.এস.তি. এরোস্পেস প্রাইবেত লিমিতেদ, বি.ই.এল. সেন্তম ইলেক্ত্রোনিক্স, মেক্সর ইন্দিয়া য়াওরি।
***
(Release ID: 1762492)
Visitor Counter : 238
Read this release in:
Malayalam
,
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada