રેલવે અને કાપડ રાજ્યમંત્રી શ્રીમતી દર્શના જરદોશે આજે વીડિયો કોન્ફરન્સિંગ દ્વારા 'મિલે સુર મેરા તુમ્હારા' ગીતનું નવું સંસ્કરણ રાષ્ટ્રને સમર્પિત કર્યું. આ ગીતનું નવું સંસ્કરણ રેલવે કર્મચારીઓ અને અધિકારીઓએ તૈયાર કર્યું છે. કાર્યક્રમ દરમિયાન, રેલવે બોર્ડના ચેરમેન અને સીઇઓ, શ્રી સુનીત શર્મા અને વરિષ્ઠ રેલવે અધિકારીઓ પણ હાજર રહ્યા હતા.

આ ગીત રેલવે મંત્રાલય દ્વારા ભારતની સ્વતંત્રતાની 75મી વર્ષગાંઠની ઉજવણી- ‘આઝાદી કા અમૃત મહોત્સવ’ અને ભારતીય રેલવેની સિદ્ધિઓ, વિકાસ અને સમગ્ર ભારતના આધારે એકીકરણ દર્શાવવા માટે હાથ ધરવામાં આવેલી પહેલનો એક ભાગ છે.  

આ પ્રસંગે બોલતા શ્રીમતી દર્શના જરદોશે કહ્યું, “આઝાદી કા અમૃત મહોત્સવના ભાગરૂપે આ ગીત વિવિધતામાં એકતાને રજૂ કરે છે. ગીતનું નવું સંસ્કરણ માત્ર રેલવે કર્મચારીઓને જ નહીં પરંતુ સમગ્ર રાષ્ટ્રને પણ પ્રેરિત કરશે. તે ભવિષ્યની પેઢીઓને પણ પ્રેરણા આપશે.”

આ ગીત 'મિલે સુર મેરા તુમ્હારા' નું નવું સંસ્કરણ છે જે 1988માં સ્વતંત્રતા દિવસ પર પ્રથમ વખત ટેલિકાસ્ટ થયું હતું. મૂળ ગીતના શબ્દો જેમ છે તેમ જાળવી રાખવામાં આવ્યા છે પરંતુ સંગીતને નવા સંસ્કરણમાં રજૂ કરવામાં આવ્યું છે. આ ગીત 13 જુદી-જુદી ભાષાઓમાં ગવાયું છે જેથી તમામ ઝોનલ રેલવેમાં મિત્રતાની લાગણી મળે.

આ ગીત રેલવે કર્મચારીઓ દ્વારા ખાસ ગાવામાં આવ્યું છે. તેમના વિડીયોમાં વિવિધ રેલ્વે કર્મચારીઓ, પ્રખ્યાત રેલવે ખેલાડીઓ, ટોક્યો ઓલિમ્પિક પદક વિજેતા, રેલવે અધિકારીઓ અને માનનીય રેલવે મંત્રી અને માનનીય રેલવે રાજ્ય મંત્રી સામેલ છે.

ગીતની વિડિયો લિંક નીચે આપેલ છે:-

SD/GP/BT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com