প্রধানমন্ত্রীগী লোইশঙ
পি.এম.না এম.পি.দা স্বামিত্বা স্কীমগী বেনিফিসরীশিংগা ৱারী শানখ্রে
পি.এম.না বেনিফিসরী লাখ ১.৭কী মথক্তা ই-প্রোপর্তী কার্দসু য়েন্থোকখ্রে
“খুঙ্গংগী প্রোপর্তী, লম অমসুং য়ুমগী মপুওইবগী রেকোর্দশিং অসিদা চিংনবা অমসুং থাজদবগী থৌওং লৈহন্দবা অসি য়াম্না মরু ওইবনি”
“নিং-খা তম্লবা মতুং দিকেদ কয়া অমা ফাওবা, খুঙ্গংগী চাউখৎপা য়াবশিং অসি ফাজিন্দুনা লৈরি। খুঙ্গংশিং, লম, খুঙ্গংগী মীয়ামগী য়ুমশিং অসিগী শক্তিশিংনা মখোয়গী চাউখৎ থৌরাংগীদমক মপুং ফানা শিজিন্নবা ঙমজদ্রি
“স্বামিত্বা স্কীম অসি মতমগা চুনরবা তেক্নোলোজীগা লোয়ননা খুঙ্গংশিংদা চাউখৎ থৌরাংগীদমক অমসুং থাজবা হেনগৎনবা অনৌবা মন্ত্র অমনি”
“হৌজিক্তি সরকার মশানা লায়রবশিংদা শক্তি পীনবা হোৎনরি”
“দ্রোনশিংনা ভারতপু অনৌবা অৱাংবা থাক অমদা পুখৎপা ঙমগনি”
Posted On:
06 OCT 2021 2:09PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি মধ্য প্রদেশতা স্বামিত্বা স্কীমগী বেনিফিসরীশিংগা লোয়ননা ভিদিও কনফরেন্সকী খুৎথাংদা ৱারী শানখ্রে। থৌরম অসিদা প্রধান মন্ত্রীনা স্কীম অসিগী মখাদা বেনিফিসরী ১,৭১,০০০দা ই-প্রোপর্তী কার্দসু য়েন্থোকখি। কেন্দ্রগী মন্ত্রীশিং, মধ্য প্রদেশকী মুখ্য মন্ত্রী, পার্লিয়ামেন্তকী মেম্বর অমসুং এম.এল.এ.শিং, বেনিফিসরীশিং, খুঙ্গং, দিস্ত্রীক্ত অমসুং রাজ্যগী ওফিসিএলশিংসু থৌরম অসিদা শরুক য়াখি।
হর্দাদগী, হন্দিয়াগী শ্রী পৱনগা উনবদা প্রধান মন্ত্রীনা মহাক্না প্রোপর্তী ফংলবা মতুংদা করি ফাওবগে হায়বগী মরমদা হংখি। শ্রী পৱন্না পাউদমখি মদুদি কার্দ অসিগী মতেংনা মহাক্না লুপা লাখ ২গা লিশিং ৯০গী লোন অমা ফংবা ঙম্লে অমসুং অৱাইবা দুকান অমা অমসুং লোন অসি হান্ননা শিংবা হৌরে। প্রধান মন্ত্রীনা মহাকপু দিজিতেল ত্রান্সসেক্সন হেনগৎহন্নবা হায়খি। শ্রী মোদীনা খুঙ্গং অসিদা দ্রোন শিজিন্নদুনা সর্ভে চৎথরিবা অসিগী মরমদা খুঙ্গং অসিদা থেংনরিবশিংসু খন্নখি। শ্রী পৱন্না কার্দ অসি ফংনবা হোৎনবা লায়না থোকখি অমসুং মহাক্কী পুন্সি অফবা অওনবা অমা উবা ফংলে হায়না হায়খি। প্রধান মন্ত্রীনা হায়খি মদুদি সরকারগী অহানবা খোঙথাং অসি মীয়াম্বু হেন্না নুঙাইবা পুন্সি মহিং অমা লৈহনবা অসিনি হায়খি। প্রধান মন্ত্রীনা দিন্দোরীদগী শ্রী প্রেম সিংহবু পি.এম. স্বামিত্বা স্কীমগী মখাদা প্রোপর্তী কার্দ ফংবগীদমক হরাওবা ফোংদোকখি। প্রধান মন্ত্রীনা দ্রোনগী খুৎথাংদা মেপ্পিং তৌবদা মতম কয়া চংবগে হায়বগী মরমদা হংখি। মহাক্না শ্রী প্রেম সিংহবু প্রোপর্তী কার্দ অসি ফংলবা মতুংদা মহাক্কী তুংগী থৌরাং করি লৈবগে হায়বগী মরমদা হংখি। শ্রী প্রেম্না হায়খি মদুদি হৌজিক মহাক্কী য়ুম পক্কা ওইনা শানবা মহাক্না থৌরাং তৌরে। প্রধান মন্ত্রীনা স্কীম অসিগী মরমদা মহাক্না মতৌ করম্না খঙলকপগে হায়না হংখি। প্রধান মন্ত্রীনা স্বামিত্বা কেম্পেনগী মতুংদা লায়রবশিংগীদমক প্রোপর্তী হক্কী শাফরবা অসিদা অপেনবা ফোংদোকখি।
প্রধান মন্ত্রীনা বুধনী-সেহোরিগী শ্রীমতি বিনীতা বাইবু স্কীম অসিগী খুৎথাংদা প্রোপর্তী কার্দ ফংলবা মতুংদা করি থৌরাং লৈবগে হায়বগী মরমদা হংখি। মহাক্না পাউখুম পীরকখি মদুদি বেঙ্কতগী ফংলিবা লোন অসিনা দুকান অমা হাংনিংবা লৈ হায়খি। মহাক্কী প্রোপর্তীগী তেক্ত-কাইদবা ফাওবা মহাক্না পাউদমখি। প্রধান মন্ত্রীনা হায়খি মদুদি মসিগী স্কীমগী কেসলোদশিং অসি কোর্ত্তা লাক্কনি খুঙ্গংশিং অমসুং লৈবাক অসিনা খুমাং চাউশিনগনি। পি.এম.না মহাকপু অমসুং মহাক্কী ইমুং-মনুংবু নবরাত্রিগীদমক য়াইফ পাউজেল পীখি।
মীতিন অসিদা ৱা ঙাংলদুনা, প্রধান মন্ত্রীনা হায়খি পি.এম. স্বামিত্বা স্কীম হৌদোকখিবদগী বেঙ্কশিংদগী লোন লৌবা হেন্না লাইথোকহল্লে। মহাক্না মধ্য প্রদেশপু স্কীম অসিবু য়াম্না থুনা শিজিন্নবা হৌবগীদমক থাগৎপা ফোংদোকখি। ঙসিদি রাজ্য অসিগী খুঙ্গং ৩০০০দা ইমুং লাখ ১.৭০ কার্দশিং ফংলে। মহাক্না হায় মদুদি কার্দ অসিনা মখোয়গী নুঙাই য়াইফবগী ভেহিকল অমা ওইগনি।
প্রধান মন্ত্রীনা হায়খি ভারতকী থৱাই অসি খুঙ্গংদা লৈ হায়না য়াম্না তোইনা হায়রবসু, অদুম ওইনমক, নিংখা তম্লবা মতুং দিকেদ কয়া অমা ফাওবদা, খুঙ্গংগী চাউখৎপা য়াবশিং অসি ফাজিন্দুনা লৈরি। খুঙ্গংশিং, লম, খুঙ্গংগী মীয়ামগী য়ুমশিং অসিগী শক্তিশিংনা মখোয়গী চাউখৎ থৌরাংগীদমক মপুং ফানা শিজিন্নবা ঙমজদ্রি। মসিগী ওন্নবদা, খুঙ্গংশিং অসিগী মীয়ামগী ইনর্জী, মতম অমসুং শেন-থুম অসি মরৈ-তৌনবা, খৎনবা, খুঙ্গংগী লম অমসুং য়ুমশিং আইন্ন য়াদনা লৌশিন্দুনা মাংহন্দুনা লৈরি। মসিগী চরক-চহিংনবা অসিদা মহাত্মা গান্ধীনসু কয়াদা ৱাজখিবা অদুবু নিংশিংখি অমসুং মহাক্না মুখ্য মন্ত্রী ওইরিঙৈদা গুজরাত্তা ‘সম্রাস গ্রাম পঞ্চায়ত য়োজনা’বু শিজিন্নখিবা মহাক্না নিংশিংখি।
প্রধান মন্ত্রীনা খুঙ্গংশিংবু কোরোনা মনুংদা মখোয়না পাংথোকখিবা থবকশিংগীদমক থাগৎপা ফোংদোকখি। মতৌ করম্না ভারত্তা লৈরিবা খুঙ্গংশিংনা অমত্তা ওইনা পান্দম অমদা পুন্না হোৎনদুনা লায়চৎ অসিবু মুথৎনবা হোৎনখিববু মহাক্না পনখি। মহাক্না মখা তাখি মদুদি ভারত্তা লৈরিবা খুঙ্গংশিংনা চেকশিন-থৌরাং লৌখৎতুনা হায়বদি তোঙান্না লৈনবা শিল-লাংবা অমসুং চান-থক্নবা শিল-লাংবা অমসুং মপালদগী লাকপা মীওইগীদক তৌবা থবকশি অমসুং ভেক্সিনেসনগী থৌরমশিং ইনবদা মাংজিল থাদুনা চৎলি। প্রধান মন্ত্রীনা হায়খি মদুদি খুঙ্গংশিংনা লায়চৎ অসিবু লুরবা মতমদা লাকশিন্নবা য়াম্না চাউরবা থৌদাং কয়া অমা লৌখি।
প্রধান মন্ত্রীনা লৈবাক অসিগী খুঙ্গংশিং, খু্ঙ্গংগী প্রোপর্তী, লম অমসুং য়ুমগী রেকোর্দশিং অসি চিংনবা অমসুং থাজদবা অসিদগী নান্থোক্নবা মরুওইবা পীরি। মহাক্না মখা তাখি মদুদি পি.এম. স্বামিত্বা য়োজনা অসিনা খুঙ্গংগী ঐখোয়গী ইচিল ইনাওশিং অসিদা য়াম্না চাউবা থৌনা অমা হাপ্লগনি।
প্রধান মন্ত্রীনা হায়খি মদুদি স্বামিত্বা স্কীম অসি প্রোপর্তী দোক্যুমেন্ত পীবা স্কীম অমা খক্তা নত্তে অদুবু মতমগা চুনরবা তেক্নোলোজীগা লোয়ননা খুঙ্গংশিংদা চাউখৎ থৌরাংগীদমক অমসুং থাজবা হেনগৎনবা অনৌবা মন্ত্র অমনি। “সর্ভেগীদমক খুঙ্গং অমসুং লোকেলিতীশিংদা পাইরিবা উরান খতোলা (দ্রোন) অসিনা ভারতকী খুঙ্গংশিংদা অনৌবা ফ্লাইত অমা পীরি,” হায়না মহাক্না হায়খি।
প্রধান মন্ত্রীনা হায়খি সরকারনা চহি ৬-৭ অসিদা হোৎনরিবা অসি লায়রবশিংনা কনা অমত্তদা মীখা পোন্দনবনি। হৌজিক্তি, অপিকপা লৌমীশিংগী তঙাইফদবা য়েংদুনা পি.এম.কিসান সম্মান নিধিগী মখাদা লৌমীশিংগী বেঙ্ক একাউন্তদা হকথেংননা শেল থাজিল্লি, হায়না মহাক্না হায়খি। লায়রবশিংনা করিগুম্বা অমগীদমক সরকারগী ওফিসশিংদা কোইচেন চেনবগী মতম অদু হৌখ্রে হায়না শ্রী মোদীনা হায়খি। হৌজিক্তি সরকার মশামক লাক্তুনা লায়রবশিংদা শক্তি পীরি। মহাক্না মসি অমসু হায়খি মুদ্রা য়োজনানা কোলেতরেল য়াওদনা মীয়ামদা লোন পীরিবা অসি খুদম অমনি। মহাক্না হায়খি হৌখিবা চহি ৬ অসিদা লুপা কোতি লাখ ১৫গী শেনফম ওইগদবা লোন চাওরাক্না কোতি ২৯লোম মীয়ামদা অয়াবা পীখি। মহাক্না হায়খি ঙসিদি লৈবাক অসিদা সেলফ-হেলপ গ্রুপ লাখ ৭০ অমা থবক তৌরি অমসুং জন ধন একাউন্তগী খুৎথাংদা নুপীশিংনা বেঙ্কশিংগা শম্নরি। মহাক্না মসি অমসু পনখি মদুদি সেলফ-হেলপ গ্রুপশিংদা কোলেতরেল য়াওদনা লুপা লাখ ১০দগীনা লাখ ২০ ফাওবা লোনগী অকক্নবা হেনগৎনবা ৱারেপ লৌখ্রে। মসিগা মান্ননা, স্বানিধি স্কীমগী মখাদা স্ত্রীত বেন্দর লাখ ২৫ হেন্না লোন ফংখ্রে।
প্রধান মন্ত্রীনা হন্দক্তা হায়খি, লৌমীশিং, পেসেন্তশিং অমসুং হঞ্জিন্দুনা লৈবা মফমশিংদা দ্রোন তেক্নোলোজীগী কান্নবা অঙম্বা থাক্তা ফংহন্নবা পোলিসী কয়া অমা ৱারেপ লৌখ্রে। মতমগা চুনরবা দ্রোনশিং ভারত্তা মশিং য়াম্না শানবা অমসুং ভারতনা মসিগী মরুওইবা লম অসিদা মরোমদোম লেপচবা ঙম্নবা ভারত্তা দ্রোন পুথোক্নবগী পুক্নিং থৌগৎনবা পি.এল.আই. স্কীম অমসু লাওথোকখ্রে। প্রধান মন্ত্রীনা সাইন্তিস্তশিং, ইঞ্জিনিয়রশিং, সোফৱায়র শাগৎপশিং অমসুং স্তার্তঅপ এন্ত্রেপ্রিন্যুরশিংদা চোংথোরক্তুনা ভরত্তা অহোংবা মখলগী দ্রোন শানবা হায়খি। “দ্রোনশিংনা ভারতপু অনৌবা অৱাংবা থাক অমদা পুখৎপা ঙমগনি” হায়না মহাক্না মখা তাখি।
***
(Release ID: 1761497)
Visitor Counter : 237
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam