হকশেল অমসুং য়াইফ-য়ুম্বাল মন্ত্রালয়
azadi ka amrit mahotsav

হকশেল মন্ত্রালয়না ‘মেন্তেল হেল্থ এৱার্নেস কেম্পেন্দ ৱীক’ লোঞ্চ তৌখ্রে

ফিজিকেল হেল্থ অমদি ৱেল্নেসতা য়াম্না তঙাই ফদ্রিবা মেন্তেল হেল্থগী মরু ওইরিবা অদু শ্রী মন্সুখ মন্দাবিয়ানা পনখ্রে

Posted On: 05 OCT 2021 5:36PM by PIB Imphal

ঙসি মফম অসিদা, হকশেল অমদি য়াইফ-য়ুম্বালগী কেন্দ্রগী মন্ত্রী শ্রী মন্সুখ মন্দাবিয়ানা ফিজিকেল হেল্থ অমদি ৱেল্নেসতা য়াম্না তঙাই ফদ্রিবা মেন্তেল হেল্থদা মীৎয়েং চংনবা হায়খ্রে৷ ঙসিদগী হৌদুনা মালেমগী মেন্তেল হেল্থ নুমিৎতা লোইশিনগদৌরিবা মেন্তেল হেল্থ এৱার্নেস কেম্পেন্দ কেম্পেন্দ ৱীক হকশেল অমসুং য়াইফ-য়ুম্বালগী কেন্দ্রগী মন্ত্রালয়না পাংথোক্লি৷ মেন্তেল হেল্থ ইসুশিংগী মতাংদা এৱার্নেস পীনবা অমদি মেন্তেল হেল্থ সপোর্ত তৌনবা ময়াম পুম্না হোৎনমিন্ননবা ওক্তোবর ১০ অসি মালেম শিনবা থুংনা মালেমগী মেন্তেল হেল্থ নুমিৎ হায়না পাংথোক্লি৷

হন্দক চহিগী মালেমগী মেন্তেল হেল্থ নুমিৎ অসিদি কোবিদ-১৯না মরম ওইরগা নোংমগী পুন্সি মরেলশিংদা চাওনা অহোংবা লাকহনখ্রবা মতম অসিদা তারি৷ মসিনা মরম ওইদুনা মীয়ামগী মরক্তা তোঙান তোঙানবা মেন্তেল হেল্থ কন্সর্নশিং লাকখ্রে৷ কেন্দ্রগী হকশেল মন্ত্রীগী লুচিং মখাদা, মেন্তেল দিসওদরশিংবু কোইশিন্দুনা থম্লিবা স্তিগমা অমা থুগাইনবা মীয়াম শরুক য়াহনবদা পুক্নিং থৌগৎপনা পান্দম অমা ওইদুনা মেন্তেল হেল্থ এৱার্নেস কেম্পেন্দ ৱীক পাংথোক্লি৷

মেন্তেল হেল্থ এৱার্নেস কেম্পেন্দ ৱীক্কীদমক পাংথোক্কদৌরিবা থবক থৌরমশিংগী শরুক ওইনা, হকশেল অমসুং য়াইফ-য়ুম্বাল অমদি কেমিকেল অমসুং ফর্তিলাইজর্সকী কেন্দ্রগী মন্ত্রী, শ্রী মন্সুখ মন্দাবিয়ানা ঙসি য়ুনিসেফকী স্তেত ওফ দি ৱার্ল্দস চিল্দ্রেন রিপোর্ত রিলিজ তৌখি৷ ২১শুবা চহি চাদা লৈরিবা অঙাংশিং, ইনখৎলক্লিবা নহাশিং অমদি কেয়রগিবরশিংগী মেন্তেল হেল্থদা রিপোর্ত অসিনা কুপথনা পল্লি৷ রিপোর্ত অসিদা পনখিবগী মতুং ইন্না, কোবিদ-১৯ লাইনা-লাইচৎনা অঙাংশিংগী মেন্তেল হেল্থদা য়াম্না মরু ওইবা শাফু অমা পীখ্রে৷

মেন্তেল হেল্থ এৱার্নেস কেম্পেন্দ ৱীক্কী মখাদা পাংথোক্কদৌরিবা অতোপ্পা থবক থৌরমশিংগী মনুং চল্লিবশিং অদুদি এজুকেস্নেল ইন্সতিত্যুসনশিং অমদি অতোপ্পা চানবা ওর্গনাইজেসনগা খুৎশম্নরগা বেঙ্গলুরুদা লৈরিবা এন.আই.এম.ঐচ.এ.এন.এস.না ভর্চুএল এৱার্নেস ৱার্কশোপশিং পাংথোকপা, দিল্লীগী তোঙান তোঙানবা মফমশিংদা সাইকল রেল্লীশিং পাংথোকপা, গ্রীন রিবোন কেম্পেন্দ, রিজনেল লোনশিংদা শোর্ত ফিল্ম রিলিজ তৌবা, #breakthestigma hashtag campaign লোঞ্চ তৌবা অমদি মেন্তেল হেল্থগী মরমদা ক্বুইজ/ স্লোগান কম্পিতিসনশিং পাংথোকপা অসিনি৷

*****



(Release ID: 1761224) Visitor Counter : 74