প্রধানমন্ত্রীগী লোইশঙ
azadi ka amrit mahotsav

পি.এম.না লখনৌদা ‘আজাদি@৭৫ – ন্যু অর্বান ইন্দিয়া: ত্রান্সফোর্মিং অর্বান লেন্দস্কেপ’ কনফরেন্স-কম-এক্সপো হৌদোকখ্রে

পি.এম.না উত্তর প্রদেশকী জিলা ৭৫গী বেনিফিসিয়রী ৭৫,০০০দা প্রধান মন্ত্রী অৱাজ য়োজনা -অর্বান (পি.এম.এ.ৱাই.-য়ু.)গী য়ুমশিংগী শোশিং খুৎশিন্নখ্রে

স্মার্ত সিতীজ মিসন অমসুং অমৃতকী মখাদা উত্তর প্রদেশতা অর্বান দিবেলপমেন্ত প্রোজেক্ত ৭৫ শঙ্গাগখ্রে/উরেপ উয়ুং তমখ্রে

এস.এ.এম.ই.-IIগী মখাদা লখনৌ, কানপুর, বারানসি, প্রয়াগরাজ, গোরাখপুর, ঝান্সি অমসুং ঘাজিয়াবাদকী বস ৭৫ লমথাখ্রে

লখনৌদা লৈবা বাবাসাহেব ভিমরাও অম্বেদকর য়ুনিভর্সিতী (বি.বি.এ.য়ু.) দা শ্রী অতল বিহারি বাজপায়ী চিয়র অমা শেমগৎপগী মতাংদসু লাউথোকখ্রে

অগ্রা, কানপুর অমসুং লালিতপুরদগী বেনিফিসিয়রী অহুমগা লোয়ননা ইচম-চম্না, শিল-লাংবা য়াওদনা ৱারী-ৱাতায় শাবগী থৌরম অমা পাঙথোকখ্রে

“পি.এম.এ.ৱাই.গী মখাদা শহরশিংদা হাউসিং য়ুনিত করোর ১.১৩ হেন্না শাখ্রে, অমসুং মসিগী মনুংদা য়ুম লাখ ৫০ হেনবদি শাবা লোইশিনখ্রে অমসুং লায়রবশিংদা খুৎশিন্নখ্রে”

“পি.এম.এ.ৱাই.গী মখাদা লৈবাক অসিদা য়ুম করোর ৩রোম শাখ্রে, অদোম্না মদুগী অচংমল অদুমক খঙলম্লগনি। মীওইশিং অসি ‘লাখপতি’ ওইরবনি”

“ঙসি ঐখোয়না ‘পহলে আপ’ – তেক্নোলোজী ফার্স্ত হায়রগনি”

“অর্বান বোদীশিংনা এল.ই.দি. স্ত্রীত লাইৎ

Posted On: 05 OCT 2021 1:32PM by PIB Imphal

প্রধান মন্ত্রী, শ্রী নরেন্দ্র মোদীনা ঙসি লখনৌদা আজাদি@৭৫ – ন্যু অর্বান ইন্দিয়া: ত্রান্সফোর্মিং অর্বান লেন্দস্কেপ’ কনফরেন্স-কম-এক্সপো হৌদোকখ্রে। থৌরম অদুদা কেন্দ্র মন্ত্রীশিং শ্রী রাজনাথ সিংহম শ্রী হর্দীপ পুরি, শ্রী মহেন্দ্র পন্দে, শ্রী কৌশল কিশোর, উত্তর প্রদেশকী রাজ্যপাল শ্রীমতি অনন্দিবেন পতেল অমসুং উত্তর প্রদেশকী মুখ্য মন্ত্রী য়োগি অদিত্যানাথনা শরুক য়াখি।

প্রধান মন্ত্রীনা উত্তর প্রদেশকী জিলা ৭৫দা লৈবা বেনিফিসিয়রী ৭৫,০০০দা প্রধান মন্ত্রী অৱাজ য়োজনা – অর্বান (পি.এম.এ.ৱাই.-য়ু)গী য়ুমশিংগী শো দিজিতেল ওইনা খুৎশিন্নখ্রে অমসুং উত্তর প্রদেশতা স্কীম অসিগী বেনিফিসিয়রীশিংগা লোয়ননা ভর্চ্যুএল ওইনা ৱারী ৱাতায়সু শাখ্রে। মহাক্না স্মার্ত সিতীজ মিসন অমসুং অমৃতকী মখাদা উত্তর প্রদেশতা অর্বান দিবেলপমেন্ত প্রোজেক্ত ৭৫ শঙ্গাগখ্রে/উরেপ উয়ুং তমখ্রে; লখনৌ, কানপুর, বারানসি, প্রয়াগরাজ, গোরাখপুর, ঝান্সি অমসুং ঘাজিয়াবাদ য়াওনা শহর তরেৎতা এস.এ.এম.ই.-IIগী মখাদা বস ৭৫ লমথাখ্রে; ভারত সরকারগী হাউসিং অমসুং অর্বান এফিয়র্স মন্ত্রালয়গী তোঙান-তোঙানবা ফ্লেগশিপ মিসনশিংগী মখাদা প্রোজেক্ত ৭৫ ইমপ্লিমেন্ত তৌবা য়াওরিবা কোফী তেবল বুক অমা ফোঙখ্রে। প্রধান মন্ত্রীনা লখনৌদা লৈবা বাবাসাহেব ভিমরাও অম্বেদকর য়ুনিভর্সিতী (বি.বি.এ.য়ু.) দা শ্রী অতল বিহারি বাজপায়ী চিয়র অমা শেমগৎপগী মতাংদসু লাউথোকখ্রে।

অগ্রাদগী শ্রীমতি ভিমলেশকা লোয়ননা ৱারী-ৱাতায় শাবদা প্রধান মন্ত্রীদা বেনিফিসিয়রীনা মহাক্না পি.এম. অৱাজ লোয়ননা গ্যাস সিলিন্দর, তোইলেত, ইলেক্ত্রিসিতি, ৱাতর কনেক্সন অমসুং রাশন কার্দ অসিনচিংবা অতৈ স্কীমশিংগী কান্নবা ফংলি হায়না ফোঙদোকখি। প্রধান মন্ত্রীনা মঙোন্দা সরকারগী স্কীমশিংগী কান্নবা লৌনবা অমদি মহাক্কী অঙাংশিং মরু ওইনা মচানুপীশিংবু মহৈ তমহন্নবসু হায়খ্রে।

কানপুরদগী রাম জানকিজীগা ৱারী শারদুনা প্রধান মন্ত্রীনা শঙ্গোম য়োনবা অসিদা মহাক্না স্বামিত্বা য়োজনাগী কান্নবশিং লৌবরা হায়না হঙখি। বেনিফিসিয়রীনা মহাক্না লুপা লিশিং ১০গী লোন অমা ফংই অমদি মদু মহাক্কী বিজিনেস্তা ইনভেস্ত তৌখি হায়না পাউখুম পীখি। প্রধান মন্ত্রীনা মহাক্কী বিজিনেস অদুগী দিজিতেল ত্রাঞ্জেক্সনশিং হেনগৎহনবা হায়খ্রে।

প্রধান মন্ত্রীনা লালিতপুরদগী পি.এম. অৱাজ য়োজনাগী বেনিফিসিয়রী শ্রীমতি বাবিতাদা মহাক্কী পুন্সি মহীং অমসুং স্কীম অসিগী মতাংদা থেংনবা অৱা-নুংঙাইগী মতাংদা হঙখি। মহাক্না হায় জন ধন একাউন্তনা বেনিফিসিয়রীশিংদা শেল হকথেংননা থাবদা মতেং পাংখি। তেক্নোলোজীনা অয়াম্বনা লায়রবশিংদা মতেং পাংখি, হায়না মহাক্না ফোঙদোকখি। প্রধান মন্ত্রীনা মঙোন্দা স্বামিত্বা য়োজনাগী কান্নবশিং লৌনবা হয়খি। প্রধান মন্ত্রীনা বেনিফিসিয়রীশিংগা লোয়ননা য়াম্না চম্না অমসুং হরাও তয়াম্না ৱারী শাখি। ৱারী-ৱাতায় শানবগী থৌরম অসি ইচম-চম্না অমসুং নুংঙাইবা মওংদা চত্থখি।

মীতিন অদুদা ৱা ঙাংলদুনা প্রধান মন্ত্রীনা হায়খি য়ুম অমগী লন-থুম পুম্নমক ইমুং অদুগী নুপাগী মমিংদা লৈগদবনি হায়বা অসি শেমদোকপা খরা মথৌ তাই অমসুং অফবা খোঙথাং অমা ওইনা পি.এম. অৱাজ য়োজনাগী মখাদা য়ুমশিংগী চাদা ৮০দি ইমুং আদুগী নুপীগী মমিংদা নত্ত্রগা জোইন্ত ওনর ওইনা লৈরি।

প্রধান মন্ত্রীনা লখনৌনা অতল বিহারি বাজপায়ীগুম্বা লৈবাক্কী মীৎয়েং শান্না উবা ঙম্বা, ইমা ভারতকীদমক মপুং ফানা কত্থোক্লমখিবা মীশক অমা পীবিবগীদমক থাগৎপা ফোঙদোকখি। “ঙসি, মহাকপু নীংশিংবা ওইনা লৈবা বাবাসাহেব ভিমরাও অম্বেদকর য়ুনিভর্সিতী (বি.বি.এ.য়ু.) দা শ্রী অতল বিহারি বাজপায়ী চিয়র অমা শেমগৎখ্রে”, হায়না মহাক্না লাউথোকখি।

প্রধান মন্ত্রীনা পি.এম. অৱাজ য়োজনাগী মখাদা শাখিবা য়ুমশিংগী মশিং অসি মমাংদা লৈরম্বা মশিংদগী চাউনা হেনগৎখ্রে হায়না ফোঙদোকখ্রে। মহাক্না হায় শহরশিংদা হাউসিং য়ুনিত করোর ১.১৩ হেন্না শাখ্রে, অমসুং মসিগী মনুংদা য়ুম লাখ ৫০ হেনবদি শাবা লোইশিনখ্রে অমসুং লায়রবশিংদা খুৎশিন্নখ্রে। প্রধান মন্ত্রীনা হায়খি স্লমদা লৈরিবা অমসুং পক্কাগী য়ুম অমা লৈজদবা অর্বান্দা লৈরিবা লায়রবা মীওইশিংগী ইমুং করোর অহুমদা করোরপতি ওইনবগী খুদোংচাবা পীখি। “প্রধান মন্ত্রী অৱাজ য়োজনাগী মখাদা লৈবাক অসিদা য়ুম করোর ৩রোম শাখ্রে, অদোম্না মদুগী অচংমল অদুমক খঙলম্লগনি। মীওইশিং অসি লাখপতি ওইরবনি” হায়না শ্রী মোদীনা ফোঙদোকখি।  প্রধান মন্ত্রীনা য়ু.পি.দা হৌজিক তৌরিবা দিস্পেন্সেসন অসিগী মমাংদা মমাংগী সরকারশিংনা স্কীমশিং অসি ইমপ্লিমেন্ত তৌবদা পন্থদুনা লৈরমখি, য়ুম ১৮০০০ হেন্না এপ্রুব তৌবদা মতম অদুদ শুপ্নগী য়ুম ১৮ ফাওবা শাবা লোইরমদে হায়না প্রধান মন্ত্রীনা ফোঙদোকখি। মহাক্না হায়খি য়োগি অদিত্যানাথকী মখাদা হৌজিক পাল্লিবা সরকার অসিনা শক্তি পাইরক্লবা মতুংদা অর্বানগী লায়রবশিংদা হাউসিং য়ুনিত লাখ ৯ হেন্না খুৎশিন্নখি অমসুং য়ুনিত লাখ ১৪না কনস্ত্রক্সনগী তোঙান-তোঙানবা স্তেজতা লৈরি। য়ুমশিং অসিদা মতমগা চুনরবা খুদোংচাবশিংসু য়াওরি।

প্রধান মন্ত্রীনা সরকার অসিনা অর্বান মিদল ক্লাসকী অৱাবশিং অমসুং শীংনবশিং অসি কোকহন্নবা য়াম্না কন্না হোৎনরি হায়না ফোঙদোকখি। রিএল ইস্তেৎ রিগ্যুলেতরী ওথোরিতী (আর.ই.আর.এ.) অসি অসিগুম্বা অচৌবা খোঙথাং অমনি। লো অসিনা অপুনবা হাউসিং সেক্তরবু থাজবা ৱাৎপা অমসুং নমথাক তৌবদগী ঙাকথোকপদা মতেং পাংখি অমসুং স্তেকহোল্দর পুম্নমক্তা শক্তি পীবদা মতেং পাংখি।

প্রধান মন্ত্রীনা হায়খি অর্বান বোদীশিং অসিনা এল.ই.দি. স্ত্রীত লাইৎশিং ইন্সতোল তৌদুনা চহি খুদিংগী লুপা করোর ১০০০ তুংশিনবসু ঙমহল্লি। হৌজিক্তি শেনফম অসি অতৈ চাউখৎ-থৌরাংগী থবকশিংদা শীজিন্নরি হায়না মহাক্না ফোঙদোকখি। মহাক্না মখা তারদুনা হায়খি এল.ই.দি.না শহরদা লৈরিবা মীয়ামগী ইলেক্ত্রিসিতি বিল চাউনা হন্থহল্লি।

প্রধান মন্ত্রীনা হায়খি ভারত্তা হৌখিবা চহি ৬-৭ অসিদা তেক্নোলোজীনা মরম ওইরগা অর্বান সেক্তরদা অচৌবা অওনবা অমা লাকখি। তেক্নোলোজী অসি ঙসি লৈবাক অসিগী শহর ৭০ হেনবদা চল্লাইরিবা ইন্তিগ্রেতেদ কম্মান্দ অমসুং কন্ত্রোল সেন্তরশিংগী য়ুম্ফম ওইরি। “ঙসি ঐখোয়না ‘পহলে আপ’ – তেক্নোলোজী ফার্স্ত হায়রগনি”, হায়না চৎনবী-নাৎকীদমক মমিং লৈরবা শহর অমদা প্রধান মন্ত্রীনা ফোঙদোকখ্রে।

প্রধান মন্ত্রীনা হায়খি, পি.এম. স্বনিধি য়োজনাগী মখাদা স্ত্রীত ভেন্দরশিংবু মখোয়গী বেঙ্কশিংগা লিঙ্ক তৌখি। স্কীম অসিগী খুত্থাংদা বেনিফিসিয়রী লাখ ২৫ হেনবদা লুপা করোর ২৫০০ হেনবগী মতেং ফংহনখ্রে। মসিদগী য়ু.পি.গী বেনিফিসিয়রী লাখ ৭ হেনবনা স্বনিধি য়োজনাগী খুদোংচাবা লৌখি। মহাক্না ভেন্দরশিংনা দিজিতেল ত্রাঞ্জেক্সনশিং তৌবগীদমক থাগৎপা ফোঙদোকখ্রে।

মন্ত্রীনা হায়খি ঙসি, ইন্দিয়া মেত্রো সর্ভিস অসি লৈবাক অসিগী অচৌবা শহরশিংদা খুমাং য়াংনা পাকথোক-চাউথোক্লি। ২০১৪দা মেত্রো সর্ভিস অসি রুৎকী অশাংবা কি.মি. ২৫০দগী তানা চেল্লমখি, ঙসি মেত্রো অসি রুৎকী অশাংবা কি.মি. ৭৫০রোম ওইরি। মহাক্না মখা তারদুনা হায়খি লৈবাক অসিদা হৌজিক মেত্রো ত্রেক্কী কিমি ১০০০ হেনবগী লৈবাক অসিদা থবক পাইখৎলি।

 

***



(Release ID: 1761104) Visitor Counter : 177