୨୦୧୯ ଅଗଷ୍ଟରେ ଜାତୀୟ ଜଳଜୀବନ ମିଶନ ଘୋଷଣା ହେବା ପରେ ଇତିମଧ୍ୟରେ ମାତ୍ର ୨୫ମାସ ମଧ୍ୟରେ ଦେଶବ୍ୟାପୀ ୨୫କୋଟିରୁ ଅଧିକ ପରିବାରକୁ ପାଣି ଟ୍ୟାପ୍ ସଂଯୋଗ ଯୋଗାଇ ଦିଆଯାଇଛି । କୋଭିଡ ମହାମାରୀର ପ୍ରଭାବ ଓ ତତ୍‌ଜନୀତ ଲକ୍‌ଡାଉନ ଓ ଅନ୍ୟାନ୍ୟ ଅସୁବିଧା ସତ୍ତ୍ୱେ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ସମୂହ ନିରନ୍ତରଭାବେ ଏହି ଯୋଜନାକୁ କାର୍ଯ୍ୟକାରୀ କରୁଛନ୍ତି ।

ଲୋକଙ୍କ ଘରେ ପାନୀୟଜଳ ପାଇପ ଯୋଗେ ପହଞ୍ଚିପାରୁଥିବାରୁ ମହିଳା ଓ ଝିଅମାନଙ୍କର ପାଣି ସଂଗ୍ରହ ଜନିତ ଚିନ୍ତା ଦୂର ହେଉଛି । ସେମାନେ ଏହା ଦ୍ୱାରା ଯେଉଁ ସମୟ ବଞ୍ଚାଉଛନ୍ତି ତାହାକୁ ଅନ୍ୟାନ୍ୟ ରୋଜଗାର ମାର୍ଗରେ ବିନିଯୋଗ କରୁଛନ୍ତି । ଝିଅମାନେ ମଧ୍ୟ ପାଠପଢା ଓ ଦକ୍ଷତା ବିକାଶ ପାଇଁ ଅଧିକ ସମୟ ଦେଇପାରୁଛନ୍ତି ।

ଏହି ମିଶନ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ୨୦୧୯ ଅଗଷ୍ଟ ୧୫ରେ ଘୋଷଣା କରାଯାଇଥିଲା । ଦେଶର ପ୍ରତ୍ୟେକ ପରିବାରକୁ ଟ୍ୟାପ ୱାଟର ସଂଯୋଗ ଯୋଜନାର ଲକ୍ଷ୍ୟ । ଯୋଜନାର ଆରମ୍ଭ ପୂର୍ବରୁ  ଗ୍ରାମଂଚଳରେ ୧୮.୯୩କୋଟି ପରିବାର ମଧ୍ୟରୁ ମାତ୍ର ୧୭ଶତାଂଶ ବା ୩.୨୩ କୋଟି ଘରକୁ ପାଇପ୍ ଜଳ ସଂଯୋଗ ବ୍ୟବସ୍ଥା ଥିଲା । ତେଣୁ ୨୦୨୪ ସୁଦ୍ଧା ମୋଟ ୧୫.୭୦କୋଟି ପରିବାରକୁ  ପାଇପ ଜଳ ଯୋଗାଇବା ଲକ୍ଷ୍ୟ ଧାର୍ଯ୍ୟ କରାଯାଇଛି । ଏହି ଯୋଜନାରେ ଗ୍ରାମ ଓ ସହରାଞ୍ଚଳରେ ୧୯କୋଟିରୁ ଅଧିକ ପରିବାର ଉପକୃତ ହେବେ ।

ଆଜି ସୁଦ୍ଧା ଗ୍ରାମାଞ୍ଚଳରେ ୪୩% ବା ମୋଟ ୮.୨୬ କୋଟି ପରିବାରକୁ ପାଇପ ଜଳ ଯୋଗାଣ ବ୍ୟବସ୍ଥା କରାଯାଇଛି । ଏହି ଯୋଜନାର ମୂଳଲକ୍ଷ୍ୟ ହେଲା ସମସ୍ତଙ୍କୁ ଜଳ ନିରାପତ୍ତା ଯୋଗାଇ ଦେବା ଓ ଏଥିରୁ କେହି ଯେପରି ବାଦ ନ ପଡନ୍ତି ତାହାକୁ ନିଶ୍ଚିତ କରିବ । ଦେଶର ୭୮ଟି ଜିଲ୍ଲାରେ ୧. ୧୬ ଲକ୍ଷ ଗାଁକୁ ଏବେ ଟ୍ୟାପ ପାଣି ମିଳୁଛି । ଏହାଛଡା ସବୁ ସ୍କୁଲ, ଅଙ୍ଗନବାଡି, ହଷ୍ଟେଲ ଓ ଅନ୍ୟାନ୍ୟ ଅନୁଷ୍ଠାନକୁ ପାଇବ ଜଳ ଯୋଗାଇ ଦିଆଯିବାର ଲକ୍ଷ୍ୟରଖାଯାଇଛି ।

ସମ୍ବିଧାନର ୭୩ତମ ସଂଶୋଧନ ମାଧ୍ୟମରେ ପାନୀୟଜଳ ନିରାପତାକୁ ସୁନିଶ୍ଚିତ କରିବା ପାଇଁ ପାଣି ସମିତିମାନ ଗଠନର ବ୍ୟବସ୍ଥା ହୋଇଛି । ଏହି ସମିତିରେ ୧୦ରୁ ୧୫ସଦସ୍ୟ ରହିବା ସହିତ ଏହାର ୫୦ଭାଗ ମହିଳା ସଦସ୍ୟ ହେବାର ନୀତି ଚୂଡାନ୍ତ ହୋଇଛି । ସ୍ଥାନୀୟ ଆବଶ୍ୟକତା ଅନୁସାରେ ବିକେନ୍ଦ୍ରିତ ବ୍ୟବସ୍ଥାରେ ଏହା କାର୍ଯ୍ୟକାରୀ ହେଉଛି ।

ମହାତ୍ମାଗାନ୍ଧୀଙ୍କ ‘ଗ୍ରାମ ସ୍ୱରାଜ’ ବିଚାରକୁ ସମ୍ମାନ ଦେଇ ଚଳିତବର୍ଷ  ଅକ୍ଟୋବର ୨ ଗାନ୍ଧୀ ଜୟନ୍ତୀରେ ଦେଶର ସବୁ ଗ୍ରାମସଭାର ସ୍ୱତନ୍ତ୍ର ବୈଠକ ଆୟୋଜିତ ହେଉଛି । ଏଥିରେ  ଜଳ ନିରାପତ୍ତା ବିଷୟରେ ଆଲୋଚନା ହେବ । ‘ୱାସ ପ୍ରବୃଦ୍ଧ ଗାଁ’ ବା ଜଳ ଆତ୍ମନିର୍ଭର ଗ୍ରାମ ଗଠନ ଲକ୍ଷ୍ୟପୂରଣ ପାଇଁ ଅକ୍ଟୋବର ୨ରେ ପ୍ରଧାନମନ୍ତ୍ରୀ ପାଣି ସମିତିର କର୍ମର୍ତ୍ତାମାନଙ୍କ ସହ ଆଭାଷୀ ବ୍ୟବସ୍ଥାରେ ମତବିନିମୟ କରିବେ  । ଦିନ ୧୦ଟାରୁ ୧୨ ଯାଏ ସେ ଏହି କାର୍ଯ୍ୟକ୍ରମରେ ୩.୩ ଲକ୍ଷ ଗ୍ରାମ ପାଣି କମିଟିର ପ୍ରତିନିଧିକୁ ଉଦ୍‌ବୋଧନ ଦେଇ ସେମାନଙ୍କ କଥା ଶୁଣିବେ ।

*****

TKM