২০২১গী ওক্তোবর ২গী অয়ুক্কী পুং ১১ তাবা মতমদা প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা জল জীবন মিসনগী মতাংদা গ্রাম পঞ্চায়তশিং/পানি সমিতীশিং/ভিলেজ ৱাতর অমসুং সেনিতেসন কম্মিতীশিংগা(ভি.দবল্যু.এস.সি.) ৱারি-ৱাতায় শারগনি৷

মিসন অসিগী মখাদা লৈরিবা স্কিমশিং হেন্না ত্রান্সপরেন্সী লৈহন্নবা অমসুং একাউন্তেবল ওইহন্নবগী অমদি স্তেকহোল্দরশিংগা মরক্তা এৱার্নেস হেন্না পীনবগীদমক প্রধান মন্ত্রীনা জল জীবন মিসন এপ লোঞ্চ তৌরগনি৷

প্রধান মন্ত্রীনা রাস্ত্রিয়া জল জীবন কোশ লোঞ্চ তৌরগনি, মসিদা ভারত্তা নত্রগা মপান লৈবাকশিংদা লৈরিবা মীওই, ইন্সতিত্যুসন, কোর্পোরেৎ নত্রগা ফিলানথ্রোপিস্ত অমা হেক্তনা খুঙ্গংগী য়ুমথোং, স্কুল, অনগনৱাদি সেন্তর, অশ্রমশলা খুদিংমক্তা অমদি অতোপ্পা পব্লিক ইন্সতিত্যুসনশিংদা তোতিগী ইশিং ফংহনবদা মতেং পাংবা য়াগনি৷

নুমিৎ অসিদা লৈবাক শিনবা থুংনা জল জীবন মসিনগী মতাংদা গ্রাম সভাশিংসু ফম্লগনি৷ গ্রাম সভাশিং অসিনা খুঙ্গংদা ইশিং সপ্লাই তৌবগী সিস্তেমশিংগী প্লানিং অমদি মেনেজমেন্ত খন্ন-নৈনরগনি অমদি মতম শাংনা ইশিং মরাই কাইনা ফংহন্নবসু হোৎনগনি৷

পানি সমিতীশিং/ভি.দবল্যু.এস.সি.

পানি সমিতীশিংনা খুঙ্গংদা ইশিং সপ্লাই তৌবগী সিস্তেমশিং প্লানিং তৌবা, চৎনহনবা, য়েংশিনবা, ওপরেসন তৌবদা য়াম্না মরু ওইবা থৌদাং অমা লৌই, মসিনা মরম ওইদুনা য়ুমথোং খুদিংদা চাং-নাইনা অমদি লোঙ্গ তর্ম বেসিস অমদা অফবা তোতিগী ইশিং ফংহল্লি৷

খুঙ্গং লাখ ৬ হেনবগী মনুংদা, খুঙ্গং লাখ ৩.৫রোমদা পানি সমিতীশিং/ভি.দবল্যু.এস.সি.শিং শেমখ্রে৷ ফিল্দ তেস্ত কিৎশিং শিজিন্নদুনা ইশিংগী ক্বালিতী তেস্ত তৌনবা নুপী লাখ ৭.১ হেন্না ত্রেন তৌখ্রে৷

জল জীবন মিসনগী মরমদা

খুঙ্গংগী য়ুমথোং খুদিংদা অফবা থকপা য়াবা ইশিং ফংহন্নবা ২০১৯গী ওগস্ত ১৫দা প্রধান মন্ত্রীনা জল জীবন মিসন লাওথোকখি৷ মিসন অসি লোঞ্চ তৌবগী মতমদা, খুঙ্গংগী য়ুমথোং কোতি ৩.২৩(১৭%) খক্তনা তোতিগী ইশিং ফংখি৷

কোবিদ-১৯ লাইনা-লাইচৎ লৈরবসু, হৌখিবা চহি অনিদা, য়ুমথোং কোতি ৫ হেনবদা তোতিগী ইশিং কন্নেক্সন তৌখ্রে৷ ঙসি ফাওবদা, খুঙ্গংগী য়ুমথোং কোতি ৮.২৬রোম্না মখোয় মখোয়গী ময়ুমশিংদা তোতিগী ইশিং ফংখ্রে৷ জিলা ৭৮, গ্রাম পঞ্চায়ত লিশিং ৫৮ অমদি খুঙ্গং লাখ ১.১৬তা লৈরিবা খুঙ্গংগী য়ুমথোং খুদিংমক্না তোতিগী ইশিং ফংলি৷ হৌজিক ফাওবদা, স্কুল লাখ ৭.৭২(৭৬%) অমদি অনগনৱাদি সেন্তর লাখ ৭.৪৮(৬৭.৫%)দা তোতিগী ইশিং ফংহনখ্রে৷

প্রধান মন্ত্রীগী ‘সবকা সাথ, সবকা বিকাস, সবকা বিস্বাস, সবকা প্রয়াস’কী মংলান অদু মংফাওননবা অমদি ‘বত্তম অপ’ এপ্রোচ ইন্দুনা, লুপা কোতি লাখ ৩.৬০গী শেনফম অমা থাদদুনা জল জীবন মিসন অসি রাজ্যশিংগা খুৎশম্নরগা চৎনরি৷ মখাতানা, ২০২১-২২দগী ২০২৫-২৬ ফাওবগী ওইনা খুঙ্গংশিংদা ইশিং মরাং কাইনা ফংহন্নবা অমসুং লু-নান্না থম্নবগীদমক ১৫শুবা ফাইনান্স কম্মিসনগী মখাদা তাইদ গ্রান্ত অমা ওইনা পি.আর.আই.শিংদা লুপা কোতি লাথ ১.৪২ কাইথখ্রে৷

******