প্রধান মন্ত্রী, শ্রী নরেন্দ্র মোদীগী লুচিং মখাদা সরকারনা এক্সপোর্ত সেক্তর চাউখৎহন্নবা খোংথাং কয়া পায়খৎখ্রে। হীরম অসিগা মরী লৈননা, সরকারনা ঙসি হান্ননা অয়াবা পীখ্রবা নেস্নেল এক্সপোর্ত ইন্স্যুরেন্স একাউন্ত (এন.ই.আই.এ.)দা চহি ৫গী মনুংদা , হায়বদি শেনবা চহি ২০২১-২২দগী শেনবা চহি ২০২৫-২৬ ফাওবগী মনুংদা লুপা করোর ১৬৫০গী গ্রান্ত-ইন-এদকী শেল হাপচিনবগী অয়াবা পীখ্রে।

এন.ই.আই.এ. ত্রস্ত অসি ভারত্তগী স্ত্রেতজিক অমসুং নেস্নেল ইম্পোর্তেন্স ওইবা প্রোজেক্ত এক্সপোর্তশিং খুমাং চাউশিলহন্নবা ইং ২০০৬তা লিংখৎখিবনি। এন.ই.আই.এ. ত্রস্তনা মেদিয়ম অমসুং লোং তর্ম (এম.এল.তি.)/প্রোজেক্ত এক্সপোর্তপু ই.সি.জি.সি. (মমাংদা এক্সপোর্ত ক্রেদিৎ গেরেন্তী কোর্পোরেসন ওফ ইন্দিয়া লিমিতেদ কৌরম্বা)না ভারত্তগী এক্সপোর্ত তৌবগা মরী লৈনবা এম.এল.তি./প্রোজেক্ত এক্সপোর্ত অমসুং একজিম বেঙ্কততা বাইয়র ক্রেদিৎ (বি.সি.-এন.ই.আই.এ.)তা পীবা কভরশিংদা (মপুং ফানা/খরা) শৌগত্তুনা ঙাক্লৌ পীদুনা খুমাং চাউহসিনহল্লি।

এন.ই.আই.এ. ত্রস্ততা শেল হাপচিনবনা ইন্দিয়ন প্রোজেক্ত এক্সপোর্তর (আই.পি.ই.)দা মিৎয়েং চঙলিবা মার্কেৎকী প্রোজেক্ত এক্সপোর্ত তৌবদা লৈরিবা কান্নবা কয়া লৌবা ঙমহনবদা তেংবাংগনি। লৈবাক শিনবা থুংবদগী পীরক্লিবা ভারতকী পোত্থোকশিংগী প্রোজেক্ত এক্সপোর্ততা তেংবাংবনা ভারত্তা পোত্থোক শাবগী থৌওং হেনগৎহনগনি। লুপা করোর ১৬৫০গী কোর্পস কন্ত্রিব্যুসন্না ত্রস্ত অসিগী অন্দর-রাইত তৌবগী মতিক হেনগৎহন্দুনা চাউরাকপা লুপা করোর ২৫০০০গী চাংদা শেম-শারবা পোত্থোকশিংবু লৈবাক মনুংদগী পুথোকপা ঙমহন্দুনা এন.ই.আই.এ.দা লুপা করোর ৩৩০০০গী শেলফমগী প্রোজেক্ত এক্সপোর্ত তৌবদা ঙাক্লৌ পীগনি।

হায়রিবশিং অসিগী মথক্তা, প্রোজেক্তশিংদা ভারতকী পোত্থোকশিংনা চাংচৎতা চাউরাকপা ৭৫%গী চাং য়াওই খন্নদুনা, ৱর্ল্দ বেঙ্ক অমসুং ইন্তর্নেস্নেল লেবর ওর্গনাইজেসনগী ‘এক্সপোর্ত তু জোব’ রিপোর্তকী মখাদা, চাউরাকপা শিন্মী ১২০০০না ফোর্মেল সেক্তরদা চঙগনি হায়না পানরি। মখা তানা, অপুনবা শিন্মীগী মশিং অসি (ফোর্মেল অমসুং ইনফোর্মেল অনিমক পুল্লগা) রিপোর্ত অসিদা য়ুম্ফম ওইরগা পাবদা মরী লৈনবা সেক্তরশিংদা লাখ ২.৬ হেনগৎকনি।

এন.ই.আই.এ. – পাংথোকখিবা থবকশিংগী শম্লপ্পা মরোল

১) এন.ই.আই.এ. ত্রস্ত অসি ক্রেদিৎ অমসুং পোলিতিকেল ইন্স্যুরেন্স লৈহন্দুনা মেদিয়ম অমসুং লোং তর্ম (এম.এল.তি.)/প্রোজেক্ত এক্সপোর্ত খুমাং চাউশিলহন্নবা ইং ২০০৬তা লিংখৎখিবনি

২) এন.ই.আই.এ.না কম্মর্সিএল ওইনা চত্থবা য়াবা অমসুং স্ত্রেতজিক ওইনা মরু ওইবা প্রোজেক্তশিং শৌগৎলি

৩) ভারত সরকারগী লুপা করোর ৪০০০গী কোর্পস কম্মিৎমেন্ত অমসুং মেক্সিমম লাইএবিলিতী পর্মিসন অসি তসেংবা কোর্পসকী শরুক ২০নি

৪) চহি খরসিদা ভারত সরকারদগী ফংবা তেংবাং অসি মার্চ ৩১, ২০২১ ফাওবগী ওইনা লুপা করোর ৩০৯১নি

৫) এন.ই.আই.এ.না হেক হৌদোকপদগী,  ওগস্ত ৩১, ২০২১ ফাওবদা পুন্না লুপা করোর ৫৩০০০গী প্রোজেক্ত ভেল্যু লৈদুনা কভর ২১৩ পীখ্রে

৬) মসিনা প্রোজেক্ত এক্সপোর্ত লৈহন্নবা হোৎনবদা লৈখিবা চৈথেংনা অফ্রিকা অমসুং খা-এসিয়াগী মফমশিংদা খ্বাইদগী মশক থোক্না উবা ফংই

মমাংগী চহি খরদা সরকারনা পায়খৎখিবা এক্সপোর্তকা মরী লৈনবা তোঙান-তোঙানবা স্কিম অমসুং খোংথাংশিং

১) ফোরেন ত্রেদ পোলিসী (২০১৫-২০) অসি কোবিদ-১৯ লাইচৎ লৈবনা ৩০/০৯/২০২১ ফাওবা শাংদোক্লে

২) সেপ্তেম্বর ২০২১দা কোবিদ-১৯গী মতমদা লিক্বিদিতী পীনবা স্ক্রিপ বেজ স্কিম খুদিংগী মখাদা লৈবা পন্দুনা লৈবা এরিয়র খুদিংমক পীথোক্নবা লুপা করোর ৫৬,০২৭ থাদোকখ্রে

৩) রেমিসন ওফ দ্যুতিজ অমসুং তেক্স অমসুং এক্সপোর্তেদ প্রদক্ত (আর.ও.দি.তি.ই.পি.) কৌবা অনৌবা স্কিম থাদোকপা। শেনবা চহি ২০২১-২২গীদমক্তা স্কিম অসিগীদমক্তা লুপা করোর ১২,৪৫৪ কায়থখ্রে। মসি অতোপ্পা মেকানিজম অমত্তগী মখাদা হৌজিক ফাওবদা কেন্দ্র, রাজ্য অমসুং লোকেলগী থাক্তা হন্দোক্ত্রবা তেক্স দ্যুতী/লেভিজ অমুক্কা হন্না হঞ্জিন্নবা দবল্যু.তি.ও.গা চান্নবা মেকানিজম অমনি।

৪) হৌজিক্কী ওইনা মার্চ ২০২৪ ফাওবা শাংদোকখ্রবা আর.ও.এস.তি.এল. স্কিমগী খুত্থাংদা সেন্ত্রেল/স্তেত তেক্স রেমিসন্না তেক্সতাইল সেক্তরগা শৌগৎপগী চাং হেনগৎখ্রে

৫) কম্মন দিজিতেল প্লেৎফোর্ম ফোর সর্তিফিকেৎ ওফ ওরিজিন অসি ললোন ইতিক লৈহন্নবা অমসুং এক্সপোর্তরশিংনা এফ.তি.এ. শিজিন্নবা হেনগৎহন্নবা লোঞ্চ তৌখিবনি

৬) লৌউ-শিংউবা, হোর্তিকলচর, শা-উচেক য়োকপা, ঙা-য়োকপা অমসুং ফুদ প্রোসেসিংগা মরী লৈনবা এগ্রিকলচরেল এক্সপোর্ত হেন্না নুংঙাইহন্নবা পাক চাউরবা “এগ্রিকলচর এক্সপোর্ত পোলিসী” অসি হৌজিক শেম-শারি

৭) চেম্পিয়ন সর্ভিস সেক্তর ১২গী অখন্নবা এক্সন প্লান অমা চত্থদুনা সর্ভিস এক্সপোর্তপু খুমাং চাউখৎহনবা অমসুং তোঙানবা মওং চেলহনবা

৮) জিলা খুদিংগী এক্সপোর্ত তৌবা য়াবগী মতিক লৈবা পোত্থোক মশক খঙদোক্তুনা জিলাশিংবু এক্সপোর্ত হব ওইনা চাউখৎনবা হোৎনবা, পোত্থোকশিং অসি এক্সপোর্ত তৌবদা থেংনবা খুদোংচাদবশিং খঙদোকপা অসুং লোকেল এক্সপোর্তর/মেন্যুফেকচরর শৌগত্তুনা জিলা মনুংদা থবক পীবা ঙমহনবা

৯) ভারতকী ত্রেদ, তুরিজম, তেক্নোলোজী অমসুং ইঞ্চেস্তমেন্ত গোলগী মাইকৈদা মীরমদা লৈবা ভারতকী মিসনশিংনা লৌগদবা থৌদাং পাকথোক চাউথোকহনবা

১০) কোবিদ লাইচৎ য়েংদুনা তোঙান-তোঙানবা বেঙ্কিং অমসুং ফাইনেন্সিএল সেক্তর রিলিফ মিজর, মরু ওইনা এক্সপোর্ত তৌবদা অচৌবা শরুক য়ারিবা এম.এস.এম.ই., গী খুত্থাংদা লমদম অসিগী ইন্দস্ত্রী শৌগৎনবা তেংবাং লাউথোকপা

১১) ত্রেদ ইনফ্রাস্ত্রকচ্র অমসুং মার্কেত্তিং হেনগৎহন্নবা ত্রেদ ইনফ্রাস্ত্রকচ্র ফোর এক্সপোর্ত স্কিম (তি.আই.ই.এস.), মার্কেৎ  এসেস ইনিসিএতিব (এম.এ.আই.) স্কিম অমসুং ত্রান্সপোর্ত অমসুং মার্কেতিং এসিস্তেন্স (তি.এম.এ.) স্কিম

********