লাইনা-লাইচৎ, ইশিং-ইচাউ, হরাউ-কুহ্মৈশিং, লমদম খরদা লৈরিবা ইংবগী কন্দিসনশিং, মরী লৈনবা রাজ্যশিং/য়ু.তি.দগী লাকখিবা ফিদবেক্তকা মরী লৈনবা ফিভমশিং কম্মিসন অসিনা য়েংশিনখ্রে অমদি অচুম্বা ৱারোলশিং অমসুং ফিভম পুম্নমক খন্নখ্রে অমদি মখাদা পীরিবা অকুপ্পা-মরোলশিং অসিগী মতুং ইন্না পার্লিয়ামেন্তরী কন্সতিত্যুন্সী অহুম(৩)দদ্রা অমসুং নগর হাভেলী অমদি দামন অমসুং দিউ, মধ্য প্রদেশ অমসুং হিমাচল প্রদেশ অমদি তোঙান তোঙানবা রাজ্যশিংদা লৈরিবা অহাংবা কুনথ্রা(৩০) মেনশিন্নবগীদমক বাই-ইলেক্সনশিং পাংথোক্নবা ৱারেপখ্রে:

কম্মিসন অসিনা সিৎ হাংদুনা লৈরিবশিং অসি মেনশিন্নবা হায়রিবা বাই-ইলেক্সনশিং অসি পাংথোক্নবা ৱারেপখিবনি অমদি রিপ্রজেন্তেসন ওফ দি পিপল এক্ত, ১৯৫১গী সেক্সন ৩০গী মখাদা লৈরিবা প্রোভিজনশিং অমসুং সেক্সন ৩০গী মখাদা লৈরিবা ৱিদ্রোৱলগী নুমিৎ অদুগী মতুং ইন্না ভোৎ থাদবগী নুমিৎশিং অদু লেপখ্রে৷ বাই ইলেক্সনগী মতম অদু মখাদা লৈরে:

১. ইলেক্তোরেল রোল

মথক্তা পল্লিবা এসেমব্লী কন্সতিত্যুন্সীশিংগীদমক ০১.০১.২০২১দা ফোংখিবা ইলেক্তোরেল রোলশিং অদু হায়রিবা ইলেক্সনশিংগীদমক শিজিন্নরগনি৷

২. ইলেক্ত্রোনিক ভোতিং মেছিনশিং(ই.ভি.এম.শিং) অমদি ভি.ভি.পি.এ.তি.শিং

বাই-ইলেক্সনগী পোলিং স্তেসন পুম্নমক্তা ই.ভি.এম.শিং অমদি ভি.ভি.পি.এ.তি.শিং শিজিন্ননবা কম্মিসন অসিনা ৱারেপখ্রে৷ ই.ভি.এম.শিং অমদি ভি.ভি.পি.এ.তি. মশিং মতিক চানা ফংহনখ্রে অমদি হায়রিবা মেছিনশিং অসিগী মতেংদগী পোলশিং অসি নিংথিনা পাংথোক্নবা খোঙথাং পুম্নমক লৌখৎখ্রে৷

৩. ভোতরশিং খন্দোকপা

ভোতর অমা খন্দোকপা মতমদা ইলেক্ত্রোরেল ফোতো আইদেন্তিফাই কার্দশিং(সি.পি.আই.সি.) অসিনা মরু ওইবা দোকুমেন্ত ওইগদবনি৷ অদুমওইনমক, মখাদা পল্লিবা আইদেন্তিফিকেসন দোকুমেন্ত অমা হেক্তা পোলিং স্তেসনদা উৎপা য়াগনি:

1. আধার কার্দ,
2. এম.এন.আর.ই.জি.এ. জোব কার্দ,
3. বেঙ্ক/পোস্ত ওফিসনা ইসু তৌখিবা ফোতোগ্রাফ য়াওবা পাসবুকশিং,
4. লেবর মন্ত্রালয়গী স্কিমগী মখাদা ইসু তৌখিবা হেল্থ ইন্সুরেন্স স্মার্ত কার্দ,
5. দ্রাইবিং লাইসেন্স,
6. পান কার্দ,
7. এন.পি.আর.গী মখাদা আর.জি.আই.না ইসু তৌখিবা স্মার্ত কার্দ,
8. ইন্দিয়ন পাস্পোর্ত,
9. ফোতোগ্রাফ য়াওবা পেন্সন দোকুমেন্ত,
10. কেন্দ্র/কাজ্য সরকার/পি.এস.য়ু.শিং/পব্লিক লিমিতেদ কম্পেনীশিংনা এমপ্লোইয়ীশিংদা ইসু তৌখিবা ফোতোগ্রাফ য়াওবা সর্ভিস আইদেন্তিতী কার্দশিং, অমদি
11. এম.পি.শিং/এম.এল.এ.শিং/এম.এল.সি.শিংদা ইসু তৌখিবা ওফিসিয়েল আইদেন্তিতী কার্দশিং৷

৪. মোদেল কোদ ওফ কন্দক্ত

২০১৭, জুন ২৯দা থোকখিবা কম্মিসনগী ইন্সত্রক্সন নম্বর ৪৩৭/৬/১এন.এস.তি./২০১৬-সি.সি.এস.কী মতুং ইন্না পার্য়িএল মোদিফিকেসন তৌদুনা ইলেক্সন পাংথোক্কদৌরিবা এসেমব্লী কন্সতিত্যুন্সীগী মফম পুম্নমক নত্রগা মফম অমা হেক্তা মনুং চলহন্দুনা মোদেল কোদ ওফ কন্দক্ত জিলা অদুদা অথুবা মতমদা চৎনরগনি৷

৫. ক্রিমিনেল এন্তিসিদেন্তশিংগী ই-পাউ

ৱিদ্রোৱলগী অরোইবা নুমিৎ অদুদগী হৌদুনা পোল লোইশিন্নবগীদমক লেপখিবা অরোইবা পুংফম অদুগী পুং ৪৮ ফাওবগী মনুংদা ক্রিমিনেল এন্তিসিদেন্তশিং পব্লিসিতী তৌনবগী মতম কম্মিসননা পীখ্রে৷

হিরম অসিগী মতাংদা অপুনবা ই-পাউশিং অদু মখাগী হাইপরলিঙ্ক https://eci.gov.in/files/file/12265-broad-guidelines-of-election-commission-of-india-on-publicity-of-criminal-antecedents-by-political-parties-candidates/  অসিগী মখাদা কম্মিসনগী ৱেবসাইত্তা ফংলি৷

মসি ব্রদেশ সিংহ বর্সেস সুনিল অরোরা অমসুং ও.আর.এস. হায়না মমিং থোনখিবা ২০২০গী কন্তেম্ত পেতিসন(সি) নম্বর ৬৫৬তা ভারতকী ইকাই খুম্নরবা সুপ্রিম কোর্তনা ১৩.০২.২০২০ অমসুং ১০.০৮.২০২১দা তাখিবা রাইগী মখা চত্থরকপনি, মসি ২৬.০৮.২০২১দা কম্মিসননা চিথী থাদুনা পোলিতিকেল পার্তীশিংদা শন্দোকখ্রে৷ রাইগী পেরা ৭৩.ভিগী মখাদা পীখিবা দিরেক্সন অদু য়েংশিন্নবগীদমক, হৌজিক্তি, মীহুৎ খনবগী পুং ৪৮গী মনুংদা অমদি নোমিনেসনশিং ফাইল তৌরিবা অহানবা নুমিৎ অদুগী মমাংগী চয়োল অনিদগী ঙনখৎতনা পোলিতিকেল পার্তীশিংনা ফোর্মেত সি-৭ ফোংগদবনি৷

ৱিদ্রোৱলগী অরোইবা নুমিৎতগী হৌদুনা পোল লোইশিনবগী লেপখিবা পুংফম অদুগী পুং ৪৮গী মমাং ফাওবদা ক্রিমিনেল এন্তিসিতীশিং পব্লিসিতী তৌনবা কম্মিসননা মতম লেপখ্রে৷

হিরম অসিগী মতাংদা অপুনবা ই-পাউশিং কম্মিসনগী ৱেবসাইত্তা মখাগী হাইপরলিঙ্ক  অসিদা ফংলগনি https://eci.gov.in/files/file/12265-broad-guidelines-of-election-commission-of-india-on-publicity-of-criminal-antecedents-by-political-parties-candidates/

৬. কোবিদ-১৯গী মতমদা বাই-ইলেক্সনশিং পাংথোকপা / য়ৈথোকখিবা পোল পাংথোকপদা য়াম্লবা গাইদশিং ইনগদবনি

কম্মিসন অসিনা ২০২০গী ওগস্ত ২১দা য়াম্লবা গাইদলাইনশিং ফোংখ্রে৷ অমদি, মখাতাবা গাইদলাইনশিং ০৯.১০.২০২০, ০৯.০৪.২০২১, ১৬.০৪.২০২১, ২১.০৪.২০২১, ২২.০৪.২০২১, ২৩.০৪.২০২১ অমদি ২৮.০৪.২০২১দা ফোংদুনা কম্মিসনগী ৱেবসাইত্তা eci.gov.in or link  https://eci.gov.in/candidate-political-parties/instructions-on-covid-19/ ফংহনখ্রে৷ ২০২১গী ওগস্ত ২৮দা থোকখিবা লেতর নম্বর ৪০-৩/২০২০-দি.এম.-আই(এ) য়েংলুবদা, কোবিদ মেনেজমেন্তগীদমক তার্গেতেদ অমদি প্রোম্ত এক্সনশিং ইমপ্লিমেন্ত তৌননবগীদমক লৈরিবা ইন্সত্রক্সনশিং অদু এম.ঐচ.এ.না ২০২১গী সেপ্তেম্বর ৩০ ফাওবা শাংদোকখ্রে৷  পোলিতিকেল পার্তীশিং/চীফ ইলেক্তোরেল ওফিসরশিংদগী ইনপ্যুতশিং লৌরবা মতুংদা অমদি এম.ঐচ.এ./এম.ও.ঐচ.এফ.দবল্যু.গী হৌজিক হৌজিক লৈরিবা ইন্সত্রক্সনশিং অসি য়েংলগা, কম্মিসননা হায়রিবা গাইদলাইনশিং অসি মখাতানা মপাঙ্গল লৈহনখ্রে৷

হায়রিবা ইন্সত্রক্সনশিং অসি স্তেক হোল্দর পুম্নমক্না ইনগদবনি৷ মখাদা লৈরিবা অসিগুম্না হায়রিবা ইন্সত্রক্সনশিং অসি ইন্দুনা মরী লৈনবা রাজ্য সরকারনা চান্নবা এক্সন/খোঙথাংশিং লৌখৎকদবনি৷

৭. মরী লৈনবা ওথোরিতীশিংনা ফোংখিবা কোবিদ-১৯ গাইদলাইনশিং ইন্দুনা অসিগুম্বা থবক-থৌরম পুম্নমক চেকশিন্না পাংথোক্লগনি৷ সোসিএল দিস্তেন্সিং, মাস্ক, সেনিতাইজরশিং, থর্মেল স্কেনিং, ফেস শিল্দ, হেন্দ গ্লোবশিংনচিংবা শিজিন্নদুনা কোবিদ প্রোতোকোলশিং নিংথিনা ইনগদবনি৷ কোবিদ প্রোতোকোল নিংথিনা ইলহন্নবা প্রিবেন্তিব অমদি মিতিগেসন মিজর পুম্নমক্তা এস.দি.এম.এ.না থৌদাং লৌরগনি৷ কোবিদ-১৯ গাইদলাইনশিং য়েংশিনবা অমদি ঙাক্না চৎহনবদা চীফ সেক্রেতরী অমদি দি.জি. অমসুং দিস্ত্রিক লেবেল ওথোরিতীশিংনা থৌদাং লৌরগনি৷

৮. মথক্কী চৎন-কাংলোনশিং অসি কেন্দিদেৎ নত্রগা পোলিতিকেল পার্তী অমনা ঙাক্না চৎতবা তারবদি, মরী লৈনবা কেন্দিদেৎ/পার্তী অদুদা রেল্লী অমসুং মীফমনচিংবা ফম্বগী অয়াবা মখাতানা পীরোই৷ করিগুম্বা স্তার কেম্পেনর অমা হেক্তনা কোবিদ প্রোতোকোলশিং অসি থুগাইবা তারবদি, মহাক অদু কন্সতিত্যুন্সী/জিলা অুদা মখাতানা কেম্পেন্দ চত্থবগী অয়াবা পীরোই৷

৯. ইলেক্সন দ্যুতীদা য়াওরিবা প্রাইভেৎ মীওইশিং য়াওনা পোল্লিং পর্সোনেল অমদি ইলেক্সন ওফিসিয়েল পুম্নমক মখোয় মখোয়গী মথৌশিং অদু তৌদ্রিঙৈগী মাংওইননা দবল ভেক্সিন কাপকদবনি৷

১০. প্রজা মীয়াম/ইলেক্সন ওফিসিয়েলশিংগা শোক্ন-শম্নগদৌরিবা কেন্দিদেৎ/ইলেক্সন এজেন্ত/পোলিং এজেন্ত/কাউন্তিং এজেন্ত/দ্রাইভর অদু দবল ভেক্সিন কাপকদবনি৷

১১. পোল্লিং স্তেসন খুদিংমক্কী ওইনা হেল্থ ৱার্কর অমা কোবিদ নোদেল ওফিসর ওইনা খনগদবনি৷

১২. ভোৎ থাদাদ্রিঙৈ মমাং অমদি থাদারবা মতুংদা পোল অমতদা হিংশা থোকহন্দনবা সি.এস./দি.জি. অমদি মরী লৈনবা দি.এম.শিং/এস.পি.শিংনা চেকশিন-থৌরাং মতিক চানা লৌখৎলগনি অমদি তঙাই ফদবা এরেঞ্জমেন্তশিং শিল-লাংলগনি৷

জি.ও.আই.গী হকশেল মন্ত্রালয়না ফোংখিবা এদভাইজরী অসি য়েংলগা, ওইরক্লিবা ফিভম অসিদা ই.সি.আই.না কুপ্না য়েংশিনগনি অমদি লাক্কদৌরিবা ইলেক্সনশিংগীদমক গাইদলাইনশিং অদু মখাতানা চেৎশিনহল্লবা য়াই৷

*****